Ask the Expert
|
Feedback
|
About us
|
Contact us
|
Pratibha Home

- ఆంధ్రప్రదేశ్‌, తెలంగాణ‌లో 52 ఖాళీలు
- ఇంట‌ర్ ఉత్తీర్ణులూ అర్హులే

ప్రభుత్వ రంగ బీమా సంస్థ ఓరియంట‌ల్ ఇన్సూరెన్స్ కంపెనీ లిమిటెడ్ (ఓఐసీఎల్‌) 606 అసిస్టెంట్ పోస్టుల‌కు ప్రక‌ట‌న విడుద‌ల‌చేసింది. వీటిలో ఆంధ్రప్రదేశ్‌, తెలంగాణ రెండు తెలుగు రాష్ట్రాల్లోనూ క‌లిపి 52 ఖాళీలున్నాయి. ఇటీవ‌లే యునైటెడ్ ఇండియా ఇన్సూరెన్స్ కంపెనీ లిమిటెడ్ (యూఐఐసీఎల్‌) కూడా అసిస్టెంట్ పోస్టుల‌కు ప్రక‌ట‌న విడుద‌ల‌చేసింది. వీటితోపాటు ప్రొబేష‌న‌రీ ఆఫీస‌ర్ (పీవో), మేనేజ్‌మెంట్ ట్రెయినీ (ఎంటీ), ప్రాంతీయ గ్రామీణ బ్యాంకుల్లో ఆపీస‌ర్లు, ఆఫీస్ అసిస్టెంట్ పోస్టుల‌కు ఐబీపీఎస్ ప్రక‌ట‌న వెలువ‌డింది. ఈ ప‌రీక్షల‌న్నింటికీ సిల‌బ‌స్ ఇంచుమించు ఒక‌టే. ఏ ప‌రీక్షకు స‌న్నద్ధమైన‌ప్పటికీ ఉమ్మడిగా రీజనింగ్‌, క్వాంటిటేటివ్ ఆప్టిట్యూడ్‌, జ‌న‌ర‌ల్ ఇంగ్లిష్, జ‌న‌ర‌ల్ అవేర్‌నెస్‌లే ఉంటాయి. కాబ‌ట్టి బ్యాంక్‌ ప‌రీక్షల‌కు స‌న్నద్ధమ‌వుతున్నవాళ్లు ఓరియంట‌ల్ ఇన్సూరెన్స్‌అసిస్టెంట్ పోస్టుల‌కు ద‌ర‌ఖాస్తు చేసుకోవ‌డం ద్వారా ప్రయోజ‌నం పొందొచ్చు.

ఆన్‌లైన్ రిజిస్ట్రేష‌న్లు ప్రారంభం: జులై 10, 2015
ఆన్‌లైన్ రిజిస్ట్రేష‌న్లకు చివ‌రి తేదీ: జులై 28, 2015
ప‌రీక్ష: ఆగ‌స్ట్‌లో నిర్వహిస్తారు.

ప‌రీక్ష కేంద్రాలు
ఆంధ్రప్రదేశ్‌లో: విజ‌య‌వాడ‌, విశాఖ‌ప‌ట్నం, ఒంగోలు, గుంటూరు, తిరుప‌తి, క‌ర్నూలు, నెల్లూరు.
తెలంగాణ‌లో: హైద‌రాబాద్‌, రంగారెడ్డి జిల్లాల్లో వివిధ ప్రాంతాలు, క‌రీంన‌గ‌ర్‌, ఖ‌మ్మం, వ‌రంగ‌ల్‌, కోదాడ‌
హాల్‌టికెట్లు: ప‌రీక్ష‌కు కొద్ది రోజుల మందు వెబ్‌సైట్ నుంచి డౌన్‌లోడ్ చేసుకోవ‌చ్చు.
వెబ్‌సైట్‌: www.orientalinsurance.org.in

అర్హత‌: 60 శాతం మార్కుల‌తో ఇంట‌ర్ ఉత్తీర్ణత (ఎస్సీ, ఎస్టీ, పీడ‌బ్ల్యుడీ, ఎక్స్ స‌ర్వీస్‌మెన్ అభ్యర్థులైతే 50 శాతం) లేదా డిగ్రీ పాస్‌. ఆంధ్రప్రదేశ్‌, తెలంగాణ పోస్టుల‌కు ద‌ర‌ఖాస్తు చేసుకున్నవారు తెలుగులో రాయ‌డం, మాట్లాడ‌డం త‌ప్పనిస‌రి.

వ‌యోప‌రిమితి: జులై 1, 2015 నాటికి క‌నిష్ఠంగా 18, గ‌రిష్ఠంగా 26 ఏళ్లు ఉండాలి. అంటే జులై 2, 1989 కంటే ముందు; జులై 1, 1997 త‌ర్వాత జ‌న్మించిన‌వాళ్లు అన‌ర్హులు .(ఎస్సీ, ఎస్టీల‌కు ఐదేళ్లు; ఓబీసీల‌కు మూడేళ్లు, పీడ‌బ్ల్యుడీ- జ‌న‌ర‌ల్ అభ్యర్థుల‌కు ప‌దేళ్లు, ఓబీసీ 13 ఏళ్లు, ఎస్సీ, ఎస్టీల‌కు 15 ఏళ్లు; ఎక్స్ స‌ర్వీస్ మెన్‌కు వారి స‌ర్వీస్ ప్రకారం గ‌రిష్ఠ వ‌యోప‌రిమితిలో స‌డ‌లింపులు వ‌ర్తిస్తాయి)

ప‌రీక్ష ఫీజు: ఎస్సీ, ఎస్టీ, పీడ‌బ్ల్యుడీ అభ్యర్థుల‌కు రూ.50; మిగిలిన అంద‌రికీ రూ.500.

ఎంపిక విధానం: ఆన్‌లైన్‌లో నిర్వహించే ప‌రీక్ష, ఇంట‌ర్వ్యూ, కంప్యూట‌ర్ ప్రొఫిషియ‌న్సీ టెస్టుల ద్వారా

ఆన్‌లైన్ టెస్టు ఇలా
మొత్తం 250 మార్కుల‌కు ప్రశ్నప‌త్రం ఉంటుంది. ప‌రీక్షలో 200 ప్రశ్నలు అడుగుతారు. అంటే ఒక్కో ప్రశ్నకు ఒక‌టింబావు మార్కు అన్నమాట‌. ప‌రీక్ష వ్యవ‌ధి 2 గంట‌లు. ప్రశ్నప‌త్రం ఇంగ్లిష్‌, హిందీ మాధ్యమాల్లో ఉంటుంది. రీజ‌నింగ్‌, ఇంగ్లిష్ లాంగ్వేజ్‌, న్యూమ‌రిక‌ల్ ఎబిలిటీ, జ‌న‌ర‌ల్ నాలెడ్జ్‌, కంప్యూట‌ర్ నాలెడ్జ్ ఒక్కో విభాగంలో 40 చొప్పున ప్రశ్నలు వ‌స్తాయి. ప్రతి విభాగానికీ 50 మార్కులు. ఈ 250 మార్కుల‌ను గ‌రిష్ఠంగా 35 మార్కుల‌కు కుదిస్తారు. ఇంట‌ర్వ్యూకు 15 మార్కుల‌ను కేటాయించారు. ఆన్‌లైన్ ప‌రీక్ష, ఇంట‌ర్వ్యూల్లో సాధించిన మార్కుల ఆధారంగా తుది నియామ‌కాలు చేప‌డ‌తారు. అయితే అభ్యర్థులు చివ‌ర‌గా కంప్యూట‌ర్ ప్రొఫిషియ‌న్సీ టెస్ట్‌లో ఉత్తీర్ణత సాధించాలి. దీనికి మార్కులు కేటాయించ‌లేదు.

ఎంపికైతే
ప్రస్తుతం మూల‌వేత‌నం రూ.7640గా ఉంది. కొద్ది నెల‌ల్లో కొత్త పే స్కేల్ అమ‌ల్లోకి వ‌స్తుంది. ఆ స‌మ‌యంలో ఏ ప్రాంతంలో పోస్టింగ్ పొందిన‌ప్పటికీ రూ.23,000 వ‌ర‌కు వేత‌నాన్ని ఆశించొచ్చు. 6 నెల‌ల పాటు ప్రొబేష‌న్‌లో కొన‌సాగుతారు. అనంత‌రం శాశ్వత ఉద్యోగిగా విధులు నిర్వర్తిస్తారు.

Published on 10-07-2015