close

తాజా స‌మాచారం

ఏఎంవీఐ పోస్టుల భర్తీకి ప్రకటన జారీ

ఈనాడు, అమరావతి: రవాణా శాఖలో 23 అసిస్టెంట్‌ మోటార్‌ వెహికల్‌ ఇన్‌స్పెక్టర్‌(ఏఎంవీఐ) పోస్టుల భర్తీకి ఆంధ్రప్రదేశ్‌ పబ్లిక్‌ సర్వీస్‌ కమిషన్‌ గురువారం(డిసెంబర్‌ 6) ప్రకటన జారీ చేసింది. ఆయా పోస్టులకు దరఖాస్తుల సంఖ్య 25 వేలు దాటితే ప్రాథమిక, ప్రధాన పరీక్షలు నిర్వహిస్తామని కమిషన్‌ ప్రకటించింది. ప్రాథమిక పరీక్ష తేదీని తరువాత ప్రకటిస్తామని తెలిపింది. ప్రధాన పరీక్షను ఏప్రిల్‌ 17వ తేదీన ఆన్‌లైన్‌ ద్వారా నిర్వహిస్తామని పేర్కొంది. ఇంజినీరింగ్‌ అర్హత కలిగిన అభ్యరులు డిసెంబర్‌ 12వ తేదీ నుంచి దరఖాస్తు చేసుకోవాల్సి ఉంటుంది. జనవరి 2వ తేదీ చివరి తేదీగా పేర్కొంది. జనవరి ఒకటో తేదీలోగా పరీక్ష రుసుము చెల్లించాల్సి ఉంటుంది. పూర్తి వివరాల కోసం ఆంధ్రప్రదేశ్‌ పబ్లిక్‌ సర్వీస్‌ కమిషన్‌ వెబ్‌సైట్‌లో చూడొచ్చు.

Posted on 06.12.2018