close

లాజికల్ రీజనింగ్, అనలిటికల్ ఎబిలిటీ, డేటా ఇంటర్‌ప్రిటేషన్‌

వయసు సంబంధిత ప్రశ్నలు

జనరల్ స్టడీస్‌లో భాగంగా అనలిటికల్ ఎబిలిటీ విభాగం నుంచి వచ్చే అంశాల్లో 'వయసు సంబంధిత ప్రశ్నలు' ఒకటి. అభ్యర్థులు వీటికి సమాధానాలు రాబట్టేందుకు సాధారణ ప్రాథమిక గణిత సూత్రాలపై అవగాహన పెంచుకోవాలి. వేగంగా చేయడంతోపాటు తార్కికంగా ప్రశ్నను అర్థం చేసుకుని జవాబులు గుర్తించాలి.

1. ఆరు సంవత్సరాల తర్వాత తండ్రి వయసు కుమారుడి వయసుకు 3 రెట్లు. ప్రస్తుతం తండ్రి వయసు కుమారుడి వయసుకు 6 రెట్లు. అయితే వారి ప్రస్తుత వయసు
ఎ) 24, 4 బి) 18, 3 సి) 30, 5 డి) 42, 7
సమాధానం: (ఎ)
వివరణ: ప్రస్తుతం, కుమారుడి వయసు = x సంవత్సరాలు అనుకుంటే
తండ్రి వయసు = 6x సంవత్సరాలు అవుతుంది.
6 ఏళ్ల తర్వాత కుమారుడి వయసు = (x + 6) సంవత్సరాలు,
తండ్రి వయసు = (6x + 6) సంవత్సరాలు అవుతాయి.
దత్తాంశం నుంచి, 6 ఏళ్ల తర్వాత తండ్రి వయసు = 3 (కుమారుడి వయసు)
6x + 6 = 3(x + 6)
6x + 6 = 3x + 18

కుమారుడి ప్రస్తుత వయసు (x) = 4 ఏళ్లు.
తండ్రి ప్రస్తుత వయసు (6x) = 6 × 4 = 24 ఏళ్లు అవుతాయి.
సంక్షిప్త పద్ధతి:

తండ్రి వయసు: 6 × 4 = 24 సంవత్సరాలు
గమనిక: తండ్రి వయసును (రెట్లలో) పరిగణించినప్పుడు, భేదం రుణ విలువ వస్తే ధన విలువగానే పరిగణించాలి.

2. ప్రస్తుతం తండ్రి వయసు కుమారుడి వయసుకు 4 రెట్లు. 5 సంవత్సరాల కిందట తండ్రి వయసు కుమారుడి వయసుకు 9 రెట్లు. అయితే వారి ప్రస్తుత వయసు?
ఎ) 36, 9 బి) 32, 8 సి) 28, 7 డి) 40, 10
సమాధానం: (బి)
వివరణ: ప్రస్తుతం కుమారుడి వయసు = x సంవత్సరాలు అనుకుంటే
తండ్రి వయసు = 4x ఏళ్లు అవుతుంది.
5 సంవత్సరాల కిందట, కుమారుడి వయసు = (x - 5) సంవత్సరాలు
తండ్రి వయసు = (4x - 5) ఏళ్లు అవుతుంది.
దత్తాంశం నుంచి, అయిదేళ్ల కిందట తండ్రి వయసు = 9 (కుమారుడి వయసు)
4x - 5 = 9(x - 5)

కుమారుడి ప్రస్తుత వయసు(x) = 8 ఏళ్లు.
తండ్రి ప్రస్తుత వయసు (4x) = 4 × 8 = 32 సంవత్సరాలు.
సంక్షిప్త పద్ధతి:

తండ్రి ప్రస్తుత వయసు = 4 × 8 = 32 సంవత్సరాలు.

3. 7 సంవత్సరాల కిందట తండ్రి వయసు, కుమారుడి వయసు కంటే 7 రెట్లు ఎక్కువ. 3 ఏళ్ల తర్వాత తండ్రి వయసు కుమారుడి వయసు కంటే 3 రెట్లు ఎక్కువ. అయితే వారి ప్రస్తుత వయసు?
ఎ) 45, 12 బి) 42, 12 సి) 36, 7 డి) 48, 15
సమాధానం: (బి)
వివరణ: ప్రస్తుతం తండ్రి వయసు = x సంవత్సరాలు
కుమారుడి వయసు = y సంవత్సరాలు అనుకుంటే...
7 ఏళ్ల కిందట, తండ్రి వయసు = (x - 7) సంవత్సరాలు
కుమారుడి వయసు = (y - 7) సంవత్సరాలు అవుతుంది.
దత్తాంశం నుంచి, ఏడేళ్ల కిందట తండ్రి వయసు = 7 (కుమారుడి వయసు)

3 సంవత్సరాల తర్వాత తండ్రి వయసు = (x + 3)సంవత్సరాలు
కుమారుడి వయసు = (y + 3) సంవత్సరాలు అవుతాయి.
దత్తాంశం నుంచి, 3 సంవత్సరాల తర్వాత
తండ్రి వయసు = 3 (కుమారుడి వయసు)
x + 3 = 3(y + 3)

(1), (2) లను సాధించగా x = 42, y = 12 వస్తాయి.
అంటే ప్రస్తుతం తండ్రి వయసు = 42 సంవత్సరాలు, కుమారుడి వయసు = 12 సంవత్సరాలు అవుతాయి
సంక్షిప్త పద్ధతి:

7 సంవత్సరాల కిందట కుమారుడి వయసు = 12 - 7 = 5 సంవత్సరాలు
7 సంవత్సరాల కిందట తండ్రి వయసు = 7 × 5 = 35 సంవత్సరాలు
కాబట్టి ప్రస్తుతం తండ్రి వయసు = 35 + 7 = 42 సంవత్సరాలు

4. ప్రస్తుతం తండ్రి, కొడుకుల వయసుల నిష్పత్తి 8 : 5 గా ఉంది. 4 సంవత్సరాల తర్వాత వారి వయసుల నిష్పత్తి 3 : 2 అయితే వారి ప్రస్తుత వయసు ఎంత?
ఎ) 10, 22 బి) 20, 32 సి) 25, 47 డి) 15, 27
సమాధానం: (బి)
వివరణ: ప్రస్తుతం తండ్రి, కొడుకుల వయసుల నిష్పత్తి 8 : 5
కాబట్టి తండ్రి వయసు = 8x సంవత్సరాలు
కుమారుడి వయసు = 5x సంవత్సరాలు అవుతాయి.

ప్రస్తుతం తండ్రి వయసు (8x) = 8 × 4 = 32 సంవత్సరాలు
కుమారుడి వయసు (5x) = 5 × 4 = 20 సంవత్సరాలు అవుతాయి.
సంక్షిప్త పద్ధతి:


జేవీఎస్ రావు