Ask the Expert
|
Feedback
|
About us
|
Contact us
|
Pratibha Home

- డిగ్రీ ఉత్తీర్ణులు అర్హులు
నేష‌న‌ల్ ఇన్సూరెన్స్ కంపెనీ లిమిటెడ్ (ఎన్ఐసీఎల్‌) 205 ఏవో పోస్టుల‌కు ద‌ర‌ఖాస్తులు ఆహ్వానిస్తోంది. బ్యాంకు పోస్టుల‌కు సిద్ధమ‌వుతున్నవారు ఎన్ఐసీఎల్ ఏవో పోస్టుల‌కు స‌న్నద్ధం కావ‌డం సులువే. ఈ ప‌రీక్షల‌న్నింటిలోనూ రీజ‌నింగ్‌, ఇంగ్లిష్‌, క్వాంటిటేటివ్ ఆప్టిట్యూడ్‌, జ‌న‌ర‌ల్ అవేర్‌నెస్ ఉమ్మడి అంశాల‌గా ఉండ‌డం అభ్యర్థుల‌కు క‌లిసొచ్చే అంశం. డిగ్రీ పూర్తిచేసిన విద్యార్థులు ఈ ప‌రీక్ష ద్వారా ఉన్నత అవ‌కాశాల‌ను సొంతం చేసుకోవ‌చ్చు.

విభాగాల‌వారీ ఖాళీలు: అన్ రిజ‌ర్వ్‌డ్ ( యూఆర్‌) -113, ఓబీసీ-45., ఎస్సీ-31, ఎస్టీ-16. మొత్తం ఖాళీల్లో 6 దివ్యాంగుల‌కు కేటాయించారు.

అర్హత‌: ఏప్రిల్ 20, 2017 నాటికి ఏదైనా డిగ్రీలో క‌నీసం 60 శాతం మార్కులు(ఎస్సీ, ఎస్టీలైతే 55)తో ఉత్తీర్ణత సాధించాలి.

వ‌యోప‌రిమితి: మార్చి 1, 2017 నాటికి క‌నిష్ఠం 21, గ‌రిష్ఠంగా 30 ఏళ్లలోపు ఉండాలి. ఎస్సీ, ఎస్టీల‌కు అయిదేళ్లు; ఓబీసీల‌కు మూడేళ్లు, దివ్యాంగుల‌కు ప‌దేళ్లు గ‌రిష్ఠ వ‌యోప‌రిమితిలో స‌డ‌లింపులు వ‌ర్తిస్తాయి.

వేత‌న శ్రేణి: రూ. 32795-1610(14)-55335-1745(4)-62315. విధుల్లోకి చేరిన‌వాళ్లు మొద‌టి ప్రారంభంలో నెల‌కు రూ.51,000 వేత‌న రూపంలో అందుకోవ‌చ్చు. దీంతోపాలు ప‌లు ఇత‌ర ప్రోత్సాహ‌కాలు ఉంటాయి.

ద‌ర‌ఖాస్తులు: ఆన్‌లైన్‌లో ద‌ర‌ఖాస్తు చేసుకోవాలి.

ఎంపిక విధానం: ఆన్‌లైన్ ప‌రీక్ష (ప్రిలిమిన‌రీ, మెయిన్స్‌), ఇంట‌ర్వ్యూల ద్వారా

ప్రిలిమిన‌రీ ప‌రీక్ష ఇలా...
ఆబ్జెక్టివ్ విధానంలో వంద మార్కుల‌కు ప‌రీక్ష నిర్వహిస్తారు. ప్రశ్నకు ఒక మార్కు చొప్పున వంద ప్రశ్నలు వ‌స్తాయి. ప‌రీక్ష వ్యవ‌ధి ఒక గంట‌. ప్రశ్నప‌త్రం ఆంగ్లం, హిందీ మాధ్యమంలో ఉంటుంది. ఇంగ్లిష్ లాంగ్వేజ్ 30, రీజ‌నింగ్ ఎబిలిటీ 35, క్వాంటిటేటివ్ ఆప్టిట్యూడ్ 35 ప్రశ్నలు వ‌స్తాయి.

వీటికి సెక్షన్లవారీ క‌టాఫ్ మార్కులు ఉంటాయి. ప‌రీక్షలో నిర్దేశిత క‌టాఫ్ మార్కులు సాధించిన వారి నుంచి మొత్తం ఖాళీల‌కు 15 రెట్ల సంఖ్యలో అభ్యర్థుల‌ను మెయిన్ ప‌రీక్షల‌కు ఎంపిక‌చేస్తారు.

మెయిన్ ప‌రీక్ష ఇలా..
ఈ ప‌రీక్షను ఆన్‌లైన్‌లో నిర్వహిస్తారు. 200 మార్కుల‌కు ప్రశ్నప‌త్రం ఉంటుంది. ఇందులో రీజ‌నింగ్‌, ఇంగ్లిష్ లాంగ్వేజ్‌, జ‌న‌ర‌ల్ అవేర్‌నెస్‌, క్వాంటిటేటివ్ ఆప్టిట్యూడ్ ఒక్కో విభాగం నుంచి 40 ప్రశ్నలుంటాయి. ఒక్కో ప్రశ్నకు ఒక మార్కు. ఈ ప్రశ్నల‌న్నీ ఆబ్జెక్టివ్ విధానంలో అడుగుతారు. ప‌రీక్ష వ్యవ‌ధి రెండు గంట‌లు. ప్రశ్నప‌త్రం ఇంగ్లిష్, హిందీ మాధ్యమాల్లో ఉంటుంది. మెయిన్స్ లో భాగంగా ఆబ్జెక్టివ్‌తోపాటు డిస్క్రిప్టివ్ ప‌రీక్ష కూడా ఉంటుంది. దీనికోసం ఇంగ్లిష్‌లో ఎస్సే, ప్రెసీ, కాంప్రహెన్షన్ అంశాల్లో 3 ప్రశ్నలుంటాయి. ఈ ప‌రీక్షకు 30 మార్కులు కేటాయించారు. ఈ విభాగాన్ని 30 నిమిషాల్లో పూర్తిచేయాలి. డిస్క్రిప్టివ్ ప‌రీక్ష కూడా ఆన్‌లైన్‌లోనే నిర్వహిస్తారు.

ప్రిలిమ్స్‌, మెయిన్స్ రెండింటిలోనూ రుణాత్మక మార్కులు ఉన్నాయి. త‌ప్పుగా గుర్తించిన ప్రతి స‌మాధానానికీ పావు మార్కు చొప్పున త‌గ్గిస్తారు.

మెయిన్‌లోనూ సెక్షన్లవారీ క‌టాఫ్ మార్కులు ఉంటాయి. నిర్దేశిత క‌టాఫ్ మార్కుల‌కంటే ఎక్కువ సాధించిన అభ్యర్థుల డిస్క్రిప్టివ్ జ‌వాబు ప‌త్రాల‌ను మూల్యాంక‌నం చేస్తారు. ఈ సెక్షన్‌కూ క‌టాఫ్ మార్కులు ఉంటాయి. మెయిన్ ప‌రీక్షలో సాధించిన మార్కుల మెరిట్ ఆధారంగా అభ్యర్థుల‌కు ఇంట‌ర్వ్యూలు నిర్వహిస్తారు.

తుది నియామ‌కాలు
మెయిన్ ప‌రీక్ష, ఇంట‌ర్వ్యూల్లో సాధించిన మార్కుల ద్వారా తుది నియామ‌కాలు చేప‌డ‌తారు. మెయిన్, ఇంట‌ర్వ్యూల వెయిటేజీ 80:20గా నిర్ణయించారు.

ముఖ్యమైన తేదీలు:
ఆన్‌లైన్ రిజిస్ట్రేష‌న్ ప్రారంభం: మార్చి 30
ఆన్‌లైన్ రిజిస్ట్రేష‌న్‌కు చివ‌రి తేదీ: ఏప్రిల్ 20
ఆన్‌లైన్-ప్రిలిమిన‌రీ ప‌రీక్ష: జూన్ 3, 4 తేదీల్లో నిర్వహిస్తారు
ఆన్‌లైన్-మెయిన్‌ ప‌రీక్ష తేది: జులై 2
ప్రిలిమిన‌రీ ప‌రీక్ష కేంద్రాలు: ఆంధ్రప్రదేశ్‌లో విజ‌య‌వాడ‌, విశాఖ‌ప‌ట్నం, ఒంగోలు; తెలంగాణ‌లో హైద‌రాబాద్/ ర‌ంగారెడ్డి, వ‌రంగ‌ల్‌.

Published on 28-03-2017