ఉపాధ్యాయ పోస్టుల భర్తీకి చర్యలు
అనంతపురం విద్య, న్యూస్‌టుడే: జోన్‌-4 పరిధిలో ఖాళీగా ఉన్న ఆదర్శ, ఏపీబీసీ వెల్ఫేర్‌ పాఠశాలల్లో ఉపాధ్యాయ పోస్టుల భర్తీకి మూడో విడత ధ్రువపత్రాల పరిశీలన ఉంటుందని ఆర్జేడీ వెంకటకృష్ణారెడ్డి తెలిపారు. ధ్రువపత్రాల పరిశీలన కడపలోని కాగితాలపెంట వద్ద ఉన్న మండల వనరుల కేంద్రంలో న‌వంబ‌రు 14, 15, 16 తేదీల్లో నిర్వహిస్తారన్నారు. 14న పీజీటీ, 15న టీజీటీ, 16న కాప్టు, డ్రాయింగ్‌, మ్యూజిక్‌ పోస్టులకు ప్రక్రియ చేపడతారు. మొదటి, రెండో విడతలో ఎంపికై ధ్రువపత్రాల పరిశీలన చేసుకున్న వారు హాజరు కావాల్సిన అవసరం లేదన్నారు.

కౌశల్ ‌- 2019 మీరే కావొచ్చు..!
* అక్టోబరు 31వరకు అవకాశం
అనంతపురం విద్య, న్యూస్‌టుడే: ప్రభుత్వ పాఠశాలల్లోని ప్రతిభావంతులైన విద్యార్థులకు ప్రోత్సాహాలు అందిస్తున్నారు. రాష్ట్రస్థాయి సైన్స్‌ ప్రతిభాన్వేషణ పోటీ కౌశల్‌-2019లోప్రతిభ చాటిన విద్యార్థులకు రూ.2వేల నుంచి రూ.10వేల వరకు బహుమతులు అందుకోవచ్చు. ఇందుకు సంబంధించిన విధి విధానాలను డీఈఓ శామ్యూల్, జిల్లా సైన్సు అధికారి వెంకట రంగయ్య, ఎస్‌ఎస్‌ఏ విద్యాపర్యవేక్షక అధికారులు జయచంద్ర, ఆనందభాస్కర్‌రెడ్డిల బృందం వెల్లడించారు. ప్రభుత్వ పాఠశాలల్లోని 8, 9, 10వతరగతుల్లోని విద్యార్థులు కౌశల్‌ అవార్డును అందుకోవడానికి అవకాశం దక్కుతుంది. భారతీయ విజ్ఞాన మండలి (బీవీఎమ్‌), ఆంధ్రప్రదేశ్‌ రాష్ట్ర శాస్త్ర సాంకేతిక మండలి (ఆప్‌కాస్ట్‌) సంయుక్త ఆధ్వర్యంలో నిర్వహిస్తున్నారు.
కౌశల్‌ క్విజ్‌...
కౌశల్‌ క్విజ్‌టీంలో ముగ్గురు విద్యార్థులు ఉండాలి. 8, 9, 10తరగతుల విద్యార్థులు పాల్గొనాలి. ఈ తరగతుల్లోని గణితము, సైన్స్, విజ్ఞానభారతి వారి ‘విజ్ఞానశాస్త్ర రంగంలో భారతీయ శాస్త్రవేత్తల కృషి’ మెటీరియల్‌ను సిలబస్‌గా పరిగణనలోకి తీసుకుంటారు. జిల్లాస్థాయిలో ప్రథమ రూ.5వేలు, ద్వితీయ రూ.3వేలు, తృతీయ రూ.2వేలు, రాష్ట్రస్థాయిలో ప్రథమ రూ.10వేలు, ద్వితీయ రూ.7,500, తృతీయ రూ.5వేలు సర్టిఫికెట్‌ అందజేస్తారు.
పోస్టర్‌ ప్రజెంటేషన్‌...
8,9 తరగతుల్లోని విద్యార్థులు. స్వచ్ఛభారత్, జలసంరక్షణ, జీవవైవిద్య పరిరక్షణ, వాతావరణ మార్పులు, ప్రకృతి వ్యవసాయం, ప్లాస్టిక్‌కు ప్రత్యామ్నాయం ఏదో ఒక అంశంపై పోస్టర్‌ ప్రజెంటేషన్‌ చేయవచ్చు.జిల్లాస్థాయిలో ప్రథమ రూ.3వేలు, ద్వితీయ రూ.2వేలు, తృతీయ రూ.1000నగదు బహుమతి, రాష్ట్రస్థాయిలో ప్రథమ రూ.5వేలు, ద్వితీయ రూ.3వేలు, తృతీయ రూ.2వేల నగదు బహుమతి పొందవచ్చు.
* అక్టోబరు 31వతేదీలోగా పేర్లు రిజిస్ట్రేషన్‌ చేసుకోవాలి.
* పాఠశాల సమన్వయకర్తలు విద్యార్థుల వివరాలను http://bvmap.org/ ద్వారా ఆన్‌లైన్‌లో నమోదు చేయాలి.
* జిల్లా స్థాయి పోటీలు నవంబరు 30, రాష్ట్రస్థాయి పోటీలు డిసెంబరు 14వతేదీన ఉంటాయి.

సమ్మెటివ్‌ పరీక్షల్లో స్వల్ప మార్పులు
చిత్తూరు (విద్య), న్యూస్‌టుడే : సమ్మెటివ్‌-1 పరీక్షల షెడ్యూల్‌ స్వల్ప మార్పులు చేస్తూ ఎస్‌సీఈఆర్టీ సంచాలకుడు ప్రతాప్‌రెడ్డి నవంబరు 4న ఉత్తర్వు జారీ చేశారు. ముందు ప్రకటించిన షెడ్యూల్‌ ప్రకారం నవంబరు 11, 12తేదీల్లో నిర్వహించాల్సిన తెలుగు పేపరు 1, 2 పరీక్షలను నవంబరు 25, 26 తేదీల్లో నిర్వహించనున్నట్లు ప్రకటించారు. 11న మౌలానా అబుల్‌ కలాం ఆజాద్‌ జయంతి, 12న కార్తీక పౌర్ణమి కావడంతో ఈ పరీక్షలు షెడ్యూల్‌లో చివరిన నిర్వహించనున్నారు. తాజా షెడ్యూల్‌ ప్రకారం పరీక్ష తేదీల వివరాలు ఇలా ఉన్నాయి. నవంబరు 13న హిందీ, 14న బాలల దినోత్సవం కావడంతో సెలవు, 15న ఆంగ్లం పేపరు-1. 16న ఆంగ్లం పేపరు-2, 17న ఆదివారం, 18న గణితం పేపరు-1, 19న గణితం పేపరు-2, 20న సైన్స్‌ పేపరు-1, 21న సైన్స్‌ పేపరు-2, 22న సాంఘికశాస్త్రం పేపరు-1, 23న సాంఘికశాస్త్రం పేపరు-2, 24న ఆదివారం, 25న తెలుగు పేపరు-1, 26న తెలుగు పేపరు-2 పరీక్షలు జరగనున్నాయి. ఆ తేదీల్లో ఉదయం 10గంటల నుంచి మధ్యాహ్నం 12.45గంటల వరకు ఆరు,ఏడు, ఎనిమిది తరగతులకు మధ్యాహ్నం 2గంటల నుంచి సాయంత్రం 4.45గంటలకు తొమ్మిది, పదోతరగతి పరీక్షలు నిర్వహించాలని ఆ ఉత్తర్వులో ఆయన పేర్కొన్నారు.

14 నుంచే డిగ్రీ పరీక్షలు
* ఎస్వీ యూనివర్సిటీ పరిధిలో పరీక్షల నిర్వహణ
తిరుపతి(ఎస్వీ విశ్వవిద్యాలయం), న్యూస్‌టుడే: శ్రీవేంకటేశ్వర విశ్వవిద్యాలయం పరిధిలో డిగ్రీ విద్యకు సంబంధించిన మొదటి, మూడు, ఐదో సెమిస్టర్ల పరీక్షల నిర్వహణ తేదీల్లో స్పష్టత వచ్చింది. ఆదివారం రెక్టార్‌ ఆచార్య సుందరవల్లి నేతృత్వంలోని బృందం తేదీల ఖరారు, పరీక్ష కేంద్రాల ఏర్పాటు తదితర అంశాలపై సుదీర్ఘంగా చర్చించారు. న‌వంబ‌రు 14వ తేదీ నుంచి మొదటి, ఐదో సెమిస్టర్‌ పరీక్షలను, 15వ తేదీ నుంచి మూడో సెమిస్టర్‌ పరీక్షలను ప్రారంభించాలని నిర్ణయించారు. పరీక్షల నిర్వహణ తేదీల్లో ఇకపై ఎలాంటి మార్పు ఉండబోదని ఉన్నతాధికారులు స్పష్టం చేశారు. తేదీలు ఖరారైన నేపథ్యంలో ప్రశ్నపత్రాల ముద్రణ, విద్యార్థుల జంబ్లింగ్‌, హైపవర్‌ కమిటీల ఏర్పాటు, సిట్టింగ్‌ అబ్జర్వర్ల నియామకం తదితర అంశాల కసరత్తుపై దృష్టి సారించాలని రెక్టార్‌ సుందరవల్లి అధికారులను ఆదేశించారు.
హాజరుకానున్న 75,727 మంది విద్యార్థులు
14వ తేదీ నుంచి ప్రారంభం కానున్న డిగ్రీ సెమిస్టర్‌ పరీక్షలకు జిల్లావ్యాప్తంగా 75,727 మంది విద్యార్థులు హాజరుకానున్నారు. ఈ పరీక్షల నిర్వహణ కోసం జిల్లాలోని అన్ని డివిజన్లలో కలిపి 63 పరీక్ష కేంద్రాలను ఏర్పాటు చేసినట్లు వర్సిటీ పరీక్షల కార్యాలయం పేర్కొంది. విద్యార్థుల సౌకర్యాన్ని దృష్టిలో పెట్టుకుని ఈ ఏడాది దాదాపు 10 పరీక్ష సెంటర్లను పెంచారు. వీటన్నింటిలో ఫర్నీచరు ఏర్పాటు, మౌలిక వసతుల కల్పన బాధ్యతలను ఆయా కళాశాలల ప్రిన్సిపాళ్లు, సిట్టింగ్‌ అబ్జర్వర్లకే కేటాయిస్తూ నిర్ణయం తీసుకున్నారు.

గ్రేస్‌ మార్కులతో అభ్యర్థుల జాబితా సిద్ధం
* 1,934 మంది అర్హులుగా గుర్తింపు
* నేటి నుంచి ధ్రువపత్రాల పరిశీలన

ఈనాడు డిజిటల్‌, చిత్తూరు- న్యూస్‌టుడే, జిల్లా సచివాలయం: సచివాలయ ఉద్యోగుల ఖాళీలు పూర్తి స్థాయిలో భర్తీ కాకపోవడంతో ప్రభుత్వం అభ్యర్థులకు 15 గ్రేస్‌ మార్కులు కలపాలని నిర్ణయించిన సంగతి విదితమే. ఇందుకు సంబంధించి జిల్లా యంత్రాంగం 1,934మందితో అర్హుల జాబితాను సిద్ధం చేసింది. వీరు శుక్రవారం మధ్యాహ్నం 2గంటలకు, శనివారం ఉదయం 10గంటలకు ధ్రువపత్రాల పరిశీలనకు హాజరు కావాలని అధికారులు సూచించారు. ఏయే తేదీల్లో ఎవరెవరు హాజరు కావాలనే విషయాన్ని అధికారులు అభ్యర్థులకు ఇప్పటికే సమాచారమిచ్చారు.
నేడు హాజ‌రు కావాల్సిన అభ్య‌ర్థులు (వేదిక‌: నాగ‌య్య క‌ళాక్షేత్రం)

వాలంటీర్ల పోస్టుల భర్తీకినోటిఫికేషన్‌ విడుదల
* జిల్లాలో 1767 స్థానాలు ఖాళీ
చిత్తూరు నగరం, న్యూస్‌టుడే: వార్డు వాలంటీర్ల పోస్టుల భర్తీకి ప్రభుత్వం రెండో విడత నోటిఫికేషన్‌ విడుదల చేసింది. ఈ మేరకు జిల్లాలోని పురపాలక, నగరపాలక సంస్థల్లో దాదాపు 1,767 వార్డు వాలంటీర్ల పోస్టులను భర్తీ చేయనున్నారు. 2019 నవంబరు 1వ తేది నాటికి 18 ఏళ్ల నుంచి 35 ఏళ్ల మధ్య వయసు ఉన్న అభ్యర్థులు అర్హులని ప్రకటించింది.నవంబర్‌ 1 నుంచి పదో తేదీ వరకు ఆన్‌లైన్‌లో దరఖాస్తులు స్వీకరిస్తారు. 15న దరఖాస్తుల పరిశీలన, 16 నుంచి 20 వరకు ఎంపిక కమిటీ ద్వారా ఇంటర్వ్యూలు ఉంటాయి. 22న ఎంపికైన అభ్యర్థులకు కాల్‌లెటర్లు పంపుతారు. 29, 30 తేదీల్లో శిక్షణ, తుదిగా డిసెంబర్‌ 1న వారు విధుల్లో చేరాలి.
జిల్లాలో పట్టణాల వారీగా ఖాళీల వివరాలు
చిత్తూరు నగరపాలికలో 199, తిరుపతిలో 1154, మదనపల్లె పురపాలక సంఘంలో 131, పుంగనూరులో 70, పలమనేరులో 42, పుత్తూరులో 39, శ్రీకాళహస్తిలో 95, నగరిలో 37 పోస్టులు ఖాళీగా ఉన్నాయి.

30న ఎన్‌ఎంఎంఎస్‌ మాదిరి పరీక్ష
చిత్తూరు(విద్య), న్యూస్‌టుడే: నేషనల్‌ మీన్స్‌ కమ్‌ మెరిట్‌ స్కాలర్‌షిప్‌(ఎన్‌ఎంఎంఎస్‌) మాదిరి పరీక్ష అక్టోబ‌రు 30న జిల్లా వ్యాప్తంగా నిర్వహించనున్నారు. ఆరోజు ఉదయం 9.30 గంటలకు ఈ పరీక్ష ఉంటుందని స్కూల్‌ అసిస్టెంట్ల సంఘం రాష్ట్ర అధ్యక్షుడు నరోత్తమరెడ్డి ప్రకటనలో తెలిపారు. చిత్తూరు, బంగారుపాళ్యం, పలమనేరు, బైరెడ్డిపల్లె, వి.కోట, కుప్పం, పెద్దపంజాణి, పుంగనూరు, మదనపల్లి, పీలేరు, సదుం, కల్లూరు, దామలచెరువు, తిరుపతి, శ్రీకాళహస్తి, నగరి, పుత్తూరు, కార్వేటినగరం, కొత్తపల్లెమిట్ట కేంద్రాల్లో స్కూల్‌ అసిస్టెంట్ల సంఘం ఆధ్వర్యంలో ఈ మాదిరి పరీక్ష నిర్వహిస్తామని పేర్కొన్నారు. ఈ అవకాశాన్ని విద్యార్థులు సద్వినియోగం చేసుకోవాలని ఆయన కోరారు.

గ్రామ వాలంటీర్ల పోస్టుల భర్తీకిప్రకటన
* నవంబరు 1 నుంచి దరఖాస్తుల స్వీకరణ
న్యూస్‌టుడే, చిత్తూరు (జిల్లా పరిషత్‌): గ్రామ వాలంటీర్ల ఖాళీ పోస్టుల భర్తీకి ప్రభుత్వం అక్టోబ‌రు 26 న‌ నోటిఫికేషన్‌ విడుదల చేసింది. జిల్లాలో 678 పోస్టులు భర్తీ చేయనున్నారు.. నవంబరు 1 నుంచి 10 వరకు అభ్యర్థుల నుంచి దరఖాస్తులు స్వీకరించనున్నారు. వీటిని 15న పరిశీలిస్తారు. 16నుంచి 20 వరకు అర్హులైన అభ్యర్థులకు ఇంటర్వ్యూలు నిర్వహిస్తారు. 22న ఎంపికైన వారికి సమాచారం పంపుతారు. వీరికి 29, 30 తేదీల్లో శిక్షణ ఇవ్వనున్నారు. డిసెంబరు ఒకటో తేదీన విధుల్లో చేరనున్నారు.
678 పోస్టులే భర్తీ.. జిల్లా వ్యాప్తంగా 16,088 గ్రామ వాలంటీర్ల పోస్టులు ఉండగా.. వీటిలో 15,206 మంది విధులు నిర్వర్తిస్తున్నారు. ప్రస్తుతం 882 పోస్టుల్లో ఖాళీలు ఏర్పడ్డాయి. ప్రభుత్వం తాజాగా జారీ చేసిన నోటిఫికేషన్‌లో 678 పోస్టులు భర్తీ చేయనున్నారు. మిగతా 204 పోస్టుల భర్తీ విషయాన్ని నోటిఫికేషన్‌లో ప్రస్తావించలేదు. ఈ విడత పదో తరగతి విద్యార్హతగా ప్రభుత్వం ప్రకటించింది. గతంలో విద్యార్హతగా ఇంటర్మీడియట్‌ ఉండేది.

నవంబరు 3న ఎన్‌టీఎస్‌ పరీక్ష
చిత్తూరు (విద్య), న్యూస్‌టుడే : ఎన్‌టీఎస్, ఎన్‌ఎంఎంఎస్‌ పరీక్షలు నవంబరు 3న నిర్వహిస్తున్నట్లు ప్రభుత్వ పరీక్షల సంచాలకుడు సుబ్బారెడ్డి అక్టోబరు 24న తెలిపారు. పరీక్షకు హాజరయ్యే విద్యార్థులు హాల్‌టిక్కెట్‌ను www.bseap.org వెబ్‌సైట్‌ నుంచి డౌన్‌లోడ్‌ చేసుకోవాలన్నారు.

యోగా కోర్సు ప్రవేశాలకు దరఖాస్తుల ఆహ్వానం
మహిళా విశ్వవిద్యాలయం(తిరుపతి), న్యూస్‌టుడే: శ్రీ పద్మావతి మహిళా విశ్వవిద్యాలయంలో 2019-20 విద్యాసంవత్సరంలో యోగా కోర్సుల్లో ప్రవేశాలకు దరఖాస్తులను ఆహ్వానిస్తున్నట్లు వ్యాయామ విభాగాధిపతి జి.శారాసరోజిని తెలిపారు. డిప్లొమా ఇన్‌ యోగ, పీజీ డిప్లొమా ఇన్‌ యోగా కోర్సుల్లో ప్రవేశాలు కల్పిస్తున్నట్లు పేర్కొన్నారు. ఈ రెండు కోర్సుల కాలపరిమితి ఏడాది ఉంటుందని తెలిపారు. ఇంటర్మీడియట్‌ పూర్తిచేసిన అభ్యర్థులు డిప్లొమా ఇన్‌ యోగా, డిగ్రీ పూర్తి చేసిన అభ్యర్థులు పీజీ డిప్లొమా ఇన్‌ యోగా కోర్సుకు దరఖాస్తు చేసుకోవచ్చన్నారు. ఆసక్తి, అర్హతగల మహిళా అభ్యర్థులు రూ.100 చెల్లించి వర్సిటీ వ్యాయామ విభాగంలోకానీ, వర్సిటీ వెబ్‌సైట్లో దరఖాస్తును పొందాలని సూచించారు. పూర్తి చేసిన దరఖాస్తును అక్టోబరు 30వతేదీ సాయంత్రం 5గంటలలోపు వ్యాయామ విభాగంలో అందచేయాలని కోరారు.

22 నుంచి ధ్రువపత్రాల పరిశీలన
చిత్తూరు(జిల్లా సచివాలయం), న్యూస్‌టుడే: గ్రామ/వార్డు సచివాలయాల రెండో దశ ఉద్యోగాల భర్తీ ప్రక్రియలో భాగంగా అక్టోబ‌రు 22 నుంచి ధ్రువపత్రాల పరిశీలన జరుగుతుందని జిల్లా పాలనాధికారి భరత్‌గుప్తా ఓ ప్రకటనలో తెలిపారు. మొదటి దశలో భర్తీ కాని పోస్టులకు.. రిజర్వేషన్‌, వెయిటేజీ మార్కుల ఆధారంగా అర్హత సాధించిన వారికి ధ్రువపత్రాలు పరిశీలించనున్నామని చెప్పారు. అర్హత సాధించిన అభ్యర్థులకు ఆయా శాఖల ద్వారా సమాచారం అందించా మన్నారు. ఆయా శాఖల పరిధిలో 22 నుంచి 24 వరకు చిత్తూరులో ధ్రువపత్రాల పరిశీలనకు ఏర్పాట్లు చేశామ న్నారు. ఇందుకోసం జిల్లా కేంద్రం చిత్తూరులో 10 కేంద్రాలు ఏర్పాటు చేసినట్లు వివరించారు.
ధ్రువపత్రాల పరిశీలన కేంద్రాల వివరాలు

అక్టోబరు 23న స్పాట్‌ అడ్మిషన్లు
మహిళా విశ్వవిద్యాలయం(తిరుపతి), న్యూస్‌టుడే: శ్రీ పద్మావతి మహిళా విశ్వవిద్యాలయం ఫార్మసీ విభాగంలో అక్టోబరు 23న స్పాట్‌ అడ్మిషన్లు నిర్వహిస్తున్నట్లు విభాగాధిపతి ఆచార్య శ్రీదేవి తెలిపారు. ఎం.ఫార్మసీలో ఫార్మసూటిక్స్, ఫార్మకాగ్నసీ, ఫార్మసూటికల్‌ కెమిస్ట్రీ కోర్సుల్లో ఖాళీగా సీట్ల భర్తీకి తక్షణ ప్రవేశాలు ఉంటాయని పేర్కొన్నారు. అర్హతగల అభ్యర్థులు తమ ఒరిజినల్‌ సర్టిఫికెట్లతో హాజరై ప్రవేశాలు పొందాలని సూచించారు. 23న 9.30గంటల నుంచి మధ్యాహ్నం 12.30వరకు ఫార్మసీ విభాగంలో అడ్మిషన్ల ప్రక్రియ జరుగుతుందన్నారు. హాజరైన అభ్యర్థులు రూ.425 చెల్లించి దరఖాస్తు పూర్తి చేయాలని తెలిపారు. ప్రవేశాలు పొందిన తక్షణమే మొదటి సంవత్సరం రుసుము రూ. 1,10,000/- చెల్లించాల్సి ఉంటుందని పేర్కొన్నారు.

23న ఉపాధి మేళా
చిత్తూరు(జిల్లా పంచాయతీ), న్యూస్‌టుడే: రాష్ట్ర ఉద్యోగ కల్పన వ్యవస్థాపకాభివృద్ధి సంస్థ(సీడాప్‌) ఆధ్వర్యంలో అక్టోబ‌రు 23న ఉపాధిమేళా నిర్వహించనున్నట్లు డీఆర్‌డీఏ పీడీ మురళి తెలిపారు. చిత్తూరు నగరంలోని వేలూరు మార్గంలో ఉన్న విజయ డెయిరీ ఎదురుగా ఉన్న టీటీడీసీలో ఉదయం 9.30 గంటల నుంచి మధ్యాహ్నం రెండు గంటల వరకు ఈ మేళా ఉంటుందని చెప్పారు. వివిధ సంస్థల ప్రతినిధులు హాజరై అభ్యర్థులను ఎంపిక చేయనున్నట్లు పేర్కొన్నారు. బీటెక్‌(ఈఈఈ, ఈసీఈ) విద్యార్హతతో 21 నుంచి 25 ఏళ్ల మధ్య వయస్సు కలిగినవారు అర్హులని స్పష్టం చేశారు. ఆధార్‌, రేషన్‌కార్డులు, సర్టిఫికెట్స్‌ జిరాక్స్‌, రెండు పాస్‌పోర్టు సైజు ఫొటోలతో ఈ మేళాకు హాజరు కావాలన్నారు. ఇతర వివరాలకు 9963561755, 9247963073 నెంబర్లలో సంప్రదించాలని ఆయన కోరారు.

నవంబర్‌ 4 నుంచి డిగ్రీ సెమిస్టర్‌ పరీక్షలు
తిరుపతి(ఎస్వీయూ), న్యూస్‌టుడే: శ్రీవేంకటేశ్వర విశ్వవిద్యాలయం పరిధిలో డిగ్రీ విద్యకు సంబంధించి సెమిస్టర్‌ పరీక్షల నిర్వహణకు వర్సిటీ పరీక్షల కార్యాలయం కసరత్తు చేస్తోంది. ఇప్పటికే పరీక్షలకు సంబంధించిన ఫీజు చెల్లింపు షెడ్యూల్‌ను పరిపాలన భవనం విడుదల చేసింది. అక్టోబ‌రు 17 లోపు సెమిస్టర్‌ పరీక్షల ఫీజులను చెల్లించాలని అధికారులు స్పష్టం చేశారు. నవంబర్‌ 4వ తేదీ నుంచి డిగ్రీ మొదటి, మూడు, ఐదో సెమిస్టర్ల పరీక్షలు ప్రారంభించనున్నట్లు సీఈ సునీత పేర్కొన్నారు. పరీక్షలను జిల్లావ్యాప్తంగా దాదాపు 80 వేల మంది విద్యార్థులు రాయనున్నారు.

వార్డు వాలంటీర్ల భర్తీకి నేడు నోటిఫికేషన్‌ విడుదల
* నెలరోజుల్లో ప్రక్రియ పూర్తికి చర్యలు
కాకినాడ నగరం, న్యూస్‌టుడే: రాష్ట్ర ప్రభుత్వం అమలు చేసే సంక్షేమ కార్యక్రమాలను గడపగడపకూ చేర్చాలన్న లక్ష్యంతో చేపట్టిన వార్డు, గ్రామ వాలంటీర్ల వ్యవస్థ ఈ ఏడాది ఆగస్టు 15 నుంచి అమలులోకి వచ్చింది. గ్రామాల్లో ప్రతి 50 ఇళ్లకు, పట్టణాలు, నగరాల్లో ప్రతి 100 ఇళ్లకు ఒక వాలంటీరు చొప్పున ఎంపిక చేసి బాధ్యతలు అప్పగించారు. జిల్లాలో నగర, పురపాలక సంఘాలు, నగర పంచాయతీల పరిధిలో పలువురు వాలంటీర్లు రెండు నెలల వ్యవధిలోనే బాధ్యతల నుంచి వైదొలిగారు. దీంతో ఈ ఖాళీలను తిరిగి భర్తీ చేసేందుకు రాష్ట్ర ప్రభుత్వం చర్యలు చేపట్టింది.జిల్లా వ్యాప్తంగా రెండు నగరాలు, ఏడు పురపాలక సంఘాలు, మూడు నగర పంచాయతీల పరిధిలో 2,092 ఖాళీలను భర్తీ చేయాల్సి ఉంది. ఇందుకోసం న‌వంబ‌రు 1న‌ నోటిఫికేషన్‌ వెలువడనుంది. దరఖాస్తులు ఆన్‌లైన్‌లోనే స్వీకరిస్తారు. నవంబరు 10లోపు దరఖాస్తులను నమోదు చేసుకోవాల్సి ఉంటుంది. ఎంపికైన వాలంటీర్లు డిసెంబరు 1 నుంచి విధుల్లో చేరాలి. ఇంటర్‌ విద్యార్హత కలిగిన యువతీ, యువకులు ఈ పోస్టులకు దరఖాస్తు చేసుకోవచ్ఛు.

వెబ్‌సైట్లో పదోన్నతుల సీనియారిటీ జాబితా
కాకినాడ నగరం: హిందీ, తెలుగు సబ్జెక్టులకు సంబంధించి స్కూల్‌ అసిస్టెంట్లుగా పదోన్నతులు కల్పించేందుకు సీనియారిటీ జాబితాను జిల్లా విద్యాశాఖ వెబ్‌సైట్‌లో ఉంచినట్లు డీఈవో ఎస్‌.అబ్రహం తెలిపారు. ఈ జాబితాల్లో ఏమైనా అభ్యంతరాలుంటే తగిన ధ్రువీకరణ పత్రాలతో జిల్లా విద్యాశాఖ కార్యాలయంలో సబంధిత విభాగంలో అందజేయాలని డీఈవో సూచించారు. అక్టోబరు 29 సాయంత్రం 5 గంటల లోగా అభ్యంతరాలను తెలియపరచాలన్నారు.

వెబ్‌సైట్‌లో జాతీయ ప్రతిభా ఉపకార వేతన పరీక్ష హాల్‌ టిక్కెట్లు
కాకినాడ న్యూస్‌టుడే: నగరం జాతీయ ప్రతిభా ఉపకార వేతన పరీక్ష (నేషనల్‌ మీన్స్‌ కం మెరిట్‌ స్కాలర్‌షిప్‌), జాతీయ ప్రతిభాన్వేషణ పరీక్ష (నేషనల్‌ టాలెంట్‌ సెర్చ్‌ ఎగ్జామ్‌) రాయనున్న అభ్యర్థులు తమ హాల్‌ టిక్కెట్లను ప్రభుత్వ పరీక్షల వెబ్‌సైట్‌ నుంచి డౌన్‌లోడ్‌ చేసుకోవాలని డీఈవో ఎస్‌.అబ్రహం కోరారు. ్ర్ర్ర.్జ(’్చ్ప.్న౯్ణ నుంచి పాఠశాల కోడ్‌ ద్వారా లాగిన్‌ అయి డౌన్‌లోడ్‌ చేసుకోవాలన్నారు. హాల్‌ టిక్కెట్టు పొందని వారు పాఠశాల యుడైస్‌ కోడ్‌తో జిల్లా విద్యాశాఖాధికారి వారి కార్యాలయానికి సమాచారం ఇవ్వాలని డీఈవో సూచించారు. ఇతర వివరాలకు 94913 61087, 63045 66234 ఈ చరవాణి నంబర్లను సంప్రదింవచ్చు అని అన్నారు.

ఏపీ సెట్‌కు సర్వం సిద్ధం
నన్నయ విశ్వవిద్యాలయం, న్యూస్‌టుడే: ఆంధ్రప్రదేశ్‌స్టేట్‌ఎలిజిబులిటీ టెస్ట్‌(ఏపీ సెట్‌)కు అన్ని ఏర్పాట్లు పూర్తి చేశామని పరీక్షల రాజమహేంద్రవరం రీజియన్‌కోఆర్డినేటర్‌ఆచార్య కె.శ్రీరమేష్‌పేర్కొన్నారు. ఆదికవి నన్నయ విశ్వవిద్యాలయంలో ఏపీసెట్‌అబ్జర్వర్లతో అక్టోబ‌రు 19న‌సమావేశాన్ని నిర్వహించారు. ఈ సందర్భంగా ఆయన మాట్లాడుతూ అక్టోబ‌రు 20న‌జరగనున్న ఏపీసెట్‌కు రాజమహేంద్రవరం పరిధిలోని ఆరు కేంద్రాల్లో 30 సబ్జెక్టులకు సంబంధించి 5,258 మంది విద్యార్థులు పరీక్షలు రాయనున్నారన్నారు. పరీక్షలు ప్రశాంతంగా జరిగేందుకు ఆరుగురు చీఫ్‌సూపరింటెండెంట్లు, మరో ఆరుగురు అబ్జర్వర్లను నియమించామని చెప్పారు. అభ్యర్థులు పరీక్ష కేంద్రానికి ఉదయం 8.30 గంటల్లోపు చేరుకోవాలన్నారు. సమావేశంలో యూజీసీ అబ్జర్వర్‌ఆచార్య తిలక్‌రాజ్‌చౌహాన్‌, ఏపీసెట్‌స్టేట్‌అబ్జర్వర్‌ఆచార్య భార్గవ రామమోహనరావు తదితరులు పాల్గొన్నారు.

ఎస్సీ గురుకులాల్లో కేర్‌ టేకర్లు
జిల్లాపరిషత్తు(గుంటూరు), న్యూస్‌టుడే: రాష్ట్ర సాంఘిక సంక్షేమ బాలయోగి గురుకుల విద్యా సంస్థల్లో కేర్‌ టేకర్ల పోస్టుల భర్తీకి అధికారులు చర్యలు చేపట్టారు. ఇప్పటికే రాత పరీక్షల్లో అర్హత సాధించిన అభ్యర్థుల విద్యార్హత ధ్రువీకరణ పత్రాలను పరిశీలించి ప్రతిభ, రోస్టర్‌ విధానంలో ఎంపిక చేశారు. మూడో జోన్‌ పరిధిలోని గుంటూరు, ప్రకాశం, నెల్లూరు జిల్లాల అభ్యర్థులకు న‌వంబ‌రు 12న‌ ఒంగోలులో కౌన్సెలింగ్‌ నిర్వహించారు. గుంటూరు జిల్లాలో గురుకులాలు 18 ఉన్నాయి. బాలుర గురుకుల పాఠశాలలు కారంపూడి, అచ్చంపేట, చుండూరు, నిజాంపట్నం, తాడికొండ, గురజాల.. బాలికలకు సంబంధించి రామకృష్ణాపురం, దక్షిణ విజయపురి (వి.పి.సౌత్‌), బాపట్ల, వినుకొండ, రేపల్లె, ఉప్పలపాడు, అమరావతి గురుకులాలకు పోస్టులను మంజూరు చేశారు. కాకుమాను, యడ్లపాడు, సత్తెనపల్లి, అడవి తక్కెళ్లపాడు, నరసాయపాలెం గురుకులాలకు పోస్టులు మంజూరు కాలేదు. రాత పరీక్షలో మెరిట్‌ జాబితాలో ఉన్న అభ్యర్థుల నుంచి పోస్టింగ్‌ కోసం ఆప్షన్లు తీసుకున్నారు. కేర్‌ టేకర్లకు పోస్టింగ్‌లను ఈ నెలలోనే ఇచ్చే అవకాశం ఉంది.

2228 వార్డు వాలంటీర్ల ఖాళీలు
ఈనాడు డిజిటల్‌, గుంటూరు: జిల్లాలోని నగరపాలక, పురపాలక సంస్థల్లో ఖాళీగా ఉన్న వార్డు వాలంటీర్ల నియామకాలకు అనుమతిస్తూ ప్రభుత్వం ఉత్తర్వులు జారీ చేసింది. జిల్లాలో మొత్తం 9060 వార్డు వాలంటీర్ల పోస్టులు మంజూరయ్యాయి. ప్రస్తుతం 6832 మంది పనిచేస్తున్నారు. 2228 ఖాళీలు ఉండగా వాటిని భర్తీ చేసేందుకు ప్రక్రియ ప్రారంభమైంది. నవంబరు 1వ తేదీన ప్రకటన వెలువరించి 30వ తేదీ లోపల నియామక ప్రక్రియ పూర్తి చేయాలని ప్రభుత్వం ఆదేశించింది. కొత్తగా నియమితులైన వాలంటీర్లకు డిసెంబరు 1 నుంచి పోస్టింగ్‌లు ఇస్తారు.

3న ఉపకార వేతనాలకు పరీక్షలు
గుంటూరు: జాతీయ ప్రతిభ ఉపకార వేతనాలు (ఎన్‌ఎంఎంఎస్‌), నేషనల్‌ టాలెంట్‌ సెర్చ్‌ ఎగ్జాం (ఎన్‌టీఎస్‌ఈ)లను నవంబరు 3న జిల్లా వ్యాప్తంగా నిర్వహించనున్నారు. ఎన్‌ఎంఎంఎస్‌ పరీక్ష జిల్లాలో 30 పరీక్షా కేంద్రాల్లో ఉదయం 10 నుంచి ఒంటి గంట వరకు నిర్వహించనున్నారు. ఎన్‌టీఎస్‌ఈ పరీక్ష ఉదయం, మధ్యాహ్నం రెండు దశలుగా నిర్వహించనున్నారు.

ఉచిత ఉపాధి శిక్షణ
ఈనాడు డిజిటల్, అమరావతి: తెలుగు రాష్ట్రాలకు చెందిన గ్రామీణ యువతకు బ్యాంకర్స్‌ ఇన్‌స్టిట్యూట్‌ ఆఫ్‌ రూరల్‌ అండ్‌ ఎంటర్‌ప్రెన్యూర్‌షిప్‌ డెవలప్‌మెంట్‌ (బైరెడ్‌) అనే సంస్థ హైదరాబాద్‌ రాజేంద్రనగర్‌లో 40 రోజుల పాటు ఉచిత ఉపాధి శిక్షణ కార్యక్రమం నిర్వహించనుంది. నవంబర్‌ 18 నుంచి డిసెంబర్‌ 24 వరకు నిర్వహించే ఈ కార్యక్రమంలో మొబైల్‌ సర్వీసింగ్, ఎంఎస్‌ ఆఫీస్, అకౌంటింగ్‌ ప్యాకేజీ, జీఎస్‌టీ వంటి వాటిలో శిక్షణ ఇస్తారు. శిక్షణ కాలంలో ఉచితంగా భోజనం, బస సౌకర్యాలు కల్పిస్తారు. ఆసక్తి ఉన్నవారు సంస్థ వెబ్‌సైట్‌ www.bired.org ద్వారా ఆన్‌లైన్‌లో నవంబర్‌ 5లోగా దరఖాస్తు చేసుకోవచ్చు.

28 నుంచి ఏఎన్‌ఎంలకు కౌన్సెలింగ్‌
గుంటూరు వైద్యం, న్యూస్‌టుడే : గ్రామ, వార్డు సచివాలయానికి ఎంపికైన ఆరోగ్య కార్యకర్తలకు అక్టోబ‌రు 28, 30 తేదీల్లో కౌన్సెలింగ్‌ ఏర్పాటు చేస్తూ జిల్లా వైద్య ఆరోగ్య శాఖాధికారి యాశ్మిన్‌ అక్టోబ‌రు 26న‌ ఉత్తర్వులు జారీ చేశారు. ప్రతిభ ఆధారంగా వారికి ప్రాధాన్యత క్రమంలో నియామక పత్రాలను అందజేయనున్నారు. సోమవారం ఉదయం 9 గంటలకు ర్యాంకు నవంబరు 1 నుంచి 150 వరకు, 11 గంటలకు 151 నుంచి 325, మధ్యాహ్నం 2 గంటలకు 326 నుంచి 500, సాయంత్రం 4 గంటలకు 501 నుంచి 700 వరకు అభ్యర్థులు హాజరు కావాల్సి ఉంటుంది. అక్టోబ‌రు 30న‌ ఉదయం 9 గంటలకు 701 నుంచి 940, 11 గంటలకు 941 నుంచి 1200, మధ్యాహ్నం 2 గంటలకు 1201 నుంచి 2150, సాయంత్రం 4 గంటలకు 2151 నుంచి 3199 వరకు అభ్యర్థులు కౌన్సెలింగ్‌కు హాజరు కావాల్సి ఉంటుందని తెలిపారు.

ఐటీఐ కళాశాలల్లో ప్రవేశాలకు దరఖాస్తులు
పటమట, న్యూస్‌టుడే: జిల్లాలోని ప్రభుత్వ ఐటీఐ కళాశాలల్లో మిగిలిన సీట్ల భర్తీకి అక్టోబ‌రు 17 నుంచి 26వ తేదీ వరకు, ప్రైవేటు ఐటీఐ కళాశాలల్లో భర్తీకి 17 నుంచి 29వ తేదీ వరకు దరఖాస్తులు ఇస్తున్నట్లు ప్రభుత్వ ఐటీఐ కళాశాల ప్రిన్సిపల్‌ ఒక ప్రకటనలో తెలిపారు. పూర్తి చేసిన వాటిని ప్రభుత్వ ఐటీఐల్లో చేరే అభ్యర్థులు 26న, ప్రైవేటు కళాశాలల్లో 29వ తేదీ సాయంత్రం 5 గంటలలోపు సమర్పించాలని సూచించారు. 28న ప్రభుత్వ, 30న ప్రైవేటు కళాశాలల్లో కౌన్సెలింగ్‌ నిర్వహిస్తారని, అభ్యర్థులు తమ ఒరిజినల్‌ సర్టిఫికెట్స్‌తో హాజరు కావాలన్నారు. మరిన్ని వివరాలకు 0866-2475575 నెంబరులో సంప్రదించాలని సూచించారు.

నవంబరు 7 నుంచి ఆర్మీ ఉద్యోగ నియామక ర్యాలీ
శ్రీకాకుళం నగరం, న్యూస్‌టుడే: నగరంలోని ప్రభుత్వ పురుషుల డిగ్రీ కళాశాల ప్రాంగణంలో నవంబరు 7 నుంచి 17వ తేదీ వరకు ఆర్మీ ఉద్యోగ నియామక ర్యాలీ (ఆర్మీ రిక్రూట్‌మెంటు ర్యాలీ) నిర్వహిస్తున్నట్లు కలెక్టర్‌ జె.నివాస్‌ తెలిపారు. కలెక్టరేట్‌ సమావేశ మందిరంలో ఆర్మీ అధికారులతో కలిసి మంగళవారం మీడియా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ సోల్జర్‌ (సైనికుడు జనరల్‌ డ్యూటీ, ట్రేడ్‌మెన్, టెక్నికల్, నర్సింగ్‌ అసిస్టెంట్, వెటర్నరీ నర్సింగ్‌ అసిస్టెంట్, క్లర్క్, స్టోర్‌కీపర్‌ టెక్నికల్‌) ఉద్యోగాల ఎంపిక కోసం విశాఖపట్నం ఆర్మీ రిక్రూట్‌మెంట్‌ కార్యాలయం ఆధ్వర్యంలో ఈ నియామక ర్యాలీ చేపడుతున్నట్లు చెప్పారు. శ్రీకాకుళం, విజయనగరం, విశాఖపట్నం, తూర్పు గోదావరి, పశ్చిమ గోదావరి, కృష్ణా, పాండిచ్చేరి రాష్ట్రంలోని యానాం అభ్యర్థులు ఈ ఉద్యోగ నియామక ర్యాలీలో పాల్గొనేందుకు అర్హులని చెప్పారు. ఈ నెల 8న ఈ నియామకాలకు సంబంధించిన ప్రకటన విడుదల చేయడం జరిగిందన్నారు. అభ్యర్థులు ఈ నెల 23 నుంచి అక్టోబరు 22 వరకు వెబ్‌సైట్‌ ద్వారా ఆన్‌లైన్‌లో దరఖాస్తు చేసుకోవాలని తెలిపారు. అభ్యర్థుల ప్రతిభ ఆధారంగానే ఈ ఎంపికలు జరుగుతాయని స్పష్టం చేశారు. అభ్యర్థులు ఆర్మీ కాలింగ్‌ మెబైల్‌యాప్‌ ద్వారా, విశాఖపట్నంలోని ఆర్మీ రిక్రూట్‌మెంట్‌ కేంద్రం ఫోన్‌ నెంబరు 0891 2754680కు గానీ ఫోన్‌ చేసి తమ సందేహాలను నివృతి చేసుకోవచ్చని తెలిపారు. అభ్యర్థులు గూగుల్‌ప్లే స్టోర్‌ నుంచి ఆర్మీ రిక్రూట్‌మెంటు దరఖాస్తును డౌన్‌లోడ్‌ చేసుకోవచ్చన్నారు. ఈ ర్యాలీలో సుమారు 50 వేల మంది అభ్యర్థులు పాల్గొంటారని అంచనా వేస్తున్నట్లు చెప్పారు. అందుకు అవసరమైన ఏర్పాట్లు చేస్తున్నట్లు తెలిపారు. సమావేశంలో ఆర్మీ రిక్రూట్‌మెంటు డైరెక్టర్‌ కల్నల్‌ భూపేందర్‌సింగ్, జిల్లా రెవెన్యూ అధికారి బి.దయానిధి తదితరులు పాల్గొన్నారు.

ఓపెన్‌ స్కూల్‌ దరఖాస్తుకు గడువు పొడిగింపు
కడప విద్య, న్యూస్‌టుడే: గుంటూరు సార్వత్రిక విద్యాపీఠం సంచాలకుల ఉత్తర్వుల ప్రకారం 2019-20 విద్యా సంవత్సరానికి సంబంధించి ఏపీ ఓపెన్‌ స్కూల్‌ సొసైటీ పదో తరగతి, ఇంటర్మీడియట్‌ ప్రవేశాల కోసం అభ్యర్థుల నుంచి అపరాధ రుసుంతో నవంబరు 16వ తేదీ వరకూ ఫీజు చెల్లింపు గడువు పొడిగించినట్లు జిల్లా విద్యాశాఖాధికారి శైలజ ప్రకటనలో పేర్కొన్నారు. పదో తరగతి రూ.100, ఇంటర్మీడియట్‌ రూ.200లతో చెల్లించాలని తెలిపారు. గడువు పొడిగింపును సద్వినియోగం చేసుకోవాలన్నారు.

14 నుంచి ధ్రువపత్రాల పరిశీలన
కడప విద్య, న్యూస్‌టుడే: జోన్‌-4 పరిధిలోని అనంతపురం, చిత్తూరు, కడప, కర్నూలు జిల్లాల్లోని ఆంధ్రప్రదేశ్‌ మోడల్‌ స్కూల్స్‌, ఏపీబీసీ వెల్ఫేర్‌ పాఠశాలల్లో మూడో ఫేస్‌లో పీజీటీ, టీజీటీ, క్రాప్ట్‌, డ్రాయింట్‌, మ్యూజిక్‌ పోస్టర్ల కోసం ఎంపిక అయిన అభ్యర్థుల ధ్రువపత్రాల పరిశీలన జరగనుందని పాఠశాల విద్య కడప ప్రాంతీయ సంయుక్త సంచాలకులు (ఆర్జేడీ) వెంకట కృష్ణారెడ్డి ప్రకటనలో పేర్కొన్నారు. న‌వంబ‌రు14వ తేదీన పీజీటీ పోస్టుల కోసం, 15వ తేదీన టీజీటీ పోస్టుల కోసం, 16వ తేదీన క్రాప్ట్‌, డ్రాయింగ్‌, మ్యూజిక్‌ పోస్టుల కోసం పరిశీలన జరగనుందని తెలిపారు. పీజీటీ పోస్టుల అభ్యర్థులు వెబ్‌సైట్‌లో సంబంధిత ధ్రువపత్రాలను న‌వంబ‌రు 13, 14 తేదీలలోగా అప్‌లోడ్‌ చేయాలన్నారు. టీజీటీ పోస్టుల అభ్యర్థులు వెబ్‌సైట్‌లో సంబంధిత ధ్రువపత్రాలను ఈ నెల 14వ తేదీలోగా అప్‌లోడ్‌ చేయాలని తెలిపారు. క్రాప్ట్‌, డ్రాయింగ్‌, మ్యూజిక్‌ పోస్టుల కోసం అభ్యర్థులు వెబ్‌సైట్‌లో సంబంధిత ధ్రువపత్రాలను ఈ నెల 14, 15 తేదీలలో అప్‌లోడ్‌ చేయాలని పేర్కొన్నారు. అప్‌లోడ్‌ చేసిన ధ్రువపత్రాలు ఒరిజినల్స్‌తో పాటు మూడు జిరాక్స్‌ సెట్లను ఒక ఫైలుపోల్డర్‌లో ఉంచి తీసుకుని ఆయా తేదీలలో హాజరుకావాలన్నారు. సంబంధిత ధ్రువపత్రాలతో హాజరుకాకపోతే ఆ ఉద్యోగానికి అనర్హులుగా ప్రకటించనున్నట్లు పేర్కొన్నారు. ఫేజ్‌ 1. ఫేజ్‌ 2 లో ఎంపికై ఇప్పటికే ధ్రువపత్రాల పరిశీలన చేయించుకున్న అభ్యర్థులు హాజరుకావాల్సిన అవసరం లేదని తెలిపారు.

సైనిక్‌ పాఠశాల దరఖాస్తుకు గడువు పెంపు
జిల్లా సచివాలయం, న్యూస్‌టుడే : సైనిక్‌ పాఠశాలలో ఆరో తరగతి ప్రవేశాలకు జనవరి 5న నిర్వహించే అర్హత పరీక్షకు సంబంధించి అక్టోబ‌రు 31 వరకు దరఖాస్తు చేసుకునే అవకాశం కల్పించినట్లు జిల్లా రెవెన్యూ అధికారి రఘునాథ్‌ ఓ ప్రకటనలో పేర్కొన్నారు. దరఖాస్తు పత్రాలు ఆన్‌లైన్‌లో లభిస్తాయని ఈ అవకాశాన్ని సద్వినియోగం చేసుకోవాలని డీఆర్వో కోరారు.

వెబ్‌సైట్‌లో మాస్టర్‌ కీ
పోర్టురోడ్డు, న్యూస్‌టుడే: ఇటీవల నిర్వహించిన నేషనల్‌ టాలెంట్‌ సెర్చ్‌ ఎగ్జామ్‌, నేషనల్‌ మీన్స్‌ మెరిట్‌ స్కాలర్‌షిప్‌ పరీక్షలకు సంబంధించిన మాస్టర్‌ ప్రశ్నపత్రాలు, మాస్టర్‌ కీలను వెబ్‌సైట్‌లో పొందుపరచినట్లు తెలిపారు. సమాధానాల విషయంలో ఏమైనా అభ్యంతరాలుంటే న‌వంబ‌రు 12వ తేదీ సాయంత్రం 5.30 గంటలలోపు కార్యాలయపు వెబ్‌సైట్‌లోని ఎన్‌టీఎస్‌ఈ, ఎన్‌ఎంఎంఎస్‌ ట్యాబ్‌లోని గ్రీవెన్స్‌ లింకు ద్వారా తెలియజేయాలన్నారు. 12వ తేదీ తర్వాత వచ్చిన అభ్యంతరాలు ఎంతమాత్రం పరిగణనలోకి తీసుకోబోమని స్పష్టం చేశారు.
http://bseap.org/

ధ్రువపత్రాల పరిశీలన వాయిదా
భాస్కరపురం, న్యూస్‌టుడే: భాషోపాధ్యాయులు, పీఈటీ పోస్టుల ఉన్నతీకరణకు సంబంధించి అక్టోబ‌రు 22 నుంచి 24వ తేదీ వరకు జరగాల్సిన ధ్రువపత్రాల పరిశీలన అనివార్య కారణాల వల్ల వాయిదా వేస్తున్నట్లు డీఈవో ఎంవీ.రాజ్యలక్ష్మి తెలిపారు. ధ్రువపత్రాల పరిశీలన మళ్లీ ఎప్పుడు నిర్వహించేది త్వరలో తెలియజేస్తామని, ఉపాధ్యాయులు గమనించాలని కోరారు.

ఐటీఐ కళాశాలల్లో ప్రవేశాలకు దరఖాస్తులు
పటమట, న్యూస్‌టుడే: జిల్లాలోని ప్రభుత్వ ఐటీఐ కళాశాలల్లో మిగిలిన సీట్ల భర్తీకి అక్టోబ‌రు 17 నుంచి 26వ తేదీ వరకు, ప్రైవేటు ఐటీఐ కళాశాలల్లో భర్తీకి 17 నుంచి 29వ తేదీ వరకు దరఖాస్తులు ఇస్తున్నట్లు ప్రభుత్వ ఐటీఐ కళాశాల ప్రిన్సిపల్‌ ఒక ప్రకటనలో తెలిపారు. పూర్తి చేసిన వాటిని ప్రభుత్వ ఐటీఐల్లో చేరే అభ్యర్థులు 26న, ప్రైవేటు కళాశాలల్లో 29వ తేదీ సాయంత్రం 5 గంటలలోపు సమర్పించాలని సూచించారు. 28న ప్రభుత్వ, 30న ప్రైవేటు కళాశాలల్లో కౌన్సెలింగ్‌ నిర్వహిస్తారని, అభ్యర్థులు తమ ఒరిజినల్‌ సర్టిఫికెట్స్‌తో హాజరు కావాలన్నారు. మరిన్ని వివరాలకు 0866-2475575 నెంబరులో సంప్రదించాలని సూచించారు.

నవంబరు 7 నుంచి ఆర్మీ ఉద్యోగ నియామక ర్యాలీ
శ్రీకాకుళం నగరం, న్యూస్‌టుడే: నగరంలోని ప్రభుత్వ పురుషుల డిగ్రీ కళాశాల ప్రాంగణంలో నవంబరు 7 నుంచి 17వ తేదీ వరకు ఆర్మీ ఉద్యోగ నియామక ర్యాలీ (ఆర్మీ రిక్రూట్‌మెంటు ర్యాలీ) నిర్వహిస్తున్నట్లు కలెక్టర్‌ జె.నివాస్‌ తెలిపారు. కలెక్టరేట్‌ సమావేశ మందిరంలో ఆర్మీ అధికారులతో కలిసి మంగళవారం మీడియా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ సోల్జర్‌ (సైనికుడు జనరల్‌ డ్యూటీ, ట్రేడ్‌మెన్, టెక్నికల్, నర్సింగ్‌ అసిస్టెంట్, వెటర్నరీ నర్సింగ్‌ అసిస్టెంట్, క్లర్క్, స్టోర్‌కీపర్‌ టెక్నికల్‌) ఉద్యోగాల ఎంపిక కోసం విశాఖపట్నం ఆర్మీ రిక్రూట్‌మెంట్‌ కార్యాలయం ఆధ్వర్యంలో ఈ నియామక ర్యాలీ చేపడుతున్నట్లు చెప్పారు. శ్రీకాకుళం, విజయనగరం, విశాఖపట్నం, తూర్పు గోదావరి, పశ్చిమ గోదావరి, కృష్ణా, పాండిచ్చేరి రాష్ట్రంలోని యానాం అభ్యర్థులు ఈ ఉద్యోగ నియామక ర్యాలీలో పాల్గొనేందుకు అర్హులని చెప్పారు. ఈ నెల 8న ఈ నియామకాలకు సంబంధించిన ప్రకటన విడుదల చేయడం జరిగిందన్నారు. అభ్యర్థులు ఈ నెల 23 నుంచి అక్టోబరు 22 వరకు వెబ్‌సైట్‌ ద్వారా ఆన్‌లైన్‌లో దరఖాస్తు చేసుకోవాలని తెలిపారు. అభ్యర్థుల ప్రతిభ ఆధారంగానే ఈ ఎంపికలు జరుగుతాయని స్పష్టం చేశారు. అభ్యర్థులు ఆర్మీ కాలింగ్‌ మెబైల్‌యాప్‌ ద్వారా, విశాఖపట్నంలోని ఆర్మీ రిక్రూట్‌మెంట్‌ కేంద్రం ఫోన్‌ నెంబరు 0891 2754680కు గానీ ఫోన్‌ చేసి తమ సందేహాలను నివృతి చేసుకోవచ్చని తెలిపారు. అభ్యర్థులు గూగుల్‌ప్లే స్టోర్‌ నుంచి ఆర్మీ రిక్రూట్‌మెంటు దరఖాస్తును డౌన్‌లోడ్‌ చేసుకోవచ్చన్నారు. ఈ ర్యాలీలో సుమారు 50 వేల మంది అభ్యర్థులు పాల్గొంటారని అంచనా వేస్తున్నట్లు చెప్పారు. అందుకు అవసరమైన ఏర్పాట్లు చేస్తున్నట్లు తెలిపారు. సమావేశంలో ఆర్మీ రిక్రూట్‌మెంటు డైరెక్టర్‌ కల్నల్‌ భూపేందర్‌సింగ్, జిల్లా రెవెన్యూ అధికారి బి.దయానిధి తదితరులు పాల్గొన్నారు.

మూడవ విడత జాబితా విడుదల
కర్నూలు విద్య , న్యూస్‌టుడే: డీఎస్సీ-2018 పరీక్షలో పాల్గొని ఎంపికైన అభ్యర్థులకు చెందిన పాఠశాల సహాయకులు(గణితం, బయాలజీ), సెకండరీ గ్రేడ్‌ టీచర్‌(ఉర్దూ) పోస్టులకు సంబంధించిన మూడవ జాబితా విడుదల చేశారని జిల్లా విద్యాధికారి సాయిరామ్‌ తెలిపారు. జాబితాలో 13మంది అభ్యర్థులను ఎంపిక చేశామని, అందుకు సంబంధించిన ్ర్ర్ర.‘(’్చ్ప్ణ్న్ర.i- అంతర్జాలంలో పొందుపరిచామన్నారు. ఈ జాబితాలో పొందుపరిచిన అభ్యర్థులకు నవంబరు 14న అభ్యర్థులకు చరవాణి ద్వారా సంక్షిప్త సమాచారం పంపుతామన్నారు. అభ్యర్థుల ఒరిజినల్‌ సర్టిఫికేట్లు వెబ్‌సైట్‌లో నవంబరు 14,15 తేదీలలో అప్‌లోడ్‌ చేయాలన్నారు. 16వతేదీన కలెక్టరేట్లోని డీఈవో కార్యాలయంలో అభ్యర్థుల ధ్రువపత్రాల పరిశీలన జరుగుతుందన్నారు. ఎంపికైన అభ్యర్థులు తమ పాఠశాల గుర్తింపు వివరాలు, స్టడీ సర్టిఫికేట్లు, కుల ధృవీకరణ కోరకు ఒరిజినల్‌ టీసీ తీసుకురావాలన్నారు.

28 నుంచి లాసెట్‌ కౌన్సెలింగ్‌
కర్నూలు న్యాయవిభాగం, న్యూస్‌టుడే: మూడు, ఐదు సంవత్సరాల లాకోర్సు చేరే అభ్యర్థులకు అక్టోబ‌రు 28 నుంచి కౌన్సెలింగ్‌ ప్రారంభమవుతున్నట్లు స్థానిక న్యాయకళాశాల ప్రిన్సిపల్‌ డాక్టర్‌ ఎం.శివాజీరావు ప్రకటనలో తెలిపారు. లాసెట్‌-2019 ఉత్తీర్ణత పొందిన అభ్యర్థులు తమతమ ర్యాంకులను బట్టి కేటాయించిన తేదీల్లో ఒరిజినల్‌ సర్టిఫికెట్లతో కౌన్సెంగ్‌ కేంద్రానికి హాజరుకావాలని, వీటిని అనంతపురం, తిరుపతి, గుంటూరు, విశాఖపట్నంలో నిర్వహిస్తున్నట్లు పేర్కొన్నారు. అభ్యర్థులు ఎక్కడైనా హాజరుకావచ్చన్నారు. పూర్తి వివరాలకు ఏపీ లాసెట్‌ వెబ్‌సైట్‌ను పరిశీలించాలన్నారు.

అడ్మిషన్ల గడువు పెంపు
నెల్లూరు (విద్య), న్యూస్‌టుడే : ఆంధ్రప్రదేశ్‌ ఓపెన్‌ స్కూల్స్‌లో పదోతరగతి, ఇంటర్మీడియట్‌ కోర్సుల్లో చేరేందుకు అడ్మిషన్ల గడువు పొడిగించినట్లు జిల్లా కోఆర్డినేటర్‌ ఎల్‌సీ రమణారెడ్డి మంగళవారం పేర్కొన్నారు. ఈ సందర్భంగా ఆయన ఆ కార్యాలయంలో జరిగిన విలేకరుల సమావేశంలో మాట్లాడుతూ న‌వంబ‌రు16వ తేదీ వరకు గడువు పొడిగించనట్లు పేర్కొన్నారు. ఏపీ ఆన్‌లైన్‌ ద్వారా ఫీజులు చెల్లించాలని పేర్కొన్నారు.

వాలంటీర్ల ఉద్యోగాలకు 10లోగా దరఖాస్తు చేసుకోవాలి
* కలెక్టర్‌
నెల్లూరు (సంక్షేమం), న్యూస్‌టుడే: జిల్లాలో ఖాళీగా ఉన్న గ్రామ వాలంటీర్ల ఉద్యోగాలకు న‌వంబ‌రు 10వ తేదీలోగా ఆన్‌లైన్‌ ద్వారా దరఖాస్తు చేసుకోవాలని జిల్లా కలెక్టర్‌ అక్టోబ‌రు 31న‌ రాత్రి ఒక ప్రకటనలో పేర్కొన్నారు. రాష్ట్ర పంచాయతీరాజ్‌, గ్రామీణాభివృద్ధిశాఖ ఆదేశాల మేరకు జిల్లాలో పంచాయతీల్లో ఇంకా ఖాళీగా ఉన్న గ్రామ వాలంటీర్ల ఉద్యోగాలకు అర్హులైన యువతీ యువకులు నవంబరు 1వ తేదీ నుంచి 10వ తేదీవరకు ఆన్‌లైన్‌ ద్వారా దరఖాస్తు చేసుకోవాలని ఆయన కోరారు. 15వ తేదీన ఆయా దరఖాస్తులను పరిశీలించి 16వ తేదీ నుంచి 20వ తేదీ వరకు పరీక్షలు నిర్వహించి, ఉత్తీర్ణులైన వాలంటీర్ల జాబితాను 22వ తేదీన ప్రకటిస్తామన్నారు. ఎంపికైన వారికి 29వ తేదీ నుంచి 30వ తేదీ వరకు శిక్షణ నిర్వహించి డిసెంబరు 1వ తేదీ నుంచి వాలంటీర్లకు కేటాయించిన విధులను నిర్వహిస్తారని శేషగిరిబాబు ప్రకటనలో తెలియజేశారు.

1338 వార్డు వాలంటీర్ల పోస్టుల భర్తీకి ఉత్తర్వులు
నెల్లూరు (నగరపాలకసంస్థ), న్యూస్‌టుడే: జిల్లాలో నగర, పురపాలకసంస్థల్లో 1338 వార్డు వాలంటీర్ల ఉద్యోగాలను భర్తీ చేసేందుకు ప్రభుత్వం అక్టోబ‌రు 30న‌ ఉత్తర్వులు జారీ చేసింది. నెల్లూరు 1062, కావలి 103, గూడూరు 60, వెంకటగిరి 9, ఆత్మకూరు 10, సూళ్లూరుపేట 55, నాయుడుపేట 39 వార్డు వాలంటీర్ల ఉద్యోగాలను భర్తీ చేయనున్నారు. నవంబరు ఒకటో తేదీ నుంచి దరఖాస్తులను స్వీకరించనున్నారు.

నవంబరు 5 వరకు ఇంటర్‌ పరీక్షలకు ఫీజు గడువు
నెల్లూరు(విద్య), న్యూస్‌టుడే : ఇంటర్మీడియట్‌ మొదటి, రెండవ సంవత్సరాల పబ్లిక్‌ పరీక్షలకు హాజరయ్యే విద్యార్థులు నవంబరు 5వ తేదీలోగా ఫీజులు చెల్లించాలని ఆర్‌ఐవో శ్రీనివాసరావు ఒక ప్రకటనలో తెలిపారు. దరఖాస్తు ఫీజు రూ.10, మొదటి, రెండవ సంవత్సరం జనరల్‌ విద్యార్థులు రూ.490, మొదటి, రెండవ సంవత్సరం ఒకేషనల్‌ విద్యార్థులు రెండవ సంవత్సరం రూ.680, ప్రాక్టికల్స్‌కు రూ.190, జనరల్‌, ఒకేషనల్‌ బ్రిడ్జి కోర్సులకు రూ.135 చెల్లించాలని పేర్కొన్నారు. అపరాధ రుసుం రూ.120తో నవంబరు 14 వరకు చెల్లించవచ్చని తెలిపారు. ఇంటర్‌ బోర్డు నిర్ణయించిన దానికన్నా అదనంగా వసూలు చేస్తే వారిపై చర్యలు తీసుకుంటామని అన్నారు.

2న గిరిజన ఉద్యోగమేళా
సీతంపేట, న్యూస్‌టుడే: ఐటీడీఏ ఆధ్వర్యంలో సమృద్ధి సీతంపేటలో భాగంగా నవరబరు 2వ తేదీన గిరిజన యువత కోసం ఉద్యోగమేళా నిర్వహిస్తున్నట్లు ఐటీడీఏ పీవో సాయికాంత్‌ వర్మ తెలిపారు. పాలకొండలోని సత్యసాయి జూనియర్‌ కళాశాలలో ఉద్యోగమేళా నిర్వహిస్తున్నట్లు తెలిపారు. మిరాకిల్‌, బిగ్‌ బాస్కెట్‌, ఫోక్స్‌కాన్‌, ప్లిప్‌కార్డు, జిఫోర్‌ సెక్యూరిటీస్‌, అపోలో, సిగ్వీ, వరుణ్‌ మోటార్స్‌, టాటా కన్సల్టెన్సీ సర్వీసెస్‌, ఇండిగో, అనిత్స్‌ హాస్పిటల్స్‌, తదితర సంస్థలు ఈ ఉద్యోగమేళాలో పాల్గొని ఉద్యోగాలు కల్పిస్తాయని తెలిపారు. ఎంపికైన వారికి ఉద్యోగాన్ని బట్టి రూ.9 వేల నుంచి రూ.16 వేల వరకు వేతనం ఇవ్వడంతో పాటు భోజనం, వసతి కల్పించడం జరుగుతుందని తెలిపారు. ఎంపికైన వారు శ్రీకాకుళం, విజయనగరం, విశాఖపట్టణం, నెల్లూరు, హైదరాబాద్‌ ప్రాంతాల్లో పని చేయాల్సి ఉంటుందన్నారు. ఈ ఉద్యోగమేళాకు పది, ఇంటర్‌, డిగ్రీ, డిప్లొమా, ఫార్మసి, నర్సింగ్‌, బీటెక్‌ ఉత్తీర్ణులైన వారు అర్హులని తెలిపారు. తమ అర్హత ధ్రువ పత్రాలతో హాజరు కావాలన్నారు. పూర్తి వివరాలకు ఫోన్‌ నెంబర్లు-9000308185, 9573943855 లకు సంప్రదించాలన్నారు.

టీసీఎస్‌ పరీక్షకు ఉచిత శిక్షణ
శ్రీకాకుళం నగరం, న్యూస్‌టుడే: నవంబరు 7వ తేదీన నిర్వహించే టాటా కన్సల్టెన్సీ సర్వీసెస్‌ (టీసీఎస్‌) ఆన్‌లైన్‌ పరీక్షకు రాగోలు జెమ్స్‌ వైద్య కళాశాలలోని బొల్లినేని మెడిస్కిల్స్‌లో ఉచిత శిక్షణ ఇవ్వనున్నట్లు ఆ సెంటర్‌ హెడ్‌ సిహెచ్‌.నాగేశ్వరరావు తెలిపారు. బీఎస్సీ ఉత్తీర్ణులైనవారితోపాటు ప్రస్తుతం తృతీయ ఏడాది చదువుతున్నవారు పరీక్షకు అర్హులని ఆయన తెలిపారు. ఇంటర్మీడియట్‌, డిగ్రీ అభ్యర్థులకు బీఎస్సీ నర్సింగ్‌, బీఎస్సీ ఎంఎల్‌టీ, బీపీటీ, బీఎస్సీ పారామెడికల్‌ తదితర కోర్సుల్లో ఉచిత శిక్షణ ఇవ్వనున్నట్లు ఆయన తెలిపారు. అసక్తి గల అభ్యర్థులు అక్టోబ‌రు 28వ తేదీలోగా తమ పేర్లు బొల్లినేని మెడిస్కిల్స్‌లో నమోదు చేసుకోవాలని ఆయన కోరారు.

నవంబరు 7 నుంచి ఆర్మీ ఉద్యోగ నియామక ర్యాలీ
శ్రీకాకుళం నగరం, న్యూస్‌టుడే: నగరంలోని ప్రభుత్వ పురుషుల డిగ్రీ కళాశాల ప్రాంగణంలో నవంబరు 7 నుంచి 17వ తేదీ వరకు ఆర్మీ ఉద్యోగ నియామక ర్యాలీ (ఆర్మీ రిక్రూట్‌మెంటు ర్యాలీ) నిర్వహిస్తున్నట్లు కలెక్టర్‌ జె.నివాస్‌ తెలిపారు. కలెక్టరేట్‌ సమావేశ మందిరంలో ఆర్మీ అధికారులతో కలిసి మంగళవారం మీడియా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ సోల్జర్‌ (సైనికుడు జనరల్‌ డ్యూటీ, ట్రేడ్‌మెన్, టెక్నికల్, నర్సింగ్‌ అసిస్టెంట్, వెటర్నరీ నర్సింగ్‌ అసిస్టెంట్, క్లర్క్, స్టోర్‌కీపర్‌ టెక్నికల్‌) ఉద్యోగాల ఎంపిక కోసం విశాఖపట్నం ఆర్మీ రిక్రూట్‌మెంట్‌ కార్యాలయం ఆధ్వర్యంలో ఈ నియామక ర్యాలీ చేపడుతున్నట్లు చెప్పారు. శ్రీకాకుళం, విజయనగరం, విశాఖపట్నం, తూర్పు గోదావరి, పశ్చిమ గోదావరి, కృష్ణా, పాండిచ్చేరి రాష్ట్రంలోని యానాం అభ్యర్థులు ఈ ఉద్యోగ నియామక ర్యాలీలో పాల్గొనేందుకు అర్హులని చెప్పారు. ఈ నెల 8న ఈ నియామకాలకు సంబంధించిన ప్రకటన విడుదల చేయడం జరిగిందన్నారు. అభ్యర్థులు ఈ నెల 23 నుంచి అక్టోబరు 22 వరకు వెబ్‌సైట్‌ ద్వారా ఆన్‌లైన్‌లో దరఖాస్తు చేసుకోవాలని తెలిపారు. అభ్యర్థుల ప్రతిభ ఆధారంగానే ఈ ఎంపికలు జరుగుతాయని స్పష్టం చేశారు. అభ్యర్థులు ఆర్మీ కాలింగ్‌ మెబైల్‌యాప్‌ ద్వారా, విశాఖపట్నంలోని ఆర్మీ రిక్రూట్‌మెంట్‌ కేంద్రం ఫోన్‌ నెంబరు 0891 2754680కు గానీ ఫోన్‌ చేసి తమ సందేహాలను నివృతి చేసుకోవచ్చని తెలిపారు. అభ్యర్థులు గూగుల్‌ప్లే స్టోర్‌ నుంచి ఆర్మీ రిక్రూట్‌మెంటు దరఖాస్తును డౌన్‌లోడ్‌ చేసుకోవచ్చన్నారు. ఈ ర్యాలీలో సుమారు 50 వేల మంది అభ్యర్థులు పాల్గొంటారని అంచనా వేస్తున్నట్లు చెప్పారు. అందుకు అవసరమైన ఏర్పాట్లు చేస్తున్నట్లు తెలిపారు. సమావేశంలో ఆర్మీ రిక్రూట్‌మెంటు డైరెక్టర్‌ కల్నల్‌ భూపేందర్‌సింగ్, జిల్లా రెవెన్యూ అధికారి బి.దయానిధి తదితరులు పాల్గొన్నారు.

గీతం ఎంబీఏ విద్యార్థులకు కొలువులు
సాగర్‌నగర్,న్యూస్‌టుడే: గీతం డీమ్డ్‌ వర్సిటీ ఇన్‌స్టిట్యూట్‌ ఆఫ్‌ మేనేజ్‌మెంట్‌లో పలు సంస్థలు గత వారం రోజులగా నిర్వహించిన ప్రాంగణ నియామక ప్రక్రియలో ఎంబీఏ విద్యార్థులు 80 మంది ఉద్యోగాలు సాధించారని గీతం సంబంధిత విభాగాధికారిణి డాక్టర్‌ ఉమాదేవి నవంబరు 2న తెలిపారు. ప్రముఖ కార్పొరేట్‌ సంప్థలు ఐటీసీ, ఆదిత్య బిర్లా కంపెనీలతో పాటు ఐసీఐసీఐ బ్యాంక్, హెచ్‌డీఎఫ్‌సీ తదితర బ్యాంకింగ్‌ రంగ సంస్థలు ఈ ఎంపికలు చేపట్టాయన్నారు. ఎంపికైన విద్యార్థులు ఒకొక్కరికి సుమారు రూ.8లక్షల వార్షిక వేతనం లభించనుందన్నారు.

26 మంది విద్యార్థులు ఎన్‌సీసీ కేడెట్లగా ఎంపిక
సాగర్‌నగర్,న్యూస్‌టుడే: రుషికొండ గాయత్రీ విద్యా పరిషత్‌ (జీవీపీ) కళాశాల ప్రాంగణంలో నవంబరు 1న నిర్వహించిన ఎన్‌సీసీ ఎంపిక ప్రక్రియలో జీవీపీ విద్యా సంస్థలకు చెందిన 26 మంది విద్యార్థులు ఎన్‌సీసీ కేడెట్లగా ఎంపికయ్యారని సంబంధిత విభాగాధికారి లెఫ్ట్‌నెంట్‌ ఆర్‌.బి.అనంతరావు పేర్కొన్నారు. ఆర్మీ విభాగం (13) ఆంధ్రా బెటాలియన్‌ ఎన్‌సీసీ ఉన్నతాధికారి లెఫ్‌్్టనెంట్‌ కల్నల్‌ డి.వి.ఎస్‌.ఎల్‌.ఎన్‌.రాజు తదితర అధికారుల పర్యవేక్షణలో ఈ నియామకాలు జరిగాయి. ఈ మేరకు సుమారు 100 మంది విద్యార్థులు హాజరుకాగా అన్ని విభాగాల పరీక్షల్లో ప్రతిభ కనబర్చిన 26 మంది మాత్రమే అర్హత సాధించారు.

నవంబరు 2న ఉద్యోగమేళా
సీతంపేట, న్యూస్‌టుడే: సీతంపేట ఐటీడీఏ ఆధ్వర్యంలో సమృద్ధి సీతంపేటలో భాగంగా నవంబరు 2న వ తేదీన గిరిజన యువత కోసం ఉద్యోగమేళా నిర్వహిస్తున్నట్లు ఐటీడీఏ పీవో సాయికాంత్‌ వర్మ తెలిపారు. పాలకొండలోని సత్యసాయి జూనియర్‌ కళాశాలలో ఉద్యోగమేళా నిర్వహిస్తున్నట్లు తెలిపారు. మిరాకిల్, బిగ్‌ బాస్కెట్, ఫోక్స్‌కాన్, ప్లిప్‌కార్డు, జిఫోర్‌ సెక్యూరిటీస్, అపోలో, సిగ్వీ, వరుణ్‌ మోటార్స్, టాటా కన్సల్టెన్సీ సర్వీసెస్, ఇండిగో, అనిత్స్‌ హాస్పిటల్స్, తదితర సంస్థలు ఈ ఉద్యోగమేళాలో పాల్గొని ఉద్యోగాలు కల్పిస్తాయని తెలిపారు. ఈ సంస్థల్లో వివిధ ఉద్యోగాలకు ఎంపికలు జరుపుతారని తెలిపారు. ఎంపికైన వారికి ఉద్యోగాన్ని బట్టి రూ.9 వేల నుంచి రూ.16 వేల వరకు వేతనం ఇవ్వడంతో పాటు భోజనం, వసతి కల్పించడం జరుగుతుందని తెలిపారు.ఎంపికైన వారు శ్రీకాకుళం, విజయనగరం, విశాఖపట్టణం, నెల్లూరు, హైదరాబాద్‌ ప్రాంతాల్లో పని చేయాల్సి ఉంటుందన్నారు. ఈ ఉద్యోగమేళాకు పది, ఇంటర్, డిగ్రీ, డిప్లొమా, ఫార్మసి, నర్సింగ్, బీటెక్‌ ఉత్తీర్ణులైన వారు అర్హులని తెలిపారు. తమ అర్హత ధ్రువ పత్రాలతో హాజరు కావాలన్నారు. పూర్తి వివరాలకు ఫోన్‌ నెంబర్లు-9000308185, 9573943855 లకు సంప్రదించాలన్నారు

గీతంలో ఎంఫిల్, పీహెచ్‌డీ అడ్మిషను
సాగర్‌నగర్, న్యూస్‌టుడే: గీతం డీమ్డ్‌ వర్సిటీ (2019-20) విద్యా సంవత్సరానికి సంబంధించి ఎంఫిల్‌్, పీహెచ్‌డీల్లో ప్రవేశాలకు అర్హులైన అభ్యర్ధుల నుంచి దరఖాస్తులు ఆహ్వానిస్తున్నట్లు గీతం ప్రవేశాల విభాగం డైరెక్టర్‌ ఆచార్య కె.నరేంద్ర తెలిపారు. ఆసక్తిగలవారు గీతం వెబ్‌సైట్‌ నుంచి ఆన్‌లైన్‌ ద్వారా దరఖాస్తు చేసుకోవచ్చని సూచించారు.నవంబరు 14వ తేదీ వరకు ఆన్‌లైన్‌లో దరఖాస్తులు స్వీకరిస్తామన్నారు.ప్రవేశ పరీక్ష ద్వారా అర్హులైన వారికి ఎంఫిల్, పీహెచ్‌డీల్లో ప్రవేశాలు కల్పిస్తామన్నారు. ఫుల్‌టైమ్‌ రీసెర్చి స్కాలర్లుగా చేరేవారిలో ప్రతిభ కనబర్చిన వారికి రీసెర్చి ఫెలోషిప్‌ అందజేయనున్నామని పేర్కొన్నారు. మూడేళ్ల కాలం పాటు నెలకు రూ.15 వేలు నుంచి రూ.20 వేల వరకు ఈ స్కాలర్‌ షిప్‌ ఉంటుంన్నారు.

31లోపు దరఖాస్తు చేసుకోండి
విశాలాక్షినగర్‌, న్యూస్‌టుడే : భారతీయ విజ్ఞాన మండలి, శాస్త్రసాంకేతిక మండలి సంయుక్త ఆధ్వర్యంలో నిర్వహించనున్న సైన్స్‌ ప్రతిభా అన్వేషణ పరీక్ష గోడపత్రిక ఆవిష్కరణ జిల్లా విద్యాశాఖాధికారి కార్యాలయంలో డీఈఓ లింగేశ్వరరెడ్డి ఆవిష్కరించారు. ఈ పరీక్షకు ప్రభుత్వ పాఠశాలల్లో చదువుతున్న 8, 9, 10 విద్యార్థులు అర్హులన్నారు. అక్టోబ‌రు 31వ తేదీ లోపల www.bvmap.org వెబ్‌సైట్‌లో నమోదు చేసుకోవాని సూచించారు. జిల్లాస్థాయి పోటీలు నవంబర్‌ 30న, రాష్ట్రస్థాయి పరీక్ష డిసెంబర్‌ 14 నిర్వహించనున్నట్లు భారతీయ విజ్హానమండలి సమన్వయ కర్త శ్రీనివాసరావు తెలిపారు. క్విజ్‌, పోస్టర్‌ మేకింగ్‌ తదితర అంశాల్లో పోటీలుంటాయన్నారు. మిగిలిన వివరాలకు 8341695333 నవంబర్‌లో సంప్రదించాలన్నారు.

14న ఉద్యోగమేళా
విజయనగరం మయూరికూడలి, న్యూస్‌టుడే: న‌వంబ‌రు 14న జిల్లా ఉపాధి కల్పన శాఖలో నిరుద్యోగులకు ఉద్యోగ మేళా నిర్వహిస్తున్నట్లు శాఖాధికారి వై.రవీంద్ర కుమార్‌ ఒక ప్రకటనలో పేర్కొన్నారు. ఈ మేళాలో సువర్ణభూమి డెవలపర్సు ప్రైవేట్‌ సంస్థలో మార్కెటింగ్‌ ప్రబంధకులు, ఎగ్జిక్యూటివ్‌ కొలువులకు అభ్యర్థులను ఎంపిక చేస్తున్నట్లు తెలిపారు. పదోతరగతి ఆపై ఉన్నత తరగతి చదివిన 18-35 వయసు ఉన్న స్త్రీ, పురుషులు అర్హులన్నారు. ఆరోజు ఉదయం 10.30 గంటలకు విద్యార్హత, ధ్రువపత్రాలతో హాజరుకావాలని కోరారు.

పది అర్హతతో వాలంటీర్ల కొలువులు
* ఖాళీల సంఖ్య గుర్తింపునకు కసరత్తు
* నవంబరు 1న జిల్లాస్థాయిలో కొత్త ప్రకటన జారీ
* డిసెంబరు ఒకటి నాటికి నియామకాలు

విజయనగరం విద్యావిభాగం, న్యూస్‌టుడే: గ్రామ, వార్డు వాలంటీర్ల ఖాళీల భర్తీకి రంగం సిద్ధమైంది. ప్రభుత్వ ఆదేశాల మేరకు నవంబరు ఒకటిన జిల్లాల వారీగా ప్రకటన జారీ చేసి, డిసెంబరు ఒకటో తేదీకి నియామకాలు పూర్తిచేయనున్నారు. డిసెంబరు ఒకటి నుంచి ఎంపికైన వారంతా విధుల్లో చేరేలా అధికారులు చర్యలు తీసుకున్నారు. ఈ మేరకు జిల్లాలో ఖాళీల వివరాలను సేకరించి, ప్రభుత్వానికి నివేదించే పనిలో నిమగ్నమయ్యారు. ఎంపికప్రక్రియ అంతా పాతవిధానంలోనే జరగనుంది. కేవలం విద్యార్హత విషయంలో వెసులుబాటు కల్పించారు. గతంలో నిర్దేశించిన ఇంటర్‌ విద్యార్హతను తగ్గిస్తూ పదోతరగతి ఉతీర్ణతతో అవకాశం కల్పిస్తూ ఉత్తర్వుల్లో స్పష్టం చేశారు. దీంతో ఖాళీలు ఎక్కువ సంఖ్యలో భర్తీకి నోచుకోనున్నాయని అధికారులు భావిస్తున్నారు.
527 గ్రామ వాలంటీర్ల ఖాళీలు
సచివాలయం వ్యవస్థలో భాగంగా జులైలో 10853 గ్రామ, 1172 వార్డు వాలంటీర్ల నియామకాలు చేపట్టారు. వీరికి ఆగస్టు 15 నుంచి పూర్తిస్థాయి బాధ్యతలు అప్పగించారు. ప్రభుత్వ పథకాల అమల్లో వాలంటీర్లే కీలకం. కొలువుల్లో చేరిన వారిలో కొందరు నెలరోజులకే ఇంటిముఖం పట్టారు. ఉద్యోగాలకు రాజీనామా చేసి వెళ్లేవారి సంఖ్య పెరుగుతోంది. ఆ ఖాళీలను భర్తీ చేయాలని ప్రభుత్వం ఆదేశిస్తున్నా ప్రక్రియ ముందుకు సాగడం లేదు. దీంతో రెండో విడత ప్రకటన ద్వారా పూర్తి చేయాలని భావించింది. జిల్లాలో వాలంటీర్ల పోస్టుల్లో నియమితులైన అభ్యర్థులు పెద్ద సంఖ్యలోనే ఉన్నారు. జిల్లా వ్యాప్తంగా 12,025 వాలంటీర్లు అవసరం. ప్రస్తుతం 11,202 మాత్రమే విధులు నిర్వర్తిస్తున్నారు. 823 ఖాళీలున్నట్లు ప్రాథమిక అంచనా. వీటిలో 527 ఖాళీలు గ్రామ వాలంటీర్లేవే ఉన్నాయి. మిగిలినవి పురపాలక సంఘాలవి. కేటగిరీల వారీగా దీనిపై కసరత్తు చేస్తున్నట్లు జడ్పీ సీఈవో వి.వెంకటేశ్వరరావు ‘న్యూస్‌టుడే’కు తెలిపారు. ఎంపీడీఓల నుంచి రాతపూర్వకంగా తీసుకుంటున్నట్లు వెల్లడించారు.
కారణాలివే...:
తొలివిడత ప్రకటనలో రోస్టరు కేటాయించిన రిజర్వేషన్ల కేటగిరిల్లో అభ్యర్థులు లేకపోవడంతో 200కు పైగా ఖాళీలు మిగిలిపోయాయి. ప్రధానంగా మైదాన ప్రాంతాల్లో ఎస్టీ అభ్యర్థుల కొరత ఉంది. ఈ కేటగిరిలో దరఖాస్తులు రాలేదు. మండలం స్థానంలో జిల్లా యూనిట్‌గా తీసుకుని అమలుచేస్తున్నా భర్తీకి నోచుకోలేదు.
కొందరు సచివాలయ ఉద్యోగాలకు ఎంపిక కావడంతో రాజీనామా చేశారు. ఇంకొందరు స్థానికంగా ఉద్యోగమని చేరినా ఒత్తిడితో కూడుకోవడం, నచ్చక మానేసినవారు ఉన్నారు. ఇతరత్రా ఉద్యోగాలకు వెళ్లిపోయినవారూ ఉన్నారు.
చదువుకున్న విద్యార్థులు ఎంపిక కావడంతో విధులు నిర్వహణతో విద్యకు ఇబ్బంది కలగడంతో కొందరు మానేశారు. ప్రారంభంలో ప్రభుత్వమే వీరిని విధుల నుంచి తొలగించాలని ఆదేశించింది.

ఐటీఐ కళాశాలల్లో చేరికకు దరఖాస్తుల ఆహ్వానం
విజయనగరం కోట, న్యూస్‌టుడే: ప్రభుత్వ ఐటీఐ కళాశాలల్లో చేరేందుకు ఖాళీగా ఉన్న సీట్ల భర్తీకి ఐదో విడత ప్రవేశాలకు అవకాశం కల్పిస్తున్నామని ప్రభుత్వ ఐటీఐ కళాశాలల కన్వీనర్‌ ఒక ప్రకటనలో తెలిపారు. పదో తరగతి ఉత్తీర్ణులైన అభ్యర్థులు అక్టోబ‌రు 26లోగా దరఖాస్తులు చేసుకోవాలని సూచించారు. అభ్యర్థులు 28న జిల్లాలోని ఆయా కళాశాలల్లో నిర్వహించే కౌన్సెలింగ్‌కు అసలు ధ్రువపత్రాలతో హాజరు కావాలని కోరారు.

సైనిక పాఠశాలల్లో బాలికలకు అవకాశం
* కోరుకొండలో ప్రవేశాలతో జిల్లా బాలికలకు ప్రయోజనం
విజయనగరం విద్యావిభాగం, న్యూస్‌టుడే: సైనిక పాఠశాలల్లో బాలికలకు ప్రవేశాలు కల్పించాలని కేంద్రం నిర్ణయించింది. జిల్లాకు చెందిన కేంద్ర మాజీ మంత్రి పూసపాటి అశోక్‌గజపతిరాజు చొరవే దీనికి నాంది పలికింది. గతంలో ఆయన చేసిన ప్రతిపాదనకు కేంద్ర రక్షణశాఖామంత్రి రాజ్‌నాథ్‌సింగ్‌తాజాగా ఆమోద ముద్ర వేశారు. 2021-22 విద్యా సంవత్సరం నుంచి దశలవారీగా బాలికలకు ప్రవేశం కల్పించనున్నట్లు వెల్లడించారు. మిజోరంలోని చింగ్‌చిప్‌సైనిక పాఠశాలలో బాలికలకు ప్రవేశం కల్పిస్తూ రెండేళ్ల కిందట చేపట్టిన ప్రయోగాత్మక ప్రాజెక్టు విజయవంతం కావడంతో దేశవ్యాప్తంగా విస్తరింపజేయాలని నిర్ణయించినట్లు ప్రకటించారు. మంత్రి ప్రకటనతో జిల్లాలో కోరుకొండ సైనిక పాఠశాలలో ప్రవేశాలతో జిల్లా బాలికలకు ప్రయోజనం కలగనుంది.
మంత్రిగా ఉన్న సమయంలో...
సైనిక పాఠశాలలో ఇప్పటివరకు కేవలం బాలురకు మాత్రమే ప్రవేశం ఉంది. పూసపాటి అశోక్‌గజపతిరాజు కేంద్ర పౌర విమానయానమంత్రిగా ఉన్న సమయంలో అప్పటి కేంద్ర రక్షణమంత్రి మనోహర్‌పరికర్‌ను కలిసి కోరుకొండ సైనిక పాఠశాలలో బాలికల విభాగం ఏర్పాటు చేయాలని కోరారు. ఆయన ప్రతిపాదనపై మంత్రి సానుకూలంగా స్పందించారు. తాజాగా ఈ ప్రతిపాద కార్యరూపం దాల్చడంతో దేశవ్యాప్తంగా అమలుకు నోచుకోనుంది.

నవంబరు 7 నుంచి ఆర్మీ ఉద్యోగ నియామక ర్యాలీ
శ్రీకాకుళం నగరం, న్యూస్‌టుడే: నగరంలోని ప్రభుత్వ పురుషుల డిగ్రీ కళాశాల ప్రాంగణంలో నవంబరు 7 నుంచి 17వ తేదీ వరకు ఆర్మీ ఉద్యోగ నియామక ర్యాలీ (ఆర్మీ రిక్రూట్‌మెంటు ర్యాలీ) నిర్వహిస్తున్నట్లు కలెక్టర్‌ జె.నివాస్‌ తెలిపారు. కలెక్టరేట్‌ సమావేశ మందిరంలో ఆర్మీ అధికారులతో కలిసి మంగళవారం మీడియా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ సోల్జర్‌ (సైనికుడు జనరల్‌ డ్యూటీ, ట్రేడ్‌మెన్, టెక్నికల్, నర్సింగ్‌ అసిస్టెంట్, వెటర్నరీ నర్సింగ్‌ అసిస్టెంట్, క్లర్క్, స్టోర్‌కీపర్‌ టెక్నికల్‌) ఉద్యోగాల ఎంపిక కోసం విశాఖపట్నం ఆర్మీ రిక్రూట్‌మెంట్‌ కార్యాలయం ఆధ్వర్యంలో ఈ నియామక ర్యాలీ చేపడుతున్నట్లు చెప్పారు. శ్రీకాకుళం, విజయనగరం, విశాఖపట్నం, తూర్పు గోదావరి, పశ్చిమ గోదావరి, కృష్ణా, పాండిచ్చేరి రాష్ట్రంలోని యానాం అభ్యర్థులు ఈ ఉద్యోగ నియామక ర్యాలీలో పాల్గొనేందుకు అర్హులని చెప్పారు. ఈ నెల 8న ఈ నియామకాలకు సంబంధించిన ప్రకటన విడుదల చేయడం జరిగిందన్నారు. అభ్యర్థులు ఈ నెల 23 నుంచి అక్టోబరు 22 వరకు వెబ్‌సైట్‌ ద్వారా ఆన్‌లైన్‌లో దరఖాస్తు చేసుకోవాలని తెలిపారు. అభ్యర్థుల ప్రతిభ ఆధారంగానే ఈ ఎంపికలు జరుగుతాయని స్పష్టం చేశారు. అభ్యర్థులు ఆర్మీ కాలింగ్‌ మెబైల్‌యాప్‌ ద్వారా, విశాఖపట్నంలోని ఆర్మీ రిక్రూట్‌మెంట్‌ కేంద్రం ఫోన్‌ నెంబరు 0891 2754680కు గానీ ఫోన్‌ చేసి తమ సందేహాలను నివృతి చేసుకోవచ్చని తెలిపారు. అభ్యర్థులు గూగుల్‌ప్లే స్టోర్‌ నుంచి ఆర్మీ రిక్రూట్‌మెంటు దరఖాస్తును డౌన్‌లోడ్‌ చేసుకోవచ్చన్నారు. ఈ ర్యాలీలో సుమారు 50 వేల మంది అభ్యర్థులు పాల్గొంటారని అంచనా వేస్తున్నట్లు చెప్పారు. అందుకు అవసరమైన ఏర్పాట్లు చేస్తున్నట్లు తెలిపారు. సమావేశంలో ఆర్మీ రిక్రూట్‌మెంటు డైరెక్టర్‌ కల్నల్‌ భూపేందర్‌సింగ్, జిల్లా రెవెన్యూ అధికారి బి.దయానిధి తదితరులు పాల్గొన్నారు.

దూరవిద్య కోర్సుల ప్రవేశ గడువు పెంపు
ఏలూరు విద్యావిభాగం, న్యూస్‌టుడే: ఆంధ్రప్రదేశ్‌ సార్వత్రిక విద్యాపీఠం (ఏపీవోఎస్‌ఎస్‌) దూరవిద్య కోర్సుల్లో ప్రవేశ గడువును నవంబరు 16 వరకు పెంచారని డీఈవో రేణుక తెలిపారు. దూరవిద్య పదో తరగతిలో ప్రవేశం కోసం నిర్ణీత రుసుముతోపాటు అపరాధ రుసుముగా రూ.100, దూరవిద్య ఇంటర్‌లో ప్రవేశం కోసం నిర్ణీత రుసుముతోపాటు అపరాధ రుసుముగా రూ.200 చెల్లించాల్సి ఉంటుందని పేర్కొన్నారు.

7 నుంచి ఎస్‌ఏ-1 పరీక్షలు
ఏలూరు విద్యావిభాగం, న్యూస్‌టుడే: జిల్లాలోని అన్ని యాజమాన్యాల పాఠశాలల్లో 1 నుంచి 10వ తరగతి వరకు చదివే విద్యార్థులకు ఎస్‌ఏ-1 పరీక్షలను నవంబరు 7 నుంచి 26వ తేదీ వరకు నిర్వహించాలని డీఈవో సీవీ రేణుక తెలిపారు. 2019-20 విద్యాసంవత్సరానికి సంబంధించిన అక్టోబరు నెల వరకువున్న సిలబస్‌తో ప్రశ్న పత్రాలను ఇస్తామన్నారు. 1 నుంచి 5వ తరగతి విద్యార్థులకు ఎస్‌ఏ-1 పరీక్షలను ఆయా తేదీల్లో ఉదయం 9.30 నుంచి మధ్యాహ్నం 12.15 గంటల వరకు నిర్వహించాలని తెలిపారు. 6, 7, 8 తరగతుల విద్యార్థులకు ఉదయం 10 నుంచి 12.45 గంటల వరకు, 9, 10 తరగతుల విద్యార్థులకు మధ్యాహ్నం 2 నుంచి సాయంత్రం 4.45 గంటల వరకు పరీక్షలు నిర్వహించాలన్నారు. ప్రశ్న పత్రాలను నవంబరు 6వ తేదీ ఉదయం 10 గంటలకు సంబంధిత ‘కీ’ కేంద్రాల నుంచి పొందాలని ప్రధానోపాధ్యాయులకు తెలిపారు. 8, 9, 10 తరగతుల వృత్తివిద్య కోర్సుల విద్యార్థులకు ప్రశ్న పత్రాలను పాఠశాల స్థాయిలోనే తయారు చేసుకోవాలన్నారు.
పరీక్షల తేదీలు మార్పు:
విద్యార్థులకు నిర్వహించే ఎస్‌ఏ-1 పరీక్షల తేదీల్లో కొన్ని మార్పులుచేస్తూ ఎస్‌సీఈఆర్‌టీ ఉత్తర్వులు జారీచేసిందని డీఈవో రేణుక తెలిపారు. నవంబరు 11న మౌలానా అబుల్‌ కలాం ఆజాద్‌ జయంతి, 12న కార్తీక పౌర్ణమి సందర్భంగా ఆయా తేదీల్లో జరగాల్సిన ఎస్‌ఏ-1 పరీక్షలను నవంబరు 25, 26 తేదీల్లో నిర్వహించాలని పేర్కొన్నారు. మిగిలిన పరీక్షలన్నీ నిర్ణీత కాలనిర్ణయ పట్టిక ప్రకారం యథావిధిగా నిర్వహించాలని తెలిపారు.

అక్టోబరు 31న మౌఖిక పరీక్షలు
ఏలూరు అర్బన్, న్యూస్‌టుడే: జిల్లాలోని దూబచర్లలోవున్న సింధూర పేపర్‌ ప్రైవేటు సంస్థలో ఖాళీగావున్న ఉద్యోగాల భర్తీ కోసం మౌఖిక పరీక్షలను అక్టోబరు 31న ఏలూరులోని జిల్లా ఉపాధి కార్యాలయంలో నిర్వహించనున్నట్లు జిల్లా ఉపాధి కల్పనాధికారి సి.మధుభూషణరావు తెలిపారు. పేపర్‌ మెషీన్‌ ఆపరేటర్ల కొలువులు 30 ఖాళీగా ఉన్నాయని, పదో తరగతి/ఇంటర్‌/డిగ్రీ చదివినవారు ఈ కొలువులు పొందేందుకు అర్హులన్నారు. టెక్నీషియన్‌ ఎలక్ట్రికల్‌/ఇనుస్ట్రుమెంటేషన్‌/మెకానికల్, వెల్డర్‌/టర్నర్‌ కొలువులు 30 ఖాళీగా ఉన్నాయని, ఈ కొలువులు పొందేందుకు సంబంధిత ట్రేడుల్లో ఐటీఐ పూర్తిచేసినవారు అర్హులని పేర్కొన్నారు. ల్యాబ్‌ టెక్నీషియన్‌ కొలువులు 15 ఖాళీగా ఉన్నాయని, బీఎస్సీ (రసాయనశాస్త్రం) చదివినవారు ఈ కొలువులు పొందేందుకు అర్హులన్నారు. మౌఖిక పరీక్షల ద్వారా ఎంపికయ్యే అభ్యర్థులకు నెలకు రూ.8 వేలులకు పైగా జీతం చెల్లిస్తారన్నారు. మరిన్ని వివరాల కోసం 08812-230031 నంబరులో సంప్రదించవచ్చని తెలిపారు.

వెబ్‌సైట్‌ ద్వారా హాల్‌ టికెట్లు డౌన్‌లోడ్‌ చేసుకోండి
ఏలూరు విద్యావిభాగం, న్యూస్‌టుడే: 2019 నవంబరు 3న నిర్వహించే ఎన్‌టీఎస్‌ఈ/ఎన్‌ఎంఎంఎస్‌ పరీక్షలు రాసేందుకు దరఖాస్తు చేసుకున్న విద్యార్థులు హాల్‌టికెట్లను వెబ్‌సైట్‌ ద్వారా డౌన్‌లోడ్‌ చేసుకోవాలని డీఈవో సీవీ రేణుక ఒక ప్రకటనలో తెలిపారు.www.deowg.org వెబ్‌సైట్‌ నుంచి పాఠశాల కోడ్‌ ద్వారా హాల్‌టికెట్లను డౌన్‌లోడ్‌ చేసుకోవచ్చని పేర్కొన్నారు.

నవంబరు 22 నుంచి డిగ్రీ పరీక్షలు
ఏలూరు విద్యావిభాగం, న్యూస్‌టుడే: ఆంధ్ర విశ్వవిద్యాలయం దూరవిద్య కేంద్రం ద్వారా బీఏ, బీకాం, బీఎస్సీ చదివే విద్యార్థులకు పరీక్షలను నవంబరు 22 నుంచి నిర్వహించనున్నట్లు ఏయూ అధ్యయన కేంద్రం సమన్వయకర్త రామరాజు తెలిపారు. విద్యార్థులు పరీక్షల రుసుం చెల్లించేందుకు నవంబరు 8 వరకు గడువు విధించారని అన్నారు. ఆ తర్వాత రూ.300 అపరాధ రుసుంతో పరీక్షల రుసుమును నవంబరు 13 లోగా చెల్లించవచ్చన్నారు. దూరవిద్య డిగ్రీ తృతీయ సంవత్సరం విద్యార్థులకు నవంబరు 22 నుంచి డిసెంబరు 6 వరకు, ద్వితీయ సంవత్సరం విద్యార్థులకు డిసెంబరు 7 నుంచి 17 వరకు, ప్రథమ సంవత్సరం విద్యార్థులకు డిసెంబరు 18 నుంచి 30వ తేదీ వరకు పరీక్షలు జరుగుతాయని తెలిపారు.

అక్టోబరు 25వ తేదీలోగా దరఖాస్తులను సమర్పించాలి
ఏలూరు విద్యావిభాగం, న్యూస్‌టుడే: ఐటీఐ అభ్యర్థులు 110వ అప్రంటీస్‌ పరీక్షలకుగాను అక్టోబరు 15వ తేదీనాటికి శిక్షణ పూర్తిచేసినవారు దరఖాస్తులను అక్టోబరు 25వ తేదీ సాయంత్రం 5 గంటలలోగా సమర్పించాలని ఏలూరులోని ప్రభుత్వ ఐటీఐ కళాశాల ప్రధానాచార్యురాలు పి.రజిత తెలిపారు. నిర్ణీత గడువు అనంతరం అపరాధ రుసుంతో దరఖాస్తులను అక్టోబరు 31వ తేదీ సాయంత్రం 5 గంటలలోగా అందజేయాలన్నారు. మరిన్ని వివరాల కోసం 08812-230269 నంబరులో సంప్రదించవచ్చని పేర్కొన్నారు.

దూరవిద్య కోర్సుల్లో ప్రవేశ గడువు అక్టోబరు 30 వరకు
ఏలూరు విద్యావిభాగం, న్యూస్‌టుడే: డాక్టర్‌ బీఆర్‌ అంబేడ్కర్‌ సార్వత్రిక విశ్వవిద్యాలయం డిగ్రీ, పీజీ కోర్సుల్లో ప్రవేశం కోసం అక్టోబరు 30 వరకు గడువు విధించారని స్థానిక సీఆర్‌ఆర్‌ డిగ్రీ కళాశాల ఇన్‌ఛార్జి ప్రధానాచార్యుడు డాక్టర్‌ కేఏ రామరాజు తెలిపారు. ఆయా కోర్సుల్లో చేరేందుకు ఉండాల్సిన విద్యార్హతలు, రుసుముల చెల్లింపు తదితర వివరాలను www.braouonline.in వెబ్‌సైట్‌లో చూడవచ్చన్నారు. అంబేడ్కర్‌ సార్వత్రిక విశ్వవిద్యాలయం డిగ్రీ కోర్సుల్లో 2001 నుంచి 2008 వరకు బ్యాక్‌లాగ్‌ పేపర్లున్నవారు పునఃప్రవేశానికి అవకాశం కల్పిస్తున్నట్లు పేర్కొన్నారు. మరిన్ని వివరాల కోసం 73829 29570 నంబరులో సంప్రదించవచ్చని తెలిపారు.

ఏడు నుంచి సైనిక నియామక శిబిరం
ఏలూరు అర్బన్‌, న్యూస్‌టుడే: భారత సైనికదళాల్లో నియామకాల కోసం శిబిరాన్ని నవంబరు ఏడు నుంచి 17 వరకు శ్రీకాకుళంలోని ప్రభుత్వ ఆర్ట్స్‌డిగ్రీ, జూనియర్‌కళాశాలలో నిర్వహించనున్నారని జిల్లా సైనిక సంక్షేమాధికారి కేవీఎస్‌ప్రసాదరావు ఒక ప్రకటనలో తెలిపారు. ఆసక్తి గల అభ్యర్థులు దరఖాస్తులను అక్టోబ‌రు 22వ తేదీలోగా http://www.joinindianarmy.nic.in/ వెబ్‌సైట్‌లో దరఖాస్తు చేసుకోవచ్చన్నారు. నిర్ణీత గడువులోగా దరఖాస్తు చేసుకునేవారు అడ్మిట్‌కార్డులను అక్టోబ‌రు 23 నుంచి డౌన్‌లోడ్‌చేసుకోవచ్చని సూచించారు.

ఐటీఐలలో ప్రవేశాలు
ఏలూరు విద్యావిభాగం, న్యూస్‌టుడే: జిల్లాలోని ప్రభుత్వ, ప్రైవేటు ఐటీఐ కళాశాలల్లో మిగిలిపోయిన సీట్లలో విద్యార్థులు ప్రవేశించేందుకు అవకాశం కల్పిస్తున్నట్లు స్థానిక ప్రభుత్వ ఐటీఐ కళాశాల ప్రధానాధికారి రజిత తెలిపారు. 2019-20 విద్యాసంవత్సరానికిగాను ప్రభుత్వ ఐటీఐలలో ప్రవేశం పొందాలనుకునే విద్యార్థులు పూర్తిచేసిన దరఖాస్తులను అక్టోబరు 24వ తేదీ సాయంత్రం ఐదు గంటలలోగా సంబంధిత ప్రభుత్వ ఐటీఐ కళాశాలలో అందజేయాలన్నారు. ప్రైవేటు ఐటీఐలలో ప్రవేశం పొందాలనుకునే విద్యార్థులు పూర్తిచేసిన దరఖాస్తులను అక్టోబరు 27వ తేదీలోగా సంబంధిత ప్రైవేటు ఐటీఐ కళాశాలలో సమర్పించాలన్నారు. మరిన్ని వివరాల కోసం 08812-230269 నంబరులో సంప్రదించవచ్చని పేర్కొన్నారు.

ఉపకార వేతనాలకు దరఖాస్తు గడువు పొడిగింపు
ఏలూరు విద్యావిభాగం, న్యూస్‌టుడే: 2019-20 విద్యాసంవత్సరానికిగాను మైనార్టీ విద్యార్థులు ఉపకార వేతనాలను పొందేందుకు దరఖాస్తు చేసుకునే గడువును అక్టోబరు 31 వరకు పొడిగించారని జిల్లా మైనార్టీల సంక్షేమ శాఖ సహాయ సంచాలకుడు ఎం.శ్రీనివాసరావు తెలిపారు. అర్హత కలిగిన విద్యార్థులు నిర్ణీత గడువులోగా https://scholorships.gov.in వెబ్‌సైట్‌ ద్వారా దరఖాస్తు చేసుకోవాలన్నారు. మరిన్ని వివరాల కోసం 08812-224464 నంబరులో సంప్రదించవచ్చనిపేర్కొన్నారు.