తాజా స‌మాచారం

అభ్యర్థుల వైద్య పరీక్షల మార్గదర్శకాలు జారీ

ఈనాడు, హైదరాబాద్‌: వివిధ పోస్టుల భర్తీకి సంబంధించి ఏపీపీఎస్సీ నిర్వహించే వైద్య పరీక్షల మార్గదర్శకాలు ఆగస్టు 6న జారీ అయ్యాయి. డీఎస్పీ(సివిల్‌ పోలీస్‌, కమ్యూనికేషన్స్‌), జైళ్ల శాఖ డిప్యూటీ సూపరింటెండెంట్‌, డివిజనల్‌ అగ్నిమాపక శాఖాధికారి(డీఎఫ్‌వో), అసిస్టెంట్‌ ప్రొహిబిషన్‌ అండ్‌ ఎక్సైజ్‌ సూపరింటెండెంట్‌, ఎక్సైజ్‌ ఎస్సై, అసిస్టెంట్‌ మోటార్‌ వెహికల్‌ ఇన్‌స్పెక్టర్‌(ఏఎంవీఐ), అటవీ శాఖ అసిస్టెంట్‌ కన్జర్వేటర్‌, ఫారెస్ట్‌ రేంజ్‌ అధికారి పోస్టులకు దరఖాస్తు చేసే అభ్యర్థులు వైద్య పరీక్షలకు హాజరు కావాల్సి ఉంటుంది. ఆయా పోస్టులకు దరఖాస్తు చేసే అభ్యర్థులు శారీరకంగా, మానసికంగా ఆరోగ్యంగా ఉండాలి. కంటి చూపు సమస్యలు ఉన్నవారిని తిరస్కరిస్తారు. అభ్యర్థులు ఆందోళన లేకుండా ప్రశాంతంగా ఉన్నప్పుడే రక్త పరీక్షలు నిర్వహించాలి. అభ్యర్థుల మూత్రాన్ని అక్కడే తీసుకుని పరీక్షలు జరపాలి. చక్కెర నిల్వలు సరైన మోతాదులో ఉంటే ఇతర పరీక్షలు కొనసాగించాలి.

Posted on 07-08-2016