Ask the Expert
|
Feedback
|
About us
|
Contact us
|
Pratibha Home

నాన్‌ లైఫ్‌ఇన్సూరెన్స్‌ సంస్థల్లో అగ్రగామి యునైటెడ్‌ ఇండియా ఇన్సూరెన్స్‌ కంపెనీ లిమిటెడ్‌. ఈ సంస్థలో అసిస్టెంట్‌ పోస్టుల భర్తీ జరగబోతోంది. ఆసక్తి ఉన్న అభ్యర్థులు ముందుకెలా సాగాలి?

దేశవ్యాప్తంగా 750 అసిస్టెంట్‌ పోస్టులను ఈ నియామక ప్రకటన ద్వారా భర్తీ చేయనున్నారు. ఇందులో ఆంధ్రప్రదేశ్‌ రాష్ట్ర అభ్యర్థులతో 24 పోస్టులూ, తెలంగాణ వారితో 26 పోస్టులూ భర్తీ అవుతాయి. రూ. 17,000- రూ. 20,000 నెల జీతాలతోపాటు ఇతర సౌకర్యాలు పొందే అవకాశమున్న కొలువులివి. అంతేకాకుండా వృత్తిపరంగా నాయకత్వ లక్షణాలు కూడా వీటిలో లభిస్తాయి.

- ఆంధ్రప్రదేశ్‌లో 24, తెలంగాణ‌లో 26 ఖాళీలు
- ఇంట‌ర్ ఉత్తీర్ణులూ అర్హులే

ప్రభుత్వ రంగ బీమా సంస్థ యునైటెడ్ ఇండియా ఇన్సూరెన్స్ కంపెనీ (యూఐఐసీ) 750 అసిస్టెంట్ పోస్టుల‌కు ప్రక‌ట‌న విడుద‌ల‌చేసింది. వీటిలో ఆంధ్రప్రదేశ్‌లో 24, తెలంగాణ‌లో 26 ఖాళీలున్నాయి. ఇటీవ‌లే ప‌లు ప‌బ్లిక్ సెక్టార్ బ్యాంకుల్లో పీవో, మేనేజ్‌మెంట్ ట్రెయినీ పోస్టుల భ‌ర్తీకి ఐబీపీఎస్ ప్రక‌ట‌న విడుద‌ల‌చేసింది. వీటితోపాటు ప్రాంతీయ గ్రామీణ బ్యాంకుల్లో ఆపీస‌ర్లు, ఆఫీస్ అసిస్టెంట్ పోస్టుల‌కూ ఐబీపీఎస్ ప్రక‌ట‌న వెలువ‌డింది. ఈ ప‌రీక్షల‌న్నింటికీ సిల‌బ‌స్ ఇంచుమించు ఒక‌టే. ఏ ప‌రీక్షకు స‌న్నద్ధమైన‌ప్పటికీ ఉమ్మడిగా రీజనింగ్‌, క్వాంటిటేటివ్ ఆప్టిట్యూడ్‌, జ‌న‌ర‌ల్ ఇంగ్లిష్, జ‌న‌ర‌ల్ అవేర్‌నెస్‌లే ఉంటాయి. కాబ‌ట్టి బ్యాంక్‌ ప‌రీక్షల‌కు స‌న్నద్ధమ‌వుతున్నవాళ్లు యునైటెడ్ ఇండియా అసిస్టెంట్ పోస్టుల‌కు ద‌ర‌ఖాస్తు చేసుకోవ‌డం ద్వారా ప్రయోజ‌నం పొందొచ్చు.