close

తాజా స‌మాచారం

‘వయో పరిమితిని పెంచాలి’

ఈనాడు, అమరావతి: అసిస్టెంట్‌ మోటార్‌ వెహికల్‌ ఇన్‌స్పెక్టర్‌ పోస్టుల భర్తీకి వయో పరిమితిని 34 నుంచి 36 ఏళ్లకు పెంచాలని అభ్యర్థులు ప్రభుత్వాన్ని కోరుతున్నారు. పోలీసు శాఖకు చెందిన సబ్‌ ఇన్‌స్పెక్టర్‌, కానిస్టేబుల్‌ ఉద్యోగాల భర్తీకి నిర్దేశించిన వయో పరిమితిని రెండేళ్ల వరకు ప్రభుత్వం పొడిగించింది. అసిస్టెంట్‌ మోటారు వెహికల్‌ ఇన్‌స్పెక్టర్‌ ఉద్యోగం యూనిఫామ్‌ కేటగిరిలో ఉన్నందున వయో పరిమితి పెంపుపై ప్రత్యేకంగా ఉత్తర్వులు వెలువడాలి. ఇవి రానందున ఆంధ్రప్రదేశ్‌ పబ్లిక్‌ సర్వీస్‌ కమిషన్‌ యథావిధిగా 34 ఏళ్ల నిబంధనతో ఉద్యోగాల భర్తీ ప్రకటన జారీ చేసింది. సబ్‌ ఇన్‌స్పెక్టర్‌, కానిస్టేబుల్‌ ఉద్యోగాల వయోపరిమితి పెంపుపై అధికారిక ఉత్తర్వులు వెలువడ్డాయి. ఇదే విధానాన్ని అసిస్టెంట్‌ మోటార్‌ వెహికల్‌ ఇన్‌స్పెక్టర్‌ ఉద్యోగాల భర్తీకి వర్తింపచేయాలని అభ్యర్థనలు రాలేదని కమిషన్‌ తెలిపింది. విజ్ఞప్తులు వస్తే ప్రభుత్వానికి తెలియచేస్తామని పేర్కొంది.

Posted on 19.12.2018