Ask the Expert
|
Feedback
|
About us
|
Contact us
|
Pratibha Home

EAMCET NEWS

ఆప్షన్లు పెట్టింది 51 శాతమే

* ఎంసెట్‌లో కంప్యూటర్‌సైన్సుకే అత్యధికమంది మొగ్గు
* 5న సీట్ల కేటాయింపు

ఈనాడు - అమరావతి: ఏపీఎంసెట్‌ (ఎంపీసీ స్ట్రీమ్‌) కౌన్సెలింగ్‌లో ధ్రువీకరణ పత్రాల పరిశీలన, ఆప్షన్ల నమోదు, మార్పునకు జూన్ 3తో గడువు ముగిసింది. మొదటి విడత కౌన్సెలింగ్‌ సీట్ల కేటాయింపు జూన్ 5వ తేదీన చేయనున్నారు. ఆప్షన్ల నమోదులో ఎక్కువ మంది కంప్యూటర్‌ సైన్సుకే మొగ్గుచూపారు. రెండో పాధాన్యంగా ఎలక్ట్రానిక్స్‌, కమ్యూనికేషన్‌ను ఎంచుకున్నారు. ఎంసెట్‌లో 1,90,992మంది అర్హత సాధించగా ఇంటర్‌ ఉత్తీర్ణత సాధించకపోవడం, మార్కుల వివరాలు అందకపోవడంతో 1,26,197మంది ర్యాంకులు ప్రకటించారు. ఇటీవల సీబీఎస్‌ఈ పరీక్షల ఫలితాలు రావడంతో తాజాగా 1,730మంది ర్యాంకులను వెల్లడించారు. దీంతో మొత్తం ర్యాంకుల ప్రకటన 1,27,927కు చేరింది. వీరిలో 66,995మంది ప్రాసెసింగ్‌ రుసుము చెల్లించారు. ఆప్షన్ల నమోదుకు 66,098మంది పాస్‌వర్డ్‌ను సృష్టించుకోగా.. జూన్ 3 సాయంత్రం 5.30గంటలకు వీరిలో 65,546మంది మాత్రమే ఆప్షన్లు ఇచ్చారు. ఉత్తమ ర్యాంకర్లు దూరంగా ఉన్నందున వెనుక వరసలో ఉన్న విద్యార్థులకు ప్రయోజనం పొందనున్నారు. తొలి వంద ర్యాంకర్లలో ముగ్గురు మాత్రమే అప్షన్లు ఇచ్చారు. 2001-5వేలు ర్యాంకులోపులో కేవలం 1531మంది మాత్రమే తమ బ్రాంచిలను ఎంచుకున్నారు. జూన్ 3 అర్ధరాత్రి వరకు అవకాశం ఉన్నందున ఈ సంఖ్యలో స్వల్పంగా మార్పులు చోటుచేసుకునే అవకాశం ఉంది. ఇంజినీరింగ్‌ పరీక్ష ద్వారా ఉత్తమ ర్యాంకుల్ని సాధించిన వారిలో ఎక్కువ మంది జేఈఈ మెయిన్స్‌, అడ్వాన్స్‌డ్‌ పరీక్షల్లోనూ ఉత్తమ ప్రతిభ కనబరిచినవారే ఉంటున్నారు. ప్రతి ఏడాదీలాగే ఈసారి ఆ విద్యార్థులు ఇంజినీరింగ్‌ కౌన్సెలింగ్‌కు దూరంగా ఉన్నారు. రాష్ట్రంలో విశ్వవిద్యాలయాలకు చెందిన ఇంజినీరింగ్‌ కళాశాలలో ప్రవేశాల్ని పొందేందుకు ఉత్తమ ర్యాంకర్లు ప్రాధాన్యమిస్తారు. వీరి తర్వాతే వెనుక వరసలో ఉన్న విద్యార్థులకు సీట్లు లభిస్తాయి. 5వేలలోపు ర్యాంకర్లలో 2,090మాత్రమే ప్రవేశాలకు ఆసక్తి చూపారు. దీంతో వెనుకవరసలో ఉన్న వారికి విశ్వవిద్యాలయాల కళాశాలల్లో సీట్లు లభించే పరిస్థితి నెలకొంది. గతేడాది ఎంసెట్‌లో అర్హత సాధించిన వారి సంఖ్య 1,45,254కాగా వీరిలో మొదటి విడత కౌన్సెలింగ్‌లో 74,194మంది ఆప్షన్ల నమోదుకు చేసుకున్నారు.


posted on 04.06.2018