ఓయూ ఇంజినీరింగ్‌ సెమిస్టర్‌ ఫలితాలు విడుదల
ఉస్మానియా యూనివర్సిటీ, న్యూస్‌టుడే: యూనివర్సిటీ పరిధిలోని ఇంజినీరింగ్‌ చివరి సెమిస్టర్‌ ఫలితాలను జులై 12న‌ విడుదల చేశారు. ఈ మేరకు కంట్రోలర్‌ ప్రొ.శ్రీరామ్‌ వెంకటేశ్‌ తెలిపారు. మేలో ఈ పరీక్షలు నిర్వహించారు.

ఫ్యాషన్‌ డిజైనర్‌ విద్యార్థులకు స్కాలర్‌షిప్‌ 14న అర్హత పరీక్ష
హిమాయత్‌నగర్‌, న్యూస్‌టుడే: ఫ్యాషన్‌ డిజైనింగ్‌, ఇంటీరియర్‌ డిజైనింగ్‌లో రాణించాలనుకునే వారికి స్కాలర్‌షిప్‌ ద్వారా కోర్సు పూర్తిచేసే సౌకర్యాన్ని కల్పిస్తున్నట్లు ఇన్‌స్టిట్యూట్‌ డిజైన్‌ ఇన్నోవేషన్‌ (ఐడీఐ) పేర్కొంది. జులై 14న అర్హత పరీక్షను హిమాయత్‌నగర్‌లోని సంస్థ క్యాంపస్‌లో నిర్వహిస్తారు. ఇంటర్‌, డిగ్రీ విద్యార్హతలు కలిగిన వారు పాల్గొనవచ్చు. వివరాలకు 98850 99577ను సంప్ర‌దించండి.

ఓయూ దూరవిద్య ప్రవేశాలకు రంగం సిద్ధం
* 15 నుంచి దరఖాస్తుల ఆహ్వానం
* ఈసారి కొత్తగా మూడు కోర్సులు
ఈనాడు, హైదరాబాద్‌: ఉస్మానియా వర్సిటీ దూరవిద్య ప్రవేశాలకు రంగం సిద్ధమైంది. జులై 15వ తేదీ నుంచి దరఖాస్తుల స్వీకరణకు అధికారులు ఏర్పాట్లు చేస్తున్నారు. ఆ రోజున ఉస్మానియా ఉపకులపతి ప్రొ.రామచంద్రం ప్రవేశాలకు నోటిఫికేషన్‌ విడుదల చేయనున్నారు. అప్పట్నుంచి అక్టోబరు 31వరకు వివిధ కోర్సులకు దరఖాస్తులు స్వీకరించి.. ఆ తర్వాత నుంచి తరగతులు నిర్వహించనున్నారు. దరఖాస్తులను పూర్తిగా ఆన్‌లైన్‌లో తీసుకోనున్నారు. అభ్యర్థులు నిర్దేశిత తేదీ నుంచి వెబ్‌సైట్‌ ద్వారా దరఖాస్తు చేసుకోవచ్చని వర్సిటీ దూరవిద్య కేంద్రం సంచాలకులు ప్రొ.చింతా గణేష్‌ తెలిపారు. కోర్సుల వివరాలు, కాల పరిమితి, ఫీజు వివరాలనూ అందులో తెలుసుకోవచ్చని వివరించారు. వాస్తవానికి కాగితరహిత పాలనలో భాగంగా రెండేళ్ల నుంచి దూరవిద్య విధానంలో ఆన్‌లైన్‌లో దరఖాస్తు తీసుకుంటున్నారు. అభ్యర్థుల రిజిస్ట్రేషన్‌, కోర్సు, పరీక్షల ఫీజు చెల్లింపులు సైతం పూర్తిగా ఆన్‌లైన్‌లోనే జరుగుతోంది. అలాగే యూజీసీ నిబంధనల ప్రకారం యూనివర్సిటీ పరిధిలోని అభ్యర్థుల నుంచే దరఖాస్తులు స్వీకరించాల్సి ఉంది. ప్రత్యేక పరిస్థితుల్లో రాష్ట్ర పరిధి దాటకుండా కూడా దరఖాస్తులు తీసుకునేందుకు వీలుంది. ఈ నేపథ్యంలో ఉస్మానియా వర్సిటీ పరిధిలోని జిల్లాల అభ్యర్థులకు ఎక్కువగా అవకాశం దక్కనుంది.
ఈ కోర్సులకు బయట ఉద్యోగావకాశాలు ఉండటంతో..
ఈ ఏడాది నుంచి దూరవిద్య విధానంలో మరో మూడు కోర్సులను ఉస్మానియా వర్సిటీ అందుబాటులోకి తీసుకువచ్చింది. ఎంఏ పబ్లిక్‌ అడ్మినిస్ట్రేషన్‌, బీకామ్‌ కంప్యూటర్‌ అప్లికేషన్‌, పీజీ డిప్లొమా ఇన్‌ డాటా సైన్స్‌ను ప్రవేశపెట్టింది. విద్యార్థుల నుంచి ఉన్న డిమాండ్‌ దృష్ట్యా వీటిని మొదలుపెట్టింది. ఈ కోర్సులకు బయట ఉద్యోగావకాశాలు ఎక్కువగా ఉండటంతో విద్యార్థుల నుంచి మంచి ఆదరణ ఉంటుందని అధికారులు భావిస్తున్నారు. ఇందులో ఎంఏ కోర్సు రెండేళ్లు, బీకాం మూడేళ్లు, డిప్లొమా కోర్సు ఏడాది వ్యవధితో ఉండనున్నాయి.
బీఈడీకి ఆదరణ
దూరవిద్య కింద ఉస్మానియా వర్సిటీ ఈ ఏడాది బీఈడీ కోర్సు అందిస్తోంది. ఇప్పటికే దీనికి సంబంధించిన ప్రవేశాలు పూర్తయ్యాయి. జాతీయ ఉపాధ్యాయ విద్య మండలి నుంచి 500 సీట్లతో కోర్సు ప్రారంభించేందుకు అనుమతి రావడంతో దీన్ని తీసుకువచ్చింది. ఎడ్‌సెట్‌తో సంబంధం లేకుండా వర్సిటీ తరఫున ప్రత్యేకంగా ప్రవేశ పరీక్ష నిర్వహించి భర్తీ చేపట్టగా సీట్లన్నీ నిండిపోయాయి.
అందిస్తున్న కోర్సుల వివరాలు..
యూజీ, పీజీతోపాటు అయిదు రకాల డిప్లొమా సర్టిఫికెట్‌ కోర్సులను వర్సిటీ అందిస్తోంది. ఎంబీఏ(రెండేళ్లు), ఎంసీఏ(మూడేళ్లు), ఎంఏ(ఉర్దూ, హిందీ, తెలుగు, సంస్కృతం, ఆంగ్లం, ఫిలాసఫీ, సోషియాలజీ, పబ్లిక్‌ పర్సనల్‌ మేనేజ్‌మెంట్‌, ఎకానమిక్స్‌, పొలిటికల్‌ సైన్స్‌, హిస్టరీ, సైకాలజీ), ఎంకాం, ఎంఎస్సీ(గణితం, స్టాటిస్టిక్స్‌), బీఏ(గణితం, స్టాటిస్టిక్స్‌), బీకాం(జనరల్‌), బీబీఏ, పీజీ డిప్లొమా(గణితం, ఆంగ్ల భాష బోధన, బిజినెస్‌ మేనేజ్‌మెంట్‌, బయోఇన్ఫర్మాటిక్స్‌, కంప్యూటర్‌ అప్లికేషన్స్‌).

ఇఫ్లూలో ‘ఈడబ్ల్యూఎస్‌’ కోటా
* ఈ ఏడాది నుంచే పది శాతం అమలు
* వచ్చే సంవత్సరం నుంచి మరో 5 శాతం పెంపు
ఈనాడు, హైదరాబాద్‌: ఆర్థికంగా వెనుకబడిన విద్యార్థులకు చేయూతనిచ్చేందుకు ఆంగ్లం, విదేశీ భాషల విశ్వవిద్యాలయం (ఇఫ్లూ) కీలక నిర్ణయం తీసుకుంది. కేంద్ర ప్రభుత్వ ఆదేశాల మేరకు ఈ ఏడాది నుంచి ఆర్థికంగా వెనుకబడిన వర్గాల విద్యార్థులకు ప్రత్యేక కోటా అమలు చేస్తోంది. దీని ద్వారా విద్యార్థులకు ప్రత్యేకంగా కొన్ని సీట్లు దక్కనున్నాయి. కేవలం హైదరాబాద్‌ క్యాంపస్‌కే పరిమితం కాకుండా దేశంలోని మరో రెండు క్యాంపస్‌లలోనూ ఈ కోటాను అమలు చేయాలని వర్సిటీ నిర్ణయించింది. ఉస్మానియా విశ్వవిద్యాలయం సమీపంలో ఇఫ్లూ కొనసాగుతోంది. ఆంగ్లంతోపాటు అరబిక్‌, చైనీస్‌, ఫ్రెంచ్‌, జర్మన్‌, ఇటాలియన్‌, జపనీస్‌, కొరియన్‌, పర్షియన్‌, రష్యన్‌, స్పానిష్‌ వంటి విదేశీ భాషలకు సంబంధించిన కోర్సులు ఇక్కడ అందుబాటులో ఉన్నాయి. వర్సిటీ పరిధిలో హైదరాబాద్‌తోపాటు షిల్లాంగ్‌, లక్నో క్యాంపస్‌లు ఉన్నాయి. మొత్తం ఎనిమిది బీఏ కోర్సులు, 14 ఎంఏ కోర్సులు, మూడు ఉపాధ్యాయ విద్య కార్యక్రమాలు, 15 పీహెచ్‌డీ కార్యక్రమాలు విద్యార్థులకు అందుబాటులో ఉన్నారు. ఇప్పటికే దాదాపు 1400 మంది విద్యార్థులు ఇక్కడ విద్యను అభ్యసిస్తున్నారు. మన దేశంలోని వేర్వేరు రాష్ట్రాల నుంచే కాకుండా ఇతర దేశాల నుంచి సైతం విద్యార్థులు వచ్చి ఇక్కడ చదువుకుంటున్నారు. విదేశీ భాషలను నేర్చుకోవడం ద్వారా ఉద్యోగావకాశాలతోపాటు ఇతర దేశాలకు వెళ్లినప్పుడు ఎంతో సౌలభ్యంగా ఉంటుంది. అలాగే ఇతర దేశాలకు చెందిన విద్యార్థులు ఇక్కడికి వచ్చి వేర్వేరు దేశాలకు చెందిన భాషలను అభ్యసించడం, పరిశోధనలు చేయడం చేస్తుంటారు. వర్సిటీ పరిధిలో అన్ని క్యాంపస్‌లలో కలిపి 880 సీట్లు అందుబాటులో ఉండగా 824 సీట్లు భర్తీ చేసేందుకు నిర్ణయించారు. 626 మాత్రమే భర్తీ జరిగాయి. ఇందులో ఈడబ్ల్యూఎస్‌ కోటా కింద 55 సీట్లు భర్తీ చేసేందుకు ప్రతిపాదించారు. విద్యార్థుల అర్హతల ఆధారంగా కేవలం 36 మందికే అవకాశం దక్కింది. పేద విద్యార్థులకు ప్రత్యేకంగా ప్రవేశాలు దక్కడంతోపాటు ఫీజు రాయితీ లభించనుంది. హైదరాబాద్‌ క్యాంపస్‌కు వచ్చేసరికి అండర్‌ గ్రాడ్యుయేట్‌(యూజీ) 153 సీట్లు భర్తీకి నిర్ణయించగా 125 సీట్లు భర్తీ అయ్యాయి. ఉపాధ్యాయ శిక్షణ కార్యక్రమం(టీటీపీ) కింద 109 సీట్లు భర్తీ చేయాలనుకున్నారు. 90 సీట్లు మాత్రమే భర్తీ అయ్యాయి. ఇక పీజీ కోర్సుల్లో 322 సీట్లు నింపాలనుకోగా 283 సీట్లు నిండాయి. మిగిలిన సీట్లు ఖాళీగా ఉండిపోయాయి.
మిగిలిన సీట్లు వచ్చే ఏడాదే..!
ఈ ఏడాది 824 సీట్లు భర్తీ చేయాలని నిర్ణయించినా.. ప్రవేశ పరీక్షలో విద్యార్థులు ఆశించిన స్థాయిలో ప్రతిభ చూపలేకపోయారు. చివరికి 626 సీట్లు మాత్రమే భర్తీ చేశారు. మిగిలిన సీట్లు ఖాళీగా ఉండిపోయాయి. ఇప్పుడు మిగిలిన సీట్లను వచ్చే ఏడాది కోటాలో కలిపి భర్తీ చేస్తారు. దీనివల్ల వచ్చే ఏడాది సీట్ల సంఖ్య పెరిగే అవకాశం ఉంది.
కేంద్ర ప్రభుత్వ సూచనల ప్రకారం.. - ప్రొ.సురేష్‌కుమార్‌, ఉపకులపతి, ఇఫ్లూ
కేంద్ర ప్రభుత్వం సూచనల ప్రకారం ఈ ఏడాది నుంచి ఈడబ్ల్యూఎస్‌ కోటా పది శాతం అమలు చేస్తున్నాం. వచ్చే ఏడాది నుంచి మరో అయిదు శాతం పెంచి అమలు చేస్తాం. దీనివల్ల పేద విద్యార్థులు ఉన్నత విద్య చదువుకునేందుకు అవకాశం దక్కనుంది. ఇప్పటికే దీనిపై వర్సిటీ తరఫున నిర్ణయం తీసుకున్నారు. దీంతో సీట్ల సంఖ్య మరింత పెరిగే అవకాశం ఉంది. విద్యార్థుల్లో భాషపరమైన జ్ఞానం పెంచడంతోపాటు నాణ్యత ప్రమాణాలకు పెద్దపీట వేస్తూ బోధన కొనసాగిస్తున్నాం.

అతిథి అధ్యాపకుల భర్తీకి దరఖాస్తుల ఆహ్వానం
ఈనాడు, హైదరాబాద్‌: హైదరాబాద్‌ జిల్లా పరిధిలోని ప్రభుత్వ జూనియర్‌ కళాశాలల్లో 2019-20 సంవత్సరానికి తాత్కాలిక ప్రాతిపదికన అతిథి అధ్యాపకుల నియామకాలకు దరఖాస్తులు ఆహ్వానిస్తున్నట్లు జిల్లా ఇంటర్మీడియట్‌ అధికారి జయప్రద తెలిపారు. 24 ప్రభుత్వ జూనియర్‌ కళాశాలల్లో జనరల్‌ సబ్జెక్టులు 95, ఒకేషనల్‌ 15 కలిపి 110 ఖాళీలు ఉన్నాయన్నారు. జులై 8 నుంచి 14వ తేదీలోపు వెబ్‌సైట్‌లో దరఖాస్తు చేసుకోవచ్చన్నారు. అభ్యర్థులు స్థానికులై ఉండి పోస్టు గ్రాడ్యుయేషన్‌ పూర్తి చేసి ఉండాలన్నారు.
https://www.cie.telangana.gov.in/

పరిశోధనలకు ‘స్వర్గ్‌’ధామం
* హెచ్‌సీయూ పేద రీసెర్చ్‌ స్కాలర్స్‌కు ప్రత్యేక నిధి
ఈనాడు, హైదరాబాద్‌: హైదరాబాద్‌ కేంద్రీయ విశ్వవిద్యాలయం విద్యార్థుల సంక్షేమానికి కీలక చర్యలు చేపట్టింది. ఆర్థిక కారణాలతో పరిశోధనల్లో వెనుకడుగు వేయకుండా ఊతమిచ్చేందుకు ‘స్వర్గ్‌’ పేరిట ప్రత్యేక నిధి అందుబాటులోకి తీసుకువచ్చింది. ఏటా వర్సిటీ నుంచి విద్యార్థులు పెద్దసంఖ్యలో జాతీయ, అంతర్జాతీయ సెమినార్లు, పరిశోధనపత్రాలు సమర్పించేందుకు సదస్సులకు వెళ్తుంటారు. యూజీసీ నిబంధనల ప్రకారం అలా వెళ్లే వారికి ఖర్చుల నిమిత్తం ప్రత్యేకంగా నిధులు ఇచ్చేందుకు వర్సిటీకి అవకాశం లేదు. పేద, మధ్య తరగతి వారైతే స్తోమత లేక వెనుకడుగు వేసేవారు. ఈ పరిస్థితిని మార్చాలని ఉపకులపతి ప్రొఫెసర్‌ పి.అప్పారావు ఆలోచనతో విద్యార్థి సంక్షేమ పరిశోధన నిధి(స్టూడెంట్‌ వెల్ఫేర్‌ రీసెర్చ్‌ గ్రాంట్‌-స్వర్గ్‌)ని వర్సిటీ అందుబాటులోకి తీసుకువచ్చింది. దీని ద్వారా పరిశోధనపత్రాల సమర్పణలో ఇబ్బందుల పడే పేద విద్యార్థులకు ఆర్థిక సాయం అందిస్తారు. వాస్తవానికి స్వర్గ్‌ కార్యక్రమానికి యూజీసీ నుంచి ప్రత్యేకంగా నిధులేమీ లేవు. వర్సిటీనే సొంతంగా భరించాల్సి ఉంది. ముందస్తుగా కార్పస్‌ ఫండ్‌పై వచ్చే వడ్డీతో రూ.10 లక్షలతో ప్రత్యేక నిధిని వర్సిటీ ఏర్పాటు చేసింది. పరిపాలన, కార్యనిర్వాహక మండలిలో చర్చించి.. ఫైనాన్స్‌ కమిటీ ఆమోదంతో ‘స్వర్గ్‌’ను హెచ్‌సీయూ ప్రవేశపెట్టింది.
జీబీ సింగ్‌ పేరిట మరో నిధి
హెచ్‌సీయూ తొలి ఉపకులపతి జీబీ సింగ్‌ పేరిట విద్యార్థి సహాయక నిధిని వర్సిటీ అందుబాటులోకి తెచ్చింది. మూడేళ్ల నుంచి ఈ నిధి కోసం వర్సిటీ అధికారులు, ఆచార్యులు, ఇతర సిబ్బంది విరాళాలు అందిస్తున్నారు. వీసీ అప్పారావు ప్రతి నెలా రూ.అయిదువేలు సొంతంగా ఇస్తున్నారు. సీనియర్‌ ప్రొ.గోవర్ధన్‌మెహతా గతంలో రూ.లక్ష ఇచ్చారు. ఈనిధులను వర్సిటీలోని పేద విద్యార్థుల ఫీజు, వైద్యానికి వినియోగించనున్నారు.
కమిటీ ఆమోదంతో ఎంపిక
స్వర్గ్‌, జీబీ సింగ్‌ సహాయక నిధి కింద విద్యార్థులు సాయం పొందేందుకు ముందుగా వర్సిటీకి దరఖాస్తు చేసుకోవాలి. అనంతరం సీనియర్‌ ప్రొఫెసర్‌, డీఎస్‌డబ్ల్యూవో, మరో ఇద్దరు సభ్యుల కమిటీ సమావేశమై అర్హతల ఆధారంగా అర్హులను గుర్తించి వెంటనే నిధులు అందిస్తారు.
విరాళాలకు 80జి కింద రాయితీ : ప్రొఫెసర్‌ పి.అప్పారావు, ఉపకులపతి
సహాయక నిధిని పూర్తిగా పేద విద్యార్థుల సంక్షేమానికి వినియోగించనున్నాం. దీంతో వారు ఉన్నత విద్య చదువుకునేందుకు, పరిశోధనపత్రాలు సమర్పించేందుకు ఇబ్బందులు పడాల్సిన అవసరం ఉండదు. అలాగే విరాళాలు ప్రోత్సహించేందుకు దాతలకు ఆదాయపు పన్ను శాఖ నుంచి మినహాయింపు ఇవ్వాలని వర్సిటీ అధికారులు ఆదాయపుపన్ను శాఖకు దరఖాస్తు చేశారు. వారి నుంచి సానుకూల స్పందన వచ్చింది. దీంతో దాతలు ఇచ్చే విరాళాలు 80జి కింద రాయితీ రానుంది. వర్సిటీ ఉద్యోగులు, పూర్వ విద్యార్థులు, బయట వ్యక్తులు సైతం విరాళాలు ఇవ్వవచ్చు.
పీజీ విద్యార్థులకు ఆసరా
పీజీలో పేద విద్యార్థులకు ప్రతి నెలా ఇచ్చే సాయాన్ని వర్సిటీ పెంచింది. ఆదాయ అర్హతల్లోనూ నిబంధనలు సడలించింది. ఇప్పటివరకూ హైదరాబాద్‌ సెంట్రల్‌ యూనివర్సిటీ స్టూడెంట్‌ అసిస్టెంట్‌(యూవోహెచ్‌ఎస్‌ఏ) కింద చదువులో ప్రతిభ కనబరిచే పేద పీజీ విద్యార్థులకు నెలకు రూ.750 అందిస్తోంది. ఎనిమిదేళ్లుగా ఈ సాయం అందిస్తోంది. వారికి వచ్చే ఉపకార వేతనాలకు ఇది అదనం. ఇకపై ఈ మొత్తాన్ని రూ.1000కి పెంచింది. ఈ నిధులను వర్సిటీ ఆర్థిక వనరుల నుంచే అందిస్తోంది. ఇందుకు అర్హులయ్యే విద్యార్థుల ఆదాయ పరిమితిని రూ.8 లక్షలకు పెంచింది.

ఓయూ డిగ్రీ సెమిస్టర్‌ ఫలితాల విడుదల
ఉస్మానియా యూనివర్సిటీ, న్యూస్‌టుడే: ఉస్మానియా యూనివర్సిటీ పరిధిలోని డిగ్రీ ఫలితాలను మార్చి 14న‌ విడుదల చేశారు. బీఏ, బీకామ్, బీఎస్సీ, బీబీఏ మొదటి, మూడో, నాలుగో సెమిస్టర్‌ ఫలితాలను విడుదల చేశారు. మూడు సెమిస్టర్‌లలో క‌లిపి మొత్తం 2,06,454 మంది విద్యార్థులు పరీక్షల‌కు హాజరయ్యారు. వారిలో 70,660 మంది ఉతీర్ణత సాధించారు.

1 నిమిషం నిబంధన లేదు!
* పదో తరగతి విద్యార్థులకు వెసులుబాటు
ఈనాడు, హైదరాబాద్‌: పదో తరగతి వార్షిక పరీక్షలకు పకడ్బందీగా ఏర్పాట్లు చేసినట్లు జిల్లా విద్యాశాఖాధికారి బి.వెంకటనర్సమ్మ తెలిపారు. హాల్‌ టిక్కెట్లను అందిస్తున్నట్లు పేర్కొన్నారు. ఒక్క నిమిషం నిబంధన వర్తించదని, అయిదు నిమిషాల వరకూ పరీక్ష కేంద్రాల్లోకి అనుమతిస్తామని తెలిపారు. మార్చి 16 నుంచి ఏప్రిల్‌ 3 వరకూ పదో తరగతి పరీక్షలు జరుగనున్నాయి. ఈ సందర్భంగా కలెక్టర్‌ మాణిక్‌రాజ్‌ కన్నన్‌ ఆధ్వర్యంలో మంగళవారం విద్యాశాఖాధికారులు సమావేశం నిర్వహించారు. ఈ విద్యా సంవత్సరం హైదరాబాద్‌ జిల్లాలో 306 పరీక్ష కేంద్రాల్లో 69,225 రెగ్యులర్‌, 57 కేంద్రాల్లో గత పరీక్షల్లో అనుత్తీర్ణులైన 12,560 మంది పరీక్షలకు హాజరు కానున్నట్లు డీఈవో పేర్కొన్నారు. పరీక్షలు పూర్తయేంత వరకూ కేంద్రాల దగ్గర 144 సెక్షన్‌ అమల్లో ఉంటుంది. అన్ని మార్గాల్లో విద్యార్థుల సౌకర్యార్థం ఆర్టీసీ సర్వీసులు అందుబాటులో ఉంటాయని తెలిపారు. పరీక్షలు సజావుగా నిర్వహించేందుకు 21 ఫ్లయింగ్‌ స్క్వాడ్‌లను నియమించినట్లు తెలిపారు. కొన్ని కేంద్రాల్లో సిట్టింగ్‌ స్క్వాడ్స్‌ పర్యవేక్షిస్తున్నట్లు చెప్పారు. విధుల్లో పాల్గొనే సిబ్బంది విధిగా గుర్తింపు కార్డు ధరించాలని ఆదేశించారు. పరీక్ష సమయాల్లో నిర్వహణ సిబ్బంది మినహా బయటి వ్యక్తులు, పాఠశాలల కరస్పాండెంట్స్‌కు లోపలకు అనుమతి లేదని తెలిపారు.
* మేడ్చల్‌ జిల్లాలో 42,903 మంది రెగ్యులర్‌, 1,580 మంది ప్రైవేట్‌గా పరీక్షలు రాస్తున్నారు.
* విద్యార్థులు, సిబ్బందికి సూచనలు
* పరీక్ష కేంద్రాలకు విద్యార్థులు, పరీక్ష సిబ్బంది మొబైల్‌ ఫోన్లు, ఎలక్ట్రానిక్‌ పరికరాలు తీసుకురాకూడదు.
* పరీక్ష కేంద్రాన్ని విద్యార్థులు ఒకరోజు ముందుగానే సందర్శించాలి.
* ట్రాఫిక్‌ సమస్యలు ఎదురయ్యే దృష్ట్యా పరీక్ష మొదలయ్యే గంట ముందుగా కేంద్రానికి చేరుకోవాలి.
* విద్యార్థులు హాల్‌ టిక్కెట్‌, పెన్‌, పెన్సిల్‌, రైటింగ్‌ ప్యాడ్‌ వెంట తెచ్చుకోవాలి.
ఇవి గమనించండి
* హాల్‌ టిక్కెట్‌ పోగొట్టుకున్నా ‌ www.bsetelangana.org లో డౌన్‌లోడ్‌ చేసుకోవచ్చు.
* విద్యార్థులకు పరీక్షల సందేహాలు, సమస్యల నివృత్తి కోసం కంట్రోల్‌ రూం నంబరు 040-29701474 సంప్రదించవచ్చు.
* కంట్రోల్‌ రూం నంబరు ఈ నెల 13 ఉదయం 10.30 గంటల నుంచి 24 గంటలూ అందుబాటులో ఉంటుంది.
* ఉదయం 9.35 గంటల తర్వాత విద్యార్థులను లోపలకు అనుమతించరు.

ప్రభుత్వ డిగ్రీ కళాశాల డిగ్రీ ఫలితాలు విడుదల
ఖమ్మం వ్యవసాయం, న్యూస్‌టుడే: నగరంలోని ఎస్‌ఆర్‌అండ్‌బీజీఎన్‌ఆర్‌ ప్రభుత్వ డిగ్రీ కళాశాల(స్వయం ప్రతిపత్తి) డిగ్రీ రెగ్యులర్, సప్లమెంటరీ రెండు, నాలుగు, ఆరో సెమిస్టర్‌ ఫలితాలను జులై 17న‌ కళాశాల ప్రిన్సిపల్‌ డాక్టర్‌.బి.వెంకటేశ్వరరెడ్డి విడుదల చేశారు. రెగ్యులర్‌ విభాగంలో రెండో సెమిస్టర్‌ 34శాతం, నాలుగో సెమిస్టర్‌లో 35శాతం, ఆరో సెమిస్టర్‌ 44శాతం మంది విద్యార్థులు ఉత్తీర్ణత సాధించారు. మొత్తంగా రెగ్యులర్‌ పరీక్షల్లో ఉత్తీర్ణత 37శాతంగా ఉంది. సప్లమెంటరీ విభాగంలో రెండో సెమిస్టర్‌లో 44శాతం, నాలుగో సెమిస్టర్‌లో 33శాతం, ఆరో సెమిస్టర్‌లో 65శాతం ఉత్తీర్ణులయ్యారు. ఇందులో మొత్తంగా 42శాతం ఉత్తీర్ణత సాధించినట్లు ప్రిన్సిపల్‌ వెంకటేశ్వరరెడ్డి తెలిపారు.

ఇగ్నో దూరవిద్య ప్రవేశాలకు దరఖాస్తులు
ఖమ్మం విద్యావిభాగం, న్యూస్‌టుడే: ఇందిరాగాంధీ సార్వత్రిక విశ్వవిద్యాలయం జులై 2019 ప్రవేశాలకు అర్హులైన వారు దరఖాస్తు చేసుకోవాలని ఖమ్మం కవితా మెమోరియల్‌ డిగ్రీ కళాశాలలోని అధ్యయన కేంద్రం సమన్వయకర్త డాక్టర్‌.వి.దేవేందర్‌ తెలిపారు. దూరవిద్య ద్వారా మాస్టర్‌ డిగ్రీ, బ్యాచులర్‌ డిగ్రీ, డిప్లొమా, ఇతర సర్టిఫికెట్‌ కోర్సుల కోసం జులై 31వ తేదీలోగా నమోదు చేసుకోవాలని కోరారు. వివిధ కోర్సులు అభ్యసిస్తున్న రెగ్యులర్‌ విద్యార్థులు, ఇగ్నో అందిస్తున్న వివిధ కోర్సుల్లో చేరి నైపుణ్యాభివృద్ధి, ఉపాధి అవకాశాలను మెరుగుపరుచుకోవాలని తెలిపారు. ఈ కోర్సులను ఇగ్నో వెబ్‌సైట్‌ http://www.ignou.ac.in/ ద్వారా ఆన్‌లైన్‌లో దరఖాస్తు చేసుకోవాల్సి ఉంటుంది. ఈ కోర్సులకు ఎస్సీ, ఎస్టీ విద్యార్థులకు ఉచిత ప్రవేశం ఉంటుందని, ఆఫ్‌లైన్‌ ద్వారా ఉచిత ప్రవేశం పొందవచ్చని పేర్కొన్నారు.

17 నుంచి దోస్త్‌ ప్రత్యేక దశ అడ్మిషన్లు
ఖమ్మం విద్యావిభాగం, న్యూస్‌టుడే: డిగ్రీ ఆన్‌లైన్‌ సర్వీసెస్‌ ఆఫ్‌ తెలంగాణ(దోస్త్‌) ప్రత్యేక దశ నేటి నుంచి ప్రారంభం కానుంది. రాష్ట్రంలో డిగ్రీ అడ్మిషన్ల ప్రక్రియలో మూడు ప్రధాన దశలు ఇప్పటికే ముగిశాయి. అయితే ఇంటర్మీడియట్‌ అడ్వాన్స్‌డ్ సప్లిమెంటరీలో ఉత్తీర్ణులైన విద్యార్థుల కోసం జులై 17 నుంచి 21వ తేదీ వరకు దోస్త్‌ ప్రత్యేక దశను నిర్వహించనుంది. ఈమేరకు ప్రభుత్వం ఉత్తర్వులు జారీ చేసింది.
దోస్త్‌ ప్రత్యేక దశ ముఖ్య తేదీలు...
కొత్త రిజిస్ట్రేషన్లు: జులై 17 నుంచి 21 వరకు
వెబ్‌ఆప్షన్ల నమోదు: జులై 17 నుంచి 22 వరకు
సీటు అలాట్‌మెంట్‌: జులై 26
ఆన్‌లైన్‌ సెల్ఫ్‌రిపోర్టింగ్‌: జులై 26 నుంచి 29 వరకు
రిజిస్ట్రేషన్‌ ఫీజు: రూ.400
ఈ ప్రత్యేక దశ వీరికి కూడా వర్తిస్తుంది....
ఇంత వరకు దోస్త్‌ రిజిస్ట్రేషన్లు చేసుకోని విద్యార్థులకు గత మూడు దశల్లో రిజర్వేషన్‌ చేసుకుని ఉండి, ఏకళాశాలలో కూడా సీటు కన్ఫర్మ్‌ చేసుకోని విద్యార్థులు.

ఇన్‌స్పైర్‌ మానక్‌కు 31 తుది గడువు
ఖమ్మం విద్యావిభాగం, న్యూస్‌టుడే: ఇన్‌స్పైర్‌ మానక్‌ 2019-20లో భాగంగా ప్రతి పాఠశాల నుంచి ప్రాజెక్టు రిజిస్ట్రేషన్‌, నామినేషన్లకు జులై 31 తుది గడువు అని జిల్లా విద్యాశాఖాధికారి పి.మదన్‌మోహన్‌ ఒక ప్రకటనలో తెలిపారు. జిల్లాలోని అన్ని యాజమాన్యాల పరిధిలోని పాఠశాలల ప్రధానోపాధ్యాయులు తక్షణమే స్పందించి విద్యార్థి నామినేషన్లను పూర్తి చేయాలని కోరారు. ప్రతి పాఠశాల నుంచి 5 ప్రాజెక్టులు ఐదుగురు విద్యార్థులు(6నుంచి 10తరగతులు), ప్రాథమికోన్నత పాఠశాల నుంచి 2 ప్రాజెక్టులు అప్‌లోడ్‌ చేయాలని, ప్రాజెక్టుల సంక్షిప్త సమాచారం ఎంఎస్‌వర్డ్‌, ఒక ఫొటో, బ్యాంకు ఖాతా సమాచారాన్ని నిర్ణీత గడువులోగా పూర్తి చేయాలని తెలిపారు.

జూన్ 31 ఇన్‌స్పైర్ మ‌నాక్ రిజిస్ట్రేష‌న్‌కు తుది గ‌డువు
ఖమ్మం విద్యావిభాగం, న్యూస్‌టుడే: ఇన్‌స్పైర్ మ‌నాక్ 2019-20 విద్యాసంవత్సరంలో భాగంగా ప్రతి పాఠశాల నుంచి ప్రాజెక్టు రిజిస్ట్రేషన్, నామనేషన్లకు జులై 31 ఆఖ‌రు తేదీన‌ని జిల్లా విద్యాశాఖాధికారి పి.మదన్‌మోహన్‌ జులై 15న తెలిపారు. జిల్లాలోని అన్ని యామజమాన్యాల పరిధిలోని పాఠశాలల ప్రధానోపాధ్యాయులు తక్షణమే స్పందించి విద్యార్థి నామినేషన్లను పూర్తి చేయాలని కోరారు. ప్రతి పాఠశాల నుంచి 5 ప్రాజెక్టులతో ఐదుగురు విద్యార్థులు (6 నుంచి 10 తరగతులు), ప్రాథమికోన్నత పాఠశాల నుంచి 2 ప్రాజెక్టులు అప్‌లోడ్‌ చేయాలని, ప్రాజెక్టుల సంక్షిప్త సమాచారం ఎంఎస్‌వర్డ్, ఒక ఫోటో, బ్యాంకు అక్కౌంట్‌ వివరాలతో కూడిన సమాచారాన్ని వెంటనే నామినేషన్ల ద్వారా నిర్ణీత గడువులోగా పూర్తి చేయాలని తెలిపారు. ఎంపికైన ప్రతి విద్యార్థికి రూ.10 వేల చొప్పున అవార్డు ఇవ్వనున్నట్లు పేర్కొన్నారు. ఈ ప్రక్రియను ఐడీ పాస్‌వ‌ర్డ్‌ ద్వారా సంబంధిత వెబ్‌సైట్‌లో లాగిన్ అయ్యి పూర్తి చేయాలని తెలిపారు. నామినేషన్‌ పూర్తి చేయని పాఠశాలలపై కమీషనర్, డైరెక్టర్‌ ఆఫ్‌ స్కూల్‌ ఎడ్యుకేషన్‌ వారు క్రమశిక్షణ చర్యలు తీసుకుంటారని పేర్కొన్నారు.

16 నుంచి దరఖాస్తుల పరిశీలన
ఖమ్మం సారథినగర్‌ న్యూస్‌టుడే: అధికారుల బదిలీల కారణంగా నిలిచిన తపాలాశాఖ డాక్‌ సేవక్‌ ఉద్యోగాల అర్హులను నిర్ణయించే దరఖాస్తుల పరిశీలన ప్రక్రియ తిరిగి జులై 16 నుంచి ప్రారంభించేందుకు తపాలాశాఖ అధికారులు రంగం సిద్ధం చేశారు. ఖమ్మం డివిజన్‌ (ఉభయ జిల్లాలు)లో 35 డాక్‌సేవక్‌ ఉద్యోగ ఖాళీల కోసం దరఖాస్తులు ఆహ్వానించారు. వచ్చిన దరఖాస్తుల్లో పదో తరగతి మార్కులు ఎక్కువగా ఉన్న అభ్యర్థులకు నేరుగా నియామక ఉత్తర్వులు అందజేస్తున్నారు. 21 ఉద్యోగాలకు అర్హులను నిర్ణయించే ప్రక్రియ చేపట్టేందుకు రంగం సిద్ధం చేశారు. ఈనెల 16న కలివేరు, కుదుమూరు, పెద్దపల్లి, 17న చింతూరు, చిన్నబీరవల్లి, గుర్రాలపాడు, 18న సిరిపురం, 22న గిద్దవారిగూడెం, బాసిత్‌నగర్‌, 23న కోటపాడు, చంద్రుతండా, జాలిమూడి, 25న కేశవాపురం, పంగిడి, 26న బచ్చువారిగూడెం, 29న ఊటపల్లి, అనంతారం, గణేశుడిపాలెం, 30న గంగదేవునిపాడు, బేతలపాడు, బద్దుతండా కేంద్రాలకు వచ్చిన డాక్‌ సేవక్‌ దరఖాస్తులను పరిశీలిస్తారు. పది మార్కుల ప్రాతిపదికన అర్హులను ఎంపిక చేసి వారి నియామక ఉత్తర్వులను తపాలా ద్వారా అభ్యర్థి ఇచ్చిన చిరునామాకు పంపిస్తారని ఖమ్మం డివిజన్‌ తపాలా ఎస్పీ శ్రీనివాసరావు వివరించారు.

13న టీఆర్టీ అభ్యర్థులకు కౌన్సెలింగ్
ఖమ్మం విద్యావిభాగం, న్యూస్టుడే: తెలంగాణ పబ్లిక్ సర్వీస్ కమిషన్ టీచర్స్ రిక్రూట్మెంట్(టీఆర్టీ)-2017 ద్వారా స్కూల్ అసిస్టెంట్లు, లాంగ్వేజ్ పండిట్(తెలుగు)కు పరీక్ష నిర్వహించింది. అందులో ఎంపికైన అభ్యర్థుల జాబితా, ఖాళీల వివరాలు డీఈవో కార్యాలయ వెబ్సైట్లో అందుబాటులో ఉంచినట్లు జిల్లా విద్యాశాఖాధికారి పి.మదన్మోహన్ జులై 12న తెలిపారు. ఎంపికైన అభ్యర్థులు జులై 13న ఉదయం 10 గంటలకు ఖమ్మంలోని టీటీడీసీ భవనంలో జరిగే కౌన్సిలింగ్కు హాజరు కావాలని తెలిపారు. అభ్యర్థులు నాలుగు లేటెస్ట్ పాస్ ఫోటోలతో హాజరు కావాలని కోరారు.

నేడు టీఆర్‌టీ అభ్యర్థుల ధ్రువపత్రాల పరిశీలన
ఖమ్మం విద్యావిభాగం, న్యూస్‌టుడే: తెలంగాణ పబ్లిక్‌ సర్వీసు కమిషన్‌ వారు నిర్వహించిన టీచర్స్‌ రిక్రూట్‌మెంట్‌ టెస్టు(టీఆర్‌టీ) 2017 స్కూల్‌ అసిస్టెంట్‌ పోస్టులు, లాంగ్వేజి పండిట్‌(తెలుగు) ఎంపికైన అభ్యర్థుల జాబితా డీఈవో కార్యాలయ వెబ్‌సైట్‌లో పొందుపరచబడినట్లు జిల్లా విద్యాశాఖాధికారి పి.మదన్‌మోహన్‌ జులై 10న తెలిపారు. ఎంపికైన అభ్యర్థుల ధ్రువపత్రాల పరిశీలన జులై 11వతేదీన జిల్లా విద్యాశాఖాకార్యాలయంలో జరుగుతుందని తెలిపారు. ఎంపికైన అభ్యర్థులు ఒరిజినల్‌ సర్టిఫికెట్లతో పాటు అటెస్టు చేసిన ఒక సెట్‌ జిరాక్స్‌ ప్రతులతో ధ్రువపత్రాల పరిశీలనకు హాజరు కావాలని కోరారు.

కొలువుదీరనున్న కొత్త ఉపాధ్యాయులు
* నెరవేరిన టీఆర్‌టీ అభ్యర్థుల కల
* నేడు ధ్రువపత్రాల పరిశీలన
* ఉమ్మడి జిల్లాలో 150 పోస్టులు

ఖమ్మం విద్యావిభాగం, న్యూస్‌టుడే: ఎన్నో రోజుల నుంచి ఎదురు చూస్తున్న టీఆర్టీ అభ్యర్థుల కల ఎట్టకేలకు నెరవేరింది. ఖాళీగా ఉన్న ఉపాధ్యాయ పోస్టులు భర్తీ చేసేందుకు రాష్ట్ర ప్రభుత్వం పచ్చ జెండా ఊపటంతో వీరు మరి కొద్ది రోజుల్లో ప్రభుత్వ పాఠశాలల్లో కొలువుదీరనున్నారు. ఖమ్మం, భద్రాద్రి కొత్తగూడెం జిల్లాలతో పాటు ములుగు జిల్లాలోని వాజేడు, వెంకటాపురం, మహబూబాబాద్‌ జిల్లాలోని గార్ల, బయ్యారం మండలాల్లో టీఆర్‌టీ ద్వారా కొత్త ఉపాధ్యాయులను నియమించనున్నారు. ఇప్పటి వరకు అనేక పాఠశాలల్లో ఉపాధ్యాయ పోస్టులు ఖాళీగా ఉన్నాయి. విద్యావాలంటీర్లను నియమించి నెట్టుకొస్తున్నారు. కొత్త ఉపాధ్యాయ నియామకాల ప్రక్రియ ద్వారా ప్రభుత్వ పాఠశాలు మరింత బలోపేతం కానున్నాయి.
* ఉమ్మ‌డి ఖమ్మం జిల్లాలో 150 మందికి అవకాశం...
ఉమ్మడి ఖమ్మంలో జిల్లాలో టీఆర్‌టీ అభ్యర్థుల ద్వారా మొత్తం 152 పోస్టులను భర్తీ చేయనున్నారు. మొత్తం 152పోస్టులో 44 మైదాన ప్రాంతంలో, 108 ఏజెన్సీ ప్రాంతంలో భర్తీ చేస్తారు. అన్ని విభాగాల్లో స్కూల్‌ అసిస్టెంట్లు కలిపి మైదాన ప్రాంతంలో 32, ఏజెన్సీలో 39 ఉన్నాయి. లాంగ్వేజి పండిట్‌ తెలుగు పోస్టులు మైదాన ప్రాంతంలో 8, ఏజెన్సీ ప్రాంతంలో 41 ఉన్నాయి. ఎస్‌జీటీ ఆంగ్లం మైదాన ప్రాంతంలో 4, ఏజెన్సీ ప్రాంతంలో 41 భర్తీ చేస్తారు. జులై 11న ఉదయం 11 గంటలకు జిల్లా విద్యాశాఖాకార్యాలయంలో టీఆర్‌టీ అభ్యర్థుల ధ్రువపత్రాల పరిశీలన జరుగుతుంది.

11న ప్రియదర్శినిలో మెగా జాబ్‌ మేళా
ఖమ్మం విద్యావిభాగం, న్యూస్‌టుడే: ప్రియదర్శిని విద్యాసంస్థలు, ఆలివ్‌ ఫౌండేషన్‌ వారి ఆధ్వర్యంలో ఉమ్మడి జిల్లాలోని నిరుద్యోగ యువతకు ఉపాధి అవకాశాలు కల్పించటంలో భాగంగా జులై 11న ప్రియదర్శిని ఇనిస్టిట్యూట్‌ ఆఫ్‌ సైన్స్‌ అండ్‌ టెక్నాలజి ఫర్‌ఉమెన్‌ కళాశాలలో మెగా జాబ్‌మేళా నిర్వహించనున్నట్లు ప్రియదర్శిని విద్యాసంస్థల అధినేత కాటేపల్లి నవీన్‌బాబు తెలిపారు. జులై 6న‌ ఖమ్మం నగరంలోని ప్రియదర్శిని డిగ్రీ కళాశాలలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రముఖ కంపెనీలలో సీనియర్‌ ఆఫీసర్‌ ఉద్యోగాలకు ఇంటర్వ్యూలు నిర్వహిస్తున్నట్లు చెప్పారు. ఆసక్తిగల వారు అదేరోజు ఉదయం ప్రియదర్శిని మహిళా ఇంజినీరింగ్‌ కళాశాలలో బయోడేటా, సర్టిఫికెట్లతో ఆధార్‌కార్డు జిరాక్స్‌తో హాజరు కావాలన్నారు.

సార్వత్రిక పది, ఇంటర్‌ ఫీజు చెల్లింపుకు మ‌రో అవ‌కాశం
ఖమ్మం విద్యావిభాగం, న్యూస్‌టుడే: తెలంగాణ సార్వత్రిక విద్యాపీఠం ఆధ్వర్యంలో ఏప్రిల్‌లో నిర్వహించే పది, ఇంటర్‌ థియరీ పబ్లిక్‌ పరీక్షలకు సంబంధించి ఇప్పటి వరకు ఫీజు చెల్లించని విద్యార్థులు తత్కాల్‌ పద్ధతిలో మార్చి 22వ తేదీ నుంచి 28వ తేదీ వరకు సంబంధిత పాఠశాలలు, కళాశాలల వారిని సంప్రదించి టీఎస్‌ ఆన్‌లైన్, ఏపీ ఆన్‌లైన్‌ల నుంచి సంబంధిత ఏవన్‌ కోఆర్డినేటర్ల ద్వారా ఫీజు చెల్లించాలని జిల్లా విద్యాశాఖాధికారి పి.మదన్‌మోహన్, జిల్లా కోఆర్డినేటర్‌ అవధానుల మురళీకృష్ణ మార్చి 19న‌ తెలిపారు. పదో తరగతి ప‌రీక్ష‌ల్లో ఒక థియరీ సబ్జెక్టుకు రూ.100, తత్కాల్‌ పరీక్ష ఫీజు రూ.500. ఇంటర్మీడియట్‌ థియరీ ఒక సబ్జెక్టుకు రూ.150, ప్రాక్టికల్‌ పరీక్షకు రూ.100, తత్కాల్‌ ఫీజు రూ.1000 చెల్లించాల్సి ఉంటుంది. వీటితో పాటు ఆన్‌లైన్‌ నామమాత్రపు ఫీజు రుసుము చెల్లించాలి. ఓపెన్‌ స్కూల్‌ ద్వారా ప్రవేశం పొందిన అభ్యాసకులు, గతంలో అనుత్తీర్ణులైన‌ అభ్యర్థులు నిర్ణీత గడువులోగా ఫీజు చెల్లించాలి. ఈ విషయంలో దళారులు, మధ్యవర్తులను నమ్మవద్దని సూచించారు.

ఉమ్మడి ఖమ్మం జిల్లాకు 10 బీసీ గురుకులాలు
* అసెంబ్లీ నియోజకవర్గానికి ఒకటి
* పక్కా భవనాల కోసం అధికారుల వెతుకులాట

ఖమ్మం సంక్షేమవిభాగం, న్యూస్‌టుడే: గురుకుల విద్యను ప్రొత్సహించేందుకు కేసీఆర్‌ ప్రభుత్వం రాష్ట్ర వ్యాప్తంగా నియోజకవర్గానికి ఒకటి చొప్పున 118 బీసీ గురుకులాలను వచ్చే విద్యాసంవత్సరంలో ఏర్పాటు చేయనుంది. పూర్వ ఖమ్మం జిల్లాలో మొత్తం 10 గురుకులాలను మంజూరు చేశారు. వీటిని ఏర్పాటు చేసేందుకు జిల్లా బీసీ గురుకుల అధికారులు ప్రణాళికలు సిద్ధం చేస్తున్నారు. ఖమ్మం, భద్రాద్రి కొత్తగూడెం జిల్లాల్లో ఇప్పటికే వీటి ఏర్పాటుకు అనువైన భవనాలను గుర్తించేందుకు క్షేత్రస్థాయి పర్యటనలు చేస్తున్నారు. నియోజకవర్గాల పరిధిలోని ఎమ్మెల్యేల అనుమతితో వీటిని ఏర్పాటు చేయనున్నారు. సమాజంలోని వెనుకబడిన తరగతుల వర్గాలకి నాణ్యమైన విద్యను అందించేందుకు వీటిని ఏర్పాటు చేస్తున్నారు. గతంలో గురుకుల పాఠశాలలు ఉన్నప్పటికీ అదనంగా వీటిని మంజూరు చేశారు.
రెండే సొంత భవనాలు
ఉమ్మడి ఖమ్మం జిల్లాలో ఇప్పటికే 14 బీసీ గురుకులాలున్నాయి. ఖమ్మం జిల్లాలో 9, భద్రాద్రి కొత్తగూడెం జిల్లాలో 5 ఉన్నాయి. వీటిలో బోనకల్లు బాలుర, లంకపల్లి బాలికల వసతిగృహాలకు మాత్రమే సొంత భవనాలున్నాయి. ఇవి కూడా శిథిలావస్థకు చేరుకున్నాయి. మిగిలిన 12 గురుకులాలకు సొంత భవనాలు లేక అద్దె భవనాల్లో నిర్వహిస్తున్నారు. వీటిలో కూడా అద్దె భవనాలు సరిగా దొరక్క ఉండాల్సిన ప్రదేశంలో కాకుండా పక్క మండలాల్లో, కొన్ని పక్క నియోజవకర్గాల్లో నిర్వహించాల్సిన దుస్థితి ఉంది. ఇక కొత్తగా మంజూరైన 10 గురుకులాలకు కూడా అద్దె భవనాలే దిక్కు కానున్నాయి. ఇప్పటికే అద్దె భవనాలను గుర్తించే పనిలో జిల్లా అధికారులు నిమగ్నమయ్యారు.
5, 6 తరగతుల్లో ప్రవేశాలు
నూతనంగా మంజూరైన గురుకులాల్లో 5, 6 తరగతుల్లో ప్రవేశాలకు ఇప్పటికే నోటిఫికేషన్‌ ఇచ్చారు. ఏప్రిల్‌ 21న 5వ తరగతికి, 30న 6వ తరగతికి ప్రవేశపరీక్ష నిర్వహించనున్నారు. రానున్న రోజుల్లో తరగతుల ఉన్నతీకరణ జరుగుతుంది.
కొత్తగా మంజూరైన గురుకులాలు
* ఖమ్మంలో బాలుర గురుకులాలు - ఖమ్మం, పాలేరు, మధిర, వైరా
* బాలికలు - సత్తుపల్లి భద్రాద్రి కొత్తగూడెం జిల్లాలో
* బాలుర గురుకులాలు - ఇల్లెందు, అశ్వారావుపేట, భద్రాచలం
* బాలికల గురుకులాలు - పినపాక, కొత్తగూడెం.
అద్దె భవనాలు చూస్తున్నాం: బ్రహ్మాచారి, బీసీ గురుకులాల ప్రాంతీయ సమన్వయాధికారి కొత్తగా మంజూరైన 10 గురుకులాలను వచ్చే విద్యా సంవత్సరం నుంచి ప్రారంభించేందుకు అన్ని ఏర్పాట్లను పూర్తి చేశాం. అద్దె భవనాలు కూడా చూస్తున్నాం. జిల్లా పాలనాధికారి అనుమతి కోసం ఎదురు చూస్తున్నాం. అనుమతులు రాగానే మిగిలిన పనులు పూర్తి చేస్తాం.

అనుమతి తీసుకున్న ప్రతి అభ్యర్థికి పరీక్షలు: సీపీ
ఖమ్మం నేరవిభాగం, న్యూస్‌టుడే: వివిధ కారణాలతో ముందస్తుగా అనుమతి పొందిన ప్రతి అభ్యర్థికి దేహదారుఢ్య పరీక్షలు నిర్వహిస్తామని ఖమ్మం పోలీసు కమిషనర్‌ తఫ్సీర్‌ ఇక్బాల్‌ తెలిపారు. ఖమ్మం పరేడ్‌ మైదానంలో పోలీసు ఉద్యోగాల ఎంపికలు కొనసాగుతున్నాయి. ఈ పరీక్షలకు వెయ్యి మందికిగాను 752 మంది హాజరయ్యారు. మిగిలిన 229 మంది గైర్హాజరుకాగా వారిలో 13 మంది అనారోగ్య సమస్యలతో అనుమతి తీసుకున్నారు. పోలీసు కమిషనర్‌ స్వయంగా పరీక్షలను పర్యవేక్షిస్తూ ఎటువంటి అసౌకర్యం కలగకుండా జాగ్రత్తలు తీసుకున్నారు. సీసీ కెమెరాల పర్యవేక్షణలో పరీక్షలు కొనసాగుతున్నాయని, ఎలాంటి అపోహలకు తావులేదన్నారు. సాంకేతిక పరిజ్ఞానాన్ని వినియోగిస్తూ ఫలితాలను పొందుపరుస్తున్నామని చెప్పారు. పరీక్షలకు హాజరైన వారిలో ముగ్గురు అభ్యర్థులు 800 మీటర్ల పరుగులో అర్హత కోల్పోయి అభ్యర్థించగా సీసీ ఫుటేజీ రికార్డు ద్వారా వారికి నివృత్తి చేశారు. అదనపు డీసీపీ మురళీధర్‌, శ్యాంసుందర్‌, ఏసీపీలు వెంకట్రావు, సత్యనారాయణ, విజయ్‌బాబు పాల్గొన్నారు.

బ్రాంచి పోస్టుమాస్టర్ల ఉద్యోగాలకు దరఖాస్తుల ఆహ్వానం
అశ్వారావుపేట, న్యూస్‌టుడే: తపాలా శాఖలో బ్రాంచి పోస్టుమాస్టర్ల ఉద్యోగాలకు దరఖాస్తులు ఆహ్వానిస్తున్నట్లు ఎస్‌పీఎం డీబీవీ సురేష్‌కుమార్‌ తెలిపారు. స్థానిక ఉపతపాలా కార్యాలయంలో ఫిబ్ర‌వ‌రి 23న‌ విలేకరులతో మాట్లాడుతూ ఉమ్మడి ఖమ్మం జిల్లా వ్యాప్తంగా 38 గ్రామాల్లో బ్రాంచి తపాలా కార్యాలయాల్లో బ్రాంచి పోస్టుమాస్టర్ల కోసం ఎస్‌పీ ఫణిప్రసాద్‌ ఆదేశాల మేరకు దరఖాస్తులు ఆహ్వానించినట్లు తెలిపారు. పదోతరగతి ఉత్తీర్ణులై, కంప్యూటర్‌ పరిజ్ఞానం ఉంటే దరఖాస్తు చేయొచ్చని తెలిపారు. అశ్వారావుపేట మండలంలో అచ్యుతాపురం, బచ్చువారిగూడెం, ఊట్లపల్లి బ్రాంచి తపాలా కార్యాలయాల్లో బ్రాంచి పోస్టుమాస్టర్ల పోస్టులు ఖాళీగా ఉన్నాయని చెప్పారు. మార్చి 14 లోపు దరఖాస్తులు ఆన్‌లైన్‌ద్వారా పంపాలని తెలిపారు.

సార్వత్రిక డిగ్రీ అర్హత పరీక్ష దరఖాస్తు గ‌డువు మార్చి 28
ఖమ్మం విద్యావిభాగం, న్యూస్‌టుడే: డాక్టర్‌ బీఆర్‌ అంబేడ్కర్‌ సార్వత్రిక విశ్వవిద్యాలయంలో డిగ్రీలో ప్రవేశానికి మార్చి 28వ తేదీలోగా దరఖాస్తు చేసుకోవాలని ఖమ్మం ప్రాంతీయ అధ్యయన కేంద్రం సహాయసంచాలకులు డాక్టర్ ఎ.రమాదేవి ఫిబ్ర‌వ‌రి 2న తెలిపారు. ఎలాంటి విద్యార్హత లేనప్పటికీ 18 సంవత్సరాలు నిండిన వారు అర్హులు. అర్హ‌త పరీక్షలో ఉత్తీర్ణత సాధించిన వారికి నేరుగా డిగ్రీలో ప్రవేశం కల్పిస్తామని తెలిపారు. పదో తరగతి, ఇంటర్, ఐటీఐ పూర్తి కాని వారు అర్హత పరీక్షకు దరఖాస్తు చేసుకోవాలని సూచించారు. వివరాలకు సమీపంలోని అధ్యయన కేంద్రాల్లో సంప్రదించాలని ఆమె సూచించారు.

ఉచిత శిక్షణకు దరఖాస్తుల ఆహ్వానం
భువనగిరి పట్టణం, న్యూస్‌టుడే: అల్పసంఖ్యాక వర్గాల సంక్షేమ శాఖ ఆధ్వర్యంలో ఐదు అంశాల్లో నిరుద్యోగ యువతీయువకులకు ఉచిత శిక్షణ ఇస్తున్నట్లు జిల్లా మైనార్టీ సంక్షేమ అధికారి సత్యనారాయణ తెలిపారు. జనరల్‌ డ్యూటీ, ఎమర్జెన్సీ మెడికల్‌ టెక్నీషియన్‌, ఫార్మసీ అసిస్టెంట్‌, ప్లేబోటమ్‌ టెక్నీషియన్‌ కోర్సుల్లో మూడు నెలల పాటు శిక్షణ ఇస్తామని పేర్కొన్నారు. పదో తరగతి, ఇంటర్మీడియెట్‌ పూర్తి చేసిన అభ్యర్థులు జులై 24లోపు పాత మున్సిపల్‌ కార్యాలయం ఆవరణలోని తమ కార్యాలయంలో దరఖాస్తు చేసుకోవాలని కోరారు. వివరాలకు చరవాణి సంఖ్య 98499 01156కు సంప్రదించాలని సూచించారు.

19న కేంద్రీయవిద్యాలయంలో ప్రవేశాలకు చివరితేది
నల్గొండ విద్యావిభాగం, న్యూస్‌టుడే: నల్గొండలోని కేంద్రీయ విద్యాలయం నందు ఇంటర్‌ ప్రథమసంవత్సరంలో ప్రవేశాలకు జులై 19 చివరితేది అని ప్రిన్సిపల్‌ మిన్నిముల్లత్‌ తెలిపారు. జులై 1న చివరితేదిగా ప్రకటించినప్పట్టికి సీట్లు మిగిలి ఉండటం వల్ల తేదిని పొడిగించినట్లు పేర్కొన్నారు. స్టేట్‌ లేదా సీబీఎస్‌ఈ నందు 10వ తరగతిలో 60శాతం ఉత్తీర్ణత సాధించిన విద్యార్థులు ప్రవేశానికి అర్హులని తెలిపారు. ఎస్సీ, ఎస్టీ విద్యార్థులకు, అమ్మాయిలకు ఫీజులో రాయితీ ఉంటుందని తెలిపారు. విద్యార్థులు ఈ చివరి అవకాశాన్ని సద్వినియోగం చేసుకోవాలని కోరారు.

13న ఉపాధ్యాయ నియామక కౌన్సెలింగ్‌
* ఉదయం స్కూల్‌అసిస్టెంట్‌లకు..
* మద్యాహ్నాం బాషాపండితులకు...
* డీఈవో వెబ్‌సైట్‌లో ఖాళీల వివరాలు

నల్గొండ విద్యావిభాగం, న్యూస్‌టుడే: టీచర్‌ రిక్రూట్‌మెంట్‌ టెస్ట్‌(టీఆర్‌టి)-2017కు ఎంపికైన అభ్యర్థులకు జులై 13న ఉపాధ్యాయ నియామక కౌన్సెలింగ్‌ నిర్వహించనున్నారు. ఉమ్మడి నల్గొండ జిల్లాకు చెందిన అభ్యర్థులకు ఇప్పటికే ధ్రువీకరణ పత్రాల పరిశీలన చేపట్టిన జిల్లా విద్యాశాఖ అధికారులు జులై 13న జిల్లా కేంద్రంలోని ప్రభుత్వ డైట్‌ కళాశాలలో కౌన్సెలింగ్‌ నిర్వహించి నియామక పత్రాలు అందచేసేందుకు ఏర్పాట్లు చేస్తున్నారు. 341 మంది అభ్యర్థులకు గాను 330 మంది ధ్రువీకరణ పత్రాల పరిశీలన జరిగింది. ఉదయం 10.30 నుంచి కౌన్సెలింగ్‌ ప్రారంభించనున్నట్లు జిల్లా విద్యాశాఖాధికారి పి.సరోజినిదేవి తెలిపారు. ఉదయం స్కూల్‌ అసిస్టెంట్‌ అన్ని కాటగిరిలకు కౌన్సెలింగ్‌ నిర్వహించనున్నట్లు డీఈవో ప్రకటించారు. మద్యాహ్నాం భాషాపండితులు(తెలుగు)కు జిల్లా కమిటి ఆధ్వర్యంలో కౌన్సెలింగ్‌ నిర్వహించి పోస్టింగ్‌ ఉత్తర్వులు జారీచేస్తామని పేర్కొన్నారు. కౌన్సెలింగ్‌కు హాజరయ్యే ఉపాధ్యాయ అభ్యర్థులు వారి వరిజినల్‌ విద్యార్హత ధ్రువపత్రాలు, 3ఫోటోలు, ఈనెల 11న నిర్వహించిన ధ్రువపత్రాల పరిశీలన ప్రతితో హాజరుకావాలని కోరారు. జిల్లాలో ఉపాధ్యాయ నియామక కౌన్సెలింగ్‌ కొరకు విషయాల వారిగా ఉన్న ఖాళీల వివరాలను జిల్లా విద్యాశాఖాధికారి కార్యాలయం నల్గొండ నందు నోటీసుబోర్డులో, deonalgonda.blogspot.com వెబ్‌సైట్‌ నందుపొదుపరిచినట్లు చెప్పారు.

12న నీలగిరి కళాశాలలో ఉద్యోగ మేళా
నల్గొండ టౌన్, న్యూస్‌టుడే: నల్గొండ పట్టణంలోని నీలగిరి డిగ్రీ, పీజీ కళాశాలలో జులై 12న మెగా ఉద్యోగ మేళా నిర్వహిస్తున్నట్లు కళాశాల ప్రిన్సిపల్‌ మారం నాగేందర్‌రెడ్డి జులై 10న తెలిపారు. ఈ మేళాలో టెక్‌ మహీంద్రా, హెచ్‌జీఎస్, టాటా, నిట్, ఐకేఎస్, అపోలో, ప్లిప్‌కార్ట్, ఇండిగో, జీజే సొల్యూషన్స్, ఆర్‌ఎస్‌యంపీఎల్, పొలారిస్‌ తదితర కంపెనీలు పాల్గొంటాయని తెలిపారు. సుమారు 1300 మంది యువతకు ఉపాధి అవకాశాలు కల్పించనున్నారని పేర్కొన్నారు. ఆసక్తి గల నిరుద్యోగ యువత ఈ అవకాశాన్ని సద్వినియోగం చేసుకోవాలని కోరారు.

11న ఎంజీయూలో ఉద్యోగ మేళా
నల్గొండ టౌన్, న్యూస్‌టుడే: నల్గొండ పరిధిలోని అన్నెపర్తి మహాత్మాగాంధీ యూనివర్సిటీలో నేడు ఉద్యోగ మేళా నిర్వహిస్తున్నట్లు ఎంజీయూ ప్లేస్‌మెంట్‌ డైరెక్టర్ ప్రశాంతి జులై 10న తెలిపారు. ఈ మేళాలో యూటూమీ వర్క్‌ ఫోర్స్‌ లిమిటెడ్, జస్ట్‌ డయల్, రెడ్మి, టీటీ హుబ్‌ మేనేజ్‌మెంట్‌ సర్విసెస్, డిజిటెక్, ఎంఎస్‌ఎన్ ల్యాబోరేట‌రీస్‌ తదితర కంపెనీలు పాల్గొంటున్నాయని తెలిపారు. ఇంజినీరింగ్, డిగ్రీ, పీజీ, ఎంసీఏ, ఎంబీఏ విద్యార్థులు ఈ అవకాశాన్ని సద్వినియోగం చేసుకోవాలని కోరారు.

19న నలంద ఫార్మసీ కళాశాలలో ఉద్యోగ మేళా
నల్గొండ టౌన్, న్యూస్‌టుడే: నల్గొండ పరిధిలోని చర్లపల్లి నలంద ఫార్మసీ కళాశాలలో ఎంఎండ్‌ఎస్‌ డెల్‌ ఎక్సెల్‌ ఫార్మ కంపెనీ వారు జులై 19న ఉద్యోగ మేళా నిర్వహిస్తున్నట్లు కళాశాల ప్రిన్సిపల్‌ రాజేశ్వర్‌దత్‌ ఒక ప్రకటనలో జులై 10న తెలిపారు. బీ ఫార్మసీ, ఎంఫార్మసీ సూటిక్స్‌ ఎనాలసిస్‌ విద్యార్థులు ఈ అవకాశాన్ని సద్వినియోగం చేసుకోవాలని కోరారు.

నిరీక్షణకు తెర
* ఉపాధ్యాయ నియామకానికి ప్రభుత్వం పచ్చజెండా
* టీఆర్టీకి ఎంపికైన అభ్యర్థుల్లో సంతోషం
* భర్తీ కానున్న నాలుగు వందల పోస్టులు!

రాజపేట, న్యూస్‌టుడే: ఏడాదిన్నర కాలంగా ఎప్పుడెప్పుడా అని ఎదురుచూస్తున్న ఉపాధ్యాయ నియామక ప్రక్రియకు ప్రభుత్వం పచ్చజెండా ఊపింది. కొలువులు ఇచ్చేందుకు అవసరమైన మార్గదర్శకాలపై జీవో వెలువడింది. దీంతో ఉమ్మడి జిల్లాలోని ప్రభుత్వ పాఠశాలల్లో ఉపాధ్యాయుల ఖాళీలు భర్తీ కానున్నాయి. టీఎస్‌పీఎస్సీ నిర్వహించిన టీచర్స్‌ రిక్రూట్‌మెంట్‌ టెస్ట్‌ (టీఆర్టీ) ద్వారా అర్హత సాధించి ఉద్యోగ నియామకాల కోసం ఎదురుచూస్తున్న అభ్యర్థుల్లో ఒకింత సంతోషం వ్యక్తమవుతోంది. రాష్ట్ర విద్యాశాఖ మార్గదర్శకాలను జారీ చేయడంతో పాటు ఉమ్మడి జిల్లా ఉపాధ్యాయుల నియామక కమిటీ ఏర్పాటు చేస్తూ రాష్ట్ర విద్యాశాఖ ఉత్తర్వులు జారీ చేసింది. ఉమ్మడి జిల్లా ప్రాతిపదికన టీఎస్‌పీఎస్సీ 480 ఉపాధ్యాయ పోస్టుల నియామకాల కోసం పరీక్ష నిర్వహించింది. అయితే పలు సమస్యలపై కొందరు కోర్టును ఆశ్రయించడంతో నియామకాలకు ప్రతిబంధకాలు ఏర్పడ్డాయి. దీనికి తోడు వరుస ఎన్నికలతో అమల్లోకి వచ్చిన ప్రవర్తనా నియమావళి (కోడ్‌) అడ్డంకిగా మారడంతో ఎంపికైన అభ్యర్థులకు ఎదురుచూపులు తప్పలేదు. వివాదాలు లేని పోస్టుల భర్తీకి నియామకాల మార్గదర్శకాలు, కమిటీలను నిర్ణయిస్తూ తాజాగా విద్యాశాఖ ఉత్తర్వులు జారీ చేయడంతో అభ్యర్థుల్లో సంతోషం వ్యక్తమవుతోంది. ఉమ్మడి జిల్లా ప్రాతిపదికన జరిగే ఉపాధ్యాయుల నియామకాల కోసం జిల్లా స్థాయి కమిటీని రాష్ట్ర విద్యాశాఖ ఏర్పాటు చేసింది. కమిటీ ఛైర్మన్‌గా పూర్వ జిల్లా పాలనాధికారి, వైస్‌ ఛైర్మన్‌గా సంయుక్త పాలనాధికారి, కార్యదర్శిగా డీఈవో, సభ్యునిగా జడ్పీ సీఈవో, మున్సిపల్‌ కమిషనర్‌, నూతన జిల్లా డీఈవో ఉంటారు.
* ఉమ్మడి జిల్లాలో 400కు పైగా పోస్టుల భర్తీకి మోక్షం
ఉమ్మడి నల్గొండ జిల్లాలో 2014 లెక్కల ప్రకారం 474 ఆయా రకాల ఉపాధ్యాయ పోస్టులు ఖాళీగా ఉన్నట్లు లెక్క తేల్చారు. దీంతో మొత్తం 480 ఉపాధ్యాయ పోస్టులకు 2017 అక్టోబర్‌లో ప్రభుత్వ పరంగా ప్రకటన వెలువడింది. అందులో 35 ఆంగ్లమాధ్యమ, 5 ఉర్దూ ఎస్జీటీ పోస్టులుండగా మిగతా ఆయా సబ్జెక్టుల పాఠశాల సహాయకులు, భాషా పండితులు, పీఈటీలుండటం గమనార్హం. తెలుగు మాధ్యమంలో ఒక్క ఎస్జీటీ పోస్టు కూడా లేకపోవడం తెలిసిందే. 2018 ఫిబ్రవరి, మార్చి నెలల్లో టీఎస్‌పీఎస్సీ ఆధ్వర్యంలో టీఆర్టీ పరీక్షలు విడతలవారీగా నిర్వహించారు. ఇదే సంవత్సరం ఫలితాలు వెల్లడించి ఆగస్టు, సెప్టెంబర్‌ మాసాల్లో 1:3 ప్రకారం ద్రువపత్రాల పరిశీలన చేపట్టారు. 2019 ఏప్రిల్‌ వరకు విడతల వారీగా ఆయా విభాగాల (స్కూల్‌ అసిస్టెంట్‌ హిందీ, హిందీ పండితులు, పీఈటీ పోస్టులు మినహా) ఉపాధ్యాయుల తుది జాబితాను వెల్లడించారు. అప్పటి నుంచి ఎంపికైన అభ్యర్థులకు ఎదురుచూపులు తప్పలేదు. పాఠశాలల పునః ప్రారంభం వరకైనా తమకు నియామక పత్రాలు అందుతాయనుకున్న అభ్యర్థులకు నిరాశే మిగిలింది. గత విద్యా సంవత్సరం విధులు చేపట్టిన విద్యావాలంటీర్లు సుమారు 953 మంది తిరిగి కొనసాగేలా విద్యాశాఖ ఆదేశాలు జారీ చేసిన విషయం తెలిసిందే. కాగా, తాజా ఉత్తర్వుల ప్రకారం వివాదాలు లేని పోస్టులను ప్రస్తుతం భర్తీ చేయనున్నారు. ఈ ప్రకారం నాలుగు వందలకు పైగా పోస్టులు భర్తీ అయ్యే అవకాశముందని లెక్కలు వేస్తున్నారు.

ఉపాధి శిక్షణకు అడుగులు
* ఎస్‌ఆర్టీఆర్‌ఐలో ప్రారంభమైన దరఖాస్తుల స్వీకరణ
* వివిధ జిల్లాల నుంచి తరలివచ్చిన యువత
* జులై 18 వరకు నమోదుకు అవకాశం
భూదాన్‌పోచంపల్లి, న్యూస్‌టుడే : నిరుద్యోగులకు ఉపాధి మార్గం చూపే స్వామి రామానందతీర్థ గ్రామీణ సంస్థ(ఎస్‌ఆర్టీఆర్‌ఐ)లో శిక్షణ పొందేందుకు యువత అడుగులు వేశారు. వివిధ కోర్సుల్లో తర్ఫీదు ఇచ్చేందుకు ఆసక్తి గల అభ్యర్థుల నుంచి ఆ సంస్థ దరఖాస్తులను కోరింది. దీంతో రాష్ట్రంలోని వివిధ జిల్లాల నుంచి నిరుద్యోగ యువత భూదాన్‌పోచంపల్లి మండలం జలాల్‌పురం గ్రామంలోని రామానందతీర్థ గ్రామీణ సంస్థకు జులై 16న‌ ఉదయమే చేరుకున్నారు. తొలిరోజు దాదాపు 600 మంది విద్యార్థులు వివిధ కోర్సులకు దరఖాస్తులు చేసుకున్నారు. కోర్సుల వారీగా ఆ దరఖాస్తులను స్వీకరించిన ఆ సంస్థ యాజమాన్యం విద్యార్థుల ధ్రువీకరణ పత్రాలను పరిశీలించారు. ఆయా కోర్సుల్లో చేరడం వల్ల కలిగే ప్రయోజనాలను విద్యార్థులకు వివరించారు. జులై 18 వరకు వరకు దరఖాస్తులను స్వీకరిస్తామని సంస్థ డైరెక్టర్‌ కిశోర్‌రెడ్డి తెలిపారు.
అర్హతలు..
* 18 నుంచి 35 సంవత్సరాల మధ్యలో ఉండాలి.
* గ్రామీణ అభ్యర్థులై ఉండాలి.
* చదువు మధ్యలో ఉన్నవారు అనర్హులు.
కావాల్సిన ధ్రువపత్రాలు..
* అర్హత ఒరిజినల్‌ స సర్టిఫికెట్స్‌, జిరాక్స్‌ ప్రతులు
* పాస్‌పోర్ట్‌ సైజ్‌ ఫొటో
* ఆధార్‌ కార్డు, రేషన్‌ కార్డు
ఉచిత వసతి, శిక్షణ..
సంస్థలో శిక్షణకు ఎంపికైన అభ్యర్థులకు సంస్థ ప్రాంగణంలోని వసతిగృహంలో ఉచిత వసతి కల్పించడంతో పాటు ఉచితంగానే శిక్షణ అందిస్తారు.
18 వరకు అభ్యర్థుల ఎంపిక..
సంస్థలో శిక్షణ పొందాలనుకునే నిరుద్యోగ యువత ఈనెల 17, 18న ఉదయం 10 గంటల వరకు సంస్థ ప్రాంగణంలో నిర్వహించే ఎంపిక ప్రక్రియకు అవసరమైన ధ్రువపత్రాలతో హాజరుకావాలి. అదనపు సమాచారం కోసం ఫోన్‌: 91339 08000, 91339 08111, 91339 08222కు సంప్రదించాలి.
కచ్చితమైన ఉపాధి కల్పిస్తాం.. : నిరుద్యోగ యువతకు ఉపాధి అవకాశాలున్న కోర్సుల్లో నాణ్యమైన శిక్షణ అందించి వారికి ఉద్యోగ, ఉపాధి అవకాశాలు కల్పించడమే సంస్థ లక్ష్యం. నిరుద్యోగులు సమయాన్ని వృథా చేయకుండా ఉపాధి అవకాశాలున్న కోర్సుల్లో చేరి ఉద్యోగాన్ని పొందాలి. అప్పుడే సంస్థ లక్ష్యం నెరవేరుతుంది. నిరుద్యోగ నిర్మూలన చేయాలనే సంస్థ లక్ష్యం కోసం అందిస్తున్న సేవలను యువత సద్వినియోగం చేసుకోవాలి.
- కిశోర్‌రెడ్డి, డైరెక్టర్‌, ఎస్‌ఆర్టీఆర్‌ఐ

ఆదర్శ పాఠశాలలో బోధనేతరులకు దరఖాస్తుల ఆహ్వానం
వెన్నాచేడ్‌ (గండీడ్‌), న్యూస్‌టుడే : మండలంలోని వెన్నాచేడ్‌ ఆదర్శ పాఠశాలలో జూనియర్‌ కళాశాల విద్యార్థినులకు కొత్తగా ఏర్పాటు చేసిన వసతిగృహంలో పని చేసేందుకు పొరుగు సేవల పద్ధతిలో నియామకాలు చేపడుతున్నట్లు ప్రిన్సిపల్‌ కొండల్‌రావు జులై 14న‌ ఒక ప్రకటనలో తెలిపారు. పొరుగు సేవల పద్ధతిలో నియామకం ఉంటుందన్నారు. అర్హులైన మహిళలు 25 నుంచి 40 సంవత్సరాలలోపు వారు జులై 16వ తేదీలోగా దరఖాస్తు చేసుకోవాలని పేర్కొన్నారు. వసతిగృహంలో ఉన్న బోధనేతన సిబ్బంది వివరాలు వార్డెన్‌ ( డిగ్రీ, బీఎడ్‌) రూ. 6,700, స్వీపర్‌ (చదవడం, రాయడం) రూ. 6000, ఎఎన్‌ఎం రూ.6000, ప్రధాన వంటమనిషి, సహాయక వంటవారు ఇద్దరు రూ. 5000 (మద్యాహ్న భోజన పథకంలో పనిచేసినవారు) పై ఉద్యోగాలకు స్థానికులై ఉండి ఆసక్తిగలవారు ధ్రువపత్రాలతో దరఖాస్తు చేసుకొవాలి మిగితా వివరాలకు ప్రిన్సిపాల్‌ను సంప్రదించగలరు.

బీఏడ్‌ పరీక్ష ఫలితాలు విడుదల
వీరన్నపేట (మహబూబ్‌నగర్‌), న్యూస్‌టుడే: పాలమూరు విశ్వవిద్యాలయ పరిధిలో నిర్వహించిన బీఏడ్‌ రెండు, నాలుగో సెమిస్టర్‌ రెగ్యులర్, సప్లిమెంటరీ పరీక్ష ఫలితాలను జూన్‌ 11న విశ్వవిద్యాలయ ఉపకులపతి ఆచార్య రాజారత్నం విడుదల చేశారు. బీఏడ్‌ రెండో సెమిస్టర్‌ పరీక్షకు 2713 మంది విద్యార్థులు హజరు కాగా, 1920 మంది విద్యార్థులు ఉత్తీర్ణులయ్యారు. 531 మంది విద్యార్థులు ప్రమోట్‌ కాగా 244 మంది విద్యార్థులు అనుత్తీర్ణత సాధించారు. నాలుగో సెమిస్టర్‌ పరీక్షకు 2081 మంది అభ్యర్థులు హజరు కాగా 1846 మంది ఉత్తీర్ణత సాధించారు. 234 మంది విద్యార్థులు అనుత్తీర్ణులు కాగా ఒక విద్యార్థి కాపీయింగ్‌కు పాల్పడుతూ పట్టుబడ్డారు.

జులై 12న ధృవపత్రాల పరిశీలనకు అవకాశం
వీరన్నపేట (మహబూబ్‌నగర్‌), న్యూస్‌టుడే: టీఎస్‌ఈసెట్‌లో అర్హత సాధించిన విద్యార్థులకు ధృవపత్రాల పరిశీలనకు మరో అవకాశం ఇచ్చినట్లు ప్రభుత్వ పాలిటెక్నిక్‌ కళాశాల ప్రిన్సిపల్‌ నాగరాజు జులై 10 ఒక ప్రకటనలో తెలిపారు. జులై 11న ఆన్‌లైన్‌లో ధృవపత్రాల పరిశీలన కోసం దరఖాస్తులు చేసుకోవాలని కోరారు. ధృవపత్రాల పరిశీలనకు హజరఅయ్యే అభ్యర్థుల టీఎస్‌ఈసెట్‌ ర్యాంకు కార్డు, హల్‌టిక్కెట్, ఆధార్‌కార్డు, పదవ తరగతి మెమో, డిప్లొమా, మెమో, బోనఫైడ్, కుల, ఆదాయ ధృవీకరణ పత్రాలతో పాటు టీసీ తీసుకురావాలని పేర్కొన్నారు. ప్రత్యేక క్యాటగిరి కలిగిన విద్యార్థులకు హైదరాబాద్‌లో ధృవపత్రాల పరిశీలన ఉంటుందని అన్నారు.

నేటి నుంచి ప్రయోగ పరీక్షలు
వీరన్నపేట (మహబూబ్‌నగర్‌), న్యూస్‌టుడే: అంబేడ్కర్‌ సార్వత్రిక విశ్వవిద్యాలయం పరిధిలో డిగ్రీ ద్వితీయ సంవత్సరం చదువుతున్న సైన్స్‌ విద్యార్థులకు మూడవ సెమిస్టర్‌ ప్రయోగ పరీక్షలను జులై 10 నుంచి నిర్వహిస్తున్నట్లు స్టడీ సెంటర్‌ సహాయ సంచాలకులు కనకదుర్గ జులై 9న తెలిపారు. విద్యార్థులకు జారీ చేసిన హల్‌టికెట్లలో వారికి కేటాయించిన తేది, సమయం తెలుపడం జరిగిందని, దానికి అనుగుణంగా హజరు కావాలని కోరారు.

డిగ్రీలో ప్రవేశాలకు అర్హత పరీక్ష
వీరన్నపేట (మహబూబ్‌నగర్‌), న్యూస్‌టుడే: అంబేడ్కర్‌ సార్వత్రిక విశ్వవిద్యాలయం పరిధిలో డిగ్రీ ప్రవేశాల కోసం నిర్వహించే అర్హత పరీక్షకు జులై 25లోగా దరఖాస్తు చేసుకోవాలని స్టడీ సెంటర్‌ సహాయ సంచాలకులు కనకదుర్గ జులై 9న ఒక ప్రకటనలో తెలిపారు. 18 సంవత్సరాలు నిండిన ప్రతి ఒక్కరూ దరఖాస్తు చేసుకునేందుకు అర్హులని చెప్పారు. ఆగస్టు నాలుగవ తేదినా అర్హత పరీక్ష నిర్వహించడం జరుగుతుందని అన్నారు. వివరాలకు https://www.braouonline.in/ ను పరిశీలన చేయాలని కోరారు.

నిరుద్యోగులకు ఊతమిచ్చేందుకు నైపుణ్య శిక్షణ కేంద్రాలు
* తెలంగాణలోనే మొదటి కేంద్రం పాలమూరులో
మహబూబ్‌నగర్‌ క్రీడలు, న్యూస్‌టుడే : నిరుద్యోగ యువతీ, యువకులు స్వయం ఉపాధి పొందేలా రాష్ట్రంలోని అన్ని జిల్లాల్లో నైపుణ్య శిక్షణ కేంద్రాలను ప్రారంభిస్తున్నామని, అందులో మొదటి కేంద్రం మహబూబ్‌నగర్‌లో ప్రారంభించడం ఆనందంగా ఉందని రాష్ట్ర ఆబ్కారీ, క్రీడల శాఖ మంత్రి వి.శ్రీనివాస్‌గౌడ్‌ అన్నారు. జులై 8న‌ కలెక్టరేట్‌ ఆవరణలోని సెట్మా పాత భవనంలో యువజన క్రీడల శాఖ ఆధ్వర్యంలో నిర్వహించే వృత్తి నైపుణ్య శిక్షణ కేంద్రాన్ని యువజన సర్వీసులశాఖ కార్యదర్శి సవ్యసాచి ఘోష్‌, జడ్పీ ఛైర్‌పర్సన్‌ స్వర్ణ సుధాకర్‌రెడ్డి, కలెక్టర్‌ రొనాల్డ్‌రోస్‌తో కలిసి ప్రారంభించారు. రాష్ట్రంలోని నిరుద్యోగ యువతీ, యువకులు ఉపాధి నైపుణ్య శిక్షణ పొంది జీవితంలో స్థిరపడేలా ముఖ్యమంత్రి కేసీఆర్‌ అన్ని జిల్లాల్లో ఈ కేంద్రాలను ఏర్పాటు చేసేందుకు నిర్ణయించారన్నారు. ఈ నైపుణ్య శిక్షణ కేంద్రాల్లో 22 అంశాల్లో శిక్షణ ఉంటుందని మూడు నుంచి 6 నెలల శిక్షణ కాలం, 18-35 ఏళ్ల మధ్య ఉన్నవారు అర్హులని వివరించారు. ఈ కేంద్రాలు సెట్విన్‌ సమన్వయంతో నడుస్తాయని ఈ ధ్రువపత్రాలకు విదేశాల్లోనూ మంచి గుర్తింపు ఉంటుందని ఉద్యోగాలు లభిస్తాయని చెప్పారు. ఏటా 8 వేల మందికి శిక్షణ ఇచ్చేలా ప్రణాళికలు రూపొందిస్తున్నారని ఆసక్తి గల యువతీ, యువకులు తమ పేర్లను నమోదు చేసుకోవాలని తొలివిడత శిక్షణకు వచ్చే వారికి రుసుం మినహాయింపు ఉంటుందని మంత్రి సూచించారు. ఇప్పటికే 5 జిల్లాల్లో శిక్షణ కేంద్రాలు ప్రారంభానికి సిద్ధంగా ఉన్నాయని త్వరలో అన్ని జిల్లాల్లో రూపుదిద్దుకుంటాయని చెప్పారు. కార్యక్రమంలో ప్రిన్సిపల్‌ కార్యదర్శి సవ్యసాచి ఘోష్‌, జడ్పీ ఛైర్‌పర్సన్‌ స్వర్ణ సుధాకర్‌రెడ్డి, కలెక్టర్‌ రొనాల్డ్‌రోస్‌, డీవైఎస్‌వో సత్యవాణి, సెట్విన్‌ ఎండీ వేణుగోపాల్‌ రెడ్డి తదితరులు పాల్గొన్నారు.

మార్చి 28వ తేదీ పరీక్ష ఫీజు చెల్లింపుకు ఆఖ‌రు
వీరన్నపేట(మహబూబ్‌నగర్‌), న్యూస్‌టుడే: సార్వత్రిక విద్యా పీఠం(ఓపెన్‌ స్కూల్‌)లో పది, ఇంటర్‌ చదువుతున్న విద్యార్థులు మార్చి 28వ తేదీ లోగా పరీక్ష ఫీజు చెల్లించాలని జిల్లా విద్యాశాఖ అధికారి రాజేష్ మార్చి 18న‌ తెలిపారు. పరీక్ష ఫీజుల వివరాలు విద్యార్థులకు సంబంధిత స్టడీ కేంద్రాల్లో అందుబాటులో ఉంటాయని తెలిపారు.

డిగ్రీ పరీక్ష రుసుం చెల్లించండి
వీరన్నపేట (మహబూబ్‌నగర్‌), న్యూస్‌టుడే: డాక్టర్‌ బీఆర్‌ అంబేడ్కర్‌ సార్వత్రిక విశ్వవిద్యాలయం డిగ్రీ ప్రథమ, ద్వితీయ, తృతీయ సంవత్సరం విద్యార్థుల వార్షిక పరీక్ష రుసుం మార్చి 29వ తేదీలోగా చెల్లించాలని స్టడీ సెంటర్‌ సహాయ సంచాలకులు కనకదుర్గ ఒక ప్రకటనలో తెలిపారు. రూ.200 అపరాధ రుసుంతో ఏప్రిల్‌ 6వ తేదీలోగా చెల్లించేందుకు అవకాశం ఉందని చెప్పారు. సమీప ఆన్‌లైన్‌ కేంద్రాల ద్వారా చెల్లింపులు చేయవచ్చని అన్నారు. అలాగే డిగ్రీ ద్వితీయ, తృతీయ సంవత్సరం సైన్స్‌ ప్రయోగ తరగతులు మార్చి 15వ తేది నుంచి నిర్వహిస్తున్నట్లు స్టడీ సెంటర్‌ సహాయ సంచాలకురాలు కనకదుర్గ ఒక ప్రకటనలో తెలిపారు. ఉమ్మడి జిల్లా పరిధిలోని సైన్స్‌ విద్యార్థులు ఎంవీఎస్‌ కళాశాలలో హజరు కావాలని కోరారు. ఫీజు చెల్లించిన రశీదు, గుర్తింపు కార్డు తప్పనిసరిగా తీసుకురావాలని అన్నారు.

అర్హత పరీక్షకు దరఖాస్తులు
వీరన్నపేట (మహబూబ్‌నగర్‌), న్యూస్‌టుడే: అంబేడ్కర్‌ సార్వత్రిక విశ్వవిద్యాలయంలో డిగ్రీ ప్రవేశాల‌ కోసం నిర్వహించే అర్హత పరీక్షకు ఆసక్తి కలిగిన అభ్యర్థులు మార్చి 28వ తేది వరకు దరఖాస్తు చేసుకోవచ్చని స్టడీ సెంటర్‌ సహాయ సంచాలకురాలు కనకదుర్గ జ‌న‌వ‌రి 31న‌ తెలిపారు. 18 సంవత్సరాలు నిండిన యువతి, యువకులు జనన ధృవీకరణ, కుల ధృవీకరణ పత్రాలతో పాటు రూ.300 ఫీజు చెల్లించి దరఖాస్తు చేసుకోవచ్చని అన్నారు. వివరాలకు https://www.braouonline.in ను పరిశీలన చేయాలని కోరారు.

సార్వత్రిక డిగ్రీ పరీక్ష రుసుగు గడువు 29
శాతవాహన విశ్వవిద్యాలయం, న్యూస్‌టుడే: డాక్టర్‌ బి.ఆర్‌ అంబేడ్కర్‌ సార్వత్రిక విశ్వవిద్యాలయం డిగ్రీ వార్షిక పరీక్ష రుసుం చెల్లింపునకు గడువు మార్చి 29తో ముగుస్తుందని ప్రాంతీయ సమన్వయ కేంద్రం సహాయ సంచాలకులు డాక్టర్‌ రాజేందర్‌ రెడ్డి ఒక ప్రకటనలో తెలిపారు. సంబంధిత రుసుం ఆన్‌లైన్‌లో చెల్లించాలని సూచించారు. డిగ్రీ తృతీయ సంవత్సరం పరీక్షలు ఏప్రిల్‌ 29నుంచి, ద్వితీయ సంవత్సరం విద్యార్థులకు మే 6నుంచి, ప్రథమ సంవత్సరం విద్యార్థులకు మే 13నుంచి జరుగుతాయని పేర్కొన్నారు.

16న‌ ప్రాంగణ నియామకాలు
శాతవాహన విశ్వవిద్యాలయం, న్యూస్‌టుడే: డిగ్రీ ఉత్తీర్ణులతో పాటు చివరి సంవత్సరం చదువుతున్న విద్యార్థులకు మార్చి 16వ తేదీన ప్రాంగణ నియామకాలను చేపడుతున్నట్లు శివాని డిగ్రీ కళాశాల ప్రిన్సిపల్‌ డాక్టర్‌ వి.సతీష్‌ కుమార్‌ తెలిపారు. ఇంటెల్‌నెట్, కనెక్ట్‌ బిజినెస్, టీబీఎస్‌ఎస్, కార్వే, గామ ప్రాసెస్, ఐసీఐసీఐ వంటి కంపెనీలు హాజరు కానున్నాయని పేర్కొన్నారు. రాత పరీక్ష, ఇంటర్వ్యూ ఆధారంగా ఎంపిక జరుగుతుందన్నారు.

ఫీజు చెల్లింపు గడువు పెంపు
తెవివి క్యాంపస్‌(డిచ్‌పల్లి): తెవివి పరిధిలోని అనుబంధ డిగ్రీ కళాశాలల బీఏ, బీ.కామ్‌, బీఎస్సీ, బీబీఏ కోర్సుల మొదటి, రెండు, మూడు సంవత్సరాలకు సంబంధించిన బ్యాక్‌లాగ్‌ పరీక్షల రీవాల్యుయేషన్‌, రీకౌంటింగ్‌ ఫీజు చెల్లింపు గడువును జులై 20 తేదీ వరకు పొడిగించినట్లు వర్సిటీ పరీక్షల నియంత్రణాధికారి సంపత్‌కుమార్‌ తెలిపారు. రీవాల్యుయేషన్‌ ఒక్కో పేపర్‌కు రూ.500, రీకౌంటింగ్‌ ఒక్కో పేపర్‌కు రూ.300 చొప్పున చెల్లించాలన్నారు. నమోదు పత్రానికి రూ.25 అదనంగా చెల్లించాల్సి ఉంటుందన్నారు. పూర్తి వివరాలు యూనివర్సిటీ వెబ్‌సైట్లో పొందుపర్చినట్లు ఆయన పేర్కొన్నారు.
http://www.tguniversity.in/

జులై 16న‌ స్పాట్‌ కౌన్సెలింగ్‌
డిచ్‌పల్లి గ్రామీణం, న్యూస్‌టుడే: సాంఘిక సంక్షేమ బాలికలు, బాలుర కళాశాల‌ల్లో(ఇంటర్‌ ఒకేషనల్‌ కోర్సు) మొదటి సంవత్సరంలో సీట్ల భర్తీ కోసం జులై 16న స్పాట్‌ కౌన్సెలింగ్‌ నిర్వహిస్తున్నట్లు కళాశాలల సంస్థ ప్రాంతీయ అధికారి సింధు ఒక ప్రకటనలో తెలిపారు. కంజర(బాలికలు) కళాశాలలో ప్రీ ప్రైమరీ టీచర్‌ ట్రైనింగ్‌-14, ఎల్లారెడ్డి(బాలుర) ఎలక్ట్రికల్‌ టెక్నీషియన్‌-21, ఆర్మూర్‌ రిటైల్‌ మేనేజ్‌మెంట్‌-40 ఖాళీలు ఉన్నాయని వివరించారు. మోపాల్‌ మండలం కంజర గురుకులంలో కౌన్సెలింగ్‌ ఉంటుందని పేర్కొన్నారు. 2019 ఫ్రిబవరి 17న ప్రవేశ పరీక్షకు హాజరైన వారికి ప్రాధాన్యం ఉంటుందని చెప్పారు. విద్యార్థులు అన్ని ధృవపత్రాలతో ఉదయం 9 గంటల నుంచి 11 వరకు రిజిస్ట్రేషన్‌ చేసుకోవాలని, మధ్యాహ్నం 12 తర్వాత కౌన్సెలింగ్‌ మొదలవుతుందని తెలిపారు. పదో తరగతిలో సాధించిన జీపీఏ ఆధారంగా ఖాళీలను భర్తీ చేస్తామన్నారు. అర్హులైన వారు అవకాశాన్ని సద్వినియోగం చేసుకోవాలని సూచించారు.

కౌన్సెలింగ్‌కు హాజరు కావాలి
కంఠేశ్వర్‌, న్యూస్‌టుడే: తెలంగాణ గిరిజన సంక్షేమ మహిళా డిగ్రీ కళాశాలలో ప్రథమ సంవత్సరంలో ప్రవేశానికి జులై 17న రెండో విడత కౌన్సెలింగ్‌ నిర్వహించనున్నట్లు ప్రిన్సిపల్‌ గంగాధర్‌ ఒక ప్రకటనలో తెలిపారు. టీజీయూజీసెట్‌ రాసినవారు, రాయని వారు కూడా అర్హులేనని పేర్కొన్నారు. విద్యార్థినులు నాగారంలోని గొల్లగుట్ట తండాలోని కళాశాలలో హాజరు కావాలన్నారు. మరిన్ని వివరాలకు చరవాణిలో (94403 73460, 90521 42024)సంప్రదించాలని సూచించారు.
ఖాళీల వివరాలు:
ఎంజడ్‌సీ- 21, బీబీఏ- 20, ఎంపీసీఎస్‌- 06, బీజెడ్‌సీ- 1

నాణ్యమైన విద్యకు కేంద్రీయ విద్యాలయాలు
* ఒకటో తరగతిలో ప్రవేశాలకు ప్రకటన
* అంతర్జాలంలో దరఖాస్తులకు ఆహ్వానం
* మార్చి 19 చివరి గడువు

న్యూస్‌టుడే, కంఠేశ్వర్‌: నేటి సమాజంలో విద్యార్థులను భావి భారత పౌరులుగా తీర్చిదిద్దాలంటే.. విద్యతో పాటు అన్ని రంగాల్లో రాణించేలా ఉండాలి. బట్టీ విధానానికి స్వస్తి ప‌లుకుతూ.. ప్రయోగాత్మక విద్యను అందించడానికి కేంద్ర ప్రభుత్వం కేంద్రీయ విద్యాలయాలను ప్రారంభించింది. ఇందులో ఒకటో తరగతి ప్రవేశాలకు తాజాగా ప్రకటనను జారీ చేశారు. ప్రభుత్వ ఉద్యోగుల పిల్లలతో పాటు సాధారణ ప్రజలకు కొన్ని సీట్లు ఉంటాయి.
గతంలో ఈ పాఠశాలల్లో కేవలం ఆర్మీ పిల్లలకు మాత్రమే అవకాశం ఉండేది. కానీ తరువాత విద్యాహక్కు చట్టం కింద కేంద్ర, రాష్ట్ర ప్రభుత్వాలు, వాటి అనుబంధ సంస్థల ఉద్యోగుల పిల్లలకు ప్రవేశాలు కల్పించారు.
సీట్ల భర్తీ
* కేంద్ర ప్రభుత్వ ఉద్యోగులు, మాజీ సైనిక ఉద్యోగుల పిల్లలకు మొదటి ప్రాధాన్యం
* కేంద్ర ప్రభుత్వరంగ అనుబంధ సంస్థల ఉద్యోగుల పిల్లలకు రెండో ప్రాధాన్యం
* రాష్ట్ర ప్రభుత్వ ఉద్యోగుల పిల్లలకు మూడో ప్రాధాన్యం
* రాష్ట్ర ప్రభుత్వ అనుబంధ సంస్థల ఉద్యోగుల పిల్లలకు నాలుగో ప్రాధాన్యం
* ఆర్‌టీఈ కోటా కింద కొన్ని సీట్లు కేటాయిస్తారు.
* కేంద్రీయ విద్యాలయ నిబంధనల మేరకు ఎస్సీలకు 15శాతం, ఎస్టీలకు 7.5శాతం సీట్లను, దివ్యాంగులకు 3శాతం కేటాయిస్తారు.
* లోక్‌సభ, రాజ్యసభ సభ్యులు, విద్యాలయ ఛైర్మన్‌(కలెక్టర్‌) కొన్ని సీట్లను ప్రతిపాదించవచ్చు. వారు ప్రతిపాదించే విద్యార్థులు కేవీ ప్రతిపాదనలకు అనుగుణంగా ఉండాలి.
రుసుం:
* దరఖాస్తు పొందిన విద్యార్థులు రూ.25 ప్రవేశ రుసుం చెల్లించాలి.
* నెలనెలా రూ.500 చెల్లించాల్సి ఉంటుంది. తరగతులు పెరుగుతున్నా కొద్ది రుసుములో స్వల్ప మార్పులు ఉంటాయి.
విద్యాలయ కమిటీ..
ప్రతి కేంద్రీయ విద్యాలయానికి ఒక కమిటీ ఉంటుంది. జిల్లా కేంద్రలోని పాఠశాల సివీలియన్‌ కేంద్రీయ విద్యాలయం కావడంతో దీనికి ఛైర్మన్‌గా కలెక్టర్‌ ఉంటారు. వీరితో పాటు మరో 13 మంది సభ్యులు ఉంటారు. ఇందులో విద్య, వైద్య, సాంస్కృతిక రంగాలకు ఇంజినీరింగ్‌కు చెందిన ప్రముఖులతో పాటు ఇద్దరు విద్యార్థుల తల్లిదండ్రులు (మహిళ, పురుషుడు) ఎస్సీ, ఎస్టీకి చెందిన గ్రేడ్‌ 1 అధికారి, సీనియర్‌ అధ్యాపకుడు, కేంద్ర ప్రభుత్వ ఉద్యోగుల వెల్ఫేర్‌ కమిటీ ఛైర్మన్‌ కమిటీలో ఉంటారు. వీరు సంవత్సరానికి మూడుసార్లు పాఠశాల ప్రగతిపై సమావేశం నిర్వహిస్తారు.
దరఖాస్తు చేసుకోండి ఇలా..
ఈ పాఠశాల జిల్లా కేంద్రంలోని నాగారంలో గల డైట్‌ కళాశాల ప్రాంగణంలో ఉంది. 2019 - 20 విద్యా సంవత్సరానికి ఒకటో తరగతి ప్రవేశాల కోసం అర్హులైన విద్యార్థుల నుంచి ఆన్‌లైన్‌ దరఖాస్తులు స్వీకరిస్తుంది. మార్చి 31వ తేదీ నాటికి 5 - 7 సంవత్సరాల మధ్యలో ఉన్నవారు దరఖాస్తుకు అర్హులు.
* వెబ్‌సైట్‌ ఓపెన్‌ చేసి కుడిచేతివైపు ఉన్న అడ్మిషన్స్‌ 19-20 అప్లై ఆన్‌లైన్‌పై క్లిక్‌ చేయాలి.
* న్యూ రిజిస్ట్రేషన్‌ అనే ఆప్షన్‌ కనిసిస్తుంది. అందులో అడిగిన వివరాలను నమోదుచేయాలి.
* ఇదే వెబ్‌సైట్‌లో కుడిచేతివైపు ఉన్న అడ్మిషన్స్‌ 19-20 ఆన్‌లైన్‌ యాప్‌ అనే లింక్‌ ఉంటుంది. దీన్ని క్లిక్‌ చేయడం వల్ల చరవాణిలో కూడా దరఖాస్తులు నమోదు చేసుకోవచ్చు.
* యాప్‌ ఇన్‌స్టాల్‌ అయిన తరువాత అందులో రిజిస్ట్రేషన్‌ చేసుకోవాల్సి ఉంటుంది.
* దరఖాస్తు కోసం పుట్టిన తేదీ, కులం, నివాసం, వృత్తి ధ్రువీకరణ పత్రాల సమాచారాన్ని పొందుపర్చాలి.
* బీసీలకు ఓబీసీ ధ్రువీకరణ పత్రం తప్పక కలిగిఉండాలి.
* ఏక సంతానం కలవారు కూడా ఆన్‌లైన్‌లోనే దరఖాస్తు చేసుకోవాలి. ఈ కోటాలో సెక్షన్‌కి ఇద్దరి చొప్పున నలుగురికి మాత్రమే అవకాశాలు కల్పిస్తారు.
* మరో సంతానం లేనట్లుగా నోటరీ ద్వారా జారీ చేసిన అఫిడవిట్‌ను అందజేయాలి.
* కవలలకు ఒక్క దరఖాస్తుపైన ఇద్దరికీ అవకాశం.
సీసీఏ విధానంలో బోధన - వెంకటేశ్వర్‌రావు, ప్రిన్సిపల్‌, కేవీ
కేంద్రీయ విద్యాలయాల్లో సీసీఏ విధానంలో విద్యను బోధిస్తాం. విద్యార్థులకు ప్రయోగాత్మకమైన విద్యతో పాటు, ఆంగ్ల, హిందీ భాషపై పట్టు పెరుగుతుంది. క్రీడలు, సాంస్కృతిక ఇతర అంశాల్లో నైపుణ్యాలను పెంపొందిచే అవకాశాలను కల్పిస్తాం. బట్టీ విధానానికి స్వస్తి పలకడమే ఈ పాఠశాల విద్యలో ప్రత్యేకత. విద్యార్థుల్లో నైతిక విలువలు పెంపొందిచేలా అనేక కార్యక్రమాలు నిర్వహిస్తాం.
ఎంపిక విధానం
* అంతర్జాలంలో దరఖాస్తులను పరిశీలించి కేంద్రీయ విద్యాలయ సంఘటన్‌ ఎంపిక జాబితాను విద్యాలయాలకు పంపుతారు. ఈ జాబితాను సంబంధిత వెబ్‌సైట్‌లో ప్రదర్శిస్తారు. జాబితాలో ఉన్నవారు మాత్రమే తమ అసలు ధ్రువీకరణ పత్రాలతో పాఠశాలలో సంప్రదించాలి. ఆన్‌లైన్‌లోనే డ్రా విధానం జరుగుతుంది. కంప్యూటర్‌ ర్యాండంలో ఎంపిక చేస్తుంది.
http://www.kvnizamabad.org/

టీఆర్‌టీ అభ్యర్థులకు శుభవార్త
* ఉమ్మడి జిల్లాలో 1250 పోస్టులు
* పాఠశాలల్లో భర్తీ కానున్న ఉపాధ్యాయులు

సంగారెడ్డి మున్సిపాలిటీ, న్యూస్‌టుడే: ప్రభుత్వ పాఠశాలల్లో ఉపాధ్యాయ పోస్టులు భర్తీ కానున్నాయి. 2018 ఫిబ్రవరిలో నిర్వహించిన టీఆర్‌టీ(టీచర్స్‌ రిక్రూట్‌మెంట్‌ టెస్ట్‌) పరీక్ష రాసి ఎంపికైన వారికి కౌన్సెలింగ్‌ నిర్వహించనున్నారు. ఇందుకు సంబంధించిన జీవోను ప్రభుత్వం విడుదల చేసింది. జిల్లా పాలనాధికారి ఛైర్మన్‌గా ఏర్పాటైన జిల్లా స్థాయి కమిటీ ఆధ్వర్యంలో కౌన్సెలింగ్‌ జరగనుంది.
టీఆర్‌టీ అభ్యర్థులకు 2010 ఫిబ్రవరి 24 నుంచి మార్చి 4వ తేదీ వరకు ఆన్‌లైన్‌ పరీక్ష నిర్వహించారు. అదే ఏడాది జులైలో ఫలితాలు విడుదల చేశారు. అక్టోబర్‌, నవంబర్‌ నెలలో 1:3 లెక్కన పుల్కల్‌ మండలం సుల్తాన్‌పూర్‌ జేఎన్‌టీయూలో విద్యార్హత ధ్రువపత్రాలు పరిశీలించారు. గత విద్యా సంవత్సరమే వీరిని నియమిస్తారని ఆశించినా.. విద్యా వాలంటీర్లను నియమించి సరిపెట్టారు. ఈ ఏడాదీ వాలంటీర్లను రెన్యూవల్‌ చేయడంతో టీఆర్‌టీ అభ్యర్థులంతా ఆందోళన చెందారు. ఎట్టకేలకు ప్రభుత్వం నియామకాలకు సంబంధించి కసరత్తు చేయడంతో ఊపిరి పీల్చుకున్నారు.
ఉమ్మడి జిల్లా ప్రకారమే..
టీఆర్‌టీ పరీక్ష ఉమ్మడి జిల్లా ప్రకారమే నిర్వహించారు. ఎంపిక కౌన్సెలింగ్‌, నియమకాలూ ఆ ప్రకారమే చేస్తారు. జిల్లా పాలనాధికారి ఛైర్మన్‌గా, సంయుక్త పాలనాధికారి వైస్‌ ఛైర్మన్‌గా, జిల్లా విద్యాధికారి కన్వీనర్‌గా, మరొకరు సభ్యులుగా ఉంటారు. ఎంపికైన వారి జాబితాను టీఎస్‌పీఎస్సీ జిల్లా కమిటీకి పంపుతుంది. ఉపాధ్యాయులు లేని నారాయణఖేడ్‌, అందోలు నియోజకవర్గాల్లోని పాఠశాలలకు కౌన్సెలింగ్‌లో మొదటి ప్రాధాన్యత ఇస్తారు.
వాలంటీర్ల పరిస్థితి..?
ప్రస్తుత విద్యా సంవత్సరానికి 1236 మంది విద్యా వాలంటీర్లను ఇటీవలే రెన్యూవల్‌ చేశారు. కొత్త ఉపాధ్యాయులను నియమిస్తే వారిని తొలగించే అవకాశం ఉంది. వాలంటీర్ల ఉత్తర్వులోనూ పూర్తికాలం పని చేయిస్తామని పేర్కొనలేదు. దీంతో తమ పరిస్థితి ఏమిటని వాలంటీర్లు ఆందోళన చెందుతున్నారు.
ఉమ్మడి జిల్లాలో ఇలా..
* ఎస్జీటీ- 876
* ఎస్‌ఏలు- 214
* ఎల్‌పీలు- 125
* పీఈటీలు: 33
* ఎస్‌ఏ(పీడీ)- 2
* మొత్తం- 1250

16 నుంచి పీజీ ద్వితీయ సంవత్సరం పరీక్షలు
ఆదిలాబాద్‌ విద్యావిభాగం, న్యూస్‌టుడే : డా.బీ.ఆర్‌.అంబేడ్కర్‌ సార్వత్రిక విశ్వవిద్యాలయం పరిధిలో పీజీ ద్వితీయ సంవత్సరం స్పెల్‌-2 పరీక్షలు జులై 16 నుంచి ప్రారంభమవుతాయని ప్రాంతీయ సమన్వయ అధ్యయన కేంద్రం సహాయ సంచాలకుడు జి.ఎల్లయ్య ఒక ప్రకటనలో తెలిపారు. మధ్యాహ్నం 2 నుంచి సాయంత్రం 5 గంటల వరకు నిర్వహించే ఈ పరీక్షలకు సంబంధించిన హాల్‌టికెట్లను విశ్వవిద్యాలయం నుంచి తీసుకోవాలని సూచించారు. పరీక్ష ప్రాంగణంలోనికి చరవాణులు తీసుకురాకూడదని, ఇతర వివరాలకు 08732-221016 నెంబర్‌లో సంప్రదించాలని ఆయన కోరారు.
https://www.braouonline.in/

17న గురుకులం డిగ్రీ రెండో విడత కౌన్సెలింగ్‌
ఇచ్చోడ, న్యూస్‌టుడే : ఇచ్చోడ మండల కేంద్రంలోని సాంఘిక సంక్షేమ బాలికల రెసిడెన్షియల్‌ డిగ్రీ కళాశాలలో 2019-20 సంవత్సరానికి జులై 17న రెండో విడత కౌన్సెలింగ్‌ నిర్వహించనున్నట్లుగా ప్రిన్సిపల్‌ శ్రీమతి జులై 10న ఒక ప్రకటనలో తెలిపారు. మొదటి విడత కౌన్సెలింగ్‌కు హాజరుకాని వారితో పాటు సీటు రాని వారు రెండో విడతకు హాజరుకావాలన్నారు. కళాశాలలో వీరు ర్యాంక్‌కార్డు, ధ్రువపత్రాలను అందజేయాలన్నారు. టీజీయూజీసెట్‌ రాయని వారు కౌన్సెలింగ్‌ రావడానికి జులై 13 వరకు రూ.150 చెల్లించి తమ తమ కళాశాలల్లో పేర్లు రిజిస్ట్రేషన్‌ చేయించుకోవాలని సూచించారు. ప్రవేశ పరీక్ష ర్యాంకు కార్డు, ఐపీఈ మార్కుల ఆధారంగా ప్రవేశాలకు ఎంపిక ఉంటుందని తెలిపారు. రిజిస్ట్రేషన్‌ చేసుకున్న వారికి 16న మెరిట్‌ జాబితా కళాశాలల్లో అందుబాటులో ఉంటుందని, మొదటి విడతలో ప్రవేశాలు పొందిన వారు 15న తప్పక కళాశాలలో చేరాలని తెలిపారు. ఈ అవకాశాన్ని ఆసక్తి గల విద్యార్థినులందరు సద్వినియోగపర్చుకోవాలన్నారు.

నవోదయ విద్యాలయం ప్రవేశ పరీక్షకు దరఖాస్తుల ఆహ్వానం
* సెప్టెంబరు 15 వరకు గడువు
కాగజ్‌నగర్‌, న్యూస్‌టుడే : కుమురం భీం జిల్లా కాగజ్‌నగర్‌ జవహర్‌ నవోదయ విద్యాలయం 2020-21 విద్యా సంవత్సరం 6వ తరగతి ప్రవేశ పరీక్ష కోసం అర్హులైన విద్యార్థుల నుంచి దరఖాస్తులను ఆహ్వానిస్తున్నట్టు విద్యాలయం ప్రిన్సిపల్‌ చక్రపాణి తెలిపారు. విద్యార్థులు ఆన్‌లైన్‌లోనే దరఖాస్తు చేసుకోవాలన్నారు. సెప్టెంబరు 15 తేదీలోపు విద్యార్థులు దరఖాస్తులు చేసుకోవాలి. ఆ తర్వాత చేసుకున్న దరఖాస్తులను తిరస్కరించనున్నారు. 2020 జనవరి 11వ తేదీ ఉదయం 11.30 నుంచి మధ్యాహ్నం 1.30 వరకు ప్రవేశ పరీక్ష నిర్వహించనున్నట్టు ప్రిన్సిపల్‌ తెలిపారు. ఉమ్మడి జిల్లాలోని ఆదిలాబాద్‌, మంచిర్యాల, నిర్మల్‌ పరిధిలోని పలు పంచాయతీలను పురపాలికల్లో విలీనం చేశారు. నిర్మల్‌ జిల్లా పరిధిలోని ఖానాపూర్‌, తిమ్మాపూర్‌, సుభాష్‌నగర్‌, మంజులపూర్‌, వెంకటపూర్‌, మంచిర్యాల జిల్లాలోని నస్పూర్‌, తీగల్‌పహాడ్‌, తాళ్లపల్లి, సింగపల్లి, క్యాతన్‌పల్లి, తిమ్మాపూర్‌, చెన్నూరులోని 11 వార్డులు, లక్షేటిపేట, ఇటిక్యాల, మోజల, ఆదిలాబాద్‌లోని అనుకుంట, బెల్లూరి, నిషాన్‌ఘాట్‌, రాంపూర్‌(ఆ), ఎన్‌హెచ్‌బీ కాలనీ, టైలర్స్‌ కాలనీ, పోలీస్‌కాలనీ, వివేకానంద కాలనీ, ఆగ్రజ టౌన్‌ షిప్‌, ఆదర్శకాలనీ, భగవత్‌సింగ్‌ కాలనీ, దస్సానాపూర్‌, దుర్గానగర్‌, కె.కె.కె.కాలనీ, దివ్యాంగుల కాలనీ, అటెండర్స్‌ కాలనీ, కృష్ణానగర్‌, ఇందిరమ్మ కాలనీలు మున్సిపాలిటీల్లో కలిశాయి. ఈ ప్రాంతాల్లోని విద్యార్థులందరూ అర్బన్‌ కేటగిరి కిందకు వస్తారు. విద్యార్థులు దరఖాస్తులు అర్బన్‌ కేటగిరి కింద నమోదు చేసుకోవాలి. ఒక వేళ రూరల్‌ కేటగిరి అని నమోదు చేస్తే, ఆ విద్యార్థులకు ప్రవేశ పరీక్షలో సీటు లభించినప్పటికీ, తిరస్కరిస్తారు. విద్యార్థులు, తల్లిదండ్రులు ఆన్‌లైన్‌లో నమోదు చేసే సందర్భంగా ఈ నియమావళిని పాటించాలని ప్రిన్సిపల్‌ కోరారు. ఆసిఫాబాద్‌ మున్సిపాలిటీగా ప్రభుత్వం అధికారికంగా ప్రకటించనందున ఆ ప్రాంత విద్యార్థులు మాత్రం రూరల్‌ కేటగిరి కిందనే నమోదు చేసుకోవాలన్నారు. నివాస ధ్రువీకరణ, వయసు, ఒక ఫొటో ద్వారా ఆన్‌లైన్‌లో అప్‌లోడ్‌ చేసుకోవాలన్నారు.

డిగ్రీ అర్హత పరీక్షకు దరఖాస్తులు చేసుకోవాలి
ఆదిలాబాద్‌ విద్యావిభాగం, న్యూస్‌టుడే: డా.బీ.ఆర్‌.అంబేడ్కర్‌ సార్వత్రిక విశ్వవిద్యాలయం పరిధిలో డిగ్రీ మొదటి ఏడాదిలో ప్రవేశానికి రెండోసారి నిర్వహించనున్న అర్హత పరీక్ష కోసం అర్హులైన అభ్యర్థులు దరఖాస్తులు చేసుకోవాలని ప్రాంతీయ సమన్వయ అధ్యయన కేంద్రం సహాయ సంచాలకుడు జి.ఎల్లయ్య ఒక ప్రకటనలో తెలిపారు. బీఏ, బీకాం, బీఎస్సీలో ప్రవేశాల కోసం ఆగస్టు 4వ తేదీన అర్హత పరీక్ష నిర్వహిస్తామని పేర్కొన్నారు. ఉదయం 10గంటల నుంచి మధ్యాహ్నం 12.30గంటల వరకు ఉంటుందని వివరించారు. అభ్యర్థులకు జులై 1నాటికి 18ఏళ్లు నిండి ఉండాలని, ఇంటర్‌ అనుత్తీర్ణులైన విద్యార్థులు కూడా పరీక్ష రాసేందుకు అర్హులని సూచించారు. తెలుగు, ఆంగ్లం, ఉర్ధూ మాధ్యమాల్లో పరీక్ష ఉంటుందని తెలిపారు. అభ్యర్థులు జులై 25వ తేదీ వరకు ఏదేని అంతర్జాల కేంద్రంలో రూ.300 ఫీజు చెల్లించి దరఖాస్తులు చేసుకోవాలని కోరారు. ఇతర వివరాలకు 08732- 221016 నెంబర్‌లో సంప్రదించాలని పేర్కొన్నారు.

వ్యవసాయ కళాశాలకు మోక్షం
* అదనంగా మరో 36 ఎకరాల కేటాయింపు
* తాత్కాలికంగా కేవీకేలో తరగతులు
* ఈ విద్యాసంవత్సరం నుంచే ప్రారంభించేందుకు చర్యలు
* 50 సీట్లు కేటాయించే అవకాశం

ఆదిలాబాద్‌ వ్యవసాయం, న్యూస్‌టుడే: ఆదిలాబాద్‌ జిల్లా కేంద్రంలో ఈ విద్యాసంవత్సరం నుంచే ప్రారంభించేందుకు ఆచార్య జయశంకర్‌ తెలంగాణ రాష్ట్ర వ్యవసాయ విశ్వవిద్యాలయం నిర్ణయించింది. వ్యవసాయ కళాశాల ఏర్పాటు చేసేందుకు వీలుగా 75 ఎకరాల స్థలం కావాలి. కొన్ని నెలలుగా అధికారులు వ్యవసాయ పరిశోధన స్థానం శాస్త్రవేత్తలతో పాటు రెవెన్యూ అధికారులు స్థల సేకరణలో నిమగ్నమయ్యారు. ఎట్టకేలకు బట్టిసావర్‌గావ్‌లో 39 ఎకరాలు, బంగారుగూడలో మరో 36 ఎకరాల ప్రభుత్వ స్థలం ఇచ్చేందుకు జిల్లా యంత్రాంగం ఒప్పుకోవడంతో జిల్లా కేంద్రంలోని వ్యవసాయ పరిశోధనా స్థానంలో ఈ విద్యాసంవత్సరం నుంచే తరగతులను ప్రారంభించాలని విశ్వవిద్యాలయం భావిస్తోంది.
తెలంగాణ రాష్ట్రంలో వ్యవసాయ విశ్వవిద్యాలయం పరిధిలో అయిదు కళాశాలలు ఉన్నాయి. తాజాగా ఈ విద్యాసంవత్సరం నుంచి ఆదిలాబాద్‌లో ప్రారంభించాలని విశ్వవిద్యాలయం భావిస్తోంది. జిల్లా కేంద్రంలో గత ఫిబ్రవరి నెలలో జరిగిన రైతు సమన్వయ సమితుల సమావేశానికి హాజరైన సందర్భంగా ముఖ్యమంత్రి మాట్లాడుతూ జిల్లాలో వ్యవసాయ కళాశాల ఏర్పాటు చేస్తున్నట్లు ప్రకటించారు.. సీఎం ఇచ్చిన హామీ మేరకు విశ్వవిద్యాలయం అధికారులు ఇందుకు అవసరమైన చర్యలు చేపట్టారు. కళాశాల ఏర్పాటుకు 75 ఎకరాల స్థలం కావాలని గతంలోనే జిల్లా పాలనాధికారికి విశ్వవిద్యాలయం లేఖ రాసింది. జిల్లా పాలనాధికారి కార్యాలయానికి కేటాయించిన 39.29 ఎకరాలతో పాటు తాజాగా బంగారుగూడ సమీపంలోని సర్వే నంబర్‌ 46గల 36.20 ఎకరాలు కేటాయించడంతో వ్యవసాయ కళాశాల ఏర్పాటుకు అడ్డంకులు తొలగిపోయాయి.
* ఆదిలాబాద్‌కు 50 సీట్లు
వ్యవసాయ విశ్వవిద్యాలయం పరిధిలోని ఆరు వ్యవసాయ కళాశాలల్లో బీఎస్సీ ఆనర్స్‌ అగ్రికల్చర్‌లో 432 సాధారణ సీట్లు, 75 పేమెంట్‌ సీట్లు ఉన్నాయి. వీటి ప్రకారంగా వీటి ప్రకారంగా కౌన్సెలింగ్‌ నిర్వహించి ఇందులో నుంచి 50 మందిని ఆదిలాబాద్‌ జిల్లాలో ఏర్పాటు చేసే వ్యవసాయ కళాశాలకు కేటాయించాలని భావిస్తున్నారు. కళాశాల భవనం పూర్తయ్యే వరకు ఎక్కడ తరగతులు నిర్వహించాలనే దానిపై ఉన్నతాధికారులు వచ్చి పరిశీలించనున్నారు. ఈ మేరకు తాజాగా విడుదల చేసిన నోటిఫికేషన్‌లో పరోక్షంగా ప్రస్తావించారు. వ్యవసాయ కళాశాల ఏర్పాటుతో రైతులకు, వారి పిల్లలకు కొంత మేలు జరగడంతో పాటు జిల్లా మరింత అభివృద్ధి చెందే అవకాశముంది. కళాశాల ఏర్పాటుతో అవసరమైన శాస్త్రవేత్తలు, అధ్యాపకులు అందుబాటులో ఉంటారు. విద్యార్థులను క్షేత్ర పర్యటనలకు తీసుకెళ్తారు. దీంతో పంటల సాగుపై చర్చలు, పరిశోధనలు జరిగే వీలుంది. కొత్త పంటలు, కొత్త విషయాలు రైతులకు తెలిసే వీలుంది. ప్రస్తుతం పత్తి, సోయా పంటలపై పరిశోధనలు జరుగుతున్నాయి. తాజాగా మెట్టపంటల సాగుపై పరిశోధనకు నిధులు మంజూరయ్యాయి. మరో వైపు కేవీకే, ఏరువాక కేంద్రాల్లో ఇప్పటి వరకు ఖాళీగా ఉన్న అయిదు పోస్టులను శాస్త్రవేత్తలతో భర్తీ చేశారు. కళాశాల ప్రారంభమైతే అన్ని విభాగాలకు చెందిన మరి కొంత మంది శాస్త్రవేత్తలు జిల్లాకు వచ్చే అవకాశముంది.

పాలిసెట్‌లో ప్రవేశానికి దరఖాస్తులు
ఆదిలాబాద్‌ విద్యావిభాగం, న్యూస్‌టుడే: సంజయ్‌గాంధీ పాలిటెక్నిక్‌ కళాశాలలో చేరేందుకు నిర్వహించే పాలిసెట్‌ ప్రవేశ పరీక్ష కోసం దరఖాస్తులు చేసుకోవాలని కళాశాల ప్రధానాచార్యులు ఎ.స్వామి తెలిపారు. అంతర్జాలంలో దరఖాస్తులను ఏప్రిల్‌ 4వ తేదీ వరకు స్వీకరిస్తామని పేర్కొన్నారు. ప్రవేశ పరీక్ష ఏప్రిల్‌ 16వ తేదీన ఉంటుందని వివరించారు. పరీక్ష ఫీజు ఎస్సీ, ఎస్టీలకు రూ.250, ఓసీ, బీసీ, మైనార్టీలకు రూ.400 ఉంటుందని పేర్కొన్నారు. విద్యార్థులు ఎస్‌ఎస్‌సీ లేదా సమానమైన అర్హత కలిగి ఉండాలని సూచించారు. దరఖాస్తులు సమర్పించేందుకు http://www.sbtet.telangana.gov.in/, https://polycetts.nic.in అనే వెబ్‌సైట్‌ను సంప్రదించాలని సూచించారు.

14న డిగ్రీ కళాశాలలో ప్రాంగణ నియామకాలు
ఆదిలాబాద్‌ విద్యావిభాగం, న్యూస్‌టుడే: జిల్లా కేంద్రంలోని ప్రభుత్వ పురుషుల డిగ్రీ కళాశాలలో జస్ట్‌డయల్‌ కంపెనీ ఆధ్వర్యంలో మార్చి 14న ప్రాంగణ నియామకాలు (క్యాంపస్‌ సెలెక్షన్స్‌) ఉంటాయని కళాశాల ప్రిన్సిపల్‌ జాకీర్‌హుస్సేన్‌ ఒక ప్రకటనలో తెలిపారు. ఈ కంపెనీ మార్కెటింగ్‌, కమ్యూనికేషన్‌ స్కిల్స్‌ తదితర రంగాల్లో ఉమ్మడి ఆదిలాబాద్‌ జిల్లాతో పాటు, హైదరాబాద్‌లో ఉద్యోగాలు క‌ల్పించ‌నున్న‌ట్టు తెలిపారు. ఇంట‌ర్వ్యూ కోసం ఉదయం 8 గంటల నుంచి రిజిస్ట్రేషన్లు ప్రారంభమవుతాయని వెల్లడించారు. డిగ్రీ ఉత్తీర్ణులైన అభ్యర్థులతో పాటు డిగ్రీ చివరి సంవత్సరం చదువుతున్న విద్యార్థులు సైతం ఇందులో పాల్గొనవచ్చని సూచించారు. పురుషులు మాత్రమే హాజరుకావాలని వివరించారు. వేతనం రూ.17 వేల నుంచి రూ.25వేల వరకు ఉంటుందని వివరించారు. ఉమ్మడి ఆదిలాబాద్‌ జిల్లా విద్యార్థులు ఈ అవకాశాన్ని వినియోగించుకోవాలని సూచించారు. ఇతర వివరాలకు 97016 70110, 94913 99092 నెంబర్లలో సంప్రదించాలని కోరారు.

దేహదారుఢ్య పరీక్షలకు వేళాయే
* శ్రమిస్తేనే పోలీసు కొలువు
* మార్చి 1 నుంచి 19 వరకు
* చిన్నపాటి జాగ్రత్తలు అవసరమంటున్న శిక్షకులు

ఆదిలాబాద్‌ క్రీడావిభాగం, న్యూస్‌టుడే: ఖాకీ చొక్కా వేసుకోవాలనే యువత కల సాకారం కావడానికి ఇది కీలక సమయం. ప్రభుత్వ ప్రకటన రాగానే డిగ్రీ, పీజీ, పాలిటెక్నిక్‌, ఇంజినీరింగ్‌ ఇలా చాలా మంది యువత దరఖాస్తు చేసుకున్నారు. ఇదివరకే ప్రిలిమ్స్‌లో అర్హతను సాధించిన వారు మార్చి 1 నుంచి 19 వరకు ఆదిలాబాద్‌ పోలీసు కవాతు మైదానంలో నిర్వహించనున్న దేహదారుఢ్య పరీక్షలకు సన్నద్ధమవుతున్నారు. అందులో కొందరు వివిధ ప్రాంతాల నుంచి వచ్చి ఆదిలాబాద్‌లోని ఇందిరా ప్రియదర్శిని క్రీడా మైదానంలో శిక్షకులు, క్రీడా నిపుణుల వద్ద శిక్షణ పొందుతున్నారు. సాధనతోనే అన్ని అంశాల్లో అర్హత సాధ్యమవుతుందని శిక్షకులు సూచిస్తున్నారు. అంతేకాదు పరీక్ష రోజు చిన్నపాటి జాగ్రత్తలు తీసుకోవాలని పేర్కొంటున్నారు. ఈ నేపథ్యంలో యువతకు దేహదారుఢ్య పరీక్షలపై దిశానిర్దేశనం చేస్తూ నిపుణుల సూచనలతో ‘న్యూస్‌టుడే’ ప్రత్యేక కథనం.
దేహదారుఢ్య పరీక్షలు ఇవే
గతేడాది ప్రిలిమ్స్‌ పరీక్ష రాసి అర్హత సాధించిన అభ్యర్థులు దేహదారుఢ్య పరీక్షలపై దృష్టి సారించారు. ఆదిలాబాద్‌లోని ఇందిరా ప్రియదర్శిని క్రీడా మైదానంలో మాజీ సైనికులు, క్రీడా శిక్షకుల పర్యవేక్షణలు 100మీ., 800మీ.ల పరుగు, లాంగ్‌జంప్‌, హైజంప్‌, షాట్పుట్ అంశాల్లో పరీక్షలు ఉంటాయి. నిర్ణీత సమయం, దూరంలో అభ్యర్థులు అర్హత సాధించాల్సి ఉంటుంది. ఇవి పురుషులు, మహిళలకు వేర్వేరుగా కొలతలు ఉంటాయి. ఆదిలాబాద్‌, నిర్మల్‌, కుమురంభీం ఆసిఫాబాద్‌, మంచిర్యాల జిల్లాలకు చెందిన అభ్యర్థులు మార్చి 1 నుంచి 19 వరకు వారికి కేటాయించిన తేదీల్లో దేహదారుఢ్య పరీక్షలకు హాజరుకానున్నారు.
తీసుకోవాల్సిన జాగ్రత్తలు
* దేహదారుఢ్య పరీక్ష రోజు భోజనం చేయొద్దు.
* ఆ రోజు పండ్లు, పండ్ల రసాలు తీసుకోవాలి.
* నిజ ధ్రువీకరణ పత్రాలు వెంట తీసుకురావాలి. దీని నకలు ప్రతులు కూడా ఉండాలి.
* ఎట్టి పరిస్థితుల్లో నిజధ్రువీకరణ పత్రాల ఫైలు ఎవరికి ఇవ్వొద్దు. తనవద్దే ఉంచుకోవాలి.
* పరీక్ష కంటే రెండు గంటల ముందే మైదానానికి రావాలి.
* పరీక్ష రోజు సాధన చేస్తే కండరాలు పట్టుకునే అవకాశం ఉంటుంది. కడుపునొప్పి రావొచ్చు.
* ద్రవపదార్థాలు వెంట తీసుకుని రావాలి.(నిమ్మరసం, గ్లూకోజ్‌-డి)
* శీతల పానీయాలు వద్దు.(విపణిలో లభించే వాటికి దూరంగా ఉండాలి)
* పరీక్ష రోజు శిక్షకుల సలహాలు, సూచనలు తప్పకుండా తీసుకోవాలి.
* దేహదారుఢ్య పరీక్షలన్నింటిని సమయస్ఫూర్తితో పూర్తి చేయాలి. ఎలాంటి ఒత్తిడికి గురి కావొద్దు.
* ఒత్తిడి అనిపిస్తే అయిదు నిమిషాలు ప్రశాంతంగా ధ్యానం చేయాలి. పరీక్షపైనే దృష్టిని సారించాలి.
13,070 : ఉమ్మడి జిల్లాల అభ్యర్థులు
వేదిక: ఆదిలాబాద్‌ పోలీసు కవాతు మైదానం

దూరవిద్యా డిగ్రీ పరీక్షలకు ఏర్పాట్లు పూర్తి
* 28,698 మంది విద్యార్థులు, 56 పరీక్షాకేంద్రాలు
* 19 నుంచి ఆగ‌స్టు 3వ‌ తేదీ వరకు పరీక్షలు
న్యూస్‌టుడే, కేయూ క్యాంపస్‌: కాకతీయ విశ్వవిద్యాలయం దూరవిద్యాకేంద్రం వారు అందిస్తున్న డిగ్రీ కోర్సుల‌కు జులై 19వ తేదీ నుంచి వార్షిక పరీక్షలు ప్రారంభమౌతాయి. ఇందు కోసం గాను కేయూ పరీక్షల విభాగం వారు అన్ని ఏర్పాట్లు చేశారు. బీఏ, బీకాం (జనరల్, కంప్యూటర్స్‌), బీఎస్సీ, బీబీఎం ప్రథమ, ద్వితీయ, తృతీయ సంవత్సరాల్లో పరీక్షలు ఆగ‌స్టు 3వ తేదీ వరకు జరుగుతాయి. ఈ పరీక్షలకు సంబంధించిన వివరాలను కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి వెల్లడించారు. అన్ని కేటగిరిల్లో మొత్తం 28,698 మంది దరఖాస్తులు చేసుకున్నారు. ఇందులో ప్రథమ సంవత్సరంలో అత్యధికంగా 12820, ద్వితీయ‌ సంవత్సరంలో 8724, ఆఖరు సంవత్సరంలో 7154 మంది హాజరు కానున్నారు. ఈ పరీక్షల నిర్వాహణ కోసం తెలంగాణ రాష్ట్ర వ్యాప్తంగా 56 పరీక్షా కేంద్రాలను ఏర్పాటు చేసినట్లు చెప్పారు. ఇప్పటికే హాల్‌టికెట్లను విద్యార్థులకు పంపించినట్లు తెలిపారు. దూరవిద్యాకేంద్రం వెబ్‌సైట్‌ నుంచి విద్యార్థులు హాల్‌టికెట్లను డౌన్‌లోడ్‌ చేసుకొని పరీక్షలకు హాజరు కావొచ్చ‌ని స్పష్టం చేశారు. ఉదయం 9 గంటల నుంచి మధ్యాహ్నం 12 గంటల వరకు రెండో, ఆఖరు సంవత్సరాల్లో పరీక్షలు ఉంటాయి. మధ్యాహ్నం 2 గంటల నుంచి సాయంత్రం 5 గంటల వరకు ప్రథమ సంవత్సరంలో పరీక్షలను నిర్వహిస్తామని చెప్పారు.
* జులై 19, 21, 23, 25, 27, 30, ఆగ‌స్టు 1వ తేదీల్లో వరకు ప్రథమ సంవత్సరం విద్యార్థులకు పరీక్షలు ఉంటాయి.
* జులై 20, 22, 24, 26, 28, 31, ఆగ‌స్టు 2వ తేదీల్లో రెండో సంవత్సరంలో పరీక్షలు నిర్వహిస్తారు.
* జులై 19, 21, 23, 25, 27, 30, ఆగ‌స్టు 1, 3 తేదీల్లో పరీక్షలు జరుగుతాయి.
* http://sdlcekuems.co.in/ వెబ్‌సైట్‌ నుంచి హాల్‌టికెట్లను పొందవచ్చన్నారు. పరీక్షలను పకడ్బందీగా నిర్వహించడం కోసం అన్ని చర్యలు తీసుకున్నట్లు అధికారులు తెలిపారు. ప్రత్యేక తనిఖీ బృందాలను, పరిశీలకులను నియమించినట్లు చెప్పారు. విద్యార్థులు పరీక్షాకేంద్రాలకు సకాలంలో చేరుకోవాలని తెలిపారు.

17 నుంచి దూరవిద్యా కోర్సుల ప్రయోగపరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం దూరవిద్యా కోర్సుల్లో విద్యనభ్యసిస్తున్న విద్యార్థులకు జులై 17వ తేదీ నుంచి ప్రయోగపరీక్షలు ప్రారంభమౌతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 16న‌ తెలిపారు. ఎంఎస్సీ సైకాలజీ ఆఖరు సంవత్సరం, పీజీడీసీఏ ప్రథమ, రెండో సెమిస్టర్‌లలో ఈ పరీక్షలు జరుగుతాయని తెలిపారు. విద్యార్థులందరికి దూరవిద్యాకేంద్రంలోనే పరీక్షలు జరుగుతాయని దూరవిద్యాకేంద్రం సంచాలకులు ఆచార్య జి.వీరన్న పేర్కొన్నారు. జులై 17, 18, 19, 20, 21, 22 తేదీల్లో ఎంఎస్సీ సైకాలజీ వారికి, 17, 18 తేదీల్లో పీజీడీసీఏ ప్రథ‌మ, 18, 19 తేదీల్లో పీజీడీసీఏ రెండో సెమిస్టర్‌ విద్యార్థులకు పరీక్షలు ఉంటాయని పేర్కొన్నారు. దూరవిద్యాకేంద్రంలో ఉదయం 9 గంటల నుంచి సాయంత్రం 5 గంటల వరకు బ్యాచ్‌ల వారీగా పరీక్షలు నిర్వహిస్తామని అధికారులు స్పష్టం చేశారు.

19 నుంచి కేయూ దూరవిద్యా పీజీ పరీక్షలు.
కేయూ క్యాంపస్, న్యూస్‌టుడే: కాకతీయ విశ్వవిద్యాలయం దూరవిద్యాకేంద్రం వారు అందిస్తున్న పీజీ కోర్సుల్లో జులై 19వ తేదీ నుంచి పరీక్షలు ప్రారంభమౌతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 16న‌ తెలిపారు. ఎంఏ, ఎంకాం, ఎంహెచ్‌ఆర్‌ఎం, రూరల్‌డెవలప్‌మెంట్, ఎంఎస్సీ గణితం, ఎల్‌ఎల్‌ఎంలలో పరీక్షలు ఉంటాయని తెలిపారు. ఉదయం 9 గంటల నుంచి మధ్యాహ్నం 12 గంటల వరకు పరీక్షలను నిర్వహిస్తామని వివరించారు. పరీక్షలకు ఒక రోజు ముందు నుంచి తమకు కేటాయించిన పరీక్షా కేంద్రాల నుంచి హాల్‌టికెట్లను పొందవచ్చనని దూరవిద్యాకేంద్రం సంచాలకులు ఆచార్య జి.వీరన్నతెలిపారు. జులై 19, 21, 23, 25, 27 తేదీల్లో ప్రథమ సంవత్సరం వారికి, 20, 22, 24, 26, 28 తేదీల్లో రెండో సంవత్సరం విద్యార్థులకు పరీక్షలు ఉంటాయని తెలిపారు, ఎంఏ తెలుగు, ఆంగ్లం, హిందీ, ఉర్థూ, సంస్కృతం, ప్రభుత్వపాలనాశాస్త్రం, చరిత్ర, అర్థశాస్త్రం, రాజనీతిశాస్త్రం, సమాజశాస్త్రం, రూరల్‌డెవలప్‌మెంట్, ఎంహెచ్‌ఆర్‌ఎం, ఎంఎస్సీ గణితం, ఎంకాం, ఎల్‌ఎల్‌ఎంల విద్యార్థులకు పరీక్షలు ఉంటాయని అధికారులు వివరించారు.

5 నుంచి ఎంఫిల్‌ పరీక్షలు.
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న ఎంఫిల్‌ కోర్సుల్లో ఆగ‌స్టు 5వ తేదీ నుంచి పార్ట్‌-1 పరీక్షలను నిర్వహించనున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారిణి డాక్టర్‌ ఎం.సురేఖ జులై 16న తెలిపారు. అర్థశాస్త్రం, తెలుగు, రాజనీతిశాస్త్రం, ఆంగ్లం, ప్రభుత్వపాలనాశాస్త్రం, ఎడ్యుకేషన్, వాణిజ్యశాస్త్రం, చరిత్ర, సమాజశాస్త్రం, ఎంహెచ్‌ఆర్‌ఎంలలో పరీక్షలు ఉంటాయని వివరించారు. 5వ తేదీన కామన్‌ పేపర్‌లో, 7వ తేదీన ప్రత్యేకఅంశం పేపర్‌లో పరీక్షలను నిర్వహించనున్నట్లు స్పష్టం చేశారు. కేయూ క్యాంపస్‌లోని వాణిజ్యశాస్త్ర కళాశాలలో అభ్యర్థులందరికి పరీక్షాకేంద్రాలను కేటాయించినట్లు అధికారులు తెలిపారు. మధ్యాహ్నం 2గంటల నుంచి సాయంత్రం 5 గంటల వరకు పరీక్షలు జరుగుతాయని పేర్కొన్నారు. తమ సంబంధిత కళాశాలల నుంచి హాల్‌టికెట్లను పొందవచ్చని తెలిపారు.

23 కళాశాల బదిలీ దరఖాస్తుకు ఆఖ‌రు గడువు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం పరిధిలోని వరంగల్, ఖమ్మం, ఆదిలాబాద్‌ జిల్లాల్లోని డిగ్రీ కళాశాలల విద్యార్థులు వేరే కళాశాలకు బదిలీల కోసం జులై 23వ తేదీలోపు తమ దరఖాస్తులను అందజేయాలని కేయూ రిజిస్ట్రార్‌ ఆచార్య కె.పురుషోత్తం తెలిపారు. డిగ్రీ రెండో, ఆఖరు సంవత్సరాల విద్యార్థులు పున:ప్రవేశాల కోసం కూడ దరఖాస్తులను చేస్తుకోవచ్చునని స్పష్టం చేశారు. కళాశాలల బదిలీల కోసం రూ.1000, పున:ప్రవేశాల కోసం రూ.1500 చెల్లించాలని వివరించారు. కేయూ రిజిస్ట్రార్‌ కార్యాలయంలో దరఖాస్తులు లభిస్తాయని పేర్కొన్నారు. పూర్తిచేసిన దరఖాస్తును రిజిస్ట్రార్‌ కార్యాలయంలో సమర్పించాలని పురుషోత్తం తెలిపారు. ఇందు కోసం డిగ్రీ కళాశాలల ప్ర‌ధానోపాద్యాయులు విద్యార్థులకు సమాచారాన్ని పంపించాలని తెలిపారు.

16న ప్రభుత్వ ఐటీఐలో ఉద్యోగమేళా
జులైవాడ, న్యూస్‌టుడే: నిర్మాణరంగంలో ఉన్న ఎల్‌బీటీ సంస్థ ఆధ్వర్యంలో జులై 16న హన్మకొండ ములుగు రోడ్డులోని ప్రభుత్వ ఐటీఐ (బాలురు)లో ఉద్యోగ మేళా నిర్వహిస్తున్నట్లు ఐటీఐ ప్రధానాచార్యులు జుమ్లానాయక్‌ జులై 14న‌ ఒక ప్రకటనలో తెలిపారు. ఉద్యోగ మేళాలో ఎంపికైన వారికి కంచీపురం, చెన్నైలలో మూడు నెలల పాటు శిక్షణ ఇచ్చి నెలకు రూ.11వేల చొప్పున వేతనం చెల్లిస్తారన్నారు. అభ్యర్థులు ఐటీఐలో ఎలక్ట్రీషియన్‌, ఫిట్టర్‌, డ్రాఫ్ట్స్‌మెన్‌ సివిల్‌, వెల్డర్‌ కోర్సు చేసి ఉండాలన్నారు. 18 నుంచి 35 ఏళ్లలోపు వయసు కలిగిన వారు అర్హులన్నారు. కేవలం పురుషులు మాత్రమే పాల్గొనాలని ఈ అవకాశాన్ని ఆసక్తి కలిగిన నిరుద్యోగ యువకులు వినియోగించుకోవాలని కోరారు.

నవోదయ ప్ర‌వేశాల‌కు దరఖాస్తుల ఆహ్వానం
మామునూరు, న్యూస్‌టుడే: మామునూరు జవహర్‌ నవోదయ విద్యాలయంలో 2020-21 విద్యా సంవత్సరానికి గాను ఆరో తరగతిలో ప్రవేశానికి దరఖాస్తులు ఆహ్వానిస్తున్నట్లు జులై 12న‌ ప్రిన్సిపల్‌ పూర్ణిమ ఒక ప్రకటనలో తెలిపారు. ఉమ్మడి వరంగల్‌ జిల్లాలో ఐదో తరగతి చదువుతున్న విద్యార్థులు ఆన్‌లైన్‌లో దరఖాస్తు చేసుకోవాలని సూచించారు. సెప్టెంబరు 15 లోపు దరఖాస్తులు అందించాలని సూచించారు. ఇతర వివరాలకు 86881-75144లో సంప్రదించాలని పేర్కొన్నారు.

13న డీటీఎఫ్‌ విద్యా సదస్సు
బాలసముద్రం, న్యూస్‌టుడే : జులై13న ఉదయం 10 గంటలకు హన్మకొండలోని బీఈడీ కళాశాల ఆడిటోరియంలో జిల్లా స్థాయి విద్యా సదస్సు నిర్వహించనున్నట్లు డెమొక్రటిక్‌ టీచర్స్‌ ఫెడరేషన్‌ (డీటీఎఫ్‌) అర్బన్‌ జిల్లా అధ్యక్ష, ప్రధాన కార్యదర్శులు కె.శ్రీనివాసులు, టి.సుదర్శనం జులై 11న ఒక సంయుక్త ప్రకటనలో తెలిపారు. విద్యారంగంలో ప్రైవేటీకరణ పెరిగిపోతున్న నేపథ్యంలో కస్తూరి రంగన్‌ నూతన విద్యావిధానం మసాయిదా ఫలితాలు ఎలా ఉండబోతున్నాయో చర్చించేందుకు ఈ సదస్సు ఏర్పాటు చేయనున్నట్లు వివరించారు. అసిస్టెంట్‌ ప్రొఫెసర్‌ ఎడమ శ్రీనివాస్‌ రెడ్డి, డీటీఎఫ్‌ అకాడమిక్‌ సెల్‌ కన్వీనర్‌, రాష్ట్ర ప్రధాన కార్యదర్శి బి.రామకృష్ణ, అధ్యాపక ప్రధాన సంపాదకులు డాక్టర్‌ ఎం.గంగాధర్‌, రాష్ట్ర కార్యదర్శి ఎం.బాలకుమార్‌ తదితర వక్తలు ప్రసంగిస్తారన్నారు. ఉమ్మడి జిల్లాలోని డీటీఎఫ్‌ నేతలు, ఉపాధ్యాయులు, విద్యాభిమానులు పాల్గొని సదస్సును జయప్రదం చేయాలని వారు కోరారు.

5 నుంచి ప్రీ- పీహెచ్‌డీ పరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయంలోని అన్ని విభాగాల్లో పీహెచ్‌డీ ప్రవేశాలు పొందిన పరిశోధకులకు ఆగస్టు 5 నుంచి ప్రీ- పీహెచ్‌డీ పరీక్షలు నిర్వహించనున్నారు. ఈ మేరకు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారిణి డాక్టర్‌ ఎం.సురేఖలు పరీక్షల షెడ్యూల్‌ను ప్రకటించారు. ఆగస్టు 5న రీసెర్చ్‌ మెథాడాలజీ, 7న ప్రత్యేకాంశం పేపర్‌లో పరీక్షలు జరుగుతాయని వివరించారు. అభ్యర్థుందరికీ క్యాంపస్‌లోని మానవీయశాస్త్రాల భవనంలో పరీక్షాకేంద్రాలను ఏర్పాటు చేసినట్లు చెప్పారు. మధ్యాహ్నం 2 గంటల నుంచి సాయంత్రం 5 గంటల వరకు పరీక్షలను నిర్వహిస్తామని పేర్కొన్నారు. తమ సంబంధిత విభాగాల నుంచి హాల్‌టికెట్లను పొందవచ్చని తెలిపారు.

13న నిరుద్యోగులకు ఉద్యోగమేళా
జులైవాడ, న్యూస్‌టుడే : ఉమ్మడి వరంగల్‌ జిల్లాలోని నిరుద్యోగ యువతకు ప్రైవేటు రంగంలో ఉద్యోగాలు కల్పించేందుకు జులై 13న ములుగురోడ్డులోని ఉపాధి కార్యాలయంలో ఉద్యోగ మేళా నిర్వహిస్తున్నట్లు జిల్లా ఉపాధి అధికారి ఎం.మల్లయ్య జులై 10న ఒక ప్రకటనలో తెలిపారు. అపోలో ఫార్మసీ హైదరాబాద్‌లో పని చేయ‌డానికి 230 మందికి ఉద్యోగాలు అందించుటకు ఈ జాబ్‌ మేళా నిర్వహిస్తున్నామన్నారు. 10వ తరగతి ఆపైన ఇంటర్మీడియెట్‌, డి.ఫామ్‌, బి.ఫామ్‌, ఎం.ఫామ్‌ చదివిన అభ్యర్థులు హాజరుకావచ్చన్నారు. ఎంపికైన వారికి నెలకు రూ.9 వేల నుంచి 15 వేల వరకు వేతనం అందిస్తారన్నారు. అభ్యర్థుల వయసు 18 నుంచి 35 ఏళ్లలోపు ఉండాలన్నారు. ఆసక్తి కలిగిన అభ్యర్థులు తమ బయోడేటా, విద్యార్హత ధ్రువీకరణపత్రాలతో 13వ తేదీన‌ ఉదయం 10 గంటలకు హాజరుకావాలన్నారు. మరిన్ని వివరాలకు 8247656356 నంబరుకు ఫోన్‌ చేసి తెలుసుకోవాలన్నారు.

11 నుంచి సీఎల్‌ఐఎస్సీ పరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న సర్టిఫికేట్‌ కోర్సు ఇన్‌ లైబ్రరీ సైన్స్‌( సీఎల్‌ఐఎస్సీ)లో జులై 11వ తేదీ నుంచి పరీక్షలు మొదలవుతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 9న తెలిపారు. దూరవిద్యాకేంద్రంలోఉదయం 9 గంటల నుంచి మధ్యాహ్నం 12 గంటల వరకు పరీక్షలు జరుగుతాయని వివరించారు. జులై 11, 13, 15, 17, 19 తేదీల్లో థీయరీ పరీక్షలు నిర్వహించనున్నట్లు వివరించారు. ఫీజులు చెల్లించిన విద్యార్థులు తమ హాల్‌టికెట్లను పరీక్షాకేంద్రం నుంచి పొందవచ్చని దూరవిద్యాకేంద్రం సంచాలకులు ఆచార్య జి.వీరన్న మరోక ప్రకటనలో తెలిపారు. జులై 20, 21వ తేదీలో ప్రయోగపరీక్షలు ఉంటాయని స్పష్టం చేశారు.

10 నుంచి దూరవిద్యా కోర్సుల్లో పరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం దూరవిద్యాకేంద్రం వారు అందిస్తున్న కోర్సుల్లో జులై 10 నుంచి పరీక్షలు ప్రారంభం అవుతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 9న తెలిపారు. పీజీడీసీఏ ప్రథమ సెమిస్టర్, బ్యాచిలర్‌ ఆఫ్‌ లైబ్రరీసైన్స్‌( బీఎల్‌ఐఎస్సీ)లలో పరీక్షలు ఉంటాయని వివరించారు.
* జులై 10, 12, 14, 16, 18, 20, 22 తేదీల్లో బీఎల్‌ఐఎస్సీలో థీయరీ పరీక్షలు, 23, 24, 25 తేదీల్లో ప్రయోగపరీక్షలు నిర్వహిస్తామని పేర్కొన్నారు.
* జులై 10, 12, 14, 16 తేదీల్లో పీజీడీసీఏ లో థీయరీ, 17, 18 తేదీల్లో ప్రయోగపరీక్షలు ఉంటాయని వివరించారు. ఈ రెండు కోర్సుల పరీక్షల నిర్వాహణ కోసం కేయూ దూరవిద్యాకేంద్రంలో పరీక్షాకేంద్రాలను ఏర్పాటు చేసినట్లు అధికారులు స్పష్టం చేశారు. మధ్యాహ్నం 2 గంటల నుంచి 5 గంటల వరకు పరీక్షలు జరుగుతాయని తెలిపారు. పరీక్షాకేంద్రంలో పరీక్షకు గంట ముందు హాల్‌టికెట్లను పొందవచ్చని తెలిపారు.

న్యాయశాస్త్ర కోర్సుల పరీక్షాఫలితాల వెల్లడి
కేయూ క్యాంపస్, న్యూస్‌టుడే: కాకతీయ విశ్వవిద్యాలయం న్యాయశాస్త్రం కోర్సుల పరీక్షా ఫలితాలు వెల్లడయ్యాయి. కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు జులై 9న ఫలితాలను విడుదల చేశారు. ఎల్‌ఎల్‌బీ మూడు సంవత్సరాల కోర్సు 6వ , ఐదు సంవత్సరాల 10వ సెమిస్టర్‌ పరీక్షా ఫలితాలను వెల్లడించినట్లు తెలిపారు. ఈ ఫలితాల వివరాలను కేయూ వెబ్‌సైట్‌లో నిక్షిప్తం చేసినట్లు అధికారులు వివరించారు. తమ సంబంధిత కళాశాలలకు పంపించినట్లు తెలిపారు.

ఉపకార వేతనాలకుదరఖాస్తుల ఆహ్వానం
అర్బన్‌ కలెక్టరేట్‌, న్యూస్‌టుడే: అర్బన్‌ జిల్లాలోని ప్రభుత్వ, ప్రైవేటు ఆమోదిత పాఠశాలలో 1 నుంచి 10 తరగతి వరకు చదువుతున్న వికలాంగ విద్యార్థిని, విద్యార్థులకు 2019-2020కిగాను ప్రీ మెట్రిక్‌ ఉపకార వేతనాలకు దరఖాస్తులు ఆహ్వానిస్తున్నట్లు మహిళా, శిశు, దివ్యాంగ, వయోవృద్ధుల సంక్షేమ శాఖ అధికారిణి వరలక్ష్మి ప్రకటనలో తెలిపారు. వైద్య, కుల, ఆదాయ ధ్రువీకరణపత్రాలతోపాటు ఆధార్‌ కార్డు, వికలాంగత్వం ఫొటో జతపరిచి సంబంధిత పాఠశాల ప్రధానోపాధ్యాయుడి సంతకం ద్వారా జులై 30లోగా జిల్లా సంక్షేమాధికారి కార్యాలయంలో అందజేయాలని ఆమె కోరారు. వివరాలకు 8639040488 నంబరులో సంప్రదించాలన్నారు.

కేయూ డిగ్రీ పరీక్షా ఫలితాల విడుద‌ల‌
కేయూ క్యాంపస్, న్యూస్‌టుడే: 2018 నవంబర్, డిసెంబర్ నెల‌ల్లో నిర్వహించిన కాకతీయ విశ్వవిద్యాలయం డిగ్రీ పరీక్షాఫలితాలు వెల్లడయ్యాయి. బీఏ, బీకాం, బీఎస్సీ, బీబీఏ ప్రథమ, మూడో, ఐదో సెమిస్టర్‌ పరీక్షా ఫలితాలను మార్చి 19న‌ కేయూ ఉపకులపతి ఆచార్య ఆర్‌.సాయన్న తన ఛాంబర్‌లో అధికారులతో కలిసి విడుదల చేశారు. ఫలితాలను కేయూ వెబ్‌సైట్లో పొందుప‌ర‌చిన‌ట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారులు డాక్టర్‌ పి.సదానందం, డాక్టర్‌ వై.వెంకయ్య, డాక్టర్‌ ఎల్‌పీ.రాజ్‌కుమార్ తెలిపారు. ఫలితాల వివరాలను ఆయా కళాశాలలకు పంపించినట్లు వివరించారు. ప్రథమ సెమిస్టర్‌లో 33.01 శాతం, మూడో సెమిస్టర్‌లో 43 శాతం, ఐదవ సెమిస్టర్‌లో అత్యధికంగా 48 శాతం మంది విద్యార్థులు ఉత్తీర్ణత సాధించారని తెలిపారు.అన్ని కేటాగిరిల్లో మొత్తం 1,33,906 మంది పరీక్షలు రాయగా ఇందులో 53,049(39.06 శాతం) మంది ఉత్తీర్ణులైనట్లు అధికారులు తెలిపారు. 20 రోజుల్లోపు విద్యార్థులు పున:మూల్యాంకనం కోసం దరఖాస్తు చేసుకోవచ్చని స్పష్టం చేశారు.

22న జ‌ర‌గాల్సిన‌ న్యాయశాస్త్రం పరీక్షలు వాయిదా
కేయూ క్యాంపస్, న్యూస్‌టుడే: మార్చి 22వ తేదీన జరగాల్సిన న్యాయశాస్త్రం పరీక్షలను వాయిదా వేసినట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు మార్చి 19న తెలిపారు. మార్చి 22వ తేదీన ఉపాధ్యాయ శాససనమండలి ఎన్నికల దృష్ట్యా ఈ నిర్ణయం తీసుకున్నట్లు పేర్కొన్నారు. ఎల్‌ఎల్‌బీ మూడు, ఐదు, సంవత్సరాల ప్రథమ, ఐదవ సెమిస్టర్‌ల పరీక్షలను వాయిదా వేసినట్లు వివరించారు. ఈ పరీక్షలను తిరిగి మార్చి 23వ తేదీన నిర్వహించనున్నట్లు తెలిపారు. పరీక్షా సమయాల్లో, కేంద్రాల్లో ఎలాంటి మార్పులు ఉండవని అధికారులు స్పష్టం చేశారు.

కేయూ పీజీ పరీక్షల ఫీజు గడువు పెంపు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం రెగ్యులర్‌ పీజీ కోర్సుల్లో పరీక్షల ఫీజు గడువును పొడిగించినట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు మార్చి 18న‌ తెలిపారు. పీజీ నాలుగో సెమిస్టర్‌ పరీక్షఫీజు గడువు మార్చి 18వ తేదీతో ముగియడంతో విద్యార్థుల కోరిక మేరకు ఈ నిర్ణయం తీసుకునట్లు వివరించారు. ఎలాంటి ఆలస్యపు రుసుం లేకుండా మార్చి 20వ తేదీ వరకు, రూ.250ల ఆలస్యపు రుసుంతో మార్చి 26వ తేదీలోగా ఫీజులను చెల్లించాలని స్పష్టం చేశారు. తమ సంబంధిత కళాశాలల్లో ఫీజులను చెల్లించుకోవచ్చునని పేర్కొన్నారు.

29 నుంచి మహిళా ఇంజినీరింగ్‌ కళాశాలలో సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం మహిళా ఇంజినీరింగ్‌ కళాశాలలో మార్చి 29వ తేదీ నుంచి మార్చి 31వ తేదీ వరకు జాతీయ సదస్సును నిర్వహించనున్నట్లు కళాశాల ప్రిన్సిపల్‌ డాక్టర్‌ బి.మంజుల మార్చి 18న‌ తెలిపారు. ఇందు కోసం రూపొందించిన గోడపత్రికను అధ్యాపకులతో కలిసి ఆవిష్కరించారు. ఈ సందర్భంగా పలు అంశాల్లో పోటీలను నిర్వహిస్తామని వివరించారు. ఈ కార్యక్రమంలో అధ్యాపకులు, విద్యార్థులు పాల్గొన్నారు.

27 నుంచి కేయూ ఇంజినీరింగ్‌ ఫెస్ట్‌
కేయూ క్యాంపస్, న్యూస్‌టుడే: కాకతీయ విశ్వవిద్యాయలం కో-ఎడ్యుకేష‌న్‌ ఇంజినీరింగ్‌ కళాశాలల ఫెస్ట్‌- 2019ను మార్చి 27వ తేదీ నుంచి 29వ తేదీ వరకు నిర్వహించనున్నట్లు కళాశాల ప్రిన్సిపల్‌ ఆచార్య పి.మల్లారెడ్డి, కన్వీన‌ర్‌ డాక్టర్‌ ఆర్‌.మేఘనారావులు చెప్పారు. ఇందు కోసం రూపొందించిన గోడపత్రికను కేయూ రిజిస్ట్రార్‌ ఆచార్య కె.పురుషోత్తం మార్చి 18న‌ కళాశాలలో ఆవిష్కరించారు. సాంకేతిక, అకడమిక్‌ విషయాల్లో ఈ మూడు రోజులు పోటీలు ఉంటాయని తెలిపారు. నగరంలోని ఇంజినీరింగ్‌ కళాశాల విద్యార్థులు కూడా ఈ ఫెస్ట్‌లో పాల్గొనవచ్చన్నారు. కార్యక్రమంలో కళాశాల విద్యార్థులు, అధ్యాపకులు పాల్గొన్నారు.

మార్చి 15 నుంచి నిట్‌లో కళాక్షేత్ర వసంతోత్సాహం
నిట్‌క్యాంపస్‌, న్యూస్‌టుడే: వరంగల్‌ జాతీయ సాంకేతిక సంస్థ(ఎన్‌ఐటీ) విద్యార్థులు నిర్వహించే వసంతోత్సవం(స్ప్రింగ్‌స్ప్రీ)-19 మూడు రోజులపాటు ఘనంగా నిర్వహించేందుకు అన్ని ఏర్పాట్లు చేస్తున్నట్లు నిట్‌ సంచాలకుడు ఆచార్య ఎన్‌.వీ.రమణారావు తెలిపారు. బుధవారం నిట్‌లో ఏర్పాటు చేసిన మీడియా సమావేశంలో డైరెక్టర్‌ మాట్లాడుతూ.. దేశంలో వైవిధ్యమైన సంస్కృతులను ఒకే వేదికపైకి తీసుకొచ్చే ప్రయత్నంతో ఈ ఏడాది వసంతోత్సవం నిర్వహిస్తున్నట్లు చెప్పారు. విద్యార్థులకు 64 కళలను పరిచయం చేయడమే లక్ష్యంగా వివిధ కళల సంగమంగా భావించి ‘కళాక్షేత్ర’ అనే థీం ఎంపిక చేసినట్లు చెప్పారు. మూడు రోజులపాటు జరిగే వసంతోత్సవంలో వివిధ కళా రంగాలకు చెందిన తెలంగాణలోని ప్రముఖ కళాకారులను సత్కరిస్తున్నట్లు చెప్పారు. విద్యార్థి వ్యవహారాల విభాగం డీన్‌ ఎల్‌ఆర్‌జీ.రెడ్డి మాట్లాడుతూ.. దేశంలోని ప్రతిష్ఠాత్మక సాంకేతిక సంస్థల నుంచి సుమారు 4 వేల మంది విద్యార్థులు వివిధ సాంస్కృతిక అంశాలలో పోటీపడతారని చెప్పారు. గురువారం సాయంత్రం 6 గంటలకు లిటిల్‌ మ్యూజిక్‌ సంగీత నాటక అకాడమీ నిర్వాహకులు రామాచారి కళాక్షేత్ర ఉత్సవాల కర్టన్‌రైజర్‌ చేసి ప్రారంభిస్తారని చెప్పారు. ఈ ఏడాది ఫెస్ట్‌లో భాగంగా ప్రముఖ తెలుగు సినీ సంగీత దర్శకుడు ఎస్‌.ఎస్‌.తమన్‌ ప్రోషోలో ప్రదర్శన ఇవ్వడం ప్రత్యేక ఆకర్షణగా నిలువనుంది. తెలంగాణలోని స్థానిక కళాకారులు మట్టెవాడ అజయ్‌కుమార్‌ (సూక్ష్మచిత్రకారుడు), హరిప్రసాద్‌(పవర్‌లూంవర్క్స్‌), పి.విజయ్‌కిషోర్‌(చిత్రలేఖనం), బీఎం.రెడ్డి(నాటకరంగం), మర్రిగోపాల్‌రెడ్డి (శిల్పకారుడు), ఎం.శ్రీనివాస్‌(శిల్పము)లను వసంతోత్సవం సందర్భంగా సత్కరించనున్నట్లు చెప్పారు. ఈ మీడియా సమావేశంలో ఫ్యాకల్టీ అడ్వైజర్‌ డాక్టర్‌ కె.ఆనందకిషోర్‌, విద్యార్థి సమన్వయకుడు యశ్వంత్‌ తదితరులు పాల్గొన్నారు.
కళాక్షేత్రలో ఈవెంట్లు ఇలా..
స్పాట్‌లైట్‌ ఈవెంట్‌లో భాగంగా సంగీతం, నృత్యం, సాహిత్యం, నాటకం, గేమింగ్‌ తదితర అంశాలపై విద్యార్థులు పోటీపడతారు. ఈ పోటీలలో పాల్గొనేందుకు ఇప్పటికే విద్యార్థులు ఆన్‌లైన్‌లో తమ పేర్లు రిజిస్టర్‌ చేసుకున్నారు. ఆసక్తిగల విద్యార్థులు స్పాట్‌ రిజిస్ట్రేషన్‌లో పేర్లు నమోదు చేసుకోవచ్చు. * కొరియోనైట్‌ ఈవెంట్‌లో నృత్యరంగంలో ప్రావీణ్యంగల విద్యార్థులు పాల్గొని ప్రతిభను చాటుతారు. ప్రముఖ కొరియోగ్రాఫర్‌ వేలుకుమార్‌ సెల్వరాజన్‌ న్యాయనిర్ణేతగా హాజరవుతారు. * ఈవెంట్‌లో సంగీత నేపథ్య గాయకులు తమ ప్రతిభను చాటవచ్చు. ఇందులో లలితసంగీతం, శాస్త్రీయ, జానపద, వెస్ట్రన్‌ పాటలు పాడుతారు. ఐడల్‌ ఈవెంట్‌కు టాక్సీవాలా, డీ-16 చిత్రాలకు సంగీత దర్శకుడుగా పనిచేసిన జాక్స్‌బేజాయిలు న్యాయనిర్ణేతగా హాజరవుతారు. * అల్యూర్‌షో ఈవెంట్‌లో భాగంగా డిజైనింగ్‌ అంశంపై విద్యార్థులు పోటీపడతారు. ప్రముఖ ఫ్యాషన్‌ డిజైనర్‌ తేజేశ్వర్‌రాజవాత్‌ న్యాయనిర్ణేతగా హాజరవుతున్నారు. వీటితోపాటు వార్‌ఆఫ్‌డీజే, నుక్కడ్‌నటాక్‌, గేండోం, డైరెక్టర్స్‌కట్‌ తదితర ఈవెంట్లు జరగనున్నాయి.
ప్రోషోలు ఇవీ...
వసంతోత్సవంలో ప్రోషోలకు ప్రాధాన్యం ఉంటుంది. విద్యార్థులు పెద్ద సంఖ్యలో వీటిలో పాల్గొని సంతోషం వ్యక్తం చేస్తారు. కళాక్షేత్ర ఫెస్ట్‌లో మార్చి 15వ తేదీ రాత్రి ప్రముఖ బాలీవుడ్‌ సింగర్‌ నకాశ్‌అజీజ్‌లు పాల్గొని తన గానంతో విద్యార్థులను మంత్రముగ్ధులను చేయనున్నారు. 16వ తేదీ రాత్రి హిందీరాక్‌ బ్యాండ్‌ బృందంతో బాలీవుడ్‌ గాన కచేరీ ఉంటుంది. 17వ తేదీ రాత్రి దూకుడు, బిజినెస్‌మ్యాన్‌, తొలి ప్రేమ, రేసుగుర్రం వంటి ప్రముఖ తెలుగు చిత్రాలకు సంగీత దర్శకత్వం వహించిన ప్రముఖ తెలుగు సినీసంగీత దర్శకుడు ఎస్‌.ఎస్‌.తమన్‌ హాజరై విద్యార్థులను తన గానంతో విద్యార్థులను మంత్రముగ్ధులను చేయనున్నారు.
సామాజిక మేల్కొలుపు కార్యక్రమాలు
కళాక్షేత్రలో భాగంగా విద్యార్థులు పలు సేవాకార్యక్రమాలకు శ్రీకారం చుడుతున్నారు. ప్రభుత్వ పాఠశాలలో సాంస్కృతిక కార్యక్రమాలు చేపట్టి వారికి చేయూతను అందించడం, గ్రామాలలో ఉచిత వైద్య శిబిరాలు నిర్వహించడంవంటి కార్యక్రమాలు చేపడుతున్నారు. ‘షేర్‌ఫుడ్‌-షేర్‌జాయ్‌’ అనే నినాదంతో వృథాగా పడేసి ఆహార పదార్ధాలను సేకరించి మరొకరి ఆకలి తీర్చడం వంటి పలు కార్యక్రమాలు చేపడుతున్నారు. గతంలోనూ నిట్‌ విద్యార్థులు పలు సామాజిక సేవా కార్యక్రమాలు చేపట్టిన విధంగా ఈ ఏడాది ఫెస్ట్‌లోనూ నిర్వహిస్తున్నారు.

ఎట్టకేలకు రసాయనశాస్త్రం పీహెచ్‌డీ ప్రవేశాల షెడ్యూల్‌
కేయూ క్యాంపస్, న్యూస్‌టుడే: కాకతీయ విశ్వవిద్యాలయం రసాయనశాస్త్రంలో ప్రవేశాల కోసం ఎట్టకేలకు షెడ్యూల్‌ వెల్లడైంది. ప్రవేశాల కోసం మార్చి 25 నుంచి 27 వరకు క్యాంపస్‌లోని సైన్సెస్‌ డీన్‌ కార్యాలయంలో ఇంటర్య్వూలు నిర్వహించన్నుట్లు సైన్సెస్‌ డీన్, భౌతికశాస్త్రం సీనియర్‌ ఆచార్యులు జి.గంగాధర్‌రెడ్డి ఒక ప్రకటనలో తెలిపారు. కేయూ రసాయనశాస్త్రంలో 2017లో పీహెచ్‌డీ ప్రవేశాల కోసం కేయూ పరీక్షల అధికారులు పరీక్షను నిర్వహించారు. ఈ కోర్సుతో పాటు మిగతా 37 కోర్సుల్లో కూడ పరీక్షలు జరిగాయి. వీటి ఫలితాలను ఆదే ఏడాది ఆగస్టులో వెల్లడించారు. అప్పుడు రసాయనశాస్త్రం ఫలితాలు కూడా వెలువడ్డాయి. 2018లో జనవరిలో అన్ని కోర్సులతో పాటుగా ఈ కోర్సులో కూడా ఇంటర్వ్యూలు నిర్వహించనున్నట్లు షెడ్యూల్‌ను ప్రకటించారు. గతేడాది ఫిబ్రవరిలో జరగాల్సిన ఇంటర్వ్యూలు ఆఖరు నిమిషంలో వాయిదా వేశారు. రసాయనశాస్త్రం పీహెచ్‌డీ ప్రవేశపరీక్షలో అర్హత సాధించిన అర్హులైన వారికి ఇప్పటికే సమాచారాన్ని అందించినట్లు గంగాధర్‌రెడ్డి తెలిపారు. అభ్యర్థులు తమ అసలు ధ్రువీకరణ పత్రాలను, నిర్దేశించిన ఫీజులను, పీహెచ్‌డీకు సంబంధించిన అన్ని పత్రాలతో సకాలంలో హాజరు కావాలని వివరించారు.

కేయూ భౌతికశాస్త్రంలో జాతీయ సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం భౌతికశాస్త్రంలో మార్చి 15, 16 తేదీల్లో రెండు రోజుల జాతీయ కార్యశాలను నిర్వహించనున్నట్లు సదస్సు కన్వీనర్, కేయూ భౌతికశాస్త్రం ఆచార్యులు బి.వెంకట్రాంరెడ్డి, కార్యనిర్వాహక కార్యదర్శి డాక్టర్‌ సీజే.శ్రీలత ఒక సంయుక్త ప్రకనటలో తెలిపారు. 15వ తేదీ ఉదయం 10 గంటలకు విభాగం సెమినార్‌ హాల్లో కేయూ ఉపకులపతి ఆచార్య ఆర్‌.సాయన్న సదస్సును ప్రారంభించి ముఖ్య అతిథిగా పాల్గొంటారని వివరించారు.

14న కేయూలో వినియోగదారుల సదస్సు
కేయూ క్యాంపస్, న్యూస్‌టుడే: అంతర్జాతీయ వినియోగదారుల దినోత్సవాన్ని పురస్కరించుకొని మార్చి 14న కాకతీయ విశ్వవిద్యాలయం చరిత్ర విభాగం సెమినార్‌ హాల్లో వినియోగదారుల అవగాహన సదస్సును నిర్వహించనున్నట్లు ఓరుగల్లు వినియోగదారుల పరిరక్షణ మండలి నిర్వాహకులు ఒక ప్రకటనలో తెలిపారు. ఉదయం 10 గంటలకు సదస్సు ప్రారంభమవుతుందన్నారు. ముఖ్య అతిథిగా కేయూ దూరవిద్యాకేంద్రం సంచాలకులు ఆచార్య జి.వీరన్న హాజరౌతారని తెలిపారు.

ఆంగ్లభాష శిక్షణకు దరఖాస్తుల గడువు 30
కేయూ క్యాంపస్, న్యూస్‌టుడే: కాకతీయ విశ్వవిద్యాలయం సెంటర్‌ ఫర్‌ ఇంగ్లిష్‌ లాంగ్వేజ్‌ ట్రైనింగ్‌(సెల్ట్‌) వారు అందిస్తున్న ఆంగ్లభాష శిక్షణకు హాజరు కాగోరు అభ్యర్థులు తమ దరఖాస్తులను మార్చి 30వ తేదీలోగా అందజేయాలని సెల్ట్‌ సంచాలకులు, కేయూ ఆంగ్లం సీనియర్‌ ఆచార్యలు వూరè …శ్రీనివాస్‌ ఒక ప్రకటనలో తెలిపారు. క్యాంపస్‌లోని ఆంగ్లవిభాగంలో దరఖాస్తులను సమర్పించాలని పేర్కొన్నారు. రూ.1200లు చెల్లించి ప్రవేశాలు పొందవచ్చునని తెలిపారు. కోర్సు ఇన్‌ స్పోకెన్‌ ఇంగ్లిష్, ఇంగ్లిష్‌ ఫర్‌ కాంపిటీటివ్‌ ఎగ్జామ్స్‌లలో తరగతులు ఉంటాయని వివరించారు. ప్రవేశాలు పొందిన వారికి ఏప్రిల్‌ 1వ తేదీ నుంచి తరగతులు ప్రారంభమవుతాయని స్పష్టం చేశారు. ఉదమం 6 గంటల నుంచి 7 గంటల వరకు, సాయంత్రం 5 గంటల నుంచి 6.30 గంటల వరకు క్యాంపస్‌లోని ఆంగ్లవిభాగంలో తరగతులను నిర్వహిస్తామని శ్రీనివాస్‌ తెలిపారు. పూర్తవివరాలను ఆంగ్ల విభాగం నుంచి తెలుసుకోవచ్చునని తెలిపారు.

29 నుంచి కేయూ జాతీయ సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం రసాయనశాస్త్ర విభాగంలో మార్చి 29, 30 తేదీల్లో జాతీయ సదస్సు జరుగుతుందని కేయూ ఉపకులపతి ఆచార్య ఆర్‌.సాయన్న చెప్పారు. అడ్వాన్సెస్‌ ఇన్‌ కెమికల్‌ రిసెర్చ్‌ అనే అంశంపై రెండు రోజుల పాటు చర్చజరుగుతందని అన్నారు. రసాయనశాస్త్రం వారు రూపొందించిన సదస్సుకు సంబంధించిన గోడపత్రికలను ఆయన మార్చి 11న తన నివాసంలో ఆవిష్కరించారు. ఈ కార్యక్రమంలో కేయూ రిజిస్ట్రార్‌ ఆచార్య కె.పురుషోత్తం, రసాయనశాస్త్రం శాఖాధిపతి డాక్టర్‌ జి.హన్మంతు, సదస్సు కన్వీనర్‌ డాక్టర్‌ జి.బ్రహ్మేశ్వరి తదితరులు పాల్గొన్నారు.

జంతుశాస్త్రంలో 28, 29 తేదీల్లో జాతీయ సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం జంతుశాస్త్ర విభాగంలో మార్చి 28, 29 తేదీల్లో జాతీయ సదస్సును నిర్వహించనున్నట్లు ఆవిభాగం అధిపతి డాక్టర్‌ ఈసం నారాయణ, సదస్సు నిర్వాహణ కార్యదర్శి డాక్టర్‌ జి.రాజేందర్‌లు చెప్పారు. ఈ సదస్సుకు సంబంధించిన కరపత్రాలను మార్చి 11న కేయూ ఉపకులపతి ఆచార్య ఆర్‌.సాయన్న విడుదల చేసినట్లు తెలిపారు. వాతావరణంలో వస్తున్న మార్పులు అనే అంశంపై సదస్సు ఉంటుందని వివరించారు. పలు విశ్వవిద్యాలయాల నుంచి అధ్యాపకులు, పరిశోధకులు పరిశోధనాపత్రాలను సమర్పిస్తారని తెలిపారు.

సార్వత్రిక డిగ్రీ ప్రవేశాలకు గడువు 28
జనగామ అర్బన్‌, న్యూస్‌టుడే: డాక్టర్‌ బి.ఆర్‌.అంబేడ్కర్‌ సార్వత్రిక విశ్వవిద్యాలయంలో డిగ్రీ అభ్యసించేందుకు అర్హత పరీక్ష నోటిఫికేషన్‌ విడుదలైందని, ఆన్‌లైన్‌లో దరఖాస్తు చేసుకునేందుకు మార్చి 28 వరకు గడువు ఉందని జనగామ స్టడీ సెంటర్‌ కోఆర్డినేటర్‌ కలువల శ్రీనివాస్‌ మార్చి 8న‌ ఒక ప్రకటనలో తెలిపారు. బీఏ, బీకాం, బీఎస్సీ కోర్సుల్లో చదివేందుకు విశ్వవిద్యాలయం అవకాశం కల్పించిందని, ఇంటర్‌ పాసై, 2019 జూలై 1 నాటికి 18 ఏళ్లు నిండిన వారు ప్రవేశం పొందవచ్చన్నారు. వివరాలకు 73829 29687 నంబర్‌ను సంప్రదించాలని సూచించారు.

కేయూ పీజీ కోర్సుల పరీక్ష ఫీజు గడువు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న పీజీ కోర్సుల్లో పరీక్షల ఫీజుల చెల్లింపు తేదీలను మార్చి 6న ప్రకటించారు. కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎం.సురేఖలు ఫీజు చెల్లింపు వివరాలను తెలిపారు. ఎంఏ, ఎంకాం, ఎంఎస్సీ కోర్సుల్లో అన్ని సబ్జెక్ట్‌ల నాలుగో సెమిస్టర్‌ విద్యార్థులు ఎలాంటి ఆలస్యపు రుసుంలేకుండా మార్చి 18వ తేదీలోగా చెల్లించుకోవచ్చు. రూ.250ల ఆసల్యపు రుసుంతో మార్చి 22 వరకు ఫీజులను స్వీకరిస్తామని స్పష్టం చేశారు. ఏప్రిల్‌లో పరీక్షలు ఉంటాయన్నారు. విద్యార్థులు తమ సంబంధిత కళాశాలల్లో ఫీజులను చెల్లించాలని అధికారులు తెలిపారు.

కేయూ న్యాయశాస్త్రం కోర్సుల పరీక్షల షెడ్యూల్‌ విడుదల
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న న్యాయశాస్త్రం కోర్సుల్లో పరీక్షల షెడ్యూల్‌ విడుదలైంది. మార్చి 1న కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు షెడ్యూల్‌ను విడుదల చేశారు.
* ఎల్‌ఎల్‌బీ మూడేళ్ల ప్రథమ సెమిస్టర్‌ పరీక్షలు మార్చి 13, 15, 18, 20, 22వ తేదీల్లో మధ్యాహ్నం 2 గంటల నుంచి సాయంత్రం 5 గంటల వరకు జరుగుతాయి.
* ఎల్‌ఎల్‌బీ ఐదేళ్ల కోర్సు ప్రథమ సెమిస్టర్‌ పరీక్షలు మార్చి 12, 14, 16, 19 తేదీల్లో, ఐదవ సెమిస్టర్‌ వారికి మార్చి 13, 15, 18, 20, 22 తేదీల్లో 2 గంటల నుంచి 5 గంటల వరకు పరీక్షలు ఉంటాయి.
* ఎల్‌ఎల్‌ఎం ప్రథమ సెమిస్టర్‌ విద్యార్థులకు మార్చి 12, 14, 16 తేదీల్లో మధ్యాహ్నం 2 గంటల నుంచి సాయంత్రం 5 గంటల వరకు పరీక్షలను నిర్వహించనున్నట్లు అధికారులు తెలిపారు.

కేవీలో ప్రవేశానికి దరఖాస్తుల ఆహ్వానం
కాజీపేట రూరల్, న్యూస్‌టుడే: కాజీపేట మండలం కడిపికొండలోని కేంద్రియ విద్యాలయంలో 2019-20వ విద్యా సంవత్సరానికి గాను 1వ ఆపై తరగతుల్లో ప్రవేశాని కోసం దరఖాస్తులు ఆహ్వానిస్తున్నట్లు ప్రిన్సిపల్‌ బి.జయలక్ష్మి ఫిబ్ర‌వ‌రి 28న‌ ఒక ప్రకటనలో తెలిపారు. 1వ తరగతికి నేటి నుంచి మార్చి 19 లోపు ఆన్‌లైన్‌లో దరఖాస్తు చేసుకోవాలన్నారు. రెండో తరగతి నుంచి 10వ తరగతిలో దరఖాస్తు కోసం ఏప్రిల్‌ 2 నుంచి 9 లోపు సాయంత్రం 4 గంటల వరకు ఆఖరు గడువుగా ప్రిన్సిపల్‌ పేర్కొన్నారు. ఇది కూడా ఆయా తరగతుల్లో ఖాళీలు ఏర్పడినప్పుడు మాత్రమే ప్రవేశం పొందడానికి అవకాశం ఉంటుందన్నారు. కేంద్రియ నిబంధనల ప్రకారం అభ్యర్థి వయసు మార్చి 31, 2019ని ప్రమాణికంగా తీసుకోనున్నట్లు పేర్కొన్నారు.

జాతీయ సదస్సు బ్రోచర్‌ ఆవిష్కరణ
కేయూ క్యాంపస్, న్యూస్‌టుడే: కాకతీయ విశ్వవిద్యాలయంలో అన్ని విభాగాల్లో జాతీయ సదస్సులను నిర్వహించాలని కేయూ ఉపకులపతి ఆచార్య ఆర్‌.సాయన్న చెప్పారు. ఇందు కోసం యూజీసీకి ప్రతిపాదనలు పంపిస్తే ఆర్థిక‌ సహకారం లభిస్తుందన్నారు. కేయూ దూరవిద్యాకేంద్రం, సైకాలజీ విభాగ వారు సంయుక్తంగా మార్చి 16, 17 తేదీల్లో నిర్వహించే జాతీయ సదస్సుకు సంబంధించిన బ్రోచర్‌ను వీసీ అధికారులు, ఆచార్యులతో కలిసి ఫిబ్రవరి 6న ఆవిష్కరించారు. ఈ సందర్భంగా వీసీ ప్రసంగిస్తూ సదస్సుల వల్ల విద్యార్థి, పరిశోధక వర్గాలతో పాటుగా అధ్యాపకులలకు పలు ప్రయోజనాలు ఉంటాయన్నారు.

డిగ్రీ అర్హత పరీక్షకు దరఖాస్తుల ఆహ్వానం
సుబేదారి, న్యూస్‌టుడే: డాక్టర్‌ బీఆర్‌ అంబేడ్కర్‌ ఓపెన్‌ విశ్వవిద్యాలయంలో డిగ్రీలో చేర‌డానికి అర్హత పరీక్షకు మార్చి 28లోపు దరఖాస్తు చేసుకోవాలని వరంగల్‌ రీజినల్‌ కోఆర్డినేటర్‌ డాక్టర్‌ వై.వెంకటేశ్వర్లు ఒక ప్రకటనలో తెలిపారు. ఎలాంటి విద్యార్హతలు లేనప్పటికీ 18 ఏళ్లు నిండినవారు అర్హత పరీక్ష రాసి ఉత్తీర్ణత సాధిస్తే నేరుగా డిగ్రీలో ప్రవేశాలు కల్పిస్తామన్నారు. పదోతరగతి, ఇంటర్మీడియట్‌; ఐటీఐ పూర్తికాని వారు అర్హత పరీక్షకు దరఖాస్తు చేసుకోవ‌చ్చున‌ని సూచించారు. వివరాలకు సమీపంలోని అధ్యయన కేంద్రాన్ని సంప్రదించాలని తెలిపారు. 0870 - 2511862 నెంబర్‌ను సంప్రదించాలని కోరారు. దరఖాస్తు చేసుకున్న వారికి ఏప్రిల్‌ 28వ తేదీన అర్హత పరీక్ష నిర్వహిస్తామని చెప్పారు. మరిన్ని వివరాలకు అంబేడ్కర్‌ ఓపెన్‌ విశ్వవిద్యాలయం వెబ్‌సైట్ సంప్రదించాలని సూచించారు.
http://www.braouonline.in

దూరవిద్యా డిగ్రీ పరీక్షలకు ఏర్పాట్లు పూర్తి
* 28,698 మంది విద్యార్థులు, 56 పరీక్షాకేంద్రాలు
* 19 నుంచి ఆగ‌స్టు 3వ‌ తేదీ వరకు పరీక్షలు
న్యూస్‌టుడే, కేయూ క్యాంపస్‌: కాకతీయ విశ్వవిద్యాలయం దూరవిద్యాకేంద్రం వారు అందిస్తున్న డిగ్రీ కోర్సుల‌కు జులై 19వ తేదీ నుంచి వార్షిక పరీక్షలు ప్రారంభమౌతాయి. ఇందు కోసం గాను కేయూ పరీక్షల విభాగం వారు అన్ని ఏర్పాట్లు చేశారు. బీఏ, బీకాం (జనరల్, కంప్యూటర్స్‌), బీఎస్సీ, బీబీఎం ప్రథమ, ద్వితీయ, తృతీయ సంవత్సరాల్లో పరీక్షలు ఆగ‌స్టు 3వ తేదీ వరకు జరుగుతాయి. ఈ పరీక్షలకు సంబంధించిన వివరాలను కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి వెల్లడించారు. అన్ని కేటగిరిల్లో మొత్తం 28,698 మంది దరఖాస్తులు చేసుకున్నారు. ఇందులో ప్రథమ సంవత్సరంలో అత్యధికంగా 12820, ద్వితీయ‌ సంవత్సరంలో 8724, ఆఖరు సంవత్సరంలో 7154 మంది హాజరు కానున్నారు. ఈ పరీక్షల నిర్వాహణ కోసం తెలంగాణ రాష్ట్ర వ్యాప్తంగా 56 పరీక్షా కేంద్రాలను ఏర్పాటు చేసినట్లు చెప్పారు. ఇప్పటికే హాల్‌టికెట్లను విద్యార్థులకు పంపించినట్లు తెలిపారు. దూరవిద్యాకేంద్రం వెబ్‌సైట్‌ నుంచి విద్యార్థులు హాల్‌టికెట్లను డౌన్‌లోడ్‌ చేసుకొని పరీక్షలకు హాజరు కావొచ్చ‌ని స్పష్టం చేశారు. ఉదయం 9 గంటల నుంచి మధ్యాహ్నం 12 గంటల వరకు రెండో, ఆఖరు సంవత్సరాల్లో పరీక్షలు ఉంటాయి. మధ్యాహ్నం 2 గంటల నుంచి సాయంత్రం 5 గంటల వరకు ప్రథమ సంవత్సరంలో పరీక్షలను నిర్వహిస్తామని చెప్పారు.
* జులై 19, 21, 23, 25, 27, 30, ఆగ‌స్టు 1వ తేదీల్లో వరకు ప్రథమ సంవత్సరం విద్యార్థులకు పరీక్షలు ఉంటాయి.
* జులై 20, 22, 24, 26, 28, 31, ఆగ‌స్టు 2వ తేదీల్లో రెండో సంవత్సరంలో పరీక్షలు నిర్వహిస్తారు.
* జులై 19, 21, 23, 25, 27, 30, ఆగ‌స్టు 1, 3 తేదీల్లో పరీక్షలు జరుగుతాయి.
* http://sdlcekuems.co.in/ వెబ్‌సైట్‌ నుంచి హాల్‌టికెట్లను పొందవచ్చన్నారు. పరీక్షలను పకడ్బందీగా నిర్వహించడం కోసం అన్ని చర్యలు తీసుకున్నట్లు అధికారులు తెలిపారు. ప్రత్యేక తనిఖీ బృందాలను, పరిశీలకులను నియమించినట్లు చెప్పారు. విద్యార్థులు పరీక్షాకేంద్రాలకు సకాలంలో చేరుకోవాలని తెలిపారు.

17 నుంచి దూరవిద్యా కోర్సుల ప్రయోగపరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం దూరవిద్యా కోర్సుల్లో విద్యనభ్యసిస్తున్న విద్యార్థులకు జులై 17వ తేదీ నుంచి ప్రయోగపరీక్షలు ప్రారంభమౌతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 16న‌ తెలిపారు. ఎంఎస్సీ సైకాలజీ ఆఖరు సంవత్సరం, పీజీడీసీఏ ప్రథమ, రెండో సెమిస్టర్‌లలో ఈ పరీక్షలు జరుగుతాయని తెలిపారు. విద్యార్థులందరికి దూరవిద్యాకేంద్రంలోనే పరీక్షలు జరుగుతాయని దూరవిద్యాకేంద్రం సంచాలకులు ఆచార్య జి.వీరన్న పేర్కొన్నారు. జులై 17, 18, 19, 20, 21, 22 తేదీల్లో ఎంఎస్సీ సైకాలజీ వారికి, 17, 18 తేదీల్లో పీజీడీసీఏ ప్రథ‌మ, 18, 19 తేదీల్లో పీజీడీసీఏ రెండో సెమిస్టర్‌ విద్యార్థులకు పరీక్షలు ఉంటాయని పేర్కొన్నారు. దూరవిద్యాకేంద్రంలో ఉదయం 9 గంటల నుంచి సాయంత్రం 5 గంటల వరకు బ్యాచ్‌ల వారీగా పరీక్షలు నిర్వహిస్తామని అధికారులు స్పష్టం చేశారు.

19 నుంచి కేయూ దూరవిద్యా పీజీ పరీక్షలు.
కేయూ క్యాంపస్, న్యూస్‌టుడే: కాకతీయ విశ్వవిద్యాలయం దూరవిద్యాకేంద్రం వారు అందిస్తున్న పీజీ కోర్సుల్లో జులై 19వ తేదీ నుంచి పరీక్షలు ప్రారంభమౌతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 16న‌ తెలిపారు. ఎంఏ, ఎంకాం, ఎంహెచ్‌ఆర్‌ఎం, రూరల్‌డెవలప్‌మెంట్, ఎంఎస్సీ గణితం, ఎల్‌ఎల్‌ఎంలలో పరీక్షలు ఉంటాయని తెలిపారు. ఉదయం 9 గంటల నుంచి మధ్యాహ్నం 12 గంటల వరకు పరీక్షలను నిర్వహిస్తామని వివరించారు. పరీక్షలకు ఒక రోజు ముందు నుంచి తమకు కేటాయించిన పరీక్షా కేంద్రాల నుంచి హాల్‌టికెట్లను పొందవచ్చనని దూరవిద్యాకేంద్రం సంచాలకులు ఆచార్య జి.వీరన్నతెలిపారు. జులై 19, 21, 23, 25, 27 తేదీల్లో ప్రథమ సంవత్సరం వారికి, 20, 22, 24, 26, 28 తేదీల్లో రెండో సంవత్సరం విద్యార్థులకు పరీక్షలు ఉంటాయని తెలిపారు, ఎంఏ తెలుగు, ఆంగ్లం, హిందీ, ఉర్థూ, సంస్కృతం, ప్రభుత్వపాలనాశాస్త్రం, చరిత్ర, అర్థశాస్త్రం, రాజనీతిశాస్త్రం, సమాజశాస్త్రం, రూరల్‌డెవలప్‌మెంట్, ఎంహెచ్‌ఆర్‌ఎం, ఎంఎస్సీ గణితం, ఎంకాం, ఎల్‌ఎల్‌ఎంల విద్యార్థులకు పరీక్షలు ఉంటాయని అధికారులు వివరించారు.

5 నుంచి ఎంఫిల్‌ పరీక్షలు.
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న ఎంఫిల్‌ కోర్సుల్లో ఆగ‌స్టు 5వ తేదీ నుంచి పార్ట్‌-1 పరీక్షలను నిర్వహించనున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారిణి డాక్టర్‌ ఎం.సురేఖ జులై 16న తెలిపారు. అర్థశాస్త్రం, తెలుగు, రాజనీతిశాస్త్రం, ఆంగ్లం, ప్రభుత్వపాలనాశాస్త్రం, ఎడ్యుకేషన్, వాణిజ్యశాస్త్రం, చరిత్ర, సమాజశాస్త్రం, ఎంహెచ్‌ఆర్‌ఎంలలో పరీక్షలు ఉంటాయని వివరించారు. 5వ తేదీన కామన్‌ పేపర్‌లో, 7వ తేదీన ప్రత్యేకఅంశం పేపర్‌లో పరీక్షలను నిర్వహించనున్నట్లు స్పష్టం చేశారు. కేయూ క్యాంపస్‌లోని వాణిజ్యశాస్త్ర కళాశాలలో అభ్యర్థులందరికి పరీక్షాకేంద్రాలను కేటాయించినట్లు అధికారులు తెలిపారు. మధ్యాహ్నం 2గంటల నుంచి సాయంత్రం 5 గంటల వరకు పరీక్షలు జరుగుతాయని పేర్కొన్నారు. తమ సంబంధిత కళాశాలల నుంచి హాల్‌టికెట్లను పొందవచ్చని తెలిపారు.

23 కళాశాల బదిలీ దరఖాస్తుకు ఆఖ‌రు గడువు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం పరిధిలోని వరంగల్, ఖమ్మం, ఆదిలాబాద్‌ జిల్లాల్లోని డిగ్రీ కళాశాలల విద్యార్థులు వేరే కళాశాలకు బదిలీల కోసం జులై 23వ తేదీలోపు తమ దరఖాస్తులను అందజేయాలని కేయూ రిజిస్ట్రార్‌ ఆచార్య కె.పురుషోత్తం తెలిపారు. డిగ్రీ రెండో, ఆఖరు సంవత్సరాల విద్యార్థులు పున:ప్రవేశాల కోసం కూడ దరఖాస్తులను చేస్తుకోవచ్చునని స్పష్టం చేశారు. కళాశాలల బదిలీల కోసం రూ.1000, పున:ప్రవేశాల కోసం రూ.1500 చెల్లించాలని వివరించారు. కేయూ రిజిస్ట్రార్‌ కార్యాలయంలో దరఖాస్తులు లభిస్తాయని పేర్కొన్నారు. పూర్తిచేసిన దరఖాస్తును రిజిస్ట్రార్‌ కార్యాలయంలో సమర్పించాలని పురుషోత్తం తెలిపారు. ఇందు కోసం డిగ్రీ కళాశాలల ప్ర‌ధానోపాద్యాయులు విద్యార్థులకు సమాచారాన్ని పంపించాలని తెలిపారు.

16న ప్రభుత్వ ఐటీఐలో ఉద్యోగమేళా
జులైవాడ, న్యూస్‌టుడే: నిర్మాణరంగంలో ఉన్న ఎల్‌బీటీ సంస్థ ఆధ్వర్యంలో జులై 16న హన్మకొండ ములుగు రోడ్డులోని ప్రభుత్వ ఐటీఐ (బాలురు)లో ఉద్యోగ మేళా నిర్వహిస్తున్నట్లు ఐటీఐ ప్రధానాచార్యులు జుమ్లానాయక్‌ జులై 14న‌ ఒక ప్రకటనలో తెలిపారు. ఉద్యోగ మేళాలో ఎంపికైన వారికి కంచీపురం, చెన్నైలలో మూడు నెలల పాటు శిక్షణ ఇచ్చి నెలకు రూ.11వేల చొప్పున వేతనం చెల్లిస్తారన్నారు. అభ్యర్థులు ఐటీఐలో ఎలక్ట్రీషియన్‌, ఫిట్టర్‌, డ్రాఫ్ట్స్‌మెన్‌ సివిల్‌, వెల్డర్‌ కోర్సు చేసి ఉండాలన్నారు. 18 నుంచి 35 ఏళ్లలోపు వయసు కలిగిన వారు అర్హులన్నారు. కేవలం పురుషులు మాత్రమే పాల్గొనాలని ఈ అవకాశాన్ని ఆసక్తి కలిగిన నిరుద్యోగ యువకులు వినియోగించుకోవాలని కోరారు.

నవోదయ ప్ర‌వేశాల‌కు దరఖాస్తుల ఆహ్వానం
మామునూరు, న్యూస్‌టుడే: మామునూరు జవహర్‌ నవోదయ విద్యాలయంలో 2020-21 విద్యా సంవత్సరానికి గాను ఆరో తరగతిలో ప్రవేశానికి దరఖాస్తులు ఆహ్వానిస్తున్నట్లు జులై 12న‌ ప్రిన్సిపల్‌ పూర్ణిమ ఒక ప్రకటనలో తెలిపారు. ఉమ్మడి వరంగల్‌ జిల్లాలో ఐదో తరగతి చదువుతున్న విద్యార్థులు ఆన్‌లైన్‌లో దరఖాస్తు చేసుకోవాలని సూచించారు. సెప్టెంబరు 15 లోపు దరఖాస్తులు అందించాలని సూచించారు. ఇతర వివరాలకు 86881-75144లో సంప్రదించాలని పేర్కొన్నారు.

5 నుంచి ప్రీ- పీహెచ్‌డీ పరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయంలోని అన్ని విభాగాల్లో పీహెచ్‌డీ ప్రవేశాలు పొందిన పరిశోధకులకు ఆగస్టు 5 నుంచి ప్రీ- పీహెచ్‌డీ పరీక్షలు నిర్వహించనున్నారు. ఈ మేరకు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారిణి డాక్టర్‌ ఎం.సురేఖలు పరీక్షల షెడ్యూల్‌ను ప్రకటించారు. ఆగస్టు 5న రీసెర్చ్‌ మెథాడాలజీ, 7న ప్రత్యేకాంశం పేపర్‌లో పరీక్షలు జరుగుతాయని వివరించారు. అభ్యర్థుందరికీ క్యాంపస్‌లోని మానవీయశాస్త్రాల భవనంలో పరీక్షాకేంద్రాలను ఏర్పాటు చేసినట్లు చెప్పారు. మధ్యాహ్నం 2 గంటల నుంచి సాయంత్రం 5 గంటల వరకు పరీక్షలను నిర్వహిస్తామని పేర్కొన్నారు. తమ సంబంధిత విభాగాల నుంచి హాల్‌టికెట్లను పొందవచ్చని తెలిపారు.

13న నిరుద్యోగులకు ఉద్యోగమేళా
జులైవాడ, న్యూస్‌టుడే : ఉమ్మడి వరంగల్‌ జిల్లాలోని నిరుద్యోగ యువతకు ప్రైవేటు రంగంలో ఉద్యోగాలు కల్పించేందుకు జులై 13న ములుగురోడ్డులోని ఉపాధి కార్యాలయంలో ఉద్యోగ మేళా నిర్వహిస్తున్నట్లు జిల్లా ఉపాధి అధికారి ఎం.మల్లయ్య జులై 10న ఒక ప్రకటనలో తెలిపారు. అపోలో ఫార్మసీ హైదరాబాద్‌లో పని చేయ‌డానికి 230 మందికి ఉద్యోగాలు అందించుటకు ఈ జాబ్‌ మేళా నిర్వహిస్తున్నామన్నారు. 10వ తరగతి ఆపైన ఇంటర్మీడియెట్‌, డి.ఫామ్‌, బి.ఫామ్‌, ఎం.ఫామ్‌ చదివిన అభ్యర్థులు హాజరుకావచ్చన్నారు. ఎంపికైన వారికి నెలకు రూ.9 వేల నుంచి 15 వేల వరకు వేతనం అందిస్తారన్నారు. అభ్యర్థుల వయసు 18 నుంచి 35 ఏళ్లలోపు ఉండాలన్నారు. ఆసక్తి కలిగిన అభ్యర్థులు తమ బయోడేటా, విద్యార్హత ధ్రువీకరణపత్రాలతో 13వ తేదీన‌ ఉదయం 10 గంటలకు హాజరుకావాలన్నారు. మరిన్ని వివరాలకు 8247656356 నంబరుకు ఫోన్‌ చేసి తెలుసుకోవాలన్నారు.

11 నుంచి సీఎల్‌ఐఎస్సీ పరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న సర్టిఫికేట్‌ కోర్సు ఇన్‌ లైబ్రరీ సైన్స్‌( సీఎల్‌ఐఎస్సీ)లో జులై 11వ తేదీ నుంచి పరీక్షలు మొదలవుతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 9న తెలిపారు. దూరవిద్యాకేంద్రంలోఉదయం 9 గంటల నుంచి మధ్యాహ్నం 12 గంటల వరకు పరీక్షలు జరుగుతాయని వివరించారు. జులై 11, 13, 15, 17, 19 తేదీల్లో థీయరీ పరీక్షలు నిర్వహించనున్నట్లు వివరించారు. ఫీజులు చెల్లించిన విద్యార్థులు తమ హాల్‌టికెట్లను పరీక్షాకేంద్రం నుంచి పొందవచ్చని దూరవిద్యాకేంద్రం సంచాలకులు ఆచార్య జి.వీరన్న మరోక ప్రకటనలో తెలిపారు. జులై 20, 21వ తేదీలో ప్రయోగపరీక్షలు ఉంటాయని స్పష్టం చేశారు.

10 నుంచి దూరవిద్యా కోర్సుల్లో పరీక్షలు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం దూరవిద్యాకేంద్రం వారు అందిస్తున్న కోర్సుల్లో జులై 10 నుంచి పరీక్షలు ప్రారంభం అవుతాయని కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్యలు జులై 9న తెలిపారు. పీజీడీసీఏ ప్రథమ సెమిస్టర్, బ్యాచిలర్‌ ఆఫ్‌ లైబ్రరీసైన్స్‌( బీఎల్‌ఐఎస్సీ)లలో పరీక్షలు ఉంటాయని వివరించారు.
* జులై 10, 12, 14, 16, 18, 20, 22 తేదీల్లో బీఎల్‌ఐఎస్సీలో థీయరీ పరీక్షలు, 23, 24, 25 తేదీల్లో ప్రయోగపరీక్షలు నిర్వహిస్తామని పేర్కొన్నారు.
* జులై 10, 12, 14, 16 తేదీల్లో పీజీడీసీఏ లో థీయరీ, 17, 18 తేదీల్లో ప్రయోగపరీక్షలు ఉంటాయని వివరించారు. ఈ రెండు కోర్సుల పరీక్షల నిర్వాహణ కోసం కేయూ దూరవిద్యాకేంద్రంలో పరీక్షాకేంద్రాలను ఏర్పాటు చేసినట్లు అధికారులు స్పష్టం చేశారు. మధ్యాహ్నం 2 గంటల నుంచి 5 గంటల వరకు పరీక్షలు జరుగుతాయని తెలిపారు. పరీక్షాకేంద్రంలో పరీక్షకు గంట ముందు హాల్‌టికెట్లను పొందవచ్చని తెలిపారు.

న్యాయశాస్త్ర కోర్సుల పరీక్షాఫలితాల వెల్లడి
కేయూ క్యాంపస్, న్యూస్‌టుడే: కాకతీయ విశ్వవిద్యాలయం న్యాయశాస్త్రం కోర్సుల పరీక్షా ఫలితాలు వెల్లడయ్యాయి. కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు జులై 9న ఫలితాలను విడుదల చేశారు. ఎల్‌ఎల్‌బీ మూడు సంవత్సరాల కోర్సు 6వ , ఐదు సంవత్సరాల 10వ సెమిస్టర్‌ పరీక్షా ఫలితాలను వెల్లడించినట్లు తెలిపారు. ఈ ఫలితాల వివరాలను కేయూ వెబ్‌సైట్‌లో నిక్షిప్తం చేసినట్లు అధికారులు వివరించారు. తమ సంబంధిత కళాశాలలకు పంపించినట్లు తెలిపారు.

కేయూ డిగ్రీ పరీక్షా ఫలితాల విడుద‌ల‌
కేయూ క్యాంపస్, న్యూస్‌టుడే: 2018 నవంబర్, డిసెంబర్ నెల‌ల్లో నిర్వహించిన కాకతీయ విశ్వవిద్యాలయం డిగ్రీ పరీక్షాఫలితాలు వెల్లడయ్యాయి. బీఏ, బీకాం, బీఎస్సీ, బీబీఏ ప్రథమ, మూడో, ఐదో సెమిస్టర్‌ పరీక్షా ఫలితాలను మార్చి 19న‌ కేయూ ఉపకులపతి ఆచార్య ఆర్‌.సాయన్న తన ఛాంబర్‌లో అధికారులతో కలిసి విడుదల చేశారు. ఫలితాలను కేయూ వెబ్‌సైట్లో పొందుప‌ర‌చిన‌ట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారులు డాక్టర్‌ పి.సదానందం, డాక్టర్‌ వై.వెంకయ్య, డాక్టర్‌ ఎల్‌పీ.రాజ్‌కుమార్ తెలిపారు. ఫలితాల వివరాలను ఆయా కళాశాలలకు పంపించినట్లు వివరించారు. ప్రథమ సెమిస్టర్‌లో 33.01 శాతం, మూడో సెమిస్టర్‌లో 43 శాతం, ఐదవ సెమిస్టర్‌లో అత్యధికంగా 48 శాతం మంది విద్యార్థులు ఉత్తీర్ణత సాధించారని తెలిపారు.అన్ని కేటాగిరిల్లో మొత్తం 1,33,906 మంది పరీక్షలు రాయగా ఇందులో 53,049(39.06 శాతం) మంది ఉత్తీర్ణులైనట్లు అధికారులు తెలిపారు. 20 రోజుల్లోపు విద్యార్థులు పున:మూల్యాంకనం కోసం దరఖాస్తు చేసుకోవచ్చని స్పష్టం చేశారు.

22న జ‌ర‌గాల్సిన‌ న్యాయశాస్త్రం పరీక్షలు వాయిదా
కేయూ క్యాంపస్, న్యూస్‌టుడే: మార్చి 22వ తేదీన జరగాల్సిన న్యాయశాస్త్రం పరీక్షలను వాయిదా వేసినట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు మార్చి 19న తెలిపారు. మార్చి 22వ తేదీన ఉపాధ్యాయ శాససనమండలి ఎన్నికల దృష్ట్యా ఈ నిర్ణయం తీసుకున్నట్లు పేర్కొన్నారు. ఎల్‌ఎల్‌బీ మూడు, ఐదు, సంవత్సరాల ప్రథమ, ఐదవ సెమిస్టర్‌ల పరీక్షలను వాయిదా వేసినట్లు వివరించారు. ఈ పరీక్షలను తిరిగి మార్చి 23వ తేదీన నిర్వహించనున్నట్లు తెలిపారు. పరీక్షా సమయాల్లో, కేంద్రాల్లో ఎలాంటి మార్పులు ఉండవని అధికారులు స్పష్టం చేశారు.

కేయూ పీజీ పరీక్షల ఫీజు గడువు పెంపు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం రెగ్యులర్‌ పీజీ కోర్సుల్లో పరీక్షల ఫీజు గడువును పొడిగించినట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు మార్చి 18న‌ తెలిపారు. పీజీ నాలుగో సెమిస్టర్‌ పరీక్షఫీజు గడువు మార్చి 18వ తేదీతో ముగియడంతో విద్యార్థుల కోరిక మేరకు ఈ నిర్ణయం తీసుకునట్లు వివరించారు. ఎలాంటి ఆలస్యపు రుసుం లేకుండా మార్చి 20వ తేదీ వరకు, రూ.250ల ఆలస్యపు రుసుంతో మార్చి 26వ తేదీలోగా ఫీజులను చెల్లించాలని స్పష్టం చేశారు. తమ సంబంధిత కళాశాలల్లో ఫీజులను చెల్లించుకోవచ్చునని పేర్కొన్నారు.

29 నుంచి మహిళా ఇంజినీరింగ్‌ కళాశాలలో సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం మహిళా ఇంజినీరింగ్‌ కళాశాలలో మార్చి 29వ తేదీ నుంచి మార్చి 31వ తేదీ వరకు జాతీయ సదస్సును నిర్వహించనున్నట్లు కళాశాల ప్రిన్సిపల్‌ డాక్టర్‌ బి.మంజుల మార్చి 18న‌ తెలిపారు. ఇందు కోసం రూపొందించిన గోడపత్రికను అధ్యాపకులతో కలిసి ఆవిష్కరించారు. ఈ సందర్భంగా పలు అంశాల్లో పోటీలను నిర్వహిస్తామని వివరించారు. ఈ కార్యక్రమంలో అధ్యాపకులు, విద్యార్థులు పాల్గొన్నారు.

27 నుంచి కేయూ ఇంజినీరింగ్‌ ఫెస్ట్‌
కేయూ క్యాంపస్, న్యూస్‌టుడే: కాకతీయ విశ్వవిద్యాయలం కో-ఎడ్యుకేష‌న్‌ ఇంజినీరింగ్‌ కళాశాలల ఫెస్ట్‌- 2019ను మార్చి 27వ తేదీ నుంచి 29వ తేదీ వరకు నిర్వహించనున్నట్లు కళాశాల ప్రిన్సిపల్‌ ఆచార్య పి.మల్లారెడ్డి, కన్వీన‌ర్‌ డాక్టర్‌ ఆర్‌.మేఘనారావులు చెప్పారు. ఇందు కోసం రూపొందించిన గోడపత్రికను కేయూ రిజిస్ట్రార్‌ ఆచార్య కె.పురుషోత్తం మార్చి 18న‌ కళాశాలలో ఆవిష్కరించారు. సాంకేతిక, అకడమిక్‌ విషయాల్లో ఈ మూడు రోజులు పోటీలు ఉంటాయని తెలిపారు. నగరంలోని ఇంజినీరింగ్‌ కళాశాల విద్యార్థులు కూడా ఈ ఫెస్ట్‌లో పాల్గొనవచ్చన్నారు. కార్యక్రమంలో కళాశాల విద్యార్థులు, అధ్యాపకులు పాల్గొన్నారు.

మార్చి 15 నుంచి నిట్‌లో కళాక్షేత్ర వసంతోత్సాహం
నిట్‌క్యాంపస్‌, న్యూస్‌టుడే: వరంగల్‌ జాతీయ సాంకేతిక సంస్థ(ఎన్‌ఐటీ) విద్యార్థులు నిర్వహించే వసంతోత్సవం(స్ప్రింగ్‌స్ప్రీ)-19 మూడు రోజులపాటు ఘనంగా నిర్వహించేందుకు అన్ని ఏర్పాట్లు చేస్తున్నట్లు నిట్‌ సంచాలకుడు ఆచార్య ఎన్‌.వీ.రమణారావు తెలిపారు. బుధవారం నిట్‌లో ఏర్పాటు చేసిన మీడియా సమావేశంలో డైరెక్టర్‌ మాట్లాడుతూ.. దేశంలో వైవిధ్యమైన సంస్కృతులను ఒకే వేదికపైకి తీసుకొచ్చే ప్రయత్నంతో ఈ ఏడాది వసంతోత్సవం నిర్వహిస్తున్నట్లు చెప్పారు. విద్యార్థులకు 64 కళలను పరిచయం చేయడమే లక్ష్యంగా వివిధ కళల సంగమంగా భావించి ‘కళాక్షేత్ర’ అనే థీం ఎంపిక చేసినట్లు చెప్పారు. మూడు రోజులపాటు జరిగే వసంతోత్సవంలో వివిధ కళా రంగాలకు చెందిన తెలంగాణలోని ప్రముఖ కళాకారులను సత్కరిస్తున్నట్లు చెప్పారు. విద్యార్థి వ్యవహారాల విభాగం డీన్‌ ఎల్‌ఆర్‌జీ.రెడ్డి మాట్లాడుతూ.. దేశంలోని ప్రతిష్ఠాత్మక సాంకేతిక సంస్థల నుంచి సుమారు 4 వేల మంది విద్యార్థులు వివిధ సాంస్కృతిక అంశాలలో పోటీపడతారని చెప్పారు. గురువారం సాయంత్రం 6 గంటలకు లిటిల్‌ మ్యూజిక్‌ సంగీత నాటక అకాడమీ నిర్వాహకులు రామాచారి కళాక్షేత్ర ఉత్సవాల కర్టన్‌రైజర్‌ చేసి ప్రారంభిస్తారని చెప్పారు. ఈ ఏడాది ఫెస్ట్‌లో భాగంగా ప్రముఖ తెలుగు సినీ సంగీత దర్శకుడు ఎస్‌.ఎస్‌.తమన్‌ ప్రోషోలో ప్రదర్శన ఇవ్వడం ప్రత్యేక ఆకర్షణగా నిలువనుంది. తెలంగాణలోని స్థానిక కళాకారులు మట్టెవాడ అజయ్‌కుమార్‌ (సూక్ష్మచిత్రకారుడు), హరిప్రసాద్‌(పవర్‌లూంవర్క్స్‌), పి.విజయ్‌కిషోర్‌(చిత్రలేఖనం), బీఎం.రెడ్డి(నాటకరంగం), మర్రిగోపాల్‌రెడ్డి (శిల్పకారుడు), ఎం.శ్రీనివాస్‌(శిల్పము)లను వసంతోత్సవం సందర్భంగా సత్కరించనున్నట్లు చెప్పారు. ఈ మీడియా సమావేశంలో ఫ్యాకల్టీ అడ్వైజర్‌ డాక్టర్‌ కె.ఆనందకిషోర్‌, విద్యార్థి సమన్వయకుడు యశ్వంత్‌ తదితరులు పాల్గొన్నారు.
కళాక్షేత్రలో ఈవెంట్లు ఇలా..
స్పాట్‌లైట్‌ ఈవెంట్‌లో భాగంగా సంగీతం, నృత్యం, సాహిత్యం, నాటకం, గేమింగ్‌ తదితర అంశాలపై విద్యార్థులు పోటీపడతారు. ఈ పోటీలలో పాల్గొనేందుకు ఇప్పటికే విద్యార్థులు ఆన్‌లైన్‌లో తమ పేర్లు రిజిస్టర్‌ చేసుకున్నారు. ఆసక్తిగల విద్యార్థులు స్పాట్‌ రిజిస్ట్రేషన్‌లో పేర్లు నమోదు చేసుకోవచ్చు. * కొరియోనైట్‌ ఈవెంట్‌లో నృత్యరంగంలో ప్రావీణ్యంగల విద్యార్థులు పాల్గొని ప్రతిభను చాటుతారు. ప్రముఖ కొరియోగ్రాఫర్‌ వేలుకుమార్‌ సెల్వరాజన్‌ న్యాయనిర్ణేతగా హాజరవుతారు. * ఈవెంట్‌లో సంగీత నేపథ్య గాయకులు తమ ప్రతిభను చాటవచ్చు. ఇందులో లలితసంగీతం, శాస్త్రీయ, జానపద, వెస్ట్రన్‌ పాటలు పాడుతారు. ఐడల్‌ ఈవెంట్‌కు టాక్సీవాలా, డీ-16 చిత్రాలకు సంగీత దర్శకుడుగా పనిచేసిన జాక్స్‌బేజాయిలు న్యాయనిర్ణేతగా హాజరవుతారు. * అల్యూర్‌షో ఈవెంట్‌లో భాగంగా డిజైనింగ్‌ అంశంపై విద్యార్థులు పోటీపడతారు. ప్రముఖ ఫ్యాషన్‌ డిజైనర్‌ తేజేశ్వర్‌రాజవాత్‌ న్యాయనిర్ణేతగా హాజరవుతున్నారు. వీటితోపాటు వార్‌ఆఫ్‌డీజే, నుక్కడ్‌నటాక్‌, గేండోం, డైరెక్టర్స్‌కట్‌ తదితర ఈవెంట్లు జరగనున్నాయి.
ప్రోషోలు ఇవీ...
వసంతోత్సవంలో ప్రోషోలకు ప్రాధాన్యం ఉంటుంది. విద్యార్థులు పెద్ద సంఖ్యలో వీటిలో పాల్గొని సంతోషం వ్యక్తం చేస్తారు. కళాక్షేత్ర ఫెస్ట్‌లో మార్చి 15వ తేదీ రాత్రి ప్రముఖ బాలీవుడ్‌ సింగర్‌ నకాశ్‌అజీజ్‌లు పాల్గొని తన గానంతో విద్యార్థులను మంత్రముగ్ధులను చేయనున్నారు. 16వ తేదీ రాత్రి హిందీరాక్‌ బ్యాండ్‌ బృందంతో బాలీవుడ్‌ గాన కచేరీ ఉంటుంది. 17వ తేదీ రాత్రి దూకుడు, బిజినెస్‌మ్యాన్‌, తొలి ప్రేమ, రేసుగుర్రం వంటి ప్రముఖ తెలుగు చిత్రాలకు సంగీత దర్శకత్వం వహించిన ప్రముఖ తెలుగు సినీసంగీత దర్శకుడు ఎస్‌.ఎస్‌.తమన్‌ హాజరై విద్యార్థులను తన గానంతో విద్యార్థులను మంత్రముగ్ధులను చేయనున్నారు.
సామాజిక మేల్కొలుపు కార్యక్రమాలు
కళాక్షేత్రలో భాగంగా విద్యార్థులు పలు సేవాకార్యక్రమాలకు శ్రీకారం చుడుతున్నారు. ప్రభుత్వ పాఠశాలలో సాంస్కృతిక కార్యక్రమాలు చేపట్టి వారికి చేయూతను అందించడం, గ్రామాలలో ఉచిత వైద్య శిబిరాలు నిర్వహించడంవంటి కార్యక్రమాలు చేపడుతున్నారు. ‘షేర్‌ఫుడ్‌-షేర్‌జాయ్‌’ అనే నినాదంతో వృథాగా పడేసి ఆహార పదార్ధాలను సేకరించి మరొకరి ఆకలి తీర్చడం వంటి పలు కార్యక్రమాలు చేపడుతున్నారు. గతంలోనూ నిట్‌ విద్యార్థులు పలు సామాజిక సేవా కార్యక్రమాలు చేపట్టిన విధంగా ఈ ఏడాది ఫెస్ట్‌లోనూ నిర్వహిస్తున్నారు.

ఎట్టకేలకు రసాయనశాస్త్రం పీహెచ్‌డీ ప్రవేశాల షెడ్యూల్‌
కేయూ క్యాంపస్, న్యూస్‌టుడే: కాకతీయ విశ్వవిద్యాలయం రసాయనశాస్త్రంలో ప్రవేశాల కోసం ఎట్టకేలకు షెడ్యూల్‌ వెల్లడైంది. ప్రవేశాల కోసం మార్చి 25 నుంచి 27 వరకు క్యాంపస్‌లోని సైన్సెస్‌ డీన్‌ కార్యాలయంలో ఇంటర్య్వూలు నిర్వహించన్నుట్లు సైన్సెస్‌ డీన్, భౌతికశాస్త్రం సీనియర్‌ ఆచార్యులు జి.గంగాధర్‌రెడ్డి ఒక ప్రకటనలో తెలిపారు. కేయూ రసాయనశాస్త్రంలో 2017లో పీహెచ్‌డీ ప్రవేశాల కోసం కేయూ పరీక్షల అధికారులు పరీక్షను నిర్వహించారు. ఈ కోర్సుతో పాటు మిగతా 37 కోర్సుల్లో కూడ పరీక్షలు జరిగాయి. వీటి ఫలితాలను ఆదే ఏడాది ఆగస్టులో వెల్లడించారు. అప్పుడు రసాయనశాస్త్రం ఫలితాలు కూడా వెలువడ్డాయి. 2018లో జనవరిలో అన్ని కోర్సులతో పాటుగా ఈ కోర్సులో కూడా ఇంటర్వ్యూలు నిర్వహించనున్నట్లు షెడ్యూల్‌ను ప్రకటించారు. గతేడాది ఫిబ్రవరిలో జరగాల్సిన ఇంటర్వ్యూలు ఆఖరు నిమిషంలో వాయిదా వేశారు. రసాయనశాస్త్రం పీహెచ్‌డీ ప్రవేశపరీక్షలో అర్హత సాధించిన అర్హులైన వారికి ఇప్పటికే సమాచారాన్ని అందించినట్లు గంగాధర్‌రెడ్డి తెలిపారు. అభ్యర్థులు తమ అసలు ధ్రువీకరణ పత్రాలను, నిర్దేశించిన ఫీజులను, పీహెచ్‌డీకు సంబంధించిన అన్ని పత్రాలతో సకాలంలో హాజరు కావాలని వివరించారు.

కేయూ భౌతికశాస్త్రంలో జాతీయ సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం భౌతికశాస్త్రంలో మార్చి 15, 16 తేదీల్లో రెండు రోజుల జాతీయ కార్యశాలను నిర్వహించనున్నట్లు సదస్సు కన్వీనర్, కేయూ భౌతికశాస్త్రం ఆచార్యులు బి.వెంకట్రాంరెడ్డి, కార్యనిర్వాహక కార్యదర్శి డాక్టర్‌ సీజే.శ్రీలత ఒక సంయుక్త ప్రకనటలో తెలిపారు. 15వ తేదీ ఉదయం 10 గంటలకు విభాగం సెమినార్‌ హాల్లో కేయూ ఉపకులపతి ఆచార్య ఆర్‌.సాయన్న సదస్సును ప్రారంభించి ముఖ్య అతిథిగా పాల్గొంటారని వివరించారు.

14న కేయూలో వినియోగదారుల సదస్సు
కేయూ క్యాంపస్, న్యూస్‌టుడే: అంతర్జాతీయ వినియోగదారుల దినోత్సవాన్ని పురస్కరించుకొని మార్చి 14న కాకతీయ విశ్వవిద్యాలయం చరిత్ర విభాగం సెమినార్‌ హాల్లో వినియోగదారుల అవగాహన సదస్సును నిర్వహించనున్నట్లు ఓరుగల్లు వినియోగదారుల పరిరక్షణ మండలి నిర్వాహకులు ఒక ప్రకటనలో తెలిపారు. ఉదయం 10 గంటలకు సదస్సు ప్రారంభమవుతుందన్నారు. ముఖ్య అతిథిగా కేయూ దూరవిద్యాకేంద్రం సంచాలకులు ఆచార్య జి.వీరన్న హాజరౌతారని తెలిపారు.

ఆంగ్లభాష శిక్షణకు దరఖాస్తుల గడువు 30
కేయూ క్యాంపస్, న్యూస్‌టుడే: కాకతీయ విశ్వవిద్యాలయం సెంటర్‌ ఫర్‌ ఇంగ్లిష్‌ లాంగ్వేజ్‌ ట్రైనింగ్‌(సెల్ట్‌) వారు అందిస్తున్న ఆంగ్లభాష శిక్షణకు హాజరు కాగోరు అభ్యర్థులు తమ దరఖాస్తులను మార్చి 30వ తేదీలోగా అందజేయాలని సెల్ట్‌ సంచాలకులు, కేయూ ఆంగ్లం సీనియర్‌ ఆచార్యలు వూరè …శ్రీనివాస్‌ ఒక ప్రకటనలో తెలిపారు. క్యాంపస్‌లోని ఆంగ్లవిభాగంలో దరఖాస్తులను సమర్పించాలని పేర్కొన్నారు. రూ.1200లు చెల్లించి ప్రవేశాలు పొందవచ్చునని తెలిపారు. కోర్సు ఇన్‌ స్పోకెన్‌ ఇంగ్లిష్, ఇంగ్లిష్‌ ఫర్‌ కాంపిటీటివ్‌ ఎగ్జామ్స్‌లలో తరగతులు ఉంటాయని వివరించారు. ప్రవేశాలు పొందిన వారికి ఏప్రిల్‌ 1వ తేదీ నుంచి తరగతులు ప్రారంభమవుతాయని స్పష్టం చేశారు. ఉదమం 6 గంటల నుంచి 7 గంటల వరకు, సాయంత్రం 5 గంటల నుంచి 6.30 గంటల వరకు క్యాంపస్‌లోని ఆంగ్లవిభాగంలో తరగతులను నిర్వహిస్తామని శ్రీనివాస్‌ తెలిపారు. పూర్తవివరాలను ఆంగ్ల విభాగం నుంచి తెలుసుకోవచ్చునని తెలిపారు.

29 నుంచి కేయూ జాతీయ సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం రసాయనశాస్త్ర విభాగంలో మార్చి 29, 30 తేదీల్లో జాతీయ సదస్సు జరుగుతుందని కేయూ ఉపకులపతి ఆచార్య ఆర్‌.సాయన్న చెప్పారు. అడ్వాన్సెస్‌ ఇన్‌ కెమికల్‌ రిసెర్చ్‌ అనే అంశంపై రెండు రోజుల పాటు చర్చజరుగుతందని అన్నారు. రసాయనశాస్త్రం వారు రూపొందించిన సదస్సుకు సంబంధించిన గోడపత్రికలను ఆయన మార్చి 11న తన నివాసంలో ఆవిష్కరించారు. ఈ కార్యక్రమంలో కేయూ రిజిస్ట్రార్‌ ఆచార్య కె.పురుషోత్తం, రసాయనశాస్త్రం శాఖాధిపతి డాక్టర్‌ జి.హన్మంతు, సదస్సు కన్వీనర్‌ డాక్టర్‌ జి.బ్రహ్మేశ్వరి తదితరులు పాల్గొన్నారు.

జంతుశాస్త్రంలో 28, 29 తేదీల్లో జాతీయ సదస్సు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం జంతుశాస్త్ర విభాగంలో మార్చి 28, 29 తేదీల్లో జాతీయ సదస్సును నిర్వహించనున్నట్లు ఆవిభాగం అధిపతి డాక్టర్‌ ఈసం నారాయణ, సదస్సు నిర్వాహణ కార్యదర్శి డాక్టర్‌ జి.రాజేందర్‌లు చెప్పారు. ఈ సదస్సుకు సంబంధించిన కరపత్రాలను మార్చి 11న కేయూ ఉపకులపతి ఆచార్య ఆర్‌.సాయన్న విడుదల చేసినట్లు తెలిపారు. వాతావరణంలో వస్తున్న మార్పులు అనే అంశంపై సదస్సు ఉంటుందని వివరించారు. పలు విశ్వవిద్యాలయాల నుంచి అధ్యాపకులు, పరిశోధకులు పరిశోధనాపత్రాలను సమర్పిస్తారని తెలిపారు.

సార్వత్రిక డిగ్రీ ప్రవేశాలకు గడువు 28
జనగామ అర్బన్‌, న్యూస్‌టుడే: డాక్టర్‌ బి.ఆర్‌.అంబేడ్కర్‌ సార్వత్రిక విశ్వవిద్యాలయంలో డిగ్రీ అభ్యసించేందుకు అర్హత పరీక్ష నోటిఫికేషన్‌ విడుదలైందని, ఆన్‌లైన్‌లో దరఖాస్తు చేసుకునేందుకు మార్చి 28 వరకు గడువు ఉందని జనగామ స్టడీ సెంటర్‌ కోఆర్డినేటర్‌ కలువల శ్రీనివాస్‌ మార్చి 8న‌ ఒక ప్రకటనలో తెలిపారు. బీఏ, బీకాం, బీఎస్సీ కోర్సుల్లో చదివేందుకు విశ్వవిద్యాలయం అవకాశం కల్పించిందని, ఇంటర్‌ పాసై, 2019 జూలై 1 నాటికి 18 ఏళ్లు నిండిన వారు ప్రవేశం పొందవచ్చన్నారు. వివరాలకు 73829 29687 నంబర్‌ను సంప్రదించాలని సూచించారు.

కేయూ పీజీ కోర్సుల పరీక్ష ఫీజు గడువు
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న పీజీ కోర్సుల్లో పరీక్షల ఫీజుల చెల్లింపు తేదీలను మార్చి 6న ప్రకటించారు. కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎం.సురేఖలు ఫీజు చెల్లింపు వివరాలను తెలిపారు. ఎంఏ, ఎంకాం, ఎంఎస్సీ కోర్సుల్లో అన్ని సబ్జెక్ట్‌ల నాలుగో సెమిస్టర్‌ విద్యార్థులు ఎలాంటి ఆలస్యపు రుసుంలేకుండా మార్చి 18వ తేదీలోగా చెల్లించుకోవచ్చు. రూ.250ల ఆసల్యపు రుసుంతో మార్చి 22 వరకు ఫీజులను స్వీకరిస్తామని స్పష్టం చేశారు. ఏప్రిల్‌లో పరీక్షలు ఉంటాయన్నారు. విద్యార్థులు తమ సంబంధిత కళాశాలల్లో ఫీజులను చెల్లించాలని అధికారులు తెలిపారు.

కేయూ న్యాయశాస్త్రం కోర్సుల పరీక్షల షెడ్యూల్‌ విడుదల
కేయూ క్యాంపస్, న్యూస్‌టుడే: కాకతీయ విశ్వవిద్యాలయం వారు అందిస్తున్న న్యాయశాస్త్రం కోర్సుల్లో పరీక్షల షెడ్యూల్‌ విడుదలైంది. మార్చి 1న కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌లు షెడ్యూల్‌ను విడుదల చేశారు.
* ఎల్‌ఎల్‌బీ మూడేళ్ల ప్రథమ సెమిస్టర్‌ పరీక్షలు మార్చి 13, 15, 18, 20, 22వ తేదీల్లో మధ్యాహ్నం 2 గంటల నుంచి సాయంత్రం 5 గంటల వరకు జరుగుతాయి.
* ఎల్‌ఎల్‌బీ ఐదేళ్ల కోర్సు ప్రథమ సెమిస్టర్‌ పరీక్షలు మార్చి 12, 14, 16, 19 తేదీల్లో, ఐదవ సెమిస్టర్‌ వారికి మార్చి 13, 15, 18, 20, 22 తేదీల్లో 2 గంటల నుంచి 5 గంటల వరకు పరీక్షలు ఉంటాయి.
* ఎల్‌ఎల్‌ఎం ప్రథమ సెమిస్టర్‌ విద్యార్థులకు మార్చి 12, 14, 16 తేదీల్లో మధ్యాహ్నం 2 గంటల నుంచి సాయంత్రం 5 గంటల వరకు పరీక్షలను నిర్వహించనున్నట్లు అధికారులు తెలిపారు.

కేవీలో ప్రవేశానికి దరఖాస్తుల ఆహ్వానం
కాజీపేట రూరల్, న్యూస్‌టుడే: కాజీపేట మండలం కడిపికొండలోని కేంద్రియ విద్యాలయంలో 2019-20వ విద్యా సంవత్సరానికి గాను 1వ ఆపై తరగతుల్లో ప్రవేశాని కోసం దరఖాస్తులు ఆహ్వానిస్తున్నట్లు ప్రిన్సిపల్‌ బి.జయలక్ష్మి ఫిబ్ర‌వ‌రి 28న‌ ఒక ప్రకటనలో తెలిపారు. 1వ తరగతికి నేటి నుంచి మార్చి 19 లోపు ఆన్‌లైన్‌లో దరఖాస్తు చేసుకోవాలన్నారు. రెండో తరగతి నుంచి 10వ తరగతిలో దరఖాస్తు కోసం ఏప్రిల్‌ 2 నుంచి 9 లోపు సాయంత్రం 4 గంటల వరకు ఆఖరు గడువుగా ప్రిన్సిపల్‌ పేర్కొన్నారు. ఇది కూడా ఆయా తరగతుల్లో ఖాళీలు ఏర్పడినప్పుడు మాత్రమే ప్రవేశం పొందడానికి అవకాశం ఉంటుందన్నారు. కేంద్రియ నిబంధనల ప్రకారం అభ్యర్థి వయసు మార్చి 31, 2019ని ప్రమాణికంగా తీసుకోనున్నట్లు పేర్కొన్నారు.

జాతీయ సదస్సు బ్రోచర్‌ ఆవిష్కరణ
కేయూ క్యాంపస్, న్యూస్‌టుడే: కాకతీయ విశ్వవిద్యాలయంలో అన్ని విభాగాల్లో జాతీయ సదస్సులను నిర్వహించాలని కేయూ ఉపకులపతి ఆచార్య ఆర్‌.సాయన్న చెప్పారు. ఇందు కోసం యూజీసీకి ప్రతిపాదనలు పంపిస్తే ఆర్థిక‌ సహకారం లభిస్తుందన్నారు. కేయూ దూరవిద్యాకేంద్రం, సైకాలజీ విభాగ వారు సంయుక్తంగా మార్చి 16, 17 తేదీల్లో నిర్వహించే జాతీయ సదస్సుకు సంబంధించిన బ్రోచర్‌ను వీసీ అధికారులు, ఆచార్యులతో కలిసి ఫిబ్రవరి 6న ఆవిష్కరించారు. ఈ సందర్భంగా వీసీ ప్రసంగిస్తూ సదస్సుల వల్ల విద్యార్థి, పరిశోధక వర్గాలతో పాటుగా అధ్యాపకులలకు పలు ప్రయోజనాలు ఉంటాయన్నారు.

డిగ్రీ అర్హత పరీక్షకు దరఖాస్తుల ఆహ్వానం
సుబేదారి, న్యూస్‌టుడే: డాక్టర్‌ బీఆర్‌ అంబేడ్కర్‌ ఓపెన్‌ విశ్వవిద్యాలయంలో డిగ్రీలో చేర‌డానికి అర్హత పరీక్షకు మార్చి 28లోపు దరఖాస్తు చేసుకోవాలని వరంగల్‌ రీజినల్‌ కోఆర్డినేటర్‌ డాక్టర్‌ వై.వెంకటేశ్వర్లు ఒక ప్రకటనలో తెలిపారు. ఎలాంటి విద్యార్హతలు లేనప్పటికీ 18 ఏళ్లు నిండినవారు అర్హత పరీక్ష రాసి ఉత్తీర్ణత సాధిస్తే నేరుగా డిగ్రీలో ప్రవేశాలు కల్పిస్తామన్నారు. పదోతరగతి, ఇంటర్మీడియట్‌; ఐటీఐ పూర్తికాని వారు అర్హత పరీక్షకు దరఖాస్తు చేసుకోవ‌చ్చున‌ని సూచించారు. వివరాలకు సమీపంలోని అధ్యయన కేంద్రాన్ని సంప్రదించాలని తెలిపారు. 0870 - 2511862 నెంబర్‌ను సంప్రదించాలని కోరారు. దరఖాస్తు చేసుకున్న వారికి ఏప్రిల్‌ 28వ తేదీన అర్హత పరీక్ష నిర్వహిస్తామని చెప్పారు. మరిన్ని వివరాలకు అంబేడ్కర్‌ ఓపెన్‌ విశ్వవిద్యాలయం వెబ్‌సైట్ సంప్రదించాలని సూచించారు.
http://www.braouonline.in

ఇన్‌స్పైర్‌ మానక్‌కు 31 తుది గడువు
ఖమ్మం విద్యావిభాగం, న్యూస్‌టుడే: ఇన్‌స్పైర్‌ మానక్‌ 2019-20లో భాగంగా ప్రతి పాఠశాల నుంచి ప్రాజెక్టు రిజిస్ట్రేషన్‌, నామినేషన్లకు జులై 31 తుది గడువు అని జిల్లా విద్యాశాఖాధికారి పి.మదన్‌మోహన్‌ ఒక ప్రకటనలో తెలిపారు. జిల్లాలోని అన్ని యాజమాన్యాల పరిధిలోని పాఠశాలల ప్రధానోపాధ్యాయులు తక్షణమే స్పందించి విద్యార్థి నామినేషన్లను పూర్తి చేయాలని కోరారు. ప్రతి పాఠశాల నుంచి 5 ప్రాజెక్టులు ఐదుగురు విద్యార్థులు(6నుంచి 10తరగతులు), ప్రాథమికోన్నత పాఠశాల నుంచి 2 ప్రాజెక్టులు అప్‌లోడ్‌ చేయాలని, ప్రాజెక్టుల సంక్షిప్త సమాచారం ఎంఎస్‌వర్డ్‌, ఒక ఫొటో, బ్యాంకు ఖాతా సమాచారాన్ని నిర్ణీత గడువులోగా పూర్తి చేయాలని తెలిపారు.

16 నుంచి దరఖాస్తుల పరిశీలన
ఖమ్మం సారథినగర్‌ న్యూస్‌టుడే: అధికారుల బదిలీల కారణంగా నిలిచిన తపాలాశాఖ డాక్‌ సేవక్‌ ఉద్యోగాల అర్హులను నిర్ణయించే దరఖాస్తుల పరిశీలన ప్రక్రియ తిరిగి జులై 16 నుంచి ప్రారంభించేందుకు తపాలాశాఖ అధికారులు రంగం సిద్ధం చేశారు. ఖమ్మం డివిజన్‌ (ఉభయ జిల్లాలు)లో 35 డాక్‌సేవక్‌ ఉద్యోగ ఖాళీల కోసం దరఖాస్తులు ఆహ్వానించారు. వచ్చిన దరఖాస్తుల్లో పదో తరగతి మార్కులు ఎక్కువగా ఉన్న అభ్యర్థులకు నేరుగా నియామక ఉత్తర్వులు అందజేస్తున్నారు. 21 ఉద్యోగాలకు అర్హులను నిర్ణయించే ప్రక్రియ చేపట్టేందుకు రంగం సిద్ధం చేశారు. ఈనెల 16న కలివేరు, కుదుమూరు, పెద్దపల్లి, 17న చింతూరు, చిన్నబీరవల్లి, గుర్రాలపాడు, 18న సిరిపురం, 22న గిద్దవారిగూడెం, బాసిత్‌నగర్‌, 23న కోటపాడు, చంద్రుతండా, జాలిమూడి, 25న కేశవాపురం, పంగిడి, 26న బచ్చువారిగూడెం, 29న ఊటపల్లి, అనంతారం, గణేశుడిపాలెం, 30న గంగదేవునిపాడు, బేతలపాడు, బద్దుతండా కేంద్రాలకు వచ్చిన డాక్‌ సేవక్‌ దరఖాస్తులను పరిశీలిస్తారు. పది మార్కుల ప్రాతిపదికన అర్హులను ఎంపిక చేసి వారి నియామక ఉత్తర్వులను తపాలా ద్వారా అభ్యర్థి ఇచ్చిన చిరునామాకు పంపిస్తారని ఖమ్మం డివిజన్‌ తపాలా ఎస్పీ శ్రీనివాసరావు వివరించారు.

11న ప్రియదర్శినిలో మెగా జాబ్‌ మేళా
ఖమ్మం విద్యావిభాగం, న్యూస్‌టుడే: ప్రియదర్శిని విద్యాసంస్థలు, ఆలివ్‌ ఫౌండేషన్‌ వారి ఆధ్వర్యంలో ఉమ్మడి జిల్లాలోని నిరుద్యోగ యువతకు ఉపాధి అవకాశాలు కల్పించటంలో భాగంగా జులై 11న ప్రియదర్శిని ఇనిస్టిట్యూట్‌ ఆఫ్‌ సైన్స్‌ అండ్‌ టెక్నాలజి ఫర్‌ఉమెన్‌ కళాశాలలో మెగా జాబ్‌మేళా నిర్వహించనున్నట్లు ప్రియదర్శిని విద్యాసంస్థల అధినేత కాటేపల్లి నవీన్‌బాబు తెలిపారు. జులై 6న‌ ఖమ్మం నగరంలోని ప్రియదర్శిని డిగ్రీ కళాశాలలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రముఖ కంపెనీలలో సీనియర్‌ ఆఫీసర్‌ ఉద్యోగాలకు ఇంటర్వ్యూలు నిర్వహిస్తున్నట్లు చెప్పారు. ఆసక్తిగల వారు అదేరోజు ఉదయం ప్రియదర్శిని మహిళా ఇంజినీరింగ్‌ కళాశాలలో బయోడేటా, సర్టిఫికెట్లతో ఆధార్‌కార్డు జిరాక్స్‌తో హాజరు కావాలన్నారు.

17 నుంచి సార్వత్రిక డిగ్రీ తరగతులు
ఖమ్మం విద్యావిభాగం, న్యూస్‌టుడే: డాక్టర్‌ బీఆర్‌ అంబేడ్కర్‌ సార్వత్రిక విశ్వవిద్యాలయం డిగ్రీ కోర్సులో ప్రవేశం పొంది మొదటి సంవత్సరం విద్యను అభ్యసించే విద్యార్థులకు ద్వితీయ సెమిస్టర్‌ కాంట్రాక్టు తరగతులు మార్చి 17వ తేదీ నుంచి నిర్వహించనున్నట్లు ఖమ్మం ప్రాంతీయ అధ్యయన కేంద్రం సహాయసంచాలకురాలు డాక్టర్‌.ఏ.రమాదేవి ఒక ప్రకటనలో తెలిపారు. ఈ తరగతులు ఉదయం 9గంటల నుంచి సాయంత్రం 5గంటల వరకు నిర్వహిస్తారు. కౌన్సిలర్స్, విద్యార్థులు క్రమం తప్పకుండా హాజరు కావాలని కోరారు. ఇతర వివరాలకు 08742-227871 లేదా 7382929607 నెంబర్లను సంప్రదించాలని సూచించారు.

ఉమ్మడి ఖమ్మం జిల్లాకు 10 బీసీ గురుకులాలు
* అసెంబ్లీ నియోజకవర్గానికి ఒకటి
* పక్కా భవనాల కోసం అధికారుల వెతుకులాట

ఖమ్మం సంక్షేమవిభాగం, న్యూస్‌టుడే: గురుకుల విద్యను ప్రొత్సహించేందుకు కేసీఆర్‌ ప్రభుత్వం రాష్ట్ర వ్యాప్తంగా నియోజకవర్గానికి ఒకటి చొప్పున 118 బీసీ గురుకులాలను వచ్చే విద్యాసంవత్సరంలో ఏర్పాటు చేయనుంది. పూర్వ ఖమ్మం జిల్లాలో మొత్తం 10 గురుకులాలను మంజూరు చేశారు. వీటిని ఏర్పాటు చేసేందుకు జిల్లా బీసీ గురుకుల అధికారులు ప్రణాళికలు సిద్ధం చేస్తున్నారు. ఖమ్మం, భద్రాద్రి కొత్తగూడెం జిల్లాల్లో ఇప్పటికే వీటి ఏర్పాటుకు అనువైన భవనాలను గుర్తించేందుకు క్షేత్రస్థాయి పర్యటనలు చేస్తున్నారు. నియోజకవర్గాల పరిధిలోని ఎమ్మెల్యేల అనుమతితో వీటిని ఏర్పాటు చేయనున్నారు. సమాజంలోని వెనుకబడిన తరగతుల వర్గాలకి నాణ్యమైన విద్యను అందించేందుకు వీటిని ఏర్పాటు చేస్తున్నారు. గతంలో గురుకుల పాఠశాలలు ఉన్నప్పటికీ అదనంగా వీటిని మంజూరు చేశారు.
రెండే సొంత భవనాలు
ఉమ్మడి ఖమ్మం జిల్లాలో ఇప్పటికే 14 బీసీ గురుకులాలున్నాయి. ఖమ్మం జిల్లాలో 9, భద్రాద్రి కొత్తగూడెం జిల్లాలో 5 ఉన్నాయి. వీటిలో బోనకల్లు బాలుర, లంకపల్లి బాలికల వసతిగృహాలకు మాత్రమే సొంత భవనాలున్నాయి. ఇవి కూడా శిథిలావస్థకు చేరుకున్నాయి. మిగిలిన 12 గురుకులాలకు సొంత భవనాలు లేక అద్దె భవనాల్లో నిర్వహిస్తున్నారు. వీటిలో కూడా అద్దె భవనాలు సరిగా దొరక్క ఉండాల్సిన ప్రదేశంలో కాకుండా పక్క మండలాల్లో, కొన్ని పక్క నియోజవకర్గాల్లో నిర్వహించాల్సిన దుస్థితి ఉంది. ఇక కొత్తగా మంజూరైన 10 గురుకులాలకు కూడా అద్దె భవనాలే దిక్కు కానున్నాయి. ఇప్పటికే అద్దె భవనాలను గుర్తించే పనిలో జిల్లా అధికారులు నిమగ్నమయ్యారు.
5, 6 తరగతుల్లో ప్రవేశాలు
నూతనంగా మంజూరైన గురుకులాల్లో 5, 6 తరగతుల్లో ప్రవేశాలకు ఇప్పటికే నోటిఫికేషన్‌ ఇచ్చారు. ఏప్రిల్‌ 21న 5వ తరగతికి, 30న 6వ తరగతికి ప్రవేశపరీక్ష నిర్వహించనున్నారు. రానున్న రోజుల్లో తరగతుల ఉన్నతీకరణ జరుగుతుంది.
కొత్తగా మంజూరైన గురుకులాలు
* ఖమ్మంలో బాలుర గురుకులాలు - ఖమ్మం, పాలేరు, మధిర, వైరా
* బాలికలు - సత్తుపల్లి భద్రాద్రి కొత్తగూడెం జిల్లాలో
* బాలుర గురుకులాలు - ఇల్లెందు, అశ్వారావుపేట, భద్రాచలం
* బాలికల గురుకులాలు - పినపాక, కొత్తగూడెం.
అద్దె భవనాలు చూస్తున్నాం: బ్రహ్మాచారి, బీసీ గురుకులాల ప్రాంతీయ సమన్వయాధికారి
కొత్తగా మంజూరైన 10 గురుకులాలను వచ్చే విద్యా సంవత్సరం నుంచి ప్రారంభించేందుకు అన్ని ఏర్పాట్లను పూర్తి చేశాం. అద్దె భవనాలు కూడా చూస్తున్నాం. జిల్లా పాలనాధికారి అనుమతి కోసం ఎదురు చూస్తున్నాం. అనుమతులు రాగానే మిగిలిన పనులు పూర్తి చేస్తాం.

అనుమతి తీసుకున్న ప్రతి అభ్యర్థికి పరీక్షలు: సీపీ
ఖమ్మం నేరవిభాగం, న్యూస్‌టుడే: వివిధ కారణాలతో ముందస్తుగా అనుమతి పొందిన ప్రతి అభ్యర్థికి దేహదారుఢ్య పరీక్షలు నిర్వహిస్తామని ఖమ్మం పోలీసు కమిషనర్‌ తఫ్సీర్‌ ఇక్బాల్‌ తెలిపారు. ఖమ్మం పరేడ్‌ మైదానంలో పోలీసు ఉద్యోగాల ఎంపికలు కొనసాగుతున్నాయి. ఈ పరీక్షలకు వెయ్యి మందికిగాను 752 మంది హాజరయ్యారు. మిగిలిన 229 మంది గైర్హాజరుకాగా వారిలో 13 మంది అనారోగ్య సమస్యలతో అనుమతి తీసుకున్నారు. పోలీసు కమిషనర్‌ స్వయంగా పరీక్షలను పర్యవేక్షిస్తూ ఎటువంటి అసౌకర్యం కలగకుండా జాగ్రత్తలు తీసుకున్నారు. సీసీ కెమెరాల పర్యవేక్షణలో పరీక్షలు కొనసాగుతున్నాయని, ఎలాంటి అపోహలకు తావులేదన్నారు. సాంకేతిక పరిజ్ఞానాన్ని వినియోగిస్తూ ఫలితాలను పొందుపరుస్తున్నామని చెప్పారు. పరీక్షలకు హాజరైన వారిలో ముగ్గురు అభ్యర్థులు 800 మీటర్ల పరుగులో అర్హత కోల్పోయి అభ్యర్థించగా సీసీ ఫుటేజీ రికార్డు ద్వారా వారికి నివృత్తి చేశారు. అదనపు డీసీపీ మురళీధర్‌, శ్యాంసుందర్‌, ఏసీపీలు వెంకట్రావు, సత్యనారాయణ, విజయ్‌బాబు పాల్గొన్నారు.

బ్రాంచి పోస్టుమాస్టర్ల ఉద్యోగాలకు దరఖాస్తుల ఆహ్వానం
అశ్వారావుపేట, న్యూస్‌టుడే: తపాలా శాఖలో బ్రాంచి పోస్టుమాస్టర్ల ఉద్యోగాలకు దరఖాస్తులు ఆహ్వానిస్తున్నట్లు ఎస్‌పీఎం డీబీవీ సురేష్‌కుమార్‌ తెలిపారు. స్థానిక ఉపతపాలా కార్యాలయంలో ఫిబ్ర‌వ‌రి 23న‌ విలేకరులతో మాట్లాడుతూ ఉమ్మడి ఖమ్మం జిల్లా వ్యాప్తంగా 38 గ్రామాల్లో బ్రాంచి తపాలా కార్యాలయాల్లో బ్రాంచి పోస్టుమాస్టర్ల కోసం ఎస్‌పీ ఫణిప్రసాద్‌ ఆదేశాల మేరకు దరఖాస్తులు ఆహ్వానించినట్లు తెలిపారు. పదోతరగతి ఉత్తీర్ణులై, కంప్యూటర్‌ పరిజ్ఞానం ఉంటే దరఖాస్తు చేయొచ్చని తెలిపారు. అశ్వారావుపేట మండలంలో అచ్యుతాపురం, బచ్చువారిగూడెం, ఊట్లపల్లి బ్రాంచి తపాలా కార్యాలయాల్లో బ్రాంచి పోస్టుమాస్టర్ల పోస్టులు ఖాళీగా ఉన్నాయని చెప్పారు. మార్చి 14 లోపు దరఖాస్తులు ఆన్‌లైన్‌ద్వారా పంపాలని తెలిపారు.

ఆదర్శ పాఠశాలల్లో 6 - 10 ప్రవేశాలు
* 28 వరకు దరఖాస్తులు స్వీకరణ
ఖమ్మం నగరపాలకం, న్యూస్‌టుడే: గ్రామీణ ప్రాంత విద్యార్థులకు నాణ్యతతో కూడిన బోధన అందించేందుకు 2013లో పూర్వ ఖ‌మ్మం జిల్లాలో రెండు ఆదర్శ పాఠశాలలు స్థాపించారు. ఖమ్మం జిల్లాలోని పెనుబల్లి మండలం టేకులపల్లి గ్రామంలో, కారేపల్లి మండలాల్లో ఈ పాఠశాలలను ఏర్పాటుచేశారు. ఆరోతరగతిలో వంద సీట్లు, 7 - 10వ తరగతి వరకు ఖాళీ ఉన్న సీట్లలో విద్యార్థినీవిద్యార్థులకు ప్రవేశాలు కల్పిస్తారు.
ప్రత్యేక వసతులు
పాఠశాలలకు సొంత భవనాలు ఏర్పాటు చేయడంతోపాటు విద్యార్థినులకు మెరుగైన సౌకర్యాలు కల్పిస్తారు. ఉచితంగా పాఠ్యపుస్తకాలు, విశాలమైన తరగతి గదులు, కార్పొరేట్‌ స్థాయిలో ఆంగ్ల మాధ్యమ తరగతులు, పాఠ్యాంశాల వారీగా ప్రయోగశాలలు, కంప్యూటర్‌ విద్య అందుబాటులో ఉంది.
రాతపరీక్ష ....
తెలుగ, ఆంగ్ల మాధ్యమాల్లో వంద మార్కులకు ప్రశ్నపత్రం ఉంటుంది. ఐదో తరగతి సామర్థ్యానికి అనుగుణంగా తెలుగు, గణితం, పరిసరాల విజ్ఞానం, ఆంగ్ల పాఠ్యాంశాలపై 25మార్కులు చొప్పున ఐచ్ఛిక తరహాలో ప్రశ్నలు ఇస్తారు. వీటిలో వచ్చిన మార్కుల ఆధారంగా ప్రవేశానికి అవకాశం కల్పిస్తారు.
ఆన్‌లైన్‌ దరఖాస్తులు...
6 - 10వ తరగతి వరకు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది. ఇందుకోసం ఆధార్‌కార్డ్‌, స్టడీ సర్టిఫికెట్‌, కుల, ఆదాయ ధ్రువీకరణపత్రాలు అందుబాటులో ఉంచుకోవాలి. సాధారణ విద్యార్థులకు రూ.100, ఎస్సీ, ఎస్టీ, బీసీ విద్యార్థులకు రూ.50 ఫీజు చెల్లించాల్సి ఉంటుంది. ఫిబ్ర‌వ‌రి 28లోగా విద్యార్థులు ఆన్‌లైన్‌లో దరఖాస్తు చేసుకోవాలి. ఏప్రిల్‌ 13న ప్రవేశ పరీక్ష నిర్వహిస్తారు. ఆరోతరగతి ప్రవేశాలకు ఉదయం పది గంటల నుంచి 12గంటలకు, ఏడు నుంచి పదోతరగతి ప్రవేశాలకు మధ్యాహ్నం 2 నుంచి నాలుగు గంటలకు జిల్లా కేంద్రంలో ఏర్పాటుచేసిన కేంద్రాల్లో పరీక్షలు నిర్వహిస్తారు.

కేంద్రీయ విద్యాలయాల్లో 1వ తరగతిలో నేటి నుంచి ప్రవేశాలు
* ఆన్‌లైన్‌లో ద‌ర‌ఖాస్తుల‌కు 19 వరకు గడువు
న్యూస్‌టుడే, జ్యోతినగర్‌: కేంద్ర మానవ వనరుల అభివృద్ధి శాఖ ఆధ్వర్యంలో నిర్వహిస్తున్న కేంద్రీయ విద్యాలయాలు ప్రతిభకు వేదికగా నిలుస్తున్నాయి. ఈ పాఠశాలల్లో 2019-20 విద్యా సంవత్సరానికి గాను ఒకటో తరగతిలో ప్రవేశాలకు మార్చి 1 నుంచి ఆన్‌లైన్‌లో దరఖాస్తులు స్వీకరిస్తున్నారు. మార్చి 19 వరకు దరఖాస్తులు స్వీకరించనున్నారు.
సీబీఎస్‌ఈ సిలబస్‌ విధానంలో బోధన సాగించే విద్యాలయంలో కేంద్ర, రాష్ట్ర ప్రభుత్వ ఉద్యోగుల పిల్లలకు ప్రత్యేక ప్రాధాన్యం ఇస్తున్నారు. నామమాత్రపు ఫీజుతో బోధన సాగుతోంది. అంతేకాకుండా విద్యా హక్కు చట్టం ప్రకారం ప్రవేశాలు కల్పించి కేంద్రీయ సంఘటన్‌ ఉచిత విద్యను అందించనుంది. 5 సంవత్సరాల నుంచి 7 సంవత్సరాల వయసున్న చిన్నారులకు ఒకటో తరగతిలో ప్రవేశాలు తీసుకోనున్నారు. మార్చి 19 వరకు దరఖాస్తు గడువుండగా, మొదటి జాబితాను 26న ప్రకటిస్తారు. ఏప్రిల్‌ 2 నుంచి 9వ తేదీ వరకు 6వ తరగతిలో ప్రవేశాలకు దరఖాస్తులు స్వీకరిస్తారు.
ప్రవేశాలు కల్పిస్తారిలా..
సీబీఎస్‌ఈ విధానంలో 1వ తరగతి నుంచి 12వ తరగతి వరకు బోధన ఉంటుంది. ఒకటో తరగతికి 40 సీట్లు, 6వ తరగతికి 40 సీట్లు భర్తీ చేయనున్నారు. రెండో తరగతి నుంచి 11వ తరగతి వరకు ఖాళీలను బట్టి కొత్త విద్యార్థులకు ప్రవేశాలుంటాయి. కేంద్ర ప్రభుత్వ ఉద్యోగులు, మాజీ సైనిక ఉద్యోగుల పిల్లలకు మొదటి ప్రాధాన్యం ఉంటుంది. రాష్ట్ర ప్రభుత్వ ఉద్యోగుల పిల్లలను రెండో ప్రాధాన్యతగా తీసుకుంటారు. రాష్ట్ర ప్రభుత్వ అనుబంధ సంస్థల ఉద్యోగుల పిల్లలకు(ఆర్టీసీ, ఎన్‌పీడీసీఎల్‌) మూడో ప్రాధాన్యత కింద ప్రవేశాలు కల్పిస్తారు. మిగిలిన సీట్లను డ్రా పద్ధతిలో తర్వాత కేటగిరీల చిన్నారులకు ప్రవేశాలుంటాయి. విద్యాలయ ఛైర్మన్‌ అయిన జిల్లా పాలనాధికారి లేదా స్థానిక పరిశ్రమ అధికారి కోటా కింద మరో రెండు సీట్లను ప్రతిపాదిస్తారు. లోక్‌సభ లేదా రాజ్యసభ్యుడి కోటా కింద 10 సీట్లను ప్రతిపాదించవచ్చు.

సార్వత్రిక డిగ్రీ అర్హత పరీక్ష గడువు మార్చి 28
శాతవాహన విశ్వవిద్యాలయం, న్యూస్‌టుడే: డాక్టర్‌ బి.ఆర్‌ అంబేడ్కర్‌ సార్వత్రిక విశ్వవిద్యాలయం 2019-20 విద్యా సంవత్సరం డిగ్రీలో ప్రవేశానికి నిర్వ‌హించే అర్హత పరీక్షకు దరఖాస్తు గడువు మార్చి 28 వరకు ఉందని ప్రాంతీయ సమన్వయకేంద్రం సహాయ సంచాలకులు డాక్టర్‌ రాజేందర్‌ రెడ్డి తెలిపారు. ఆసక్తి గల వారు ఆన్‌లైన్‌లో రూ.300 చెల్లించి దరఖాస్తు చేసుకోవాలని సూచించారు. ఏప్రిల్‌ 28న అర్హత పరీక్ష జరుగుతుందన్నారు.

కళాశాల బదిలీ దరఖాస్తులకు 23 వరకు గడువు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం పరిధిలోని వరంగల్‌, ఖమ్మం, ఆదిలాబాద్‌ జిల్లాల్లోని డిగ్రీ కళాశాలల విద్యార్థులు ఇతర కళాశాలకు బదిలీ కోసం జులై 23వ తేదీలోగా తమ దరఖాస్తులను అందజేయాలని కేయూ రిజిస్ట్రార్‌ ఆచార్య కె.పురుషోత్తం జులై 16న‌ ఒక ప్రకటనలో తెలిపారు. డిగ్రీ రెండో, ఆఖరు సంవత్సరాల విద్యార్థులు పున:ప్రవేశాల కోసం కూడా దరఖాస్తు చేస్తుకోవచ్చన్నారు. కళాశాలల బదిలీల కోసం రూ.వెయ్యి, పునఃప్రవేశాల కోసం రూ.1500 ఫీజు చెల్లించాల్సి ఉంటుందన్నారు. కేయూ రిజిస్ట్రార్‌ కార్యాలయంలో దరఖాస్తులు లభిస్తాయని పేర్కొన్నారు. పూర్తి చేసిన దరఖాస్తును రిజిస్ట్రార్‌ కార్యాలయంలో సమర్పించాలని పురుషోత్తం తెలిపారు. ఈమేరకు డిగ్రీ కళాశాలల ప్రధానాచార్యులు విద్యార్థులకు సమాచారాన్ని పంపించాలని తెలిపారు.

19 నుంచి కేయూ దూరవిద్య పీజీ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం దూర విద్యాకేంద్రం పీజీ పరీక్షలు జులై 19 నుంచి ప్రారంభించనున్నట్లు వర్సిటీ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్య జులై 16న‌ ఒక సంయుక్త ప్రకటనలో తెలిపారు. ఉదయం 9 నుంచి మధ్యాహ్నం 12 గంటల వరకు పరీక్షలను నిర్వహిస్తామని వివరించారు. పరీక్షలకు ఒక రోజు ముందు నుంచి తమకు కేటాయించిన పరీక్ష కేంద్రాల్లో హాల్‌ టికెట్లను పొందవచ్చని దూర విద్యాకేంద్రం సంచాలకులు ఆచార్య జి.వీరన్న మరొక ప్రకటనలో తెలిపారు. ఈమేరకు పరీక్షల షెడ్యూల్‌ను అధికారులు విడుదల చేశారు.
జులై 19, 21, 23, 25, 27 తేదీల్లో ప్రథమ సంవత్సరం, 20, 22, 24, 26, 28 తేదీల్లో ద్వితీయ సంవత్సరం విద్యార్థులకు పరీక్షలు ఉంటాయన్నారు. ఎంఏ తెలుగు, ఆంగ్లం, హిందీ, ఉర్దూ, సంస్కృతం, ప్రభుత్వ పాలనాశాస్త్రం, చరిత్ర, ఆర్థశాస్త్రం, రాజనీతిశాస్త్రం, సమాజశాస్త్రం, రూరల్‌ డెవలప్‌మెంట్‌, ఎంహెచ్‌ఆర్‌ఎం, ఎమ్మెస్సీ గణితం, ఎంకాం, ఎల్‌ఎల్‌ఎం విద్యార్థులకు పరీక్షలు ఉంటాయని అధికారులు వివరించారు.

17 నుంచి దూరవిద్య కోర్సుల ప్రయోగ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం దూర విద్యాకేంద్రం అందిస్తున్న పలు కోర్సుల విద్యార్థులకు జులై 17 నుంచి ప్రయోగ పరీక్షలు నిర్వహిస్తున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్య జులై 16న‌ ఒక సంయుక్త ప్రకటనలో తెలిపారు. ఎమ్మెస్సీ సైకాలజీ ఆఖరు సంవత్సరం, పీజీడీసీఏ ప్రథమ, రెండో సెమిస్టర్‌లలో ఈ పరీక్షలు ఉంటాయన్నారు. దూరవిద్యాకేంద్రంలోనే పరీక్షలు నిర్వహిస్తున్నట్లు కేంద్రం సంచాలకులు ఆచార్య జి.వీరన్న మరొక ప్రకటనలో తెలిపారు. పరీక్షల వివరాలను వెల్లడించారు.
● జులై 17, 18, 19, 20, 21, 22 తేదీల్లో ఎమ్మెస్సీ సైకాలజీ, 17, 18 తేదీల్లో పీజీడీసీఏ ప్రథమ, 18, 19 తేదీల్లో పీజీడీసీఏ రెండో సెమిస్టర్‌ విద్యార్థులకు పరీక్షలు ఉంటాయన్నారు. దూర విద్యాకేంద్రంలో ఉదయం 9 గంటల నుంచి సాయంత్రం 5 గంటల వరకు బ్యాచులవారీగా పరీక్షలు నిర్వహిస్తామని అధికారులు పేర్కొన్నారు.

ఆగస్టు 5 నుంచి ఎంఫిల్‌ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం ఎంఫిల్‌ కోర్సు విద్యార్థులకు ఆగస్టు 5వ తేదీ నుంచి పార్ట్‌-1 పరీక్షలను నిర్వహించనున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారిణి డాక్టర్‌ ఎం.సురేఖ జులై 16న‌ ఒక ప్రకటనలో తెలిపారు. అర్థశాస్త్రం, తెలుగు, రాజనీతిశాస్త్రం, ఆంగ్లం, ప్రభుత్వపాలనాశాస్త్రం, ఎడ్యుకేషన్‌, వాణిజ్యశాస్త్రం, చరిత్ర, సమాజశాస్త్రం, ఎంహెచ్‌ఆర్‌ఎంలలో పరీక్షలు ఉంటాయన్నారు. 5వ తేదీన కామన్‌ పేపర్‌, 7వ తేదీన ప్రత్యేక అంశం పేపర్‌ పరీక్షలను నిర్వహించనున్నట్లు స్పష్టం చేశారు. కేయూ క్యాంపస్‌లోని వాణిజ్య శాస్త్ర కళాశాలలో అభ్యర్థులకు పరీక్ష కేంద్రాలను కేటాయించినట్లు అధికారులు తెలిపారు. మధ్యాహ్నం 2 నుంచి సాయంత్రం 5 గంటల వరకు పరీక్షలు నిర్వహించనున్నట్లు తెలిపారు. తమ సంబంధిత కళాశాలల నుంచి హాల్‌టికెట్లను పొందవచ్చన్నారు.

16న ప్రభుత్వ ఐటీఐలో ఉద్యోగమేళా
జులైవాడ, న్యూస్‌టుడే: నిర్మాణరంగంలో ఉన్న ఎల్‌బీటీ సంస్థ ఆధ్వర్యంలో జులై 16న హన్మకొండ ములుగు రోడ్డులోని ప్రభుత్వ ఐటీఐ (బాలురు)లో ఉద్యోగ మేళా నిర్వహిస్తున్నట్లు ఐటీఐ ప్రధానాచార్యులు జుమ్లానాయక్‌ జులై 14న‌ ఒక ప్రకటనలో తెలిపారు. ఉద్యోగ మేళాలో ఎంపికైన వారికి కంచీపురం, చెన్నైలలో మూడు నెలల పాటు శిక్షణ ఇచ్చి నెలకు రూ.11వేల చొప్పున వేతనం చెల్లిస్తారన్నారు. అభ్యర్థులు ఐటీఐలో ఎలక్ట్రీషియన్‌, ఫిట్టర్‌, డ్రాఫ్ట్స్‌మెన్‌ సివిల్‌, వెల్డర్‌ కోర్సు చేసి ఉండాలన్నారు. 18 నుంచి 35 ఏళ్లలోపు వయసు కలిగిన వారు అర్హులన్నారు. కేవలం పురుషులు మాత్రమే పాల్గొనాలని ఈ అవకాశాన్ని ఆసక్తి కలిగిన నిరుద్యోగ యువకులు వినియోగించుకోవాలని కోరారు.

13న నిరుద్యోగులకు ఉద్యోగమేళా
జులైవాడ, న్యూస్‌టుడే : ఉమ్మడి వరంగల్‌ జిల్లాలోని నిరుద్యోగ యువతకు ప్రైవేటు రంగంలో ఉద్యోగాలు కల్పించేందుకు జులై 13న ములుగురోడ్డులోని ఉపాధి కార్యాలయంలో ఉద్యోగ మేళా నిర్వహిస్తున్నట్లు జిల్లా ఉపాధి అధికారి ఎం.మల్లయ్య జులై 10న ఒక ప్రకటనలో తెలిపారు. అపోలో ఫార్మసీ హైదరాబాద్‌లో పని చేయ‌డానికి 230 మందికి ఉద్యోగాలు అందించుటకు ఈ జాబ్‌ మేళా నిర్వహిస్తున్నామన్నారు. 10వ తరగతి ఆపైన ఇంటర్మీడియెట్‌, డి.ఫామ్‌, బి.ఫామ్‌, ఎం.ఫామ్‌ చదివిన అభ్యర్థులు హాజరుకావచ్చన్నారు. ఎంపికైన వారికి నెలకు రూ.9 వేల నుంచి 15 వేల వరకు వేతనం అందిస్తారన్నారు. అభ్యర్థుల వయసు 18 నుంచి 35 ఏళ్లలోపు ఉండాలన్నారు. ఆసక్తి కలిగిన అభ్యర్థులు తమ బయోడేటా, విద్యార్హత ధ్రువీకరణపత్రాలతో 13వ తేదీన‌ ఉదయం 10 గంటలకు హాజరుకావాలన్నారు. మరిన్ని వివరాలకు 8247656356 నంబరుకు ఫోన్‌ చేసి తెలుసుకోవాలన్నారు.

అంబేడ్క‌ర్ వ‌ర్సిటీలో దరఖాస్తుల ఆహ్వానం
జనగామ అర్బన్‌, న్యూస్‌టుడే: డా.బి.ఆర్‌.అంబేడ్కర్‌ సార్వత్రిక విశ్వవిద్యాలయంలో డిగ్రీలో ప్రవేశాలు పొందేందుకు రెండోసారి అర్హత పరీక్ష కోసం దరఖాస్తులను ఆహ్వానిస్తున్నట్లు ఏబీవీ కళాశాలలోని అంబేడ్కర్‌ విశ్వవిద్యాలయ స్టడీ సెంటర్‌ కోఆర్డినేటర్‌ కలువల శ్రీనివాస్‌, కళాశాల ప్రిన్సిపల్‌ గుర్రం శ్రీనివాస్‌ జులై 10న సంయుక్త ప్రకటనలో తెలిపారు. 18 ఏళ్లు నిండి ఇంటర్‌, పదో తరగతి, ఐటీఐ, డిప్లొమా ఉత్తీర్ణులు, అనుత్తీర్ణులైన వారు, విద్యార్హతలు లేని వారు కూడా ప్రవేశ పరీక్షకు అర్హులని పేర్కొన్నారు. జులై 24లోపు దరఖాస్తు చేసుకోవాలన్నారు. అర్హత పరీక్ష ఆగస్టు 4న ఉదయం 10 నుంచి 12.30 వరకు ఉంటుందని తెలిపారు. వివరాలకు 73829 29687 నంబర్‌ను సంప్రదించాలని కోరారు.

డిగ్రీలో ప్రవేశాలకు దరఖాస్తుల ఆహ్వానం
జనగామ అర్బన్‌, న్యూస్‌టుడే: జిల్లాలోని పెంబర్తి, రఘునాథపల్లితో పాటు భూపాలపల్లి జిల్లాలోని తెలంగాణ సాంఘిక సంక్షేమ గురుకుల మహిళా డిగ్రీ కళాశాలల్లో ప్రథమ సంవత్సరంలో ప్రవేశాలకు దరఖాస్తులను ఆహ్వానిస్తున్నట్లు పెంబర్తిలోని తెలంగాణ సాంఘిక సంక్షేమ మహిళా డిగ్రీ కళాశాల (వరంగల్‌ తూర్పు) ప్రిన్సిపల్‌ మోహన్‌రెడ్డి ఒక ప్రకటనలో తెలిపారు. ఇందుకు అర్హులైన విద్యార్థులు జులై 13న సంబంధిత కళాశాలలో దరఖాస్తు చేసుకోవాలని, 17న ఆయా కళాశాలల్లో కౌన్సెలింగ్‌ ఉంటుందని తెలిపారు. ఉదయం 10 గంటల లోపు తమ తమ ధ్రువీకరణ పత్రాలతో సంబంధిత కళాశాలకు చేరుకోవాలని సూచించారు. వివరాలకు 94405 65335 నంబర్‌ను సంప్రదించాలన్నారు.

10న మెగా జాబ్‌ మేళా
పాలకుర్తి, న్యూస్‌టుడే: యువత ఉపాధి అవకాశాలను సద్వినియోగం చేసుకోవాలని డీఆర్‌డీవో రాంరెడ్డి అన్నారు. డీఆర్‌డీఏ ఆధ్వర్యంలో జులై 8న‌ పాలకుర్తిలోని ఓ వేడుకల మందిరంలో పాలకుర్తి, దేవరుప్పుల, కొడకండ్ల మండలాలకు చెందిన ప్రజాప్రతినిధులు, అధికారులు, మహిళా సంఘాల ప్రతినిధులతో ఉపాధి అవకాశాలపై అవగాహన సదస్సు నిర్వహించారు. రాంరెడ్డి మాట్లాడుతూ జులై 10న మహబూబాబాద్‌ జిల్లాలోని తొర్రూరులో మెగా జాబ్‌ మేళా నిర్వహిస్తున్నామన్నారు. 53 కంపెనీలు పాల్గొని 5602 ఉద్యోగాలకు అభ్యర్థులను ఎంపిక చేసుకుంటాయన్నారు. రాష్ట్ర గిరిజన సహకార సంస్థ ఛైర్మన్‌ గాంధీనాయక్‌, సోమేశ్వరాలయ ఛైర్మన్‌ రామచంద్రయ్యశర్మ, జడ్పీటీసీ సభ్యుడు శ్రీనివాసరావు, ఎంపీపీ నాగిరెడ్డి, జడ్పీ కోఆప్షన్‌ సభ్యుడు మదార్‌, ఎంపీడీవో అశోక్‌కుమార్‌ తదితరులు పాల్గొన్నారు.

ఆర్ట్స్‌ కళాశాల డిగ్రీ పరీక్ష ఫలితాలు విడుదల
సుబేదారి, న్యూస్‌టుడే: సుబేదారి ఆర్ట్స్‌ కళాశాల (స్వయం ప్రతిపత్తి) 2018 డిగ్రీ ఫలితాలను జులై 8న‌ కళాశాలలో కాకతీయ విశ్వవిద్యాలయం పరీక్షల నియంత్రణ అధికారి ఆచార్య మహేందర్‌రెడ్డి, ప్రిన్సిపల్‌ ఆచార్య బన్న అయిలయ్య విడుదల చేశారు. రెండో, నాలుగో, ఆరో సెమిస్టర్‌ ఫలితాలు వెల్లడించారు. రెండో సెమిస్టర్‌లో 725 మంది హాజరుకాగా 464, నాలుగో సెమిస్టర్‌లో 612 మంది హాజరుకాగా 381, ఆరో సెమిస్టర్‌లో 566 మంది పరీక్షకు హాజరుకాగా 417 మంది ఉత్తీర్ణత సాధించారు. మొత్తంగా 65.29 ఉత్తీర్ణత శాతం నమోదైంది. బీఏ, బీకాం, బీఎస్సీ కోర్సులలో సప్లమెంటరీ సెమిస్టర్‌ (ఒకటో, మూడో, అయిదో) పరీక్షలు రాసిన ఫలితాలను గతంలోనే విడుదల చేశారు. ఈ కార్యక్రమంలో కళాశాల వైస్‌ ప్రిన్సిపల్‌ కె.రాజేందర్‌, ఆర్ట్స్‌ కళాశాల పరీక్షల నియంత్రణాధికారిణి డాక్టర్‌ మమత, సహాయ రిజిస్ట్రార్‌ కిష్టయ్య, అధ్యాపకులు తదితరులు పాల్గొన్నారు.

12 వ‌ర‌కు ఇంటర్‌ ప్రవేశాల గడువు పెంపు
నర్మెట్ట (మద్దూరు), న్యూస్‌టుడే: నర్మెట్ట మండలకేంద్రంలోని ఆదర్శ పాఠశాలలో ఇంటర్మీడియటఫ్‌ ఎంపీసీ, బైపీసీ, సీఈసీ గ్రూపులలో ప్రవేశాలు పొందడానికి గడువు తేదీని పొడిగించినట్లు పాఠశాల ప్రిన్సిపల్‌ అనురాధ జులై 6న‌ ఒక ప్రకటనలో తెలిపారు. ప్రవేశం పొందే విద్యార్థులు మిగిలిన సీట్లకు జులై 7 నుంచి 12 లోపు నేరుగా పాఠశాలలో దరఖాస్తులు సమర్పించాలన్నారు. ఆంగ్ల మాధ్యమంలో నాణ్యమైన విద్యాబోధన చేయడంతోపాటు పరిమితి సంఖ్యలో బాలికలకు పాఠశాలలోనే హాస్టల్‌ వసతిని ఏర్పాటు చేసినట్లు ఆమె తెలిపారు. ఈ అవకాశాన్ని విద్యార్థులు సద్వినియోగం చేసుకోవాలన్నారు. పూర్తి వివరాలకు పాఠశాలలో సంప్రదించాలన్నారు.

మార్చి 15 నుంచి నిట్‌లో కళాక్షేత్ర వసంతోత్సాహం
నిట్‌క్యాంపస్‌, న్యూస్‌టుడే: వరంగల్‌ జాతీయ సాంకేతిక సంస్థ(ఎన్‌ఐటీ) విద్యార్థులు నిర్వహించే వసంతోత్సవం(స్ప్రింగ్‌స్ప్రీ)-19 మూడు రోజులపాటు ఘనంగా నిర్వహించేందుకు అన్ని ఏర్పాట్లు చేస్తున్నట్లు నిట్‌ సంచాలకుడు ఆచార్య ఎన్‌.వీ.రమణారావు తెలిపారు. బుధవారం నిట్‌లో ఏర్పాటు చేసిన మీడియా సమావేశంలో డైరెక్టర్‌ మాట్లాడుతూ.. దేశంలో వైవిధ్యమైన సంస్కృతులను ఒకే వేదికపైకి తీసుకొచ్చే ప్రయత్నంతో ఈ ఏడాది వసంతోత్సవం నిర్వహిస్తున్నట్లు చెప్పారు. విద్యార్థులకు 64 కళలను పరిచయం చేయడమే లక్ష్యంగా వివిధ కళల సంగమంగా భావించి ‘కళాక్షేత్ర’ అనే థీం ఎంపిక చేసినట్లు చెప్పారు. మూడు రోజులపాటు జరిగే వసంతోత్సవంలో వివిధ కళా రంగాలకు చెందిన తెలంగాణలోని ప్రముఖ కళాకారులను సత్కరిస్తున్నట్లు చెప్పారు. విద్యార్థి వ్యవహారాల విభాగం డీన్‌ ఎల్‌ఆర్‌జీ.రెడ్డి మాట్లాడుతూ.. దేశంలోని ప్రతిష్ఠాత్మక సాంకేతిక సంస్థల నుంచి సుమారు 4 వేల మంది విద్యార్థులు వివిధ సాంస్కృతిక అంశాలలో పోటీపడతారని చెప్పారు. గురువారం సాయంత్రం 6 గంటలకు లిటిల్‌ మ్యూజిక్‌ సంగీత నాటక అకాడమీ నిర్వాహకులు రామాచారి కళాక్షేత్ర ఉత్సవాల కర్టన్‌రైజర్‌ చేసి ప్రారంభిస్తారని చెప్పారు. ఈ ఏడాది ఫెస్ట్‌లో భాగంగా ప్రముఖ తెలుగు సినీ సంగీత దర్శకుడు ఎస్‌.ఎస్‌.తమన్‌ ప్రోషోలో ప్రదర్శన ఇవ్వడం ప్రత్యేక ఆకర్షణగా నిలువనుంది. తెలంగాణలోని స్థానిక కళాకారులు మట్టెవాడ అజయ్‌కుమార్‌ (సూక్ష్మచిత్రకారుడు), హరిప్రసాద్‌(పవర్‌లూంవర్క్స్‌), పి.విజయ్‌కిషోర్‌(చిత్రలేఖనం), బీఎం.రెడ్డి(నాటకరంగం), మర్రిగోపాల్‌రెడ్డి (శిల్పకారుడు), ఎం.శ్రీనివాస్‌(శిల్పము)లను వసంతోత్సవం సందర్భంగా సత్కరించనున్నట్లు చెప్పారు. ఈ మీడియా సమావేశంలో ఫ్యాకల్టీ అడ్వైజర్‌ డాక్టర్‌ కె.ఆనందకిషోర్‌, విద్యార్థి సమన్వయకుడు యశ్వంత్‌ తదితరులు పాల్గొన్నారు.
కళాక్షేత్రలో ఈవెంట్లు ఇలా..
స్పాట్‌లైట్‌ ఈవెంట్‌లో భాగంగా సంగీతం, నృత్యం, సాహిత్యం, నాటకం, గేమింగ్‌ తదితర అంశాలపై విద్యార్థులు పోటీపడతారు. ఈ పోటీలలో పాల్గొనేందుకు ఇప్పటికే విద్యార్థులు ఆన్‌లైన్‌లో తమ పేర్లు రిజిస్టర్‌ చేసుకున్నారు. ఆసక్తిగల విద్యార్థులు స్పాట్‌ రిజిస్ట్రేషన్‌లో పేర్లు నమోదు చేసుకోవచ్చు. * కొరియోనైట్‌ ఈవెంట్‌లో నృత్యరంగంలో ప్రావీణ్యంగల విద్యార్థులు పాల్గొని ప్రతిభను చాటుతారు. ప్రముఖ కొరియోగ్రాఫర్‌ వేలుకుమార్‌ సెల్వరాజన్‌ న్యాయనిర్ణేతగా హాజరవుతారు. * ఈవెంట్‌లో సంగీత నేపథ్య గాయకులు తమ ప్రతిభను చాటవచ్చు. ఇందులో లలితసంగీతం, శాస్త్రీయ, జానపద, వెస్ట్రన్‌ పాటలు పాడుతారు. ఐడల్‌ ఈవెంట్‌కు టాక్సీవాలా, డీ-16 చిత్రాలకు సంగీత దర్శకుడుగా పనిచేసిన జాక్స్‌బేజాయిలు న్యాయనిర్ణేతగా హాజరవుతారు. * అల్యూర్‌షో ఈవెంట్‌లో భాగంగా డిజైనింగ్‌ అంశంపై విద్యార్థులు పోటీపడతారు. ప్రముఖ ఫ్యాషన్‌ డిజైనర్‌ తేజేశ్వర్‌రాజవాత్‌ న్యాయనిర్ణేతగా హాజరవుతున్నారు. వీటితోపాటు వార్‌ఆఫ్‌డీజే, నుక్కడ్‌నటాక్‌, గేండోం, డైరెక్టర్స్‌కట్‌ తదితర ఈవెంట్లు జరగనున్నాయి.
ప్రోషోలు ఇవీ...
వసంతోత్సవంలో ప్రోషోలకు ప్రాధాన్యం ఉంటుంది. విద్యార్థులు పెద్ద సంఖ్యలో వీటిలో పాల్గొని సంతోషం వ్యక్తం చేస్తారు. కళాక్షేత్ర ఫెస్ట్‌లో మార్చి 15వ తేదీ రాత్రి ప్రముఖ బాలీవుడ్‌ సింగర్‌ నకాశ్‌అజీజ్‌లు పాల్గొని తన గానంతో విద్యార్థులను మంత్రముగ్ధులను చేయనున్నారు. 16వ తేదీ రాత్రి హిందీరాక్‌ బ్యాండ్‌ బృందంతో బాలీవుడ్‌ గాన కచేరీ ఉంటుంది. 17వ తేదీ రాత్రి దూకుడు, బిజినెస్‌మ్యాన్‌, తొలి ప్రేమ, రేసుగుర్రం వంటి ప్రముఖ తెలుగు చిత్రాలకు సంగీత దర్శకత్వం వహించిన ప్రముఖ తెలుగు సినీసంగీత దర్శకుడు ఎస్‌.ఎస్‌.తమన్‌ హాజరై విద్యార్థులను తన గానంతో విద్యార్థులను మంత్రముగ్ధులను చేయనున్నారు.
సామాజిక మేల్కొలుపు కార్యక్రమాలు
కళాక్షేత్రలో భాగంగా విద్యార్థులు పలు సేవాకార్యక్రమాలకు శ్రీకారం చుడుతున్నారు. ప్రభుత్వ పాఠశాలలో సాంస్కృతిక కార్యక్రమాలు చేపట్టి వారికి చేయూతను అందించడం, గ్రామాలలో ఉచిత వైద్య శిబిరాలు నిర్వహించడంవంటి కార్యక్రమాలు చేపడుతున్నారు. ‘షేర్‌ఫుడ్‌-షేర్‌జాయ్‌’ అనే నినాదంతో వృథాగా పడేసి ఆహార పదార్ధాలను సేకరించి మరొకరి ఆకలి తీర్చడం వంటి పలు కార్యక్రమాలు చేపడుతున్నారు. గతంలోనూ నిట్‌ విద్యార్థులు పలు సామాజిక సేవా కార్యక్రమాలు చేపట్టిన విధంగా ఈ ఏడాది ఫెస్ట్‌లోనూ నిర్వహిస్తున్నారు.

సార్వత్రిక డిగ్రీ ప్రవేశాలకు గడువు 28
జనగామ అర్బన్‌, న్యూస్‌టుడే: డాక్టర్‌ బి.ఆర్‌.అంబేడ్కర్‌ సార్వత్రిక విశ్వవిద్యాలయంలో డిగ్రీ అభ్యసించేందుకు అర్హత పరీక్ష నోటిఫికేషన్‌ విడుదలైందని, ఆన్‌లైన్‌లో దరఖాస్తు చేసుకునేందుకు మార్చి 28 వరకు గడువు ఉందని జనగామ స్టడీ సెంటర్‌ కోఆర్డినేటర్‌ కలువల శ్రీనివాస్‌ మార్చి 8న‌ ఒక ప్రకటనలో తెలిపారు. బీఏ, బీకాం, బీఎస్సీ కోర్సుల్లో చదివేందుకు విశ్వవిద్యాలయం అవకాశం కల్పించిందని, ఇంటర్‌ పాసై, 2019 జూలై 1 నాటికి 18 ఏళ్లు నిండిన వారు ప్రవేశం పొందవచ్చన్నారు. వివరాలకు 73829 29687 నంబర్‌ను సంప్రదించాలని సూచించారు.

12న కేయూలో ప్రాంగణ నియామకాలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం క్యాంపస్‌లోని రసాయనశాస్త్ర విభాగంలో మార్చి 12వ తేదీన ప్రాంగణ నియామకాలు జరుగుతాయని ఆ విభాగం శాఖాధిపతి డాక్టర్‌ జి.హన్మంతు మార్చి 8న‌ ఒక ప్రకటనలో తెలిపారు. విభాగంలో ఉదయం 10 గంటలకు ఎంపిక ప్రక్రియ మొదలవుతుందని వివరించారు. ఎమ్మెస్సీ రసాయనశాస్త్రం నాలుగో సెమిస్టర్‌ విద్యార్థులు మాత్రమే అర్హులని స్పష్టం చేశారు. పదో తరగతి నుంచి పీజీ వరకు 65 శాతం మార్కులు కల్గి ఉండాలని తెలిపారు. హైదరాబాద్‌లోని ప్రయోగాశాలలో ఉద్యోగాల ఎంపిక కోసం రాత, మౌఖిక పరీక్ష ఉంటుందని పేర్కొన్నారు. అర్హులు విభాగంలో పేర్లు నమోదు చేసుకోవాలని తెలిపారు.

న్యాయశాస్త్రం కోర్సుల పరీక్షల షెడ్యూల్‌ విడుదల
కేయూ క్యాంపస్, న్యూస్‌టుడే : కాకతీయ విశ్వవిద్యాలయం వారు అందిస్తున్న న్యాయశాస్త్రం కోర్సుల్లో పరీక్షల షెడ్యూల్‌ విడుదలైంది. శనివారం పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎల్‌పీ.రాజ్‌కుమార్‌ షెడ్యూల్‌ను విడుదల చేశారు.
* ఎల్‌ఎల్‌బీ మూడేళ్ల ప్రథమ సెమిస్టర్‌ పరీక్షలు ఈనెల 13, 15, 18, 20, 22 తేదీల్లో మధ్యాహ్నం 2 గంటల నుంచి సాయంత్రం 5 గంటల వరకు జరుగుతాయి. *ఎల్‌ఎల్‌బీ ఐదేళ్ల కోర్సు ప్రథమ సెమిస్టర్‌ పరీక్షలు ఈనెల 12, 14, 16, 19 తేదీల్లో, ఐదో సెమిస్టర్‌ వారికి మార్చి 13, 15, 18, 20, 22 తేదీల్లో 2 గంటల నుంచి 5 గంటల వరకు పరీక్షలు ఉంటాయి.* ఎల్‌ఎల్‌ఎం ప్రథమ సెమిస్టర్‌ విద్యార్థులకు మార్చి 12, 14, 16 తేదీల్లో మధ్యాహ్నం 2 గంటల నుంచి సాయంత్రం 5 గంటల వరకు పరీక్షలను నిర్వహించనున్నట్లు అధికారులు తెలిపారు. తమ సంబంధిత కళాశాలల నుంచి హాల్‌టికెట్లను పొందవచ్చునని స్పష్టం చేశారు.

డిగ్రీ అర్హత పరీక్షకు దరఖాస్తుల ఆహ్వానం
సుబేదారి, న్యూస్‌టుడే: డాక్టర్‌ బీఆర్‌ అంబేడ్కర్‌ ఓపెన్‌ విశ్వవిద్యాలయంలో డిగ్రీలో చేర‌డానికి అర్హత పరీక్షకు మార్చి 28లోపు దరఖాస్తు చేసుకోవాలని వరంగల్‌ రీజినల్‌ కోఆర్డినేటర్‌ డాక్టర్‌ వై.వెంకటేశ్వర్లు ఒక ప్రకటనలో తెలిపారు. ఎలాంటి విద్యార్హతలు లేనప్పటికీ 18 ఏళ్లు నిండినవారు అర్హత పరీక్ష రాసి ఉత్తీర్ణత సాధిస్తే నేరుగా డిగ్రీలో ప్రవేశాలు కల్పిస్తామన్నారు. పదోతరగతి, ఇంటర్మీడియట్‌; ఐటీఐ పూర్తికాని వారు అర్హత పరీక్షకు దరఖాస్తు చేసుకోవ‌చ్చున‌ని సూచించారు. వివరాలకు సమీపంలోని అధ్యయన కేంద్రాన్ని సంప్రదించాలని తెలిపారు. 0870 - 2511862 నెంబర్‌ను సంప్రదించాలని కోరారు. దరఖాస్తు చేసుకున్న వారికి ఏప్రిల్‌ 28వ తేదీన అర్హత పరీక్ష నిర్వహిస్తామని చెప్పారు. మరిన్ని వివరాలకు అంబేడ్కర్‌ ఓపెన్‌ విశ్వవిద్యాలయం వెబ్‌సైట్ సంప్రదించాలని సూచించారు.
http://www.braouonline.in

కళాశాల బదిలీ దరఖాస్తులకు 23 వరకు గడువు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం పరిధిలోని వరంగల్‌, ఖమ్మం, ఆదిలాబాద్‌ జిల్లాల్లోని డిగ్రీ కళాశాలల విద్యార్థులు ఇతర కళాశాలకు బదిలీ కోసం జులై 23వ తేదీలోగా తమ దరఖాస్తులను అందజేయాలని కేయూ రిజిస్ట్రార్‌ ఆచార్య కె.పురుషోత్తం జులై 16న‌ ఒక ప్రకటనలో తెలిపారు. డిగ్రీ రెండో, ఆఖరు సంవత్సరాల విద్యార్థులు పున:ప్రవేశాల కోసం కూడా దరఖాస్తు చేస్తుకోవచ్చన్నారు. కళాశాలల బదిలీల కోసం రూ.వెయ్యి, పునఃప్రవేశాల కోసం రూ.1500 ఫీజు చెల్లించాల్సి ఉంటుందన్నారు. కేయూ రిజిస్ట్రార్‌ కార్యాలయంలో దరఖాస్తులు లభిస్తాయని పేర్కొన్నారు. పూర్తి చేసిన దరఖాస్తును రిజిస్ట్రార్‌ కార్యాలయంలో సమర్పించాలని పురుషోత్తం తెలిపారు. ఈమేరకు డిగ్రీ కళాశాలల ప్రధానాచార్యులు విద్యార్థులకు సమాచారాన్ని పంపించాలని తెలిపారు.

19 నుంచి కేయూ దూరవిద్య పీజీ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం దూర విద్యాకేంద్రం పీజీ పరీక్షలు జులై 19 నుంచి ప్రారంభించనున్నట్లు వర్సిటీ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్య జులై 16న‌ ఒక సంయుక్త ప్రకటనలో తెలిపారు. ఉదయం 9 నుంచి మధ్యాహ్నం 12 గంటల వరకు పరీక్షలను నిర్వహిస్తామని వివరించారు. పరీక్షలకు ఒక రోజు ముందు నుంచి తమకు కేటాయించిన పరీక్ష కేంద్రాల్లో హాల్‌ టికెట్లను పొందవచ్చని దూర విద్యాకేంద్రం సంచాలకులు ఆచార్య జి.వీరన్న మరొక ప్రకటనలో తెలిపారు. ఈమేరకు పరీక్షల షెడ్యూల్‌ను అధికారులు విడుదల చేశారు.
జులై 19, 21, 23, 25, 27 తేదీల్లో ప్రథమ సంవత్సరం, 20, 22, 24, 26, 28 తేదీల్లో ద్వితీయ సంవత్సరం విద్యార్థులకు పరీక్షలు ఉంటాయన్నారు. ఎంఏ తెలుగు, ఆంగ్లం, హిందీ, ఉర్దూ, సంస్కృతం, ప్రభుత్వ పాలనాశాస్త్రం, చరిత్ర, ఆర్థశాస్త్రం, రాజనీతిశాస్త్రం, సమాజశాస్త్రం, రూరల్‌ డెవలప్‌మెంట్‌, ఎంహెచ్‌ఆర్‌ఎం, ఎమ్మెస్సీ గణితం, ఎంకాం, ఎల్‌ఎల్‌ఎం విద్యార్థులకు పరీక్షలు ఉంటాయని అధికారులు వివరించారు.

17 నుంచి దూరవిద్య కోర్సుల ప్రయోగ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం దూర విద్యాకేంద్రం అందిస్తున్న పలు కోర్సుల విద్యార్థులకు జులై 17 నుంచి ప్రయోగ పరీక్షలు నిర్వహిస్తున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్య జులై 16న‌ ఒక సంయుక్త ప్రకటనలో తెలిపారు. ఎమ్మెస్సీ సైకాలజీ ఆఖరు సంవత్సరం, పీజీడీసీఏ ప్రథమ, రెండో సెమిస్టర్‌లలో ఈ పరీక్షలు ఉంటాయన్నారు. దూరవిద్యాకేంద్రంలోనే పరీక్షలు నిర్వహిస్తున్నట్లు కేంద్రం సంచాలకులు ఆచార్య జి.వీరన్న మరొక ప్రకటనలో తెలిపారు. పరీక్షల వివరాలను వెల్లడించారు.
● జులై 17, 18, 19, 20, 21, 22 తేదీల్లో ఎమ్మెస్సీ సైకాలజీ, 17, 18 తేదీల్లో పీజీడీసీఏ ప్రథమ, 18, 19 తేదీల్లో పీజీడీసీఏ రెండో సెమిస్టర్‌ విద్యార్థులకు పరీక్షలు ఉంటాయన్నారు. దూర విద్యాకేంద్రంలో ఉదయం 9 గంటల నుంచి సాయంత్రం 5 గంటల వరకు బ్యాచులవారీగా పరీక్షలు నిర్వహిస్తామని అధికారులు పేర్కొన్నారు.

ఆగస్టు 5 నుంచి ఎంఫిల్‌ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం ఎంఫిల్‌ కోర్సు విద్యార్థులకు ఆగస్టు 5వ తేదీ నుంచి పార్ట్‌-1 పరీక్షలను నిర్వహించనున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారిణి డాక్టర్‌ ఎం.సురేఖ జులై 16న‌ ఒక ప్రకటనలో తెలిపారు. అర్థశాస్త్రం, తెలుగు, రాజనీతిశాస్త్రం, ఆంగ్లం, ప్రభుత్వపాలనాశాస్త్రం, ఎడ్యుకేషన్‌, వాణిజ్యశాస్త్రం, చరిత్ర, సమాజశాస్త్రం, ఎంహెచ్‌ఆర్‌ఎంలలో పరీక్షలు ఉంటాయన్నారు. 5వ తేదీన కామన్‌ పేపర్‌, 7వ తేదీన ప్రత్యేక అంశం పేపర్‌ పరీక్షలను నిర్వహించనున్నట్లు స్పష్టం చేశారు. కేయూ క్యాంపస్‌లోని వాణిజ్య శాస్త్ర కళాశాలలో అభ్యర్థులకు పరీక్ష కేంద్రాలను కేటాయించినట్లు అధికారులు తెలిపారు. మధ్యాహ్నం 2 నుంచి సాయంత్రం 5 గంటల వరకు పరీక్షలు నిర్వహించనున్నట్లు తెలిపారు. తమ సంబంధిత కళాశాలల నుంచి హాల్‌టికెట్లను పొందవచ్చన్నారు.

16న ప్రభుత్వ ఐటీఐలో ఉద్యోగమేళా
జులైవాడ, న్యూస్‌టుడే: నిర్మాణరంగంలో ఉన్న ఎల్‌బీటీ సంస్థ ఆధ్వర్యంలో జులై 16న హన్మకొండ ములుగు రోడ్డులోని ప్రభుత్వ ఐటీఐ (బాలురు)లో ఉద్యోగ మేళా నిర్వహిస్తున్నట్లు ఐటీఐ ప్రధానాచార్యులు జుమ్లానాయక్‌ జులై 14న‌ ఒక ప్రకటనలో తెలిపారు. ఉద్యోగ మేళాలో ఎంపికైన వారికి కంచీపురం, చెన్నైలలో మూడు నెలల పాటు శిక్షణ ఇచ్చి నెలకు రూ.11వేల చొప్పున వేతనం చెల్లిస్తారన్నారు. అభ్యర్థులు ఐటీఐలో ఎలక్ట్రీషియన్‌, ఫిట్టర్‌, డ్రాఫ్ట్స్‌మెన్‌ సివిల్‌, వెల్డర్‌ కోర్సు చేసి ఉండాలన్నారు. 18 నుంచి 35 ఏళ్లలోపు వయసు కలిగిన వారు అర్హులన్నారు. కేవలం పురుషులు మాత్రమే పాల్గొనాలని ఈ అవకాశాన్ని ఆసక్తి కలిగిన నిరుద్యోగ యువకులు వినియోగించుకోవాలని కోరారు.

13న నిరుద్యోగులకు ఉద్యోగమేళా
జులైవాడ, న్యూస్‌టుడే : ఉమ్మడి వరంగల్‌ జిల్లాలోని నిరుద్యోగ యువతకు ప్రైవేటు రంగంలో ఉద్యోగాలు కల్పించేందుకు జులై 13న ములుగురోడ్డులోని ఉపాధి కార్యాలయంలో ఉద్యోగ మేళా నిర్వహిస్తున్నట్లు జిల్లా ఉపాధి అధికారి ఎం.మల్లయ్య జులై 10న ఒక ప్రకటనలో తెలిపారు. అపోలో ఫార్మసీ హైదరాబాద్‌లో పని చేయ‌డానికి 230 మందికి ఉద్యోగాలు అందించుటకు ఈ జాబ్‌ మేళా నిర్వహిస్తున్నామన్నారు. 10వ తరగతి ఆపైన ఇంటర్మీడియెట్‌, డి.ఫామ్‌, బి.ఫామ్‌, ఎం.ఫామ్‌ చదివిన అభ్యర్థులు హాజరుకావచ్చన్నారు. ఎంపికైన వారికి నెలకు రూ.9 వేల నుంచి 15 వేల వరకు వేతనం అందిస్తారన్నారు. అభ్యర్థుల వయసు 18 నుంచి 35 ఏళ్లలోపు ఉండాలన్నారు. ఆసక్తి కలిగిన అభ్యర్థులు తమ బయోడేటా, విద్యార్హత ధ్రువీకరణపత్రాలతో 13వ తేదీన‌ ఉదయం 10 గంటలకు హాజరుకావాలన్నారు. మరిన్ని వివరాలకు 8247656356 నంబరుకు ఫోన్‌ చేసి తెలుసుకోవాలన్నారు.

అతిథి అధ్యాపకుల భర్తీకి దరఖాస్తుల ఆహ్వానం
భూపాలపల్లి, న్యూస్‌టుడే: జయశంకర్‌ జిల్లాలోని పలు ప్రభుత్వ జూనియర్‌ కళాశాలల్లో ఖాళీగా ఉన్న అతిథి అధ్యాపకులు (గెస్ట్‌ ఫ్యాకల్టీ) నియామకాల కోసం దరఖాస్తులు జులై14వ తేదీ వరకు చేసుకోవచ్చని జిల్లా నోడల్‌ అధికారి బి.వెంకన్న జులై 6న‌ ఒక ప్రకటనలో తెలిపారు. కలెక్టర్‌, ఇంటర్‌ విద్యాధికారి ఆధ్వర్యంలోనే నియామకాలు జరుగుతాయని, ఆయా సబ్జెక్టులలో 50 శాతానికి పైబడి మార్కులు సాధించిన వారే అర్హులు. ఆసక్తి కలిగిన అభ్యర్థులు వెబ్‌ సైట్‌ ద్వారా ఆన్‌లైన్‌లోనే దరఖాస్తులు చేసుకోవాలన్నారు. ఖాళీగా ఉన్న పోస్టులు.. గణితం సబ్జెక్టులో రెండు, ఫిజిక్స్‌ ఒకటి, కెమిస్ట్రీ రెండు, ఇంగ్లిష్‌ ఒకటి, బాటనీ ఒకటి, జువాలజీ మూడు, తెలుగు ఒకటి, హిస్టరీ ఒక పోస్టు ఖాళీగా ఉన్నాయని ఆయన తెలిపారు.

12 వ‌ర‌కు ఇంటర్‌ ప్రవేశాల గడువు పెంపు
నర్మెట్ట (మద్దూరు), న్యూస్‌టుడే: నర్మెట్ట మండలకేంద్రంలోని ఆదర్శ పాఠశాలలో ఇంటర్మీడియటఫ్‌ ఎంపీసీ, బైపీసీ, సీఈసీ గ్రూపులలో ప్రవేశాలు పొందడానికి గడువు తేదీని పొడిగించినట్లు పాఠశాల ప్రిన్సిపల్‌ అనురాధ జులై 6న‌ ఒక ప్రకటనలో తెలిపారు. ప్రవేశం పొందే విద్యార్థులు మిగిలిన సీట్లకు జులై 7 నుంచి 12 లోపు నేరుగా పాఠశాలలో దరఖాస్తులు సమర్పించాలన్నారు. ఆంగ్ల మాధ్యమంలో నాణ్యమైన విద్యాబోధన చేయడంతోపాటు పరిమితి సంఖ్యలో బాలికలకు పాఠశాలలోనే హాస్టల్‌ వసతిని ఏర్పాటు చేసినట్లు ఆమె తెలిపారు. ఈ అవకాశాన్ని విద్యార్థులు సద్వినియోగం చేసుకోవాలన్నారు. పూర్తి వివరాలకు పాఠశాలలో సంప్రదించాలన్నారు.

వృత్తి కోర్సులకు దరఖాస్తుల ఆహ్వానం
కోల్‌బెల్ట్‌, న్యూస్‌టుడే: భూపాలపల్లి సింగరేణి ఏరియా సేవా సమితి ఆధ్వర్యంలో నిర్వహించే వృత్తి కోర్సులకు దరఖాస్తులను ఆహ్వానిస్తున్నట్లు శుక్రవారం ఏరియా అధికార ప్రతినిధి రాజేంద్రకుమార్‌ తెలిపారు. జులై 8 నుంచి 13వ తేది వరకు పర్సనల్‌ విభాగంలో దరఖాస్తులు సమర్పించాలని పేర్కొన్నారు. టైలరింగ్‌, ఫ్యాషన్‌ డిజైనింగ్‌, బ్యూటీషియన్‌, మగ్గం వర్క్స్‌, కంప్యూటర్‌ కోర్సులలో శిక్షణ ఇవ్వనున్నట్లు తెలిపారు. ఆసక్తి గల వారు ఈ అవకాశాన్ని సద్వినియోగం చేసుకోవాలని కోరారు.

మార్చి 15 నుంచి నిట్‌లో కళాక్షేత్ర వసంతోత్సాహం
నిట్‌క్యాంపస్‌, న్యూస్‌టుడే: వరంగల్‌ జాతీయ సాంకేతిక సంస్థ(ఎన్‌ఐటీ) విద్యార్థులు నిర్వహించే వసంతోత్సవం(స్ప్రింగ్‌స్ప్రీ)-19 మూడు రోజులపాటు ఘనంగా నిర్వహించేందుకు అన్ని ఏర్పాట్లు చేస్తున్నట్లు నిట్‌ సంచాలకుడు ఆచార్య ఎన్‌.వీ.రమణారావు తెలిపారు. బుధవారం నిట్‌లో ఏర్పాటు చేసిన మీడియా సమావేశంలో డైరెక్టర్‌ మాట్లాడుతూ.. దేశంలో వైవిధ్యమైన సంస్కృతులను ఒకే వేదికపైకి తీసుకొచ్చే ప్రయత్నంతో ఈ ఏడాది వసంతోత్సవం నిర్వహిస్తున్నట్లు చెప్పారు. విద్యార్థులకు 64 కళలను పరిచయం చేయడమే లక్ష్యంగా వివిధ కళల సంగమంగా భావించి ‘కళాక్షేత్ర’ అనే థీం ఎంపిక చేసినట్లు చెప్పారు. మూడు రోజులపాటు జరిగే వసంతోత్సవంలో వివిధ కళా రంగాలకు చెందిన తెలంగాణలోని ప్రముఖ కళాకారులను సత్కరిస్తున్నట్లు చెప్పారు. విద్యార్థి వ్యవహారాల విభాగం డీన్‌ ఎల్‌ఆర్‌జీ.రెడ్డి మాట్లాడుతూ.. దేశంలోని ప్రతిష్ఠాత్మక సాంకేతిక సంస్థల నుంచి సుమారు 4 వేల మంది విద్యార్థులు వివిధ సాంస్కృతిక అంశాలలో పోటీపడతారని చెప్పారు. గురువారం సాయంత్రం 6 గంటలకు లిటిల్‌ మ్యూజిక్‌ సంగీత నాటక అకాడమీ నిర్వాహకులు రామాచారి కళాక్షేత్ర ఉత్సవాల కర్టన్‌రైజర్‌ చేసి ప్రారంభిస్తారని చెప్పారు. ఈ ఏడాది ఫెస్ట్‌లో భాగంగా ప్రముఖ తెలుగు సినీ సంగీత దర్శకుడు ఎస్‌.ఎస్‌.తమన్‌ ప్రోషోలో ప్రదర్శన ఇవ్వడం ప్రత్యేక ఆకర్షణగా నిలువనుంది. తెలంగాణలోని స్థానిక కళాకారులు మట్టెవాడ అజయ్‌కుమార్‌ (సూక్ష్మచిత్రకారుడు), హరిప్రసాద్‌(పవర్‌లూంవర్క్స్‌), పి.విజయ్‌కిషోర్‌(చిత్రలేఖనం), బీఎం.రెడ్డి(నాటకరంగం), మర్రిగోపాల్‌రెడ్డి (శిల్పకారుడు), ఎం.శ్రీనివాస్‌(శిల్పము)లను వసంతోత్సవం సందర్భంగా సత్కరించనున్నట్లు చెప్పారు. ఈ మీడియా సమావేశంలో ఫ్యాకల్టీ అడ్వైజర్‌ డాక్టర్‌ కె.ఆనందకిషోర్‌, విద్యార్థి సమన్వయకుడు యశ్వంత్‌ తదితరులు పాల్గొన్నారు.
కళాక్షేత్రలో ఈవెంట్లు ఇలా..
స్పాట్‌లైట్‌ ఈవెంట్‌లో భాగంగా సంగీతం, నృత్యం, సాహిత్యం, నాటకం, గేమింగ్‌ తదితర అంశాలపై విద్యార్థులు పోటీపడతారు. ఈ పోటీలలో పాల్గొనేందుకు ఇప్పటికే విద్యార్థులు ఆన్‌లైన్‌లో తమ పేర్లు రిజిస్టర్‌ చేసుకున్నారు. ఆసక్తిగల విద్యార్థులు స్పాట్‌ రిజిస్ట్రేషన్‌లో పేర్లు నమోదు చేసుకోవచ్చు. * కొరియోనైట్‌ ఈవెంట్‌లో నృత్యరంగంలో ప్రావీణ్యంగల విద్యార్థులు పాల్గొని ప్రతిభను చాటుతారు. ప్రముఖ కొరియోగ్రాఫర్‌ వేలుకుమార్‌ సెల్వరాజన్‌ న్యాయనిర్ణేతగా హాజరవుతారు. * ఈవెంట్‌లో సంగీత నేపథ్య గాయకులు తమ ప్రతిభను చాటవచ్చు. ఇందులో లలితసంగీతం, శాస్త్రీయ, జానపద, వెస్ట్రన్‌ పాటలు పాడుతారు. ఐడల్‌ ఈవెంట్‌కు టాక్సీవాలా, డీ-16 చిత్రాలకు సంగీత దర్శకుడుగా పనిచేసిన జాక్స్‌బేజాయిలు న్యాయనిర్ణేతగా హాజరవుతారు. * అల్యూర్‌షో ఈవెంట్‌లో భాగంగా డిజైనింగ్‌ అంశంపై విద్యార్థులు పోటీపడతారు. ప్రముఖ ఫ్యాషన్‌ డిజైనర్‌ తేజేశ్వర్‌రాజవాత్‌ న్యాయనిర్ణేతగా హాజరవుతున్నారు. వీటితోపాటు వార్‌ఆఫ్‌డీజే, నుక్కడ్‌నటాక్‌, గేండోం, డైరెక్టర్స్‌కట్‌ తదితర ఈవెంట్లు జరగనున్నాయి.
ప్రోషోలు ఇవీ...
వసంతోత్సవంలో ప్రోషోలకు ప్రాధాన్యం ఉంటుంది. విద్యార్థులు పెద్ద సంఖ్యలో వీటిలో పాల్గొని సంతోషం వ్యక్తం చేస్తారు. కళాక్షేత్ర ఫెస్ట్‌లో మార్చి 15వ తేదీ రాత్రి ప్రముఖ బాలీవుడ్‌ సింగర్‌ నకాశ్‌అజీజ్‌లు పాల్గొని తన గానంతో విద్యార్థులను మంత్రముగ్ధులను చేయనున్నారు. 16వ తేదీ రాత్రి హిందీరాక్‌ బ్యాండ్‌ బృందంతో బాలీవుడ్‌ గాన కచేరీ ఉంటుంది. 17వ తేదీ రాత్రి దూకుడు, బిజినెస్‌మ్యాన్‌, తొలి ప్రేమ, రేసుగుర్రం వంటి ప్రముఖ తెలుగు చిత్రాలకు సంగీత దర్శకత్వం వహించిన ప్రముఖ తెలుగు సినీసంగీత దర్శకుడు ఎస్‌.ఎస్‌.తమన్‌ హాజరై విద్యార్థులను తన గానంతో విద్యార్థులను మంత్రముగ్ధులను చేయనున్నారు.
సామాజిక మేల్కొలుపు కార్యక్రమాలు
కళాక్షేత్రలో భాగంగా విద్యార్థులు పలు సేవాకార్యక్రమాలకు శ్రీకారం చుడుతున్నారు. ప్రభుత్వ పాఠశాలలో సాంస్కృతిక కార్యక్రమాలు చేపట్టి వారికి చేయూతను అందించడం, గ్రామాలలో ఉచిత వైద్య శిబిరాలు నిర్వహించడంవంటి కార్యక్రమాలు చేపడుతున్నారు. ‘షేర్‌ఫుడ్‌-షేర్‌జాయ్‌’ అనే నినాదంతో వృథాగా పడేసి ఆహార పదార్ధాలను సేకరించి మరొకరి ఆకలి తీర్చడం వంటి పలు కార్యక్రమాలు చేపడుతున్నారు. గతంలోనూ నిట్‌ విద్యార్థులు పలు సామాజిక సేవా కార్యక్రమాలు చేపట్టిన విధంగా ఈ ఏడాది ఫెస్ట్‌లోనూ నిర్వహిస్తున్నారు.

సార్వత్రిక డిగ్రీ ప్రవేశాలకు గడువు 28
జనగామ అర్బన్‌, న్యూస్‌టుడే: డాక్టర్‌ బి.ఆర్‌.అంబేడ్కర్‌ సార్వత్రిక విశ్వవిద్యాలయంలో డిగ్రీ అభ్యసించేందుకు అర్హత పరీక్ష నోటిఫికేషన్‌ విడుదలైందని, ఆన్‌లైన్‌లో దరఖాస్తు చేసుకునేందుకు మార్చి 28 వరకు గడువు ఉందని జనగామ స్టడీ సెంటర్‌ కోఆర్డినేటర్‌ కలువల శ్రీనివాస్‌ మార్చి 8న‌ ఒక ప్రకటనలో తెలిపారు. బీఏ, బీకాం, బీఎస్సీ కోర్సుల్లో చదివేందుకు విశ్వవిద్యాలయం అవకాశం కల్పించిందని, ఇంటర్‌ పాసై, 2019 జూలై 1 నాటికి 18 ఏళ్లు నిండిన వారు ప్రవేశం పొందవచ్చన్నారు. వివరాలకు 73829 29687 నంబర్‌ను సంప్రదించాలని సూచించారు.

12న కేయూలో ప్రాంగణ నియామకాలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం క్యాంపస్‌లోని రసాయనశాస్త్ర విభాగంలో మార్చి 12వ తేదీన ప్రాంగణ నియామకాలు జరుగుతాయని ఆ విభాగం శాఖాధిపతి డాక్టర్‌ జి.హన్మంతు మార్చి 8న‌ ఒక ప్రకటనలో తెలిపారు. విభాగంలో ఉదయం 10 గంటలకు ఎంపిక ప్రక్రియ మొదలవుతుందని వివరించారు. ఎమ్మెస్సీ రసాయనశాస్త్రం నాలుగో సెమిస్టర్‌ విద్యార్థులు మాత్రమే అర్హులని స్పష్టం చేశారు. పదో తరగతి నుంచి పీజీ వరకు 65 శాతం మార్కులు కల్గి ఉండాలని తెలిపారు. హైదరాబాద్‌లోని ప్రయోగాశాలలో ఉద్యోగాల ఎంపిక కోసం రాత, మౌఖిక పరీక్ష ఉంటుందని పేర్కొన్నారు. అర్హులు విభాగంలో పేర్లు నమోదు చేసుకోవాలని తెలిపారు.

డిగ్రీ అర్హత పరీక్షకు దరఖాస్తుల ఆహ్వానం
సుబేదారి, న్యూస్‌టుడే: డాక్టర్‌ బీఆర్‌ అంబేడ్కర్‌ ఓపెన్‌ విశ్వవిద్యాలయంలో డిగ్రీలో చేర‌డానికి అర్హత పరీక్షకు మార్చి 28లోపు దరఖాస్తు చేసుకోవాలని వరంగల్‌ రీజినల్‌ కోఆర్డినేటర్‌ డాక్టర్‌ వై.వెంకటేశ్వర్లు ఒక ప్రకటనలో తెలిపారు. ఎలాంటి విద్యార్హతలు లేనప్పటికీ 18 ఏళ్లు నిండినవారు అర్హత పరీక్ష రాసి ఉత్తీర్ణత సాధిస్తే నేరుగా డిగ్రీలో ప్రవేశాలు కల్పిస్తామన్నారు. పదోతరగతి, ఇంటర్మీడియట్‌; ఐటీఐ పూర్తికాని వారు అర్హత పరీక్షకు దరఖాస్తు చేసుకోవ‌చ్చున‌ని సూచించారు. వివరాలకు సమీపంలోని అధ్యయన కేంద్రాన్ని సంప్రదించాలని తెలిపారు. 0870 - 2511862 నెంబర్‌ను సంప్రదించాలని కోరారు. దరఖాస్తు చేసుకున్న వారికి ఏప్రిల్‌ 28వ తేదీన అర్హత పరీక్ష నిర్వహిస్తామని చెప్పారు. మరిన్ని వివరాలకు అంబేడ్కర్‌ ఓపెన్‌ విశ్వవిద్యాలయం వెబ్‌సైట్ సంప్రదించాలని సూచించారు.
http://www.braouonline.in

ఫీజు చెల్లింపు గడువు పెంపు
తెవివి క్యాంపస్‌(డిచ్‌పల్లి): తెవివి పరిధిలోని అనుబంధ డిగ్రీ కళాశాలల బీఏ, బీ.కామ్‌, బీఎస్సీ, బీబీఏ కోర్సుల మొదటి, రెండు, మూడు సంవత్సరాలకు సంబంధించిన బ్యాక్‌లాగ్‌ పరీక్షల రీవాల్యుయేషన్‌, రీకౌంటింగ్‌ ఫీజు చెల్లింపు గడువును జులై 20 తేదీ వరకు పొడిగించినట్లు వర్సిటీ పరీక్షల నియంత్రణాధికారి సంపత్‌కుమార్‌ తెలిపారు. రీవాల్యుయేషన్‌ ఒక్కో పేపర్‌కు రూ.500, రీకౌంటింగ్‌ ఒక్కో పేపర్‌కు రూ.300 చొప్పున చెల్లించాలన్నారు. నమోదు పత్రానికి రూ.25 అదనంగా చెల్లించాల్సి ఉంటుందన్నారు. పూర్తి వివరాలు యూనివర్సిటీ వెబ్‌సైట్లో పొందుపర్చినట్లు ఆయన పేర్కొన్నారు.
http://www.tguniversity.in/

జులై 16న‌ స్పాట్‌ కౌన్సెలింగ్‌
డిచ్‌పల్లి గ్రామీణం, న్యూస్‌టుడే: సాంఘిక సంక్షేమ బాలికలు, బాలుర కళాశాల‌ల్లో(ఇంటర్‌ ఒకేషనల్‌ కోర్సు) మొదటి సంవత్సరంలో సీట్ల భర్తీ కోసం జులై 16న స్పాట్‌ కౌన్సెలింగ్‌ నిర్వహిస్తున్నట్లు కళాశాలల సంస్థ ప్రాంతీయ అధికారి సింధు ఒక ప్రకటనలో తెలిపారు. కంజర(బాలికలు) కళాశాలలో ప్రీ ప్రైమరీ టీచర్‌ ట్రైనింగ్‌-14, ఎల్లారెడ్డి(బాలుర) ఎలక్ట్రికల్‌ టెక్నీషియన్‌-21, ఆర్మూర్‌ రిటైల్‌ మేనేజ్‌మెంట్‌-40 ఖాళీలు ఉన్నాయని వివరించారు. మోపాల్‌ మండలం కంజర గురుకులంలో కౌన్సెలింగ్‌ ఉంటుందని పేర్కొన్నారు. 2019 ఫ్రిబవరి 17న ప్రవేశ పరీక్షకు హాజరైన వారికి ప్రాధాన్యం ఉంటుందని చెప్పారు. విద్యార్థులు అన్ని ధృవపత్రాలతో ఉదయం 9 గంటల నుంచి 11 వరకు రిజిస్ట్రేషన్‌ చేసుకోవాలని, మధ్యాహ్నం 12 తర్వాత కౌన్సెలింగ్‌ మొదలవుతుందని తెలిపారు. పదో తరగతిలో సాధించిన జీపీఏ ఆధారంగా ఖాళీలను భర్తీ చేస్తామన్నారు. అర్హులైన వారు అవకాశాన్ని సద్వినియోగం చేసుకోవాలని సూచించారు.

కౌన్సెలింగ్‌కు హాజరు కావాలి
కంఠేశ్వర్‌, న్యూస్‌టుడే: తెలంగాణ గిరిజన సంక్షేమ మహిళా డిగ్రీ కళాశాలలో ప్రథమ సంవత్సరంలో ప్రవేశానికి జులై 17న రెండో విడత కౌన్సెలింగ్‌ నిర్వహించనున్నట్లు ప్రిన్సిపల్‌ గంగాధర్‌ ఒక ప్రకటనలో తెలిపారు. టీజీయూజీసెట్‌ రాసినవారు, రాయని వారు కూడా అర్హులేనని పేర్కొన్నారు. విద్యార్థినులు నాగారంలోని గొల్లగుట్ట తండాలోని కళాశాలలో హాజరు కావాలన్నారు. మరిన్ని వివరాలకు చరవాణిలో (94403 73460, 90521 42024)సంప్రదించాలని సూచించారు.
ఖాళీల వివరాలు:
ఎంజడ్‌సీ- 21, బీబీఏ- 20, ఎంపీసీఎస్‌- 06, బీజెడ్‌సీ- 1

నాణ్యమైన విద్యకు కేంద్రీయ విద్యాలయాలు
* ఒకటో తరగతిలో ప్రవేశాలకు ప్రకటన
* అంతర్జాలంలో దరఖాస్తులకు ఆహ్వానం
* మార్చి 19 చివరి గడువు

న్యూస్‌టుడే, కంఠేశ్వర్‌: నేటి సమాజంలో విద్యార్థులను భావి భారత పౌరులుగా తీర్చిదిద్దాలంటే.. విద్యతో పాటు అన్ని రంగాల్లో రాణించేలా ఉండాలి. బట్టీ విధానానికి స్వస్తి ప‌లుకుతూ.. ప్రయోగాత్మక విద్యను అందించడానికి కేంద్ర ప్రభుత్వం కేంద్రీయ విద్యాలయాలను ప్రారంభించింది. ఇందులో ఒకటో తరగతి ప్రవేశాలకు తాజాగా ప్రకటనను జారీ చేశారు. ప్రభుత్వ ఉద్యోగుల పిల్లలతో పాటు సాధారణ ప్రజలకు కొన్ని సీట్లు ఉంటాయి.
గతంలో ఈ పాఠశాలల్లో కేవలం ఆర్మీ పిల్లలకు మాత్రమే అవకాశం ఉండేది. కానీ తరువాత విద్యాహక్కు చట్టం కింద కేంద్ర, రాష్ట్ర ప్రభుత్వాలు, వాటి అనుబంధ సంస్థల ఉద్యోగుల పిల్లలకు ప్రవేశాలు కల్పించారు.
సీట్ల భర్తీ
* కేంద్ర ప్రభుత్వ ఉద్యోగులు, మాజీ సైనిక ఉద్యోగుల పిల్లలకు మొదటి ప్రాధాన్యం
* కేంద్ర ప్రభుత్వరంగ అనుబంధ సంస్థల ఉద్యోగుల పిల్లలకు రెండో ప్రాధాన్యం
* రాష్ట్ర ప్రభుత్వ ఉద్యోగుల పిల్లలకు మూడో ప్రాధాన్యం
* రాష్ట్ర ప్రభుత్వ అనుబంధ సంస్థల ఉద్యోగుల పిల్లలకు నాలుగో ప్రాధాన్యం
* ఆర్‌టీఈ కోటా కింద కొన్ని సీట్లు కేటాయిస్తారు.
* కేంద్రీయ విద్యాలయ నిబంధనల మేరకు ఎస్సీలకు 15శాతం, ఎస్టీలకు 7.5శాతం సీట్లను, దివ్యాంగులకు 3శాతం కేటాయిస్తారు.
* లోక్‌సభ, రాజ్యసభ సభ్యులు, విద్యాలయ ఛైర్మన్‌(కలెక్టర్‌) కొన్ని సీట్లను ప్రతిపాదించవచ్చు. వారు ప్రతిపాదించే విద్యార్థులు కేవీ ప్రతిపాదనలకు అనుగుణంగా ఉండాలి.
రుసుం:
* దరఖాస్తు పొందిన విద్యార్థులు రూ.25 ప్రవేశ రుసుం చెల్లించాలి.
* నెలనెలా రూ.500 చెల్లించాల్సి ఉంటుంది. తరగతులు పెరుగుతున్నా కొద్ది రుసుములో స్వల్ప మార్పులు ఉంటాయి.
విద్యాలయ కమిటీ..
ప్రతి కేంద్రీయ విద్యాలయానికి ఒక కమిటీ ఉంటుంది. జిల్లా కేంద్రలోని పాఠశాల సివీలియన్‌ కేంద్రీయ విద్యాలయం కావడంతో దీనికి ఛైర్మన్‌గా కలెక్టర్‌ ఉంటారు. వీరితో పాటు మరో 13 మంది సభ్యులు ఉంటారు. ఇందులో విద్య, వైద్య, సాంస్కృతిక రంగాలకు ఇంజినీరింగ్‌కు చెందిన ప్రముఖులతో పాటు ఇద్దరు విద్యార్థుల తల్లిదండ్రులు (మహిళ, పురుషుడు) ఎస్సీ, ఎస్టీకి చెందిన గ్రేడ్‌ 1 అధికారి, సీనియర్‌ అధ్యాపకుడు, కేంద్ర ప్రభుత్వ ఉద్యోగుల వెల్ఫేర్‌ కమిటీ ఛైర్మన్‌ కమిటీలో ఉంటారు. వీరు సంవత్సరానికి మూడుసార్లు పాఠశాల ప్రగతిపై సమావేశం నిర్వహిస్తారు.
దరఖాస్తు చేసుకోండి ఇలా..
ఈ పాఠశాల జిల్లా కేంద్రంలోని నాగారంలో గల డైట్‌ కళాశాల ప్రాంగణంలో ఉంది. 2019 - 20 విద్యా సంవత్సరానికి ఒకటో తరగతి ప్రవేశాల కోసం అర్హులైన విద్యార్థుల నుంచి ఆన్‌లైన్‌ దరఖాస్తులు స్వీకరిస్తుంది. మార్చి 31వ తేదీ నాటికి 5 - 7 సంవత్సరాల మధ్యలో ఉన్నవారు దరఖాస్తుకు అర్హులు.
* వెబ్‌సైట్‌ ఓపెన్‌ చేసి కుడిచేతివైపు ఉన్న అడ్మిషన్స్‌ 19-20 అప్లై ఆన్‌లైన్‌పై క్లిక్‌ చేయాలి.
* న్యూ రిజిస్ట్రేషన్‌ అనే ఆప్షన్‌ కనిసిస్తుంది. అందులో అడిగిన వివరాలను నమోదుచేయాలి.
* ఇదే వెబ్‌సైట్‌లో కుడిచేతివైపు ఉన్న అడ్మిషన్స్‌ 19-20 ఆన్‌లైన్‌ యాప్‌ అనే లింక్‌ ఉంటుంది. దీన్ని క్లిక్‌ చేయడం వల్ల చరవాణిలో కూడా దరఖాస్తులు నమోదు చేసుకోవచ్చు.
* యాప్‌ ఇన్‌స్టాల్‌ అయిన తరువాత అందులో రిజిస్ట్రేషన్‌ చేసుకోవాల్సి ఉంటుంది.
* దరఖాస్తు కోసం పుట్టిన తేదీ, కులం, నివాసం, వృత్తి ధ్రువీకరణ పత్రాల సమాచారాన్ని పొందుపర్చాలి.
* బీసీలకు ఓబీసీ ధ్రువీకరణ పత్రం తప్పక కలిగిఉండాలి.
* ఏక సంతానం కలవారు కూడా ఆన్‌లైన్‌లోనే దరఖాస్తు చేసుకోవాలి. ఈ కోటాలో సెక్షన్‌కి ఇద్దరి చొప్పున నలుగురికి మాత్రమే అవకాశాలు కల్పిస్తారు.
* మరో సంతానం లేనట్లుగా నోటరీ ద్వారా జారీ చేసిన అఫిడవిట్‌ను అందజేయాలి.
* కవలలకు ఒక్క దరఖాస్తుపైన ఇద్దరికీ అవకాశం.
సీసీఏ విధానంలో బోధన - వెంకటేశ్వర్‌రావు, ప్రిన్సిపల్‌, కేవీ
కేంద్రీయ విద్యాలయాల్లో సీసీఏ విధానంలో విద్యను బోధిస్తాం. విద్యార్థులకు ప్రయోగాత్మకమైన విద్యతో పాటు, ఆంగ్ల, హిందీ భాషపై పట్టు పెరుగుతుంది. క్రీడలు, సాంస్కృతిక ఇతర అంశాల్లో నైపుణ్యాలను పెంపొందిచే అవకాశాలను కల్పిస్తాం. బట్టీ విధానానికి స్వస్తి పలకడమే ఈ పాఠశాల విద్యలో ప్రత్యేకత. విద్యార్థుల్లో నైతిక విలువలు పెంపొందిచేలా అనేక కార్యక్రమాలు నిర్వహిస్తాం.
ఎంపిక విధానం
* అంతర్జాలంలో దరఖాస్తులను పరిశీలించి కేంద్రీయ విద్యాలయ సంఘటన్‌ ఎంపిక జాబితాను విద్యాలయాలకు పంపుతారు. ఈ జాబితాను సంబంధిత వెబ్‌సైట్‌లో ప్రదర్శిస్తారు. జాబితాలో ఉన్నవారు మాత్రమే తమ అసలు ధ్రువీకరణ పత్రాలతో పాఠశాలలో సంప్రదించాలి. ఆన్‌లైన్‌లోనే డ్రా విధానం జరుగుతుంది. కంప్యూటర్‌ ర్యాండంలో ఎంపిక చేస్తుంది.
http://www.kvnizamabad.org/

ఆదర్శ పాఠశాలల్లో ప్రవేశాలు
* జ‌న‌వ‌రి 28 నుంచి ఆన్‌లైన్‌లో దరఖాస్తుల స్వీకరణ
* ఏప్రిల్‌ 13న ప్రవేశ పరీక్ష

కామారెడ్డి పట్టణం, న్యూస్‌టుడే: ఆదర్శ పాఠశాలల్లో ప్రవేశాలకు ప్రకటన విడుదలైంది. ఈ మేరకు పాఠశాల విద్యాశాఖ ఉత్తర్వులు జారీ చేసింది. ఆరో తరగతిలో ప్రవేశాలకు ప్రకటన జారీ చేసింది. 7, 8, 9, 10 తరగతుల్లో మిగిలిపోయిన సీట్లను ప్రవేశ పరీక్ష ద్వారా భర్తీ చేయనున్నారు. ఈ ప‌రీక్ష‌ను జ‌న‌వ‌రి 28 నుంచి ఆన్‌లైన్ ద‌ర‌ఖాస్తులు చోసుకోవాల్సి ఉంటుంది. ప్ర‌వేశ ప‌రీక్ష ఏప్రిల్ 13న నిర్వ‌హించ‌నున్నారు. 2019 - 2020 విద్యా సంవత్సరంలో ప్రవేశాల కోసం విద్యార్థుల నుంచి దరఖాస్తులను ఆహ్వానిస్తోంది.

16 నుంచి పీజీ ద్వితీయ సంవత్సరం పరీక్షలు
ఆదిలాబాద్‌ విద్యావిభాగం, న్యూస్‌టుడే : డా.బీ.ఆర్‌.అంబేడ్కర్‌ సార్వత్రిక విశ్వవిద్యాలయం పరిధిలో పీజీ ద్వితీయ సంవత్సరం స్పెల్‌-2 పరీక్షలు జులై 16 నుంచి ప్రారంభమవుతాయని ప్రాంతీయ సమన్వయ అధ్యయన కేంద్రం సహాయ సంచాలకుడు జి.ఎల్లయ్య ఒక ప్రకటనలో తెలిపారు. మధ్యాహ్నం 2 నుంచి సాయంత్రం 5 గంటల వరకు నిర్వహించే ఈ పరీక్షలకు సంబంధించిన హాల్‌టికెట్లను విశ్వవిద్యాలయం నుంచి తీసుకోవాలని సూచించారు. పరీక్ష ప్రాంగణంలోనికి చరవాణులు తీసుకురాకూడదని, ఇతర వివరాలకు 08732-221016 నెంబర్‌లో సంప్రదించాలని ఆయన కోరారు.
https://www.braouonline.in/

డిగ్రీ అర్హత పరీక్షకు దరఖాస్తులు చేసుకోవాలి
ఆదిలాబాద్‌ విద్యావిభాగం, న్యూస్‌టుడే: డా.బీ.ఆర్‌.అంబేడ్కర్‌ సార్వత్రిక విశ్వవిద్యాలయం పరిధిలో డిగ్రీ మొదటి ఏడాదిలో ప్రవేశానికి రెండోసారి నిర్వహించనున్న అర్హత పరీక్ష కోసం అర్హులైన అభ్యర్థులు దరఖాస్తులు చేసుకోవాలని ప్రాంతీయ సమన్వయ అధ్యయన కేంద్రం సహాయ సంచాలకుడు జి.ఎల్లయ్య ఒక ప్రకటనలో తెలిపారు. బీఏ, బీకాం, బీఎస్సీలో ప్రవేశాల కోసం ఆగస్టు 4వ తేదీన అర్హత పరీక్ష నిర్వహిస్తామని పేర్కొన్నారు. ఉదయం 10గంటల నుంచి మధ్యాహ్నం 12.30గంటల వరకు ఉంటుందని వివరించారు. అభ్యర్థులకు జులై 1నాటికి 18ఏళ్లు నిండి ఉండాలని, ఇంటర్‌ అనుత్తీర్ణులైన విద్యార్థులు కూడా పరీక్ష రాసేందుకు అర్హులని సూచించారు. తెలుగు, ఆంగ్లం, ఉర్ధూ మాధ్యమాల్లో పరీక్ష ఉంటుందని తెలిపారు. అభ్యర్థులు జులై 25వ తేదీ వరకు ఏదేని అంతర్జాల కేంద్రంలో రూ.300 ఫీజు చెల్లించి దరఖాస్తులు చేసుకోవాలని కోరారు. ఇతర వివరాలకు 08732- 221016 నెంబర్‌లో సంప్రదించాలని పేర్కొన్నారు.

వ్యవసాయ కళాశాలకు మోక్షం
* అదనంగా మరో 36 ఎకరాల కేటాయింపు
* తాత్కాలికంగా కేవీకేలో తరగతులు
* ఈ విద్యాసంవత్సరం నుంచే ప్రారంభించేందుకు చర్యలు
* 50 సీట్లు కేటాయించే అవకాశం

ఆదిలాబాద్‌ వ్యవసాయం, న్యూస్‌టుడే: ఆదిలాబాద్‌ జిల్లా కేంద్రంలో ఈ విద్యాసంవత్సరం నుంచే ప్రారంభించేందుకు ఆచార్య జయశంకర్‌ తెలంగాణ రాష్ట్ర వ్యవసాయ విశ్వవిద్యాలయం నిర్ణయించింది. వ్యవసాయ కళాశాల ఏర్పాటు చేసేందుకు వీలుగా 75 ఎకరాల స్థలం కావాలి. కొన్ని నెలలుగా అధికారులు వ్యవసాయ పరిశోధన స్థానం శాస్త్రవేత్తలతో పాటు రెవెన్యూ అధికారులు స్థల సేకరణలో నిమగ్నమయ్యారు. ఎట్టకేలకు బట్టిసావర్‌గావ్‌లో 39 ఎకరాలు, బంగారుగూడలో మరో 36 ఎకరాల ప్రభుత్వ స్థలం ఇచ్చేందుకు జిల్లా యంత్రాంగం ఒప్పుకోవడంతో జిల్లా కేంద్రంలోని వ్యవసాయ పరిశోధనా స్థానంలో ఈ విద్యాసంవత్సరం నుంచే తరగతులను ప్రారంభించాలని విశ్వవిద్యాలయం భావిస్తోంది.
తెలంగాణ రాష్ట్రంలో వ్యవసాయ విశ్వవిద్యాలయం పరిధిలో అయిదు కళాశాలలు ఉన్నాయి. తాజాగా ఈ విద్యాసంవత్సరం నుంచి ఆదిలాబాద్‌లో ప్రారంభించాలని విశ్వవిద్యాలయం భావిస్తోంది. జిల్లా కేంద్రంలో గత ఫిబ్రవరి నెలలో జరిగిన రైతు సమన్వయ సమితుల సమావేశానికి హాజరైన సందర్భంగా ముఖ్యమంత్రి మాట్లాడుతూ జిల్లాలో వ్యవసాయ కళాశాల ఏర్పాటు చేస్తున్నట్లు ప్రకటించారు.. సీఎం ఇచ్చిన హామీ మేరకు విశ్వవిద్యాలయం అధికారులు ఇందుకు అవసరమైన చర్యలు చేపట్టారు. కళాశాల ఏర్పాటుకు 75 ఎకరాల స్థలం కావాలని గతంలోనే జిల్లా పాలనాధికారికి విశ్వవిద్యాలయం లేఖ రాసింది. జిల్లా పాలనాధికారి కార్యాలయానికి కేటాయించిన 39.29 ఎకరాలతో పాటు తాజాగా బంగారుగూడ సమీపంలోని సర్వే నంబర్‌ 46గల 36.20 ఎకరాలు కేటాయించడంతో వ్యవసాయ కళాశాల ఏర్పాటుకు అడ్డంకులు తొలగిపోయాయి.
* ఆదిలాబాద్‌కు 50 సీట్లు
వ్యవసాయ విశ్వవిద్యాలయం పరిధిలోని ఆరు వ్యవసాయ కళాశాలల్లో బీఎస్సీ ఆనర్స్‌ అగ్రికల్చర్‌లో 432 సాధారణ సీట్లు, 75 పేమెంట్‌ సీట్లు ఉన్నాయి. వీటి ప్రకారంగా వీటి ప్రకారంగా కౌన్సెలింగ్‌ నిర్వహించి ఇందులో నుంచి 50 మందిని ఆదిలాబాద్‌ జిల్లాలో ఏర్పాటు చేసే వ్యవసాయ కళాశాలకు కేటాయించాలని భావిస్తున్నారు. కళాశాల భవనం పూర్తయ్యే వరకు ఎక్కడ తరగతులు నిర్వహించాలనే దానిపై ఉన్నతాధికారులు వచ్చి పరిశీలించనున్నారు. ఈ మేరకు తాజాగా విడుదల చేసిన నోటిఫికేషన్‌లో పరోక్షంగా ప్రస్తావించారు. వ్యవసాయ కళాశాల ఏర్పాటుతో రైతులకు, వారి పిల్లలకు కొంత మేలు జరగడంతో పాటు జిల్లా మరింత అభివృద్ధి చెందే అవకాశముంది. కళాశాల ఏర్పాటుతో అవసరమైన శాస్త్రవేత్తలు, అధ్యాపకులు అందుబాటులో ఉంటారు. విద్యార్థులను క్షేత్ర పర్యటనలకు తీసుకెళ్తారు. దీంతో పంటల సాగుపై చర్చలు, పరిశోధనలు జరిగే వీలుంది. కొత్త పంటలు, కొత్త విషయాలు రైతులకు తెలిసే వీలుంది. ప్రస్తుతం పత్తి, సోయా పంటలపై పరిశోధనలు జరుగుతున్నాయి. తాజాగా మెట్టపంటల సాగుపై పరిశోధనకు నిధులు మంజూరయ్యాయి. మరో వైపు కేవీకే, ఏరువాక కేంద్రాల్లో ఇప్పటి వరకు ఖాళీగా ఉన్న అయిదు పోస్టులను శాస్త్రవేత్తలతో భర్తీ చేశారు. కళాశాల ప్రారంభమైతే అన్ని విభాగాలకు చెందిన మరి కొంత మంది శాస్త్రవేత్తలు జిల్లాకు వచ్చే అవకాశముంది.

7న‌ ఫౌండేషన్‌ కోర్సు ప్రవేశ పరీక్ష
శాంతినగర్‌, న్యూస్‌టుడే: ఆదిలాబాద్‌ ఉమ్మడి జిల్లా ఎస్సీ స్టడీసర్కిల్‌ ఆధ్వర్యంలో అందించే ఫౌండేషన్‌ కోర్సు ఉచిత శిక్షణకు అభ్యర్థుల ఎంపికకు నిర్వహించే ప్రవేశ పరీక్ష జులై 7న నిర్వహిస్తున్నట్లు కేంద్రం సంచాలకుడు కుంటాల రమేష్‌ ఒక ప్రకటనలో తెలిపారు. శిక్షణ కోసం ఉమ్మడి జిల్లా వ్యాప్తంగా ఆదిలాబాద్‌, నిర్మల్‌, మంచిర్యాల, కుమురంభీం జిల్లా నుంచి దరఖాస్తు చేసుకున్న అభ్యర్థులు పరీక్షకు హాజరు కావాలని పేర్కొన్నారు. హాల్‌టికెట్లను ‘‘tsscstudycircle.telangana.gov.in’’ వెబ్‌సైట్‌ ద్వారా పొందవచ్చన్నారు. జులై 7న‌ ఉదయం 11 గంటల నుంచి మధ్యాహ్నం ఒంటి గంట వరకు ఆదిలాబాద్‌లోని మావల నలంద డిగ్రీ కాలేజీలో ప్రవేశ పరీక్ష ఉంటుందన్నారు. పరీక్ష రాసేందుకు 400 మంది దరఖాస్తు చేసుకున్నారని పరీక్షలో మెరిట్‌ మార్కులు సాధించిన 100 మంది అభ్యర్థులను ఎంపిక చేసి ఐదున్నర నెలల పాటు వివిధ పోటీ పరీక్షలకు సన్నద్ధమయ్యేలా ఉచిత శిక్షణ అందిస్తామన్నారు. పరీక్ష రాసే అభ్యర్థులు వెంట బ్లాక్‌పాయింట్‌ పెన్‌ తప్పనిసరిగా తెచ్చుకోవాలని సూచించారు. పూర్తి వివరాలకు 94941 49416, 83329 93854 ఫోన్‌నంబర్లను సంప్రదించాలని సూచించారు

పాలిసెట్‌లో ప్రవేశానికి దరఖాస్తులు
ఆదిలాబాద్‌ విద్యావిభాగం, న్యూస్‌టుడే: సంజయ్‌గాంధీ పాలిటెక్నిక్‌ కళాశాలలో చేరేందుకు నిర్వహించే పాలిసెట్‌ ప్రవేశ పరీక్ష కోసం దరఖాస్తులు చేసుకోవాలని కళాశాల ప్రధానాచార్యులు ఎ.స్వామి తెలిపారు. అంతర్జాలంలో దరఖాస్తులను ఏప్రిల్‌ 4వ తేదీ వరకు స్వీకరిస్తామని పేర్కొన్నారు. ప్రవేశ పరీక్ష ఏప్రిల్‌ 16వ తేదీన ఉంటుందని వివరించారు. పరీక్ష ఫీజు ఎస్సీ, ఎస్టీలకు రూ.250, ఓసీ, బీసీ, మైనార్టీలకు రూ.400 ఉంటుందని పేర్కొన్నారు. విద్యార్థులు ఎస్‌ఎస్‌సీ లేదా సమానమైన అర్హత కలిగి ఉండాలని సూచించారు. దరఖాస్తులు సమర్పించేందుకు http://www.sbtet.telangana.gov.in/, https://polycetts.nic.in అనే వెబ్‌సైట్‌ను సంప్రదించాలని సూచించారు.

14న డిగ్రీ కళాశాలలో ప్రాంగణ నియామకాలు
ఆదిలాబాద్‌ విద్యావిభాగం, న్యూస్‌టుడే: జిల్లా కేంద్రంలోని ప్రభుత్వ పురుషుల డిగ్రీ కళాశాలలో జస్ట్‌డయల్‌ కంపెనీ ఆధ్వర్యంలో మార్చి 14న ప్రాంగణ నియామకాలు (క్యాంపస్‌ సెలెక్షన్స్‌) ఉంటాయని కళాశాల ప్రిన్సిపల్‌ జాకీర్‌హుస్సేన్‌ ఒక ప్రకటనలో తెలిపారు. ఈ కంపెనీ మార్కెటింగ్‌, కమ్యూనికేషన్‌ స్కిల్స్‌ తదితర రంగాల్లో ఉమ్మడి ఆదిలాబాద్‌ జిల్లాతో పాటు, హైదరాబాద్‌లో ఉద్యోగాలు క‌ల్పించ‌నున్న‌ట్టు తెలిపారు. ఇంట‌ర్వ్యూ కోసం ఉదయం 8 గంటల నుంచి రిజిస్ట్రేషన్లు ప్రారంభమవుతాయని వెల్లడించారు. డిగ్రీ ఉత్తీర్ణులైన అభ్యర్థులతో పాటు డిగ్రీ చివరి సంవత్సరం చదువుతున్న విద్యార్థులు సైతం ఇందులో పాల్గొనవచ్చని సూచించారు. పురుషులు మాత్రమే హాజరుకావాలని వివరించారు. వేతనం రూ.17 వేల నుంచి రూ.25వేల వరకు ఉంటుందని వివరించారు. ఉమ్మడి ఆదిలాబాద్‌ జిల్లా విద్యార్థులు ఈ అవకాశాన్ని వినియోగించుకోవాలని సూచించారు. ఇతర వివరాలకు 97016 70110, 94913 99092 నెంబర్లలో సంప్రదించాలని కోరారు.

16 నుంచి పీజీ ద్వితీయ సంవత్సరం పరీక్షలు
ఆదిలాబాద్‌ విద్యావిభాగం, న్యూస్‌టుడే : డా.బీ.ఆర్‌.అంబేడ్కర్‌ సార్వత్రిక విశ్వవిద్యాలయం పరిధిలో పీజీ ద్వితీయ సంవత్సరం స్పెల్‌-2 పరీక్షలు జులై 16 నుంచి ప్రారంభమవుతాయని ప్రాంతీయ సమన్వయ అధ్యయన కేంద్రం సహాయ సంచాలకుడు జి.ఎల్లయ్య ఒక ప్రకటనలో తెలిపారు. మధ్యాహ్నం 2 నుంచి సాయంత్రం 5 గంటల వరకు నిర్వహించే ఈ పరీక్షలకు సంబంధించిన హాల్‌టికెట్లను విశ్వవిద్యాలయం నుంచి తీసుకోవాలని సూచించారు. పరీక్ష ప్రాంగణంలోనికి చరవాణులు తీసుకురాకూడదని, ఇతర వివరాలకు 08732-221016 నెంబర్‌లో సంప్రదించాలని ఆయన కోరారు.
https://www.braouonline.in/

అతిథి అధ్యాపకుల కోసం దరఖాస్తుల ఆహ్వానం
మందమర్రి పట్టణం, న్యూస్‌టుడే: మందమర్రి ప్రభుత్వ జూనియర్‌ కళాశాలలో వివిధ సబ్జెక్టులను బోధించేందుకు అతిథి అధ్యాపకుల కోసం దరఖాస్తులను ఆహ్వానిస్తున్నట్లు ప్రిన్సిపల్‌ కనుకయ్య జులై 7న‌ ఒక ప్రకటనలో తెలిపారు. తెలుగు, హిందీ, గణితం, బాటనీ, జువాలజీ, ఫిజిక్స్‌, కెమిస్ట్రీ, ఒకేషనల్‌, ఈటీ, ఎంఎల్‌టీ, ఆర్‌ఎం సజ్జెక్టులు బోధించేందుకు జులై 14లోపు ఆన్‌లైన్‌లో దరఖాస్తు చేసుకోవాలని సూచించారు.

సాంకేతిక నైపుణ్య పథకాలకు మౌఖిక పరీక్షలు
ఏసీసీ, న్యూస్‌టుడే: జిల్లా షెడ్యూల్డ్‌ కులాల సేవా సహకార అభివృద్ధి సంఘం ఆధ్వర్యంలో సాంకేతిక నైపుణ్య అర్హత పథకాల కోసం ఆన్‌లైన్‌లో దరఖాస్తు చేసుకున్న వారికి జిల్లా అధికారుల సమక్షంలో మౌఖిక పరీక్షలు నిర్వహిస్తున్నట్టు పాలనాధికారి భారతిహోళ్లికేరి ఒక ప్రకటనలో తెలిపారు. జులై 9న బెల్లంపల్లి, భీమిని, కన్నెపల్లి, కాసిపేట, నెన్నెల తాండూరు, వేమనపల్లి, 10న భీమారం, జైపూర్‌, చెన్నూరు, కోటపల్లి మండలాలు, 16వ తేదీన దండేపల్లి, హాజీపూర్‌, లక్షెట్టిపేట, మంచిర్యాల, నస్పూర్‌, 17న మందమర్రి, క్యాతన్‌పల్లి, జన్నారం మండలాలకు సంబంధించి అభ్యర్థులకు ఇంటర్వ్యూలను నిర్వహించనున్నట్లు చెప్పారు. ఈ కార్యక్రమం జిల్లా కేంద్రంలోని మైనార్టీ ఫంక్షన్‌హాలులో ఉదయం 10 నుంచి సాయంత్రం 5 గంటల వరకు కొనసాగుతుందన్నారు. దరఖాస్తు చేసుకున్నవారు సంబంధిత కుల, ఆదాయ, విద్యార్హత పత్రాలతోపాటు ఆధార్‌కార్డు, ఆహార భద్రతకార్డు, నైపుణ్యత ధ్రువపత్రం, రెండు పాసుపోర్టు సైజు ఫొటోలు, ఒరిజినల్‌, జిరాక్సు పత్రాలతో హాజరు కావాలన్నారు.

అవగాహన లేక అందని సహకారం
* అర్హత ఉన్నా ‘జాతీయ ఉపకార వేతన’ దరఖాస్తులకు దూరం
* ఎంపికైంది 64 మంది విద్యార్థులే
* ఈ విద్యా సంవత్సరమైనా దృష్టిసారిస్తే మేలు

మంచిర్యాల విద్యావిభాగం, న్యూస్‌టుడే: జాతీయ ఉపకార వేతనాలకు చాలామంది నిరుపేద విద్యార్థులు దూరమవుతున్నారు. దీనిపై సరైన అవగాహన లేకపోవడంతో వేలాదిమంది వీటిని పొందలేకపోతున్నారు. విద్యాశాఖ ఉదాసీనత, ఉపాధ్యాయుల పట్టింపులేమి ఫలితంగా ప్రతిభ కలిగిన విద్యార్థులు ఏటా రూ.12 వేలు నష్టపోతున్నారు. ఇటీవల విడుదలైన ఫలితాలను పరిశీలిస్తే ఈ ఏడాది 64మంది విద్యార్థులు మాత్రమే ఎంపికయ్యారు. ఈ తీరుపై విద్యాశాఖపై స్థానికంగా విమర్శలు వస్తున్నాయి. పాఠశాలల్లో జాతీయ ఉపకార వేతనాలపై అవగాహన కల్పించాలనే వైనంపై ‘న్యూస్‌టుడే’ కథనం..
ప్రభుత్వ పాఠశాలల్లో అభ్యసిస్తున్న విద్యార్థులకు ఆర్థికంగా అండగా ఉండేందుకు కేంద్ర ప్రభుత్వం ప్రతి సంవత్సరం జాతీయ వేతనాల పథకం కింద నేషనల్‌ మీన్స్‌కమ్‌ మెరిట్‌ స్కాలర్‌షిప్‌(ఎన్‌ఎంఎంఎస్‌) పరీక్ష నిర్వహిస్తోంది. ఎనిమిదో తరగతి చదువుతున్న విద్యార్థులకు ప్రతి సంవత్సరం నవంబరులో పరీక్ష నిర్వహిస్తోంది. ఇందుకు ప్రత్యేకంగా సెప్టెంబర్‌ చివర్లో లేదా అక్టోబర్‌ మొదటివారంలో ప్రకటన వెలువడుతుంది. పరీక్షకు నెల ముందుగా దరఖాస్తులను స్వీకరిస్తారు. ఆన్‌లైన్‌ద్వారా వీటిని నమోదు చేసుకోవాల్సి ఉంటోంది. ఎస్సీ, ఎస్టీ విద్యార్థులు రూ.50 రుసుం చెల్లించాల్సి ఉండగా, బీసీ ఇతర వర్గాల విద్యార్థులు రూ.100 చెల్లించాల్సి ఉంటుంది. రుసుం చెల్లింపులు, దరఖాస్తుల సమర్పణ ముగిసిన తర్వాత స్థానికంగానే పరీక్ష కేంద్రాలను ఏర్పాటు చేస్తుంటారు. ఆబ్జెక్టివ్‌ పద్ధతిలో ప్రశ్నపత్రం ఉంటుంది. మొత్తం 180 మార్కులపత్రంతో సగం అంటే 90 మార్కులకు మానసిక సామర్థ్య విషయంపై ప్రశ్నలుంటాయి. మరో 90 మార్కులు సామాన్య, సాంఘిక, గణిత సబ్జెక్టులకు సంబంధించిన ప్రశ్నలు ఉంటాయి.
* నేరుగా విద్యార్థుల ఖాతాల్లోనే జమ..
రిజర్వేషన్ల ఆధారంగా విద్యార్థులను ఉపకార వేతనాలకు ఎంపిక చేస్తారు. ఇందులో ప్రతిభ కనబర్చిన వారికి ఎనిమిదో తరగతి నుంచి ఇంటర్‌ వరకు నాలుగేళ్లపాటు ఏటా రూ.12 వేల చొప్పున ఉపకార వేతనాలు అందజేస్తుంటారు. విద్యార్థుల బ్యాంకు ఖాతాల్లోనేరుగా జమ చేస్తారు. వాటితోపాటు పాఠ్య పుస్తకాలు, రాత పుస్తకాలను సైతం ఇస్తారు. ఉపకార వేతనంతో పిల్లలు తమ దస్తులు, ఇతరత్రా చదువుకు సంబంధించిన సామగ్రిని కొనుగోలు చేసుకోవచ్ఛు చదువుకు ఎలాంటి ఆర్థిక ఇబ్బందులు అడ్డురాకుండా ఉండేందుకు ఇది దోహదపడుతుంది. కానీ జిల్లాలోని చాలా ప్రభుత్వ పాఠశాలలు తమ విద్యార్థులతో సంబంధిత దరఖాస్తులను చేయించడంలో విఫలమవుతున్నాయి. కొన్ని పాఠశాలల ఉపాధ్యాయులు మాత్రమే ప్రత్యేక శ్రద్ధ తీసుకొని పిల్లలతో దరఖాస్తులు చేయిస్తున్నారు. అలాంటి వారిలో ఉత్తమ ప్రతిభ చూపిన వారికి ఉపకార వేతనాలు దక్కుతున్నాయి. కానీ చాలా పాఠశాలల్లో ఇదే విషయంపై స్పష్టమైన అవగాహన లేకపోవడం, ఉపాధ్యాయుల దృష్టి సారించకపోవడంతో విద్యార్థులు మిన్నకుండిపోతున్నారు. ఏటా నిర్వహించే ఈ పరీక్ష కోసం విద్యాశాఖ సైతం అంతగా పట్టించుకోవడం లేదనే విమర్శలున్నాయి.
* ఉపాధ్యాయుల చొరవే ముఖ్యం
విద్యార్థులు పరీక్షకు దరఖాస్తు చేసుకోవడం, అందులో విజయం సాధించడంలో ముఖ్యంగా ఆయా పాఠశాల ఉపాధ్యాయులు పాత్ర కీలకంగా ఉంటుంది. వారు ప్రత్యేక శ్రద్ధ తీసుకొని విద్యార్థులతో అర్జీలు చేయించాలి. కానీ ఎవరూ ఈ విషయంలో పట్టించుకోకపోవడంతో ప్రతిభ ఉండి పరీక్ష రాయలేని అనేక మంది పేద పిల్లలకు ఆర్థిక సాయం దూరమవుతోంది. నిరుడు కేవలం 1402 మంది మాత్రమే దరఖాస్తు చేసుకోవడమే ఇందుకు నిదర్శనం. కొందరు ఉపాధ్యాయులు మాత్రం స్వయంగా వారే దరఖాస్తులు చేస్తూ పేద విద్యార్థులకు మేలు చేకూరుస్తున్నారు. ఈ విద్యాసంవత్సరం నుంచైనా ఇలాంటి ప్రతిభా పరీక్షలపై ఉపాధ్యాయులు, అధికారులు దృష్టిసారిస్తే అనేక మంది ప్రతిభ కలిగిన పేద విద్యార్థులకు ప్రయోజనం చేకూరే అవకాశం ఉంటుంది.

పాలిసెట్‌లో ప్రవేశానికి దరఖాస్తులు
ఆదిలాబాద్‌ విద్యావిభాగం, న్యూస్‌టుడే: సంజయ్‌గాంధీ పాలిటెక్నిక్‌ కళాశాలలో చేరేందుకు నిర్వహించే పాలిసెట్‌ ప్రవేశ పరీక్ష కోసం దరఖాస్తులు చేసుకోవాలని కళాశాల ప్రధానాచార్యులు ఎ.స్వామి తెలిపారు. అంతర్జాలంలో దరఖాస్తులను ఏప్రిల్‌ 4వ తేదీ వరకు స్వీకరిస్తామని పేర్కొన్నారు. ప్రవేశ పరీక్ష ఏప్రిల్‌ 16వ తేదీన ఉంటుందని వివరించారు. పరీక్ష ఫీజు ఎస్సీ, ఎస్టీలకు రూ.250, ఓసీ, బీసీ, మైనార్టీలకు రూ.400 ఉంటుందని పేర్కొన్నారు. విద్యార్థులు ఎస్‌ఎస్‌సీ లేదా సమానమైన అర్హత కలిగి ఉండాలని సూచించారు. దరఖాస్తులు సమర్పించేందుకు http://www.sbtet.telangana.gov.in/, https://polycetts.nic.in అనే వెబ్‌సైట్‌ను సంప్రదించాలని సూచించారు.

14న డిగ్రీ కళాశాలలో ప్రాంగణ నియామకాలు
ఆదిలాబాద్‌ విద్యావిభాగం, న్యూస్‌టుడే: జిల్లా కేంద్రంలోని ప్రభుత్వ పురుషుల డిగ్రీ కళాశాలలో జస్ట్‌డయల్‌ కంపెనీ ఆధ్వర్యంలో మార్చి 14న ప్రాంగణ నియామకాలు (క్యాంపస్‌ సెలెక్షన్స్‌) ఉంటాయని కళాశాల ప్రిన్సిపల్‌ జాకీర్‌హుస్సేన్‌ ఒక ప్రకటనలో తెలిపారు. ఈ కంపెనీ మార్కెటింగ్‌, కమ్యూనికేషన్‌ స్కిల్స్‌ తదితర రంగాల్లో ఉమ్మడి ఆదిలాబాద్‌ జిల్లాతో పాటు, హైదరాబాద్‌లో ఉద్యోగాలు క‌ల్పించ‌నున్న‌ట్టు తెలిపారు. ఇంట‌ర్వ్యూ కోసం ఉదయం 8 గంటల నుంచి రిజిస్ట్రేషన్లు ప్రారంభమవుతాయని వెల్లడించారు. డిగ్రీ ఉత్తీర్ణులైన అభ్యర్థులతో పాటు డిగ్రీ చివరి సంవత్సరం చదువుతున్న విద్యార్థులు సైతం ఇందులో పాల్గొనవచ్చని సూచించారు. పురుషులు మాత్రమే హాజరుకావాలని వివరించారు. వేతనం రూ.17 వేల నుంచి రూ.25వేల వరకు ఉంటుందని వివరించారు. ఉమ్మడి ఆదిలాబాద్‌ జిల్లా విద్యార్థులు ఈ అవకాశాన్ని వినియోగించుకోవాలని సూచించారు. ఇతర వివరాలకు 97016 70110, 94913 99092 నెంబర్లలో సంప్రదించాలని కోరారు.

16 నుంచి పీజీ ద్వితీయ సంవత్సరం పరీక్షలు
ఆదిలాబాద్‌ విద్యావిభాగం, న్యూస్‌టుడే : డా.బీ.ఆర్‌.అంబేడ్కర్‌ సార్వత్రిక విశ్వవిద్యాలయం పరిధిలో పీజీ ద్వితీయ సంవత్సరం స్పెల్‌-2 పరీక్షలు జులై 16 నుంచి ప్రారంభమవుతాయని ప్రాంతీయ సమన్వయ అధ్యయన కేంద్రం సహాయ సంచాలకుడు జి.ఎల్లయ్య ఒక ప్రకటనలో తెలిపారు. మధ్యాహ్నం 2 నుంచి సాయంత్రం 5 గంటల వరకు నిర్వహించే ఈ పరీక్షలకు సంబంధించిన హాల్‌టికెట్లను విశ్వవిద్యాలయం నుంచి తీసుకోవాలని సూచించారు. పరీక్ష ప్రాంగణంలోనికి చరవాణులు తీసుకురాకూడదని, ఇతర వివరాలకు 08732-221016 నెంబర్‌లో సంప్రదించాలని ఆయన కోరారు.
https://www.braouonline.in/

సివిల్‌ సర్వీసెస్‌ పరీక్ష ఉచిత శిక్షణకు దరఖాస్తుల ఆహ్వానం
నిర్మల్‌ పట్టణం, న్యూస్‌టుడే: ఉమ్మడి ఆదిలాబాద్‌ జిల్లా పరిధిలోని నిరుద్యోగ బీసీ, ఎస్సీ, ఎస్టీ, ఈబీసీ అభ్యర్థులకు సివిల్‌ సర్వీసెస్‌ అప్టిట్యూడ్‌ పరీక్ష - 2020 కోసం తెలంగాణ బీసీ అధ్యయన కేంద్రం ఆధ్వర్యంలో ఉచిత శిక్షణ అందజేయనున్నట్లు కేంద్ర సంచాలకుడు జి.ప్రవీణ్‌కుమార్‌ ప్రకటనలో తెలిపారు. ఆసక్తిగల అభ్యర్థులు జులై 20 లోపు www.tsbcwstudycircle.cgg.gov.in వెబ్‌సైట్‌లో వివరాలను నమోదు చేసుకొని, దరఖాస్తులు సమర్పించాలని సూచించారు. గ్రామీణ ప్రాంత అభ్యర్థుల కుటుంబ వార్షికాదాయం రూ. 1.5 లక్షలు, పట్టణ ప్రాంతాలవారికి రూ. 2 లక్షల్లోపు ఉండాలని సూచించారు. ప్రాథమిక పరీక్ష ఆగస్టు 4న అన్ని పాత జిల్లా కేంద్రాల్లో అంతర్జాలం ఆధారంగా నిర్వహిస్తారన్నారు. పరీక్షలో 100 ప్రశ్నలు, 200 మార్కులుంటాయని, తప్పు సమాధానానికి 1/3 నెగెటివ్‌ మార్కులుంటాయని పేర్కొన్నారు. ప్రాథమిక పరీక్ష అనంతరం రాతపరీక్ష, మౌఖిక పరీక్ష నిర్వహించి, వాటి ఆధారంగా అర్హులైన 100 మందిని ఎంపికచేసి హైదరాబాద్‌లో 9 నెలల పాటు ఉచిత శిక్షణ అందజేస్తామని వివరించారు. శిక్షణ సమయంలో నెలకు రూ. 5 వేలు ఉపకారవేతనం, పుస్తకాల కోసం రూ.3,500 ఇస్తారన్నారు. మరిన్ని వివరాలకు దూరవాణి 08732- 221280, చరవాణి 99496 84959లో సంప్రదించాలని కోరారు.

మహిళా డిగ్రీ కళాశాలలో ప్రవేశాలకు 17న కౌన్సెలింగ్‌
నిర్మల్‌ పట్టణం, న్యూస్‌టుడే: జిల్లా కేంద్రంలోని తెలంగాణ సాంఘిక సంక్షేమ గురుకుల మహిళా డిగ్రీ కళాశాలలో ప్రవేశాల కోసం జులై 17న రెండో దశ కౌన్సెలింగ్‌ నిర్వహించనున్నట్లు కళాశాల ప్రిన్సిపల్‌ నాకిడి గంగన్న ఓ ప్రకటనలో తెలిపారు. టీజీయూజీసీఈటీ- 19 ప్రవేశపరీక్ష రాసి, అర్హత సాధించి, మొదటిదశ కౌన్సెలింగ్‌కు హాజరుకాలేకపోయిన విద్యార్థులు జులై 13లోగా కళాశాలలో దరఖాస్తు చేసుకొని కౌన్సెలింగ్‌కు హాజరు కావొచ్చన్నారు. 17న ఉదయం 9 గంటల నుంచి కౌన్సెలింగ్‌ ప్రారంభమవుతుందన్నారు. ప్రవేశ పరీక్ష రాయని విద్యార్థులు సైతం జులై 13 వరకు దరఖాస్తులు సమర్పించి కౌన్సెలింగ్‌కు రావచ్చని సూచించారు. మరిన్ని వివరాలకు రెడ్డి ఫంక్షన్‌హాల్‌ మార్గంలోని కళాశాలలో సంప్రదించాలని సూచించారు.

మాధ్యమిక కళాశాలల్లో బోధన కోసం నోటిఫికేషన్‌ జారీ
* అతిథి అధ్యాపక ఉద్యోగాలకు దరఖాస్తుల ఆహ్వానం
నిర్మల్‌ పట్టణం, న్యూస్‌టుడే: నిర్మల్‌ జిల్లా పరిధిలోని వివిధ ప్రభుత్వ జూనియర్‌ కళాశాలల్లో ఖాళీగా ఉన్న విషయాలను బోధించేందుకు అతిథి అధ్యాపకుల ఉద్యోగాలకు ఆసక్తి, అర్హత గల అభ్యర్థులు దరఖాస్తు చేసుకోవాలని జిల్లా నోడల్‌ అధికారి క్రిస్టోఫర్‌ అలెగ్జాండర్‌ తెలిపారు. అభ్యర్థులు బోధించాల్సిన విషయంలో పీజీ ద్వితీయ శ్రేణిలో ఉత్తీర్ణులై ఉండాలన్నారు. పూర్వానుభవంతో సంబంధం లేకుండా, అభ్యర్థుల మెరిట్‌ ఆధారంగా, పూర్తి పారదర్శక విధానంలో జిల్లా పాలనాధికారి స్వయంగా అర్హులను ఎంపికచేస్తారన్నారు. అభ్యర్థులు https://www.cie.telangana.gov.in/ అనే వెబ్‌సైట్‌లో జులై 8 నుంచి 14 లోపు దరఖాస్తు చేసుకోవాలన్నారు. అనంతరం దరఖాస్తు వివరాల ప్రతులను జిల్లాకేంద్రంలోని నోడల్‌ అధికారి కార్యాలయంలో అందజేయాలన్నారు. వచ్చిన దరఖాస్తుల్లో విషయం వారీగా మెరిట్‌ జాబితాను 17న తయారుచేసి, 20న ఎంపిక కమిటీ ఆధ్వర్యంలో వాటిని పరిశీలిస్తారని పేర్కొన్నారు. ఎంపికైన వారిని 22న అతిథి అధ్యాపకులుగా నియమిస్తారని, వీరంతా 23 లోపు ఆయా కళాశాలల్లో రిపోర్ట్‌ చేయాల్సి ఉంటుందన్నారు.
* ఖాళీల వివరాలివీ..
ముథోల్‌ ప్రభుత్వ జూనియర్‌ కళాశాలలో తెలుగు మాధ్యమంలో ఆంగ్లం, ఉర్దూ, జంతుశాస్త్రం, ఉర్దూ మాధ్యమంలో వృక్షశాస్త్రం, సివిక్స్‌, ఎకనామిక్స్‌, హిస్టరీ, వృత్తివిద్యాకోర్సుల్లో ఈటీ, తానూర్‌ కళాశాలలో తెలుగు మాధ్యమంలో తెలుగు, ఆంగ్లం, గణితం, భౌతికశాస్త్రం, రసాయనశాస్త్రం, సివిక్స్‌, ఎకనామిక్స్‌, హిస్టరీ, భైంసాలో తెలుగు మాధ్యమంలో రసాయనశాస్త్రం, ఉర్దూ మాధ్యమంలో గణితం, హిస్టరీ, మరాఠి మాధ్యమంలో హిస్టరీ, వృత్తివిద్యా కోర్సుల్లో ఈటీ, లోకేశ్వరంలో హిందీ, కుభీరులో గణితం, నిర్మల్‌ బాలుర జూనియర్‌ కళాశాలలో తెలుగు మాధ్యమంలో రసాయనశాస్త్రం, హిస్టరీ, ఉర్దూ మాధ్యమంలో గణితం, జంతుశాస్త్రం, ఎకనామిక్స్‌, బాలికల కళాశాల తెలుగు మాధ్యమంలో భౌతిక, రసాయన, జంతుశాస్త్రం, ఉర్దూ మాధ్యమంలో గణితం, రసాయనశాస్త్రం, మామడ కళాశాలలో తెలుగు మాధ్యమం గణితం, ఉర్దూ మాధ్యమంలో హిస్టరీ, వృత్తివిద్యాకోర్సుల్లో ఏసీపీ, ఖానాపూర్‌ కళాశాల తెలుగు మాధ్యమంలో తెలుగు, హిందీ, ఉర్దూ, కడెం కళాశాలలో గణితం, ఎకనామిక్స్‌ విషయాల్లో ఖాళీలున్నట్లు ప్రకటించారు. ఆసక్తిగల నిరుద్యోగులు అవకాశాన్ని సద్వినియోగం చేసుకోవాలని కోరారు. మరిన్ని వివరాల కోసం చరవాణి 94402 14798లో సంప్రదించాలని సూచించారు.

డిగ్రీ అర్హత పరీక్షకు దరఖాస్తులు చేసుకోవాలి
ఆదిలాబాద్‌ విద్యావిభాగం, న్యూస్‌టుడే: డా.బీ.ఆర్‌.అంబేడ్కర్‌ సార్వత్రిక విశ్వవిద్యాలయం పరిధిలో డిగ్రీ మొదటి ఏడాదిలో ప్రవేశానికి రెండోసారి నిర్వహించనున్న అర్హత పరీక్ష కోసం అర్హులైన అభ్యర్థులు దరఖాస్తులు చేసుకోవాలని ప్రాంతీయ సమన్వయ అధ్యయన కేంద్రం సహాయ సంచాలకుడు జి.ఎల్లయ్య ఒక ప్రకటనలో తెలిపారు. బీఏ, బీకాం, బీఎస్సీలో ప్రవేశాల కోసం ఆగస్టు 4వ తేదీన అర్హత పరీక్ష నిర్వహిస్తామని పేర్కొన్నారు. ఉదయం 10గంటల నుంచి మధ్యాహ్నం 12.30గంటల వరకు ఉంటుందని వివరించారు. అభ్యర్థులకు జులై 1నాటికి 18ఏళ్లు నిండి ఉండాలని, ఇంటర్‌ అనుత్తీర్ణులైన విద్యార్థులు కూడా పరీక్ష రాసేందుకు అర్హులని సూచించారు. తెలుగు, ఆంగ్లం, ఉర్ధూ మాధ్యమాల్లో పరీక్ష ఉంటుందని తెలిపారు. అభ్యర్థులు జులై 25వ తేదీ వరకు ఏదేని అంతర్జాల కేంద్రంలో రూ.300 ఫీజు చెల్లించి దరఖాస్తులు చేసుకోవాలని కోరారు. ఇతర వివరాలకు 08732- 221016 నెంబర్‌లో సంప్రదించాలని పేర్కొన్నారు.

వ్యవసాయ కళాశాలకు మోక్షం
* అదనంగా మరో 36 ఎకరాల కేటాయింపు
* తాత్కాలికంగా కేవీకేలో తరగతులు
* ఈ విద్యాసంవత్సరం నుంచే ప్రారంభించేందుకు చర్యలు
* 50 సీట్లు కేటాయించే అవకాశం

ఆదిలాబాద్‌ వ్యవసాయం, న్యూస్‌టుడే: ఆదిలాబాద్‌ జిల్లా కేంద్రంలో ఈ విద్యాసంవత్సరం నుంచే ప్రారంభించేందుకు ఆచార్య జయశంకర్‌ తెలంగాణ రాష్ట్ర వ్యవసాయ విశ్వవిద్యాలయం నిర్ణయించింది. వ్యవసాయ కళాశాల ఏర్పాటు చేసేందుకు వీలుగా 75 ఎకరాల స్థలం కావాలి. కొన్ని నెలలుగా అధికారులు వ్యవసాయ పరిశోధన స్థానం శాస్త్రవేత్తలతో పాటు రెవెన్యూ అధికారులు స్థల సేకరణలో నిమగ్నమయ్యారు. ఎట్టకేలకు బట్టిసావర్‌గావ్‌లో 39 ఎకరాలు, బంగారుగూడలో మరో 36 ఎకరాల ప్రభుత్వ స్థలం ఇచ్చేందుకు జిల్లా యంత్రాంగం ఒప్పుకోవడంతో జిల్లా కేంద్రంలోని వ్యవసాయ పరిశోధనా స్థానంలో ఈ విద్యాసంవత్సరం నుంచే తరగతులను ప్రారంభించాలని విశ్వవిద్యాలయం భావిస్తోంది.
తెలంగాణ రాష్ట్రంలో వ్యవసాయ విశ్వవిద్యాలయం పరిధిలో అయిదు కళాశాలలు ఉన్నాయి. తాజాగా ఈ విద్యాసంవత్సరం నుంచి ఆదిలాబాద్‌లో ప్రారంభించాలని విశ్వవిద్యాలయం భావిస్తోంది. జిల్లా కేంద్రంలో గత ఫిబ్రవరి నెలలో జరిగిన రైతు సమన్వయ సమితుల సమావేశానికి హాజరైన సందర్భంగా ముఖ్యమంత్రి మాట్లాడుతూ జిల్లాలో వ్యవసాయ కళాశాల ఏర్పాటు చేస్తున్నట్లు ప్రకటించారు.. సీఎం ఇచ్చిన హామీ మేరకు విశ్వవిద్యాలయం అధికారులు ఇందుకు అవసరమైన చర్యలు చేపట్టారు. కళాశాల ఏర్పాటుకు 75 ఎకరాల స్థలం కావాలని గతంలోనే జిల్లా పాలనాధికారికి విశ్వవిద్యాలయం లేఖ రాసింది. జిల్లా పాలనాధికారి కార్యాలయానికి కేటాయించిన 39.29 ఎకరాలతో పాటు తాజాగా బంగారుగూడ సమీపంలోని సర్వే నంబర్‌ 46గల 36.20 ఎకరాలు కేటాయించడంతో వ్యవసాయ కళాశాల ఏర్పాటుకు అడ్డంకులు తొలగిపోయాయి.
* ఆదిలాబాద్‌కు 50 సీట్లు
వ్యవసాయ విశ్వవిద్యాలయం పరిధిలోని ఆరు వ్యవసాయ కళాశాలల్లో బీఎస్సీ ఆనర్స్‌ అగ్రికల్చర్‌లో 432 సాధారణ సీట్లు, 75 పేమెంట్‌ సీట్లు ఉన్నాయి. వీటి ప్రకారంగా వీటి ప్రకారంగా కౌన్సెలింగ్‌ నిర్వహించి ఇందులో నుంచి 50 మందిని ఆదిలాబాద్‌ జిల్లాలో ఏర్పాటు చేసే వ్యవసాయ కళాశాలకు కేటాయించాలని భావిస్తున్నారు. కళాశాల భవనం పూర్తయ్యే వరకు ఎక్కడ తరగతులు నిర్వహించాలనే దానిపై ఉన్నతాధికారులు వచ్చి పరిశీలించనున్నారు. ఈ మేరకు తాజాగా విడుదల చేసిన నోటిఫికేషన్‌లో పరోక్షంగా ప్రస్తావించారు. వ్యవసాయ కళాశాల ఏర్పాటుతో రైతులకు, వారి పిల్లలకు కొంత మేలు జరగడంతో పాటు జిల్లా మరింత అభివృద్ధి చెందే అవకాశముంది. కళాశాల ఏర్పాటుతో అవసరమైన శాస్త్రవేత్తలు, అధ్యాపకులు అందుబాటులో ఉంటారు. విద్యార్థులను క్షేత్ర పర్యటనలకు తీసుకెళ్తారు. దీంతో పంటల సాగుపై చర్చలు, పరిశోధనలు జరిగే వీలుంది. కొత్త పంటలు, కొత్త విషయాలు రైతులకు తెలిసే వీలుంది. ప్రస్తుతం పత్తి, సోయా పంటలపై పరిశోధనలు జరుగుతున్నాయి. తాజాగా మెట్టపంటల సాగుపై పరిశోధనకు నిధులు మంజూరయ్యాయి. మరో వైపు కేవీకే, ఏరువాక కేంద్రాల్లో ఇప్పటి వరకు ఖాళీగా ఉన్న అయిదు పోస్టులను శాస్త్రవేత్తలతో భర్తీ చేశారు. కళాశాల ప్రారంభమైతే అన్ని విభాగాలకు చెందిన మరి కొంత మంది శాస్త్రవేత్తలు జిల్లాకు వచ్చే అవకాశముంది.

పాలిసెట్‌లో ప్రవేశానికి దరఖాస్తులు
ఆదిలాబాద్‌ విద్యావిభాగం, న్యూస్‌టుడే: సంజయ్‌గాంధీ పాలిటెక్నిక్‌ కళాశాలలో చేరేందుకు నిర్వహించే పాలిసెట్‌ ప్రవేశ పరీక్ష కోసం దరఖాస్తులు చేసుకోవాలని కళాశాల ప్రధానాచార్యులు ఎ.స్వామి తెలిపారు. అంతర్జాలంలో దరఖాస్తులను ఏప్రిల్‌ 4వ తేదీ వరకు స్వీకరిస్తామని పేర్కొన్నారు. ప్రవేశ పరీక్ష ఏప్రిల్‌ 16వ తేదీన ఉంటుందని వివరించారు. పరీక్ష ఫీజు ఎస్సీ, ఎస్టీలకు రూ.250, ఓసీ, బీసీ, మైనార్టీలకు రూ.400 ఉంటుందని పేర్కొన్నారు. విద్యార్థులు ఎస్‌ఎస్‌సీ లేదా సమానమైన అర్హత కలిగి ఉండాలని సూచించారు. దరఖాస్తులు సమర్పించేందుకు http://www.sbtet.telangana.gov.in/, https://polycetts.nic.in అనే వెబ్‌సైట్‌ను సంప్రదించాలని సూచించారు.

14న డిగ్రీ కళాశాలలో ప్రాంగణ నియామకాలు
ఆదిలాబాద్‌ విద్యావిభాగం, న్యూస్‌టుడే: జిల్లా కేంద్రంలోని ప్రభుత్వ పురుషుల డిగ్రీ కళాశాలలో జస్ట్‌డయల్‌ కంపెనీ ఆధ్వర్యంలో మార్చి 14న ప్రాంగణ నియామకాలు (క్యాంపస్‌ సెలెక్షన్స్‌) ఉంటాయని కళాశాల ప్రిన్సిపల్‌ జాకీర్‌హుస్సేన్‌ ఒక ప్రకటనలో తెలిపారు. ఈ కంపెనీ మార్కెటింగ్‌, కమ్యూనికేషన్‌ స్కిల్స్‌ తదితర రంగాల్లో ఉమ్మడి ఆదిలాబాద్‌ జిల్లాతో పాటు, హైదరాబాద్‌లో ఉద్యోగాలు క‌ల్పించ‌నున్న‌ట్టు తెలిపారు. ఇంట‌ర్వ్యూ కోసం ఉదయం 8 గంటల నుంచి రిజిస్ట్రేషన్లు ప్రారంభమవుతాయని వెల్లడించారు. డిగ్రీ ఉత్తీర్ణులైన అభ్యర్థులతో పాటు డిగ్రీ చివరి సంవత్సరం చదువుతున్న విద్యార్థులు సైతం ఇందులో పాల్గొనవచ్చని సూచించారు. పురుషులు మాత్రమే హాజరుకావాలని వివరించారు. వేతనం రూ.17 వేల నుంచి రూ.25వేల వరకు ఉంటుందని వివరించారు. ఉమ్మడి ఆదిలాబాద్‌ జిల్లా విద్యార్థులు ఈ అవకాశాన్ని వినియోగించుకోవాలని సూచించారు. ఇతర వివరాలకు 97016 70110, 94913 99092 నెంబర్లలో సంప్రదించాలని కోరారు.

మైనారిటీ గురుకులాల్లో ప్రవేశాలకు దరఖాస్తుల ఆహ్వానం
శాంతినగర్‌, న్యూస్‌టుడే: మైనారిటీ గురుకుల పాఠశాలలు, కళాశాలల్లో ప్రవేశానికి అర్హులైన విద్యార్థుల నుంచి దరఖాస్తులను ఆహ్వానిస్తున్నట్లు జిల్లా మైనారిటీ అభివృద్ధి అధికారి కృష్ణవేణి తెలిపారు. 2019 - 20 విద్యాసంవత్సరానికి గాను 5వ తరగతిలో కొత్తగా ప్రవేశానికి, ఆరు నుంచి ఎనిమిదో తరగతి వరకు ఖాళీగా ఉన్న సీట్లను భర్తీ చేసేందుకు దరఖాస్తులను ఆహ్వానిస్తున్నట్లు తెలిపారు. అలాగే మైనారిటీ కళాశాలలో ఇంటర్మీడియట్‌లో ప్రవేశాలకు దరఖాస్తు చేసుకోవచ్చన్నారు. ఆన్‌లైన్‌ ద్వారా ఫిబ్ర‌వ‌రి 25వ తేదీ నుంచి దరఖాస్తులు స్వీకరించ‌నున్నారు. 5 నుంచి 8వ తరగతిలో ప్రవేశానికి మార్చి 31 వరకు, ఇంటర్మీడియట్‌ చదువులకు మార్చి 15 వరకు దరఖాస్తు చేసుకోవచ్చన్నారు. ఆదిలాబాద్‌, బోథ్‌, ఉట్నూరు ప్రాంతాల్లో మైనారిటీ గురకులాలు నడుస్తున్నాయన్నారు. పూర్తి వివరాలకు జిల్లా కేంద్రంలోని మైనారిటీ సంక్షేమశాఖ కార్యాలయంలో సంప్రదించాల‌ని సూచించారు.
http://tmreis.telangana.gov.in

దేహదారుఢ్య పరీక్షలకు వేళాయే
* శ్రమిస్తేనే పోలీసు కొలువు
* మార్చి 1 నుంచి 19 వరకు
* చిన్నపాటి జాగ్రత్తలు అవసరమంటున్న శిక్షకులు

ఆదిలాబాద్‌ క్రీడావిభాగం, న్యూస్‌టుడే: ఖాకీ చొక్కా వేసుకోవాలనే యువత కల సాకారం కావడానికి ఇది కీలక సమయం. ప్రభుత్వ ప్రకటన రాగానే డిగ్రీ, పీజీ, పాలిటెక్నిక్‌, ఇంజినీరింగ్‌ ఇలా చాలా మంది యువత దరఖాస్తు చేసుకున్నారు. ఇదివరకే ప్రిలిమ్స్‌లో అర్హతను సాధించిన వారు మార్చి 1 నుంచి 19 వరకు ఆదిలాబాద్‌ పోలీసు కవాతు మైదానంలో నిర్వహించనున్న దేహదారుఢ్య పరీక్షలకు సన్నద్ధమవుతున్నారు. అందులో కొందరు వివిధ ప్రాంతాల నుంచి వచ్చి ఆదిలాబాద్‌లోని ఇందిరా ప్రియదర్శిని క్రీడా మైదానంలో శిక్షకులు, క్రీడా నిపుణుల వద్ద శిక్షణ పొందుతున్నారు. సాధనతోనే అన్ని అంశాల్లో అర్హత సాధ్యమవుతుందని శిక్షకులు సూచిస్తున్నారు. అంతేకాదు పరీక్ష రోజు చిన్నపాటి జాగ్రత్తలు తీసుకోవాలని పేర్కొంటున్నారు. ఈ నేపథ్యంలో యువతకు దేహదారుఢ్య పరీక్షలపై దిశానిర్దేశనం చేస్తూ నిపుణుల సూచనలతో ‘న్యూస్‌టుడే’ ప్రత్యేక కథనం.
దేహదారుఢ్య పరీక్షలు ఇవే
గతేడాది ప్రిలిమ్స్‌ పరీక్ష రాసి అర్హత సాధించిన అభ్యర్థులు దేహదారుఢ్య పరీక్షలపై దృష్టి సారించారు. ఆదిలాబాద్‌లోని ఇందిరా ప్రియదర్శిని క్రీడా మైదానంలో మాజీ సైనికులు, క్రీడా శిక్షకుల పర్యవేక్షణలు 100మీ., 800మీ.ల పరుగు, లాంగ్‌జంప్‌, హైజంప్‌, షాట్పుట్ అంశాల్లో పరీక్షలు ఉంటాయి. నిర్ణీత సమయం, దూరంలో అభ్యర్థులు అర్హత సాధించాల్సి ఉంటుంది. ఇవి పురుషులు, మహిళలకు వేర్వేరుగా కొలతలు ఉంటాయి. ఆదిలాబాద్‌, నిర్మల్‌, కుమురంభీం ఆసిఫాబాద్‌, మంచిర్యాల జిల్లాలకు చెందిన అభ్యర్థులు మార్చి 1 నుంచి 19 వరకు వారికి కేటాయించిన తేదీల్లో దేహదారుఢ్య పరీక్షలకు హాజరుకానున్నారు.
తీసుకోవాల్సిన జాగ్రత్తలు
* దేహదారుఢ్య పరీక్ష రోజు భోజనం చేయొద్దు.
* ఆ రోజు పండ్లు, పండ్ల రసాలు తీసుకోవాలి.
* నిజ ధ్రువీకరణ పత్రాలు వెంట తీసుకురావాలి. దీని నకలు ప్రతులు కూడా ఉండాలి.
* ఎట్టి పరిస్థితుల్లో నిజధ్రువీకరణ పత్రాల ఫైలు ఎవరికి ఇవ్వొద్దు. తనవద్దే ఉంచుకోవాలి.
* పరీక్ష కంటే రెండు గంటల ముందే మైదానానికి రావాలి.
* పరీక్ష రోజు సాధన చేస్తే కండరాలు పట్టుకునే అవకాశం ఉంటుంది. కడుపునొప్పి రావొచ్చు.
* ద్రవపదార్థాలు వెంట తీసుకుని రావాలి.(నిమ్మరసం, గ్లూకోజ్‌-డి)
* శీతల పానీయాలు వద్దు.(విపణిలో లభించే వాటికి దూరంగా ఉండాలి)
* పరీక్ష రోజు శిక్షకుల సలహాలు, సూచనలు తప్పకుండా తీసుకోవాలి.
* దేహదారుఢ్య పరీక్షలన్నింటిని సమయస్ఫూర్తితో పూర్తి చేయాలి. ఎలాంటి ఒత్తిడికి గురి కావొద్దు.
* ఒత్తిడి అనిపిస్తే అయిదు నిమిషాలు ప్రశాంతంగా ధ్యానం చేయాలి. పరీక్షపైనే దృష్టిని సారించాలి.
13,070 : ఉమ్మడి జిల్లాల అభ్యర్థులు
వేదిక: ఆదిలాబాద్‌ పోలీసు కవాతు మైదానం

టీఆర్‌టీ అభ్యర్థులకు శుభవార్త
* ఉమ్మడి జిల్లాలో 1250 పోస్టులు
* పాఠశాలల్లో భర్తీ కానున్న ఉపాధ్యాయులు

సంగారెడ్డి మున్సిపాలిటీ, న్యూస్‌టుడే: ప్రభుత్వ పాఠశాలల్లో ఉపాధ్యాయ పోస్టులు భర్తీ కానున్నాయి. 2018 ఫిబ్రవరిలో నిర్వహించిన టీఆర్‌టీ(టీచర్స్‌ రిక్రూట్‌మెంట్‌ టెస్ట్‌) పరీక్ష రాసి ఎంపికైన వారికి కౌన్సెలింగ్‌ నిర్వహించనున్నారు. ఇందుకు సంబంధించిన జీవోను ప్రభుత్వం విడుదల చేసింది. జిల్లా పాలనాధికారి ఛైర్మన్‌గా ఏర్పాటైన జిల్లా స్థాయి కమిటీ ఆధ్వర్యంలో కౌన్సెలింగ్‌ జరగనుంది.
టీఆర్‌టీ అభ్యర్థులకు 2010 ఫిబ్రవరి 24 నుంచి మార్చి 4వ తేదీ వరకు ఆన్‌లైన్‌ పరీక్ష నిర్వహించారు. అదే ఏడాది జులైలో ఫలితాలు విడుదల చేశారు. అక్టోబర్‌, నవంబర్‌ నెలలో 1:3 లెక్కన పుల్కల్‌ మండలం సుల్తాన్‌పూర్‌ జేఎన్‌టీయూలో విద్యార్హత ధ్రువపత్రాలు పరిశీలించారు. గత విద్యా సంవత్సరమే వీరిని నియమిస్తారని ఆశించినా.. విద్యా వాలంటీర్లను నియమించి సరిపెట్టారు. ఈ ఏడాదీ వాలంటీర్లను రెన్యూవల్‌ చేయడంతో టీఆర్‌టీ అభ్యర్థులంతా ఆందోళన చెందారు. ఎట్టకేలకు ప్రభుత్వం నియామకాలకు సంబంధించి కసరత్తు చేయడంతో ఊపిరి పీల్చుకున్నారు.
ఉమ్మడి జిల్లా ప్రకారమే..
టీఆర్‌టీ పరీక్ష ఉమ్మడి జిల్లా ప్రకారమే నిర్వహించారు. ఎంపిక కౌన్సెలింగ్‌, నియమకాలూ ఆ ప్రకారమే చేస్తారు. జిల్లా పాలనాధికారి ఛైర్మన్‌గా, సంయుక్త పాలనాధికారి వైస్‌ ఛైర్మన్‌గా, జిల్లా విద్యాధికారి కన్వీనర్‌గా, మరొకరు సభ్యులుగా ఉంటారు. ఎంపికైన వారి జాబితాను టీఎస్‌పీఎస్సీ జిల్లా కమిటీకి పంపుతుంది. ఉపాధ్యాయులు లేని నారాయణఖేడ్‌, అందోలు నియోజకవర్గాల్లోని పాఠశాలలకు కౌన్సెలింగ్‌లో మొదటి ప్రాధాన్యత ఇస్తారు.
వాలంటీర్ల పరిస్థితి..?
ప్రస్తుత విద్యా సంవత్సరానికి 1236 మంది విద్యా వాలంటీర్లను ఇటీవలే రెన్యూవల్‌ చేశారు. కొత్త ఉపాధ్యాయులను నియమిస్తే వారిని తొలగించే అవకాశం ఉంది. వాలంటీర్ల ఉత్తర్వులోనూ పూర్తికాలం పని చేయిస్తామని పేర్కొనలేదు. దీంతో తమ పరిస్థితి ఏమిటని వాలంటీర్లు ఆందోళన చెందుతున్నారు.
ఉమ్మడి జిల్లాలో ఇలా..
* ఎస్జీటీ- 876
* ఎస్‌ఏలు- 214
* ఎల్‌పీలు- 125
* పీఈటీలు: 33
* ఎస్‌ఏ(పీడీ)- 2
* మొత్తం- 1250

వెటర్నరీ పాలిటెక్నిక్‌కు దరఖాస్తు గడువు 7
వరంగల్‌ వ్యవసాయం, న్యూస్‌టుడే: తెలంగాణ పశు వైద్య విద్యాలయం ఆధ్వర్యంలో నిర్వహించే వెటర్నరీ పాలిటెక్నిక్‌లో చేరేందుకు దరఖాస్తు గడువు జులై 7తో ముగియనుంది. తెలంగాణ రాష్ట్ర వ్యాప్తంగా పశు సంవర్ధక పాలిటెక్నిక్‌ కళాశాలల్లో మొత్తం 110 సీట్లున్నాయి. మహబూబ్‌నగర్‌ కళాశాలలో 30, కరీంనగర్‌ కళాశాలలో 30, సిద్ధిపేట కళాశాలలో 30, వరంగల్‌ మామునూరు కళాశాలలో 20 సీట్లున్నాయి. దీనికి తెలంగాణ రాష్ట్ర విద్యార్థులు మాత్రమే అర్హులు. పదో తరగతిలో 6.0 జీపీఏ కంటే ఎక్కువ వచ్చి ఉండాలి. ఎస్సీ, ఎస్టీ అభ్యర్థులకు 5.0 జీపీఏ కంటే అధికంగా రావాలి. కనీసం నాలుగేళ్లు గ్రామీణ ప్రాంతంలోని పాఠశాలలో చదువుకొని ఉండాలి. దరఖాస్తు ఫారానికి జత చేసిన ఫారం నెంబర్‌-2ను విద్యార్థి చదివిన పాఠశాల ప్రధానోపాధ్యాయులతో పూర్తి చేయించాలి. దాన్ని సంబంధిత మండల రెవెన్యూ అధికారి ధ్రువీకరించాలి. 2019 ఆగస్టు 31 నాటికి 15 నుంచి 22 ఏళ్ల మధ్య వయసు కలిగి ఉండాలి. పదోతరగతి పరీక్షలో సాధించిన గ్రేడ్‌ ఆధారంగా ఎంపిక చేస్తారు. వెటర్నరీ పాలిటెక్నిక్‌ డిప్లొమా కోర్సు రెండేళ్లు ఉంటుంది. ఏటా రెండు సెమిస్టర్లు ఉంటాయి. తెలుగు మాధ్యమంలో బోధన జరుగుతుంది. దరఖాస్తు ఫారాన్ని విశ్వవిద్యాలయం వెబ్‌సైట్‌లో ఆన్‌లైన్‌లో పూరించాలి. పూర్తి చేశాక, సంబంధిత ద్రువీకరణపత్రాలను జత చేయాలి. దరఖాస్తు ఫీజు రూ.660, ఎస్సీ, ఎస్టీ, దివ్యాంగుల విద్యార్థులైతే రూ.330 ఎస్‌బీఐ డీడీ ద్వారా చెల్లించాలి. దరఖాస్తు చేశాక కాపీలను డౌన్‌లోడ్‌ చేసుకొని రిజిస్ట్రార్‌ పి.వి.నరసింహారావు తెలంగాణ వెటర్నరీ విశ్వవిద్యాలయం, అడ్మినిస్ట్రేషన్‌ ఆఫీస్‌, రాజేంద్రనగర్‌, హైదరాబాద్‌ 500030 పేరిట రిజిస్టర్‌ లేదా స్పీడ్‌ పోస్ట్‌ చేయాలి.

టీఆర్‌టీ అభ్యర్థులకు శుభవార్త
* ఉమ్మడి జిల్లాలో 1250 పోస్టులు
* పాఠశాలల్లో భర్తీ కానున్న ఉపాధ్యాయులు

సంగారెడ్డి మున్సిపాలిటీ, న్యూస్‌టుడే: ప్రభుత్వ పాఠశాలల్లో ఉపాధ్యాయ పోస్టులు భర్తీ కానున్నాయి. 2018 ఫిబ్రవరిలో నిర్వహించిన టీఆర్‌టీ(టీచర్స్‌ రిక్రూట్‌మెంట్‌ టెస్ట్‌) పరీక్ష రాసి ఎంపికైన వారికి కౌన్సెలింగ్‌ నిర్వహించనున్నారు. ఇందుకు సంబంధించిన జీవోను ప్రభుత్వం విడుదల చేసింది. జిల్లా పాలనాధికారి ఛైర్మన్‌గా ఏర్పాటైన జిల్లా స్థాయి కమిటీ ఆధ్వర్యంలో కౌన్సెలింగ్‌ జరగనుంది.
టీఆర్‌టీ అభ్యర్థులకు 2010 ఫిబ్రవరి 24 నుంచి మార్చి 4వ తేదీ వరకు ఆన్‌లైన్‌ పరీక్ష నిర్వహించారు. అదే ఏడాది జులైలో ఫలితాలు విడుదల చేశారు. అక్టోబర్‌, నవంబర్‌ నెలలో 1:3 లెక్కన పుల్కల్‌ మండలం సుల్తాన్‌పూర్‌ జేఎన్‌టీయూలో విద్యార్హత ధ్రువపత్రాలు పరిశీలించారు. గత విద్యా సంవత్సరమే వీరిని నియమిస్తారని ఆశించినా.. విద్యా వాలంటీర్లను నియమించి సరిపెట్టారు. ఈ ఏడాదీ వాలంటీర్లను రెన్యూవల్‌ చేయడంతో టీఆర్‌టీ అభ్యర్థులంతా ఆందోళన చెందారు. ఎట్టకేలకు ప్రభుత్వం నియామకాలకు సంబంధించి కసరత్తు చేయడంతో ఊపిరి పీల్చుకున్నారు.
ఉమ్మడి జిల్లా ప్రకారమే..
టీఆర్‌టీ పరీక్ష ఉమ్మడి జిల్లా ప్రకారమే నిర్వహించారు. ఎంపిక కౌన్సెలింగ్‌, నియమకాలూ ఆ ప్రకారమే చేస్తారు. జిల్లా పాలనాధికారి ఛైర్మన్‌గా, సంయుక్త పాలనాధికారి వైస్‌ ఛైర్మన్‌గా, జిల్లా విద్యాధికారి కన్వీనర్‌గా, మరొకరు సభ్యులుగా ఉంటారు. ఎంపికైన వారి జాబితాను టీఎస్‌పీఎస్సీ జిల్లా కమిటీకి పంపుతుంది. ఉపాధ్యాయులు లేని నారాయణఖేడ్‌, అందోలు నియోజకవర్గాల్లోని పాఠశాలలకు కౌన్సెలింగ్‌లో మొదటి ప్రాధాన్యత ఇస్తారు.
వాలంటీర్ల పరిస్థితి..?
ప్రస్తుత విద్యా సంవత్సరానికి 1236 మంది విద్యా వాలంటీర్లను ఇటీవలే రెన్యూవల్‌ చేశారు. కొత్త ఉపాధ్యాయులను నియమిస్తే వారిని తొలగించే అవకాశం ఉంది. వాలంటీర్ల ఉత్తర్వులోనూ పూర్తికాలం పని చేయిస్తామని పేర్కొనలేదు. దీంతో తమ పరిస్థితి ఏమిటని వాలంటీర్లు ఆందోళన చెందుతున్నారు.
ఉమ్మడి జిల్లాలో ఇలా..
* ఎస్జీటీ- 876
* ఎస్‌ఏలు- 214
* ఎల్‌పీలు- 125
* పీఈటీలు: 33
* ఎస్‌ఏ(పీడీ)- 2
* మొత్తం- 1250

ఉచిత శిక్షణకు దరఖాస్తుల ఆహ్వానం
భువనగిరి పట్టణం, న్యూస్‌టుడే: అల్పసంఖ్యాక వర్గాల సంక్షేమ శాఖ ఆధ్వర్యంలో ఐదు అంశాల్లో నిరుద్యోగ యువతీయువకులకు ఉచిత శిక్షణ ఇస్తున్నట్లు జిల్లా మైనార్టీ సంక్షేమ అధికారి సత్యనారాయణ తెలిపారు. జనరల్‌ డ్యూటీ, ఎమర్జెన్సీ మెడికల్‌ టెక్నీషియన్‌, ఫార్మసీ అసిస్టెంట్‌, ప్లేబోటమ్‌ టెక్నీషియన్‌ కోర్సుల్లో మూడు నెలల పాటు శిక్షణ ఇస్తామని పేర్కొన్నారు. పదో తరగతి, ఇంటర్మీడియెట్‌ పూర్తి చేసిన అభ్యర్థులు జులై 24లోపు పాత మున్సిపల్‌ కార్యాలయం ఆవరణలోని తమ కార్యాలయంలో దరఖాస్తు చేసుకోవాలని కోరారు. వివరాలకు చరవాణి సంఖ్య 98499 01156కు సంప్రదించాలని సూచించారు.

నిరీక్షణకు తెర
* ఉపాధ్యాయ నియామకానికి ప్రభుత్వం పచ్చజెండా
* టీఆర్టీకి ఎంపికైన అభ్యర్థుల్లో సంతోషం
* భర్తీ కానున్న నాలుగు వందల పోస్టులు!

రాజపేట, న్యూస్‌టుడే: ఏడాదిన్నర కాలంగా ఎప్పుడెప్పుడా అని ఎదురుచూస్తున్న ఉపాధ్యాయ నియామక ప్రక్రియకు ప్రభుత్వం పచ్చజెండా ఊపింది. కొలువులు ఇచ్చేందుకు అవసరమైన మార్గదర్శకాలపై జీవో వెలువడింది. దీంతో ఉమ్మడి జిల్లాలోని ప్రభుత్వ పాఠశాలల్లో ఉపాధ్యాయుల ఖాళీలు భర్తీ కానున్నాయి. టీఎస్‌పీఎస్సీ నిర్వహించిన టీచర్స్‌ రిక్రూట్‌మెంట్‌ టెస్ట్‌ (టీఆర్టీ) ద్వారా అర్హత సాధించి ఉద్యోగ నియామకాల కోసం ఎదురుచూస్తున్న అభ్యర్థుల్లో ఒకింత సంతోషం వ్యక్తమవుతోంది. రాష్ట్ర విద్యాశాఖ మార్గదర్శకాలను జారీ చేయడంతో పాటు ఉమ్మడి జిల్లా ఉపాధ్యాయుల నియామక కమిటీ ఏర్పాటు చేస్తూ రాష్ట్ర విద్యాశాఖ ఉత్తర్వులు జారీ చేసింది. ఉమ్మడి జిల్లా ప్రాతిపదికన టీఎస్‌పీఎస్సీ 480 ఉపాధ్యాయ పోస్టుల నియామకాల కోసం పరీక్ష నిర్వహించింది. అయితే పలు సమస్యలపై కొందరు కోర్టును ఆశ్రయించడంతో నియామకాలకు ప్రతిబంధకాలు ఏర్పడ్డాయి. దీనికి తోడు వరుస ఎన్నికలతో అమల్లోకి వచ్చిన ప్రవర్తనా నియమావళి (కోడ్‌) అడ్డంకిగా మారడంతో ఎంపికైన అభ్యర్థులకు ఎదురుచూపులు తప్పలేదు. వివాదాలు లేని పోస్టుల భర్తీకి నియామకాల మార్గదర్శకాలు, కమిటీలను నిర్ణయిస్తూ తాజాగా విద్యాశాఖ ఉత్తర్వులు జారీ చేయడంతో అభ్యర్థుల్లో సంతోషం వ్యక్తమవుతోంది. ఉమ్మడి జిల్లా ప్రాతిపదికన జరిగే ఉపాధ్యాయుల నియామకాల కోసం జిల్లా స్థాయి కమిటీని రాష్ట్ర విద్యాశాఖ ఏర్పాటు చేసింది. కమిటీ ఛైర్మన్‌గా పూర్వ జిల్లా పాలనాధికారి, వైస్‌ ఛైర్మన్‌గా సంయుక్త పాలనాధికారి, కార్యదర్శిగా డీఈవో, సభ్యునిగా జడ్పీ సీఈవో, మున్సిపల్‌ కమిషనర్‌, నూతన జిల్లా డీఈవో ఉంటారు.
* ఉమ్మడి జిల్లాలో 400కు పైగా పోస్టుల భర్తీకి మోక్షం
ఉమ్మడి నల్గొండ జిల్లాలో 2014 లెక్కల ప్రకారం 474 ఆయా రకాల ఉపాధ్యాయ పోస్టులు ఖాళీగా ఉన్నట్లు లెక్క తేల్చారు. దీంతో మొత్తం 480 ఉపాధ్యాయ పోస్టులకు 2017 అక్టోబర్‌లో ప్రభుత్వ పరంగా ప్రకటన వెలువడింది. అందులో 35 ఆంగ్లమాధ్యమ, 5 ఉర్దూ ఎస్జీటీ పోస్టులుండగా మిగతా ఆయా సబ్జెక్టుల పాఠశాల సహాయకులు, భాషా పండితులు, పీఈటీలుండటం గమనార్హం. తెలుగు మాధ్యమంలో ఒక్క ఎస్జీటీ పోస్టు కూడా లేకపోవడం తెలిసిందే. 2018 ఫిబ్రవరి, మార్చి నెలల్లో టీఎస్‌పీఎస్సీ ఆధ్వర్యంలో టీఆర్టీ పరీక్షలు విడతలవారీగా నిర్వహించారు. ఇదే సంవత్సరం ఫలితాలు వెల్లడించి ఆగస్టు, సెప్టెంబర్‌ మాసాల్లో 1:3 ప్రకారం ద్రువపత్రాల పరిశీలన చేపట్టారు. 2019 ఏప్రిల్‌ వరకు విడతల వారీగా ఆయా విభాగాల (స్కూల్‌ అసిస్టెంట్‌ హిందీ, హిందీ పండితులు, పీఈటీ పోస్టులు మినహా) ఉపాధ్యాయుల తుది జాబితాను వెల్లడించారు. అప్పటి నుంచి ఎంపికైన అభ్యర్థులకు ఎదురుచూపులు తప్పలేదు. పాఠశాలల పునః ప్రారంభం వరకైనా తమకు నియామక పత్రాలు అందుతాయనుకున్న అభ్యర్థులకు నిరాశే మిగిలింది. గత విద్యా సంవత్సరం విధులు చేపట్టిన విద్యావాలంటీర్లు సుమారు 953 మంది తిరిగి కొనసాగేలా విద్యాశాఖ ఆదేశాలు జారీ చేసిన విషయం తెలిసిందే. కాగా, తాజా ఉత్తర్వుల ప్రకారం వివాదాలు లేని పోస్టులను ప్రస్తుతం భర్తీ చేయనున్నారు. ఈ ప్రకారం నాలుగు వందలకు పైగా పోస్టులు భర్తీ అయ్యే అవకాశముందని లెక్కలు వేస్తున్నారు.

10న‌ ఉద్యోగమేళా
ఇబ్రహీంపట్నం గ్రామీణ, న్యూస్‌టుడే: ఇబ్రహీంపట్నం శాస్త గార్డెన్స్‌లో జులై 10న‌ ఉద్యోగమేళా నిర్వహిస్తున్నట్లు ఎస్సై మోహన్‌ తెలిపారు. జీఎంఆర్‌, రక్ష సెక్యూరిటీ సర్వీసెస్‌ కంపెనీలు ఉద్యోగమేళాలో పాల్గొంటాయని తెలిపారు. 10వ తరగతి పాసై 18 ఏళ్ల వయసు నిండిన వారు అర్హులన్నారు. మరిన్ని వివరాలకు 9491060904, 9160448898లో సంప్రదించాలని కోరారు. అంగన్‌వాడీ ఉపాధ్యాయినులు, సహాయకుల సమస్యలను పరిష్కరించాలని పేర్కొంటూ జులై 10న పాలనాధికారిణి కార్యాలయం ఎదుట ధర్నా నిర్వహిస్తున్నట్లు సీఐటీయూ జిల్లా అధ్యక్షుడు శ్రీనివాస్‌ తెలిపారు. సమస్యల పరిష్కారాన్ని కోరుతూ నిర్వహించే ధర్నాను అంగన్‌వాడీ ఉపాధ్యాయులు, సహాయకులు విజయవంతం చేయాలని కోరారు.

టీఆర్‌టీ అభ్యర్థులకు ఎట్టకేలకు మోక్షం
* ఎంపికైన వారికి త్వరలో పోస్టింగులు
* నియమాకల మార్గదర్శకాలపై జీఓ జారీ
* కలెక్టర్‌ ఛైర్మన్‌గా జిల్లా స్థాయి కమిటీ

న్యూస్‌టుడే, వికారాబాద్‌ టౌన్‌: ప్రభుత్వ ఉపాధ్యాయ అర్హత పరీక్ష (టీఆర్‌టీ) రాసిన అభ్యర్థులకు తీపి కబురు అందింది. వారికి కొలువులు ఇచ్చేందుకు ప్రభుత్వం ఉత్తర్వులు జారీ చేయడంతో ఆనందం వ్యక్తం చేస్తున్నారు. పాలనాధికారులు ఛైర్మన్లుగా జిల్లా స్థాయి కమిటీని ఏర్పాటు చేయాలని విద్యాశాఖ ఉన్నతాధికారులు ఆదేశాలు జారీ చేశారు. ఆ కమిటీ త్వరలోనే కౌన్సెలింగ్‌ నిర్వహించనుంది. ఎంపికైన వారు ఏ పాఠశాలలో పనిచేయాలో పేర్కొంటూ ఉత్తర్వులు ఇవ్వనుంది. న్యాయ స్థానంలో యథాతథ స్థితి ఉత్తర్వులపై స్టే ఉన్నందున దాదాపు రాష్ట్ర వ్యాప్తంగా మూడు వేల మందికే అవకాశం కల్పించనున్నారని సమాచారం. జిల్లాలో ప్రాథమిక, ప్రాథమికోన్నత, ఉన్నత పాఠశాలలు 1,011, పాఠశాలలో 1,312 మంది విద్యా వాలంటీర్లు పని చేస్తున్నారు.
* 2017లోనే ప్రకటన
రాష్ట్రంలోని ప్రభుత్వ పాఠశాలల్లో భారీగా ఉపాధ్యాయ పోస్టుల ఖాళీలు ఉండటంతో ప్రభుత్వం 2017 నవంబరులో 8,792 ఉపాధ్యాయ పోస్టుల భర్తీకి టీఆర్‌టీ ప్రకటజ జారీ చేసింది. పరీక్షల నిర్వహణ సహా ఇతరత్రా ప్రక్రియ అంతా 2018-19 విద్యా సంవత్సరంలోనే దాదాపు పూర్తయింది. 2019-20 విద్యా సంవత్సరం ప్రారంభానికి నియామక ఉత్తర్వులు ఇస్తారని అభ్యర్థులు భావించారు. కానీ ఆకస్మాత్తుగా విద్యా వలంటీర్ల నియమాకానికి విద్యాశాఖ ఉత్తర్వులు జారీ చేసింది. దీంతో అభ్యర్థులు నిరసన దీక్షలు చేపట్టారు.
* ఉమ్మడి రంగారెడ్డి జిల్లా ప్రకారం..
స్కూల్‌ అసిస్టెంట్స్‌: 192
ఎస్జీటీ: 850
పీఈటీ : 16
లాంగ్వేజ్‌ పండిత్‌: 146
జిల్లాలో విద్యా వాలంటీర్లు: 1,312
* మార్గదర్శకాలు ఇవీ...
కలెక్టర్‌ ఛైర్మన్‌, జేసీ వైస్‌ ఛైర్మన్‌, డీఈఓ కార్యదర్శి మరొకరు సభ్యునిగా పూర్వ జిల్లాల వారీగా కమిటీలను ఏర్పాటు చేస్తారు. ఈ కమిటీ కౌన్సెలింగ్‌ నిర్వహించి నియామక ఉత్తర్వులు ఇస్తుంది. పాత జిల్లాల వారీగా ఎంపికైన అభ్యర్ధులు రోస్టర్‌ ర్యాంకు తదితర వివరాలను పాఠశాల విద్యాశాఖ కమిషన్‌కు అందిస్తారు. పాత జిల్లా డీఈఓలు కొత్త జిల్లాల డీఈఓల నుంచి ఖాళీలు, సబ్జెక్టు, మాధ్యమం, ప్రాంతం వారీగా సమాచారం తీసుకోనున్నారు.
మారుమూల ప్రాంతాల్లోని పాఠశాలలకు నాలుగో కేటగిరీ ప్రాధాన్యం ఇవ్వాలి. విద్యార్థుల సంఖ్యను దృష్టిలో పెట్టుకొని నియామకాలు జరపాలి. ఎంపికైన వారి జాబితాను డీఈఓ వెబ్‌సైట్‌లో ఉంచాలి.
* కొలువులు దక్కనున్నాయి - టీఆర్‌టీ రాష్ట్ర అధ్యక్షుడు మల్లికార్జున్‌ గౌడ్‌
కొన్ని నెలలుగా టీఆర్‌టీ అభ్యర్థులు ప్రభుత్వ ఉపాధ్యాయ ఉద్యోగాల కోసం ఎదురు చూస్తున్నారు. ఉద్యోగం వస్తుందన్న ఆశతో ఇతర ఉద్యోగాలు చేయకుండా ఉన్నారు. ప్రభుత్వం నియామకాలను చేపట్టడం ద్వారా అభ్యర్థులకు ఊరటను కల్పించింది. ప్రభుత్వం నిర్ణయంతో కొలువులు దక్కనున్నాయి.

సెక్యూరిటీ, సూపర్‌వైజర్‌ పోస్టులకు మార్చి 15న ఉద్యోగ మేళా
వికారాబాద్‌ మున్సిపాలిటీ, న్యూస్‌టుడే: వికారాబాద్‌ పురపాలక సంఘ కార్యాలయంలో మార్చి 15న శుక్రవారం ఉదయం 10 గంటలకు ఉద్యోగ మేళాను నిర్వహిస్తున్నామని కమిషనర్‌ భోగేశ్వర్లు ఒక ప్రకటనలో తెలిపారు. మెప్మా, ఎస్‌ఐఎస్‌ సెక్యూరిటీ ఏజెన్సీ సంయుక్త అధ్వర్యంలో నిరుద్యోగ యువకులకు సెక్యూరిటీ గార్డులు, సూపర్‌వైజర్ల పోస్టుల భర్తీ కోసం అభ్యర్థులను ఎంపిక చేస్తారని ఆయన అన్నారు. సెక్యూరిటీ గార్డు ఉద్యోగానికి 20 నుంచి 55 సంవత్సరాల వయస్సు కలిగి ఉండాలని, ఎత్తు 165 సెంటిమీటర్లు, బరువు 55 కిలోలు, పదో తరగతి పాస్‌ కాని, ఫెయిల్‌గానీ అయిన వారు అర్హులని అన్నారు. సూపర్‌వైజర్‌ ఉద్యోగానికి 23 నుంచి 55 సంవత్సరాలు వయస్సు కలిగి ఉండాలని ఎత్తు 170 సెంటీ మీటర్లు, బరువు 55 కిలోలు ఉండాలని, ఇంటర్మీడియట్‌ పాస్‌ లేదా ఫెయిల్‌ అయిన వారు అర్హులని అన్నారు. ఈ రంగంలో మూడు సంవత్సరాల అనుభవం ఉండాలని తెలిపారు. ఇతర వివరాలకు చరవాణి నంబర్‌ 9177933822కు చేసి తెలుసుకోవచ్చని తెలిపారు.

ఏప్రిల్‌ 29 నుంచి సార్వత్రిక డిగ్రీ పరీక్షలు
వికారాబాద్‌ మున్సిపాలిటీ, న్యూస్‌టుడే: డాక్టర్‌ బి.ఆర్‌.అంబేడ్కర్‌ సార్వత్రిక విశ్వవిద్యాలయం స్పెల్‌-1 పరీక్షలు ఏప్రిల్‌ 29 నుంచి ప్రారంభమవుతాయని వికారాబాద్‌ అధ్యయన కేంద్రం సమన్వయ కర్త చిన్న సోమన్న ఒక ప్రకటనలో తెలిపారు. డిగ్రీ తృతీయ సంవత్సర పరీక్షలు ఏప్రిల్‌ 29 నుంచి మే 4వ తేదీ వరకు జరుగుతాయని అన్నారు. ద్వితీయ సంవత్సర పరీక్షలు మే 6 నుంచి మే 11వరకు నిర్వహిస్తారని తెలిపారు. ప్రథమ సంవత్సర పరీక్షలు మే 13 నుంచి మే 16 వరకు జరుగుతాయని అన్నారు. ఈ పరీక్షలకు హాజరు కావాల్సిన అభ్యర్థులు ఈనెల 29లోగా ఆన్‌లైన్‌లో ధరఖాస్తు చేసుకోవాల్సి ఉంటుందన్నారు. అపరాధ రుసుం రూ. 200తో ఏప్రిల్‌ 6 వరకు స్వీకరిస్తారని తెలిపారు. ట్యూషన్‌ ఫీజు చెల్లించిన అభ్యర్థులు మాత్రమే పరీక్ష ఫీజు చెల్లించడానికి అర్హులని అన్నారు. రెగ్యులర్‌, బ్యాక్‌లాగ్‌ అంశాలకు సంబంధించిన ఫీజు ఒకే దరఖాస్తు ద్వారా చెల్లించవచ్చన్నారు. సామాన్య శాస్త్రం విద్యార్థులు ఒకటే దరఖాస్తు ద్వారా థియరీ, ప్రాక్టికల్‌ పరీక్ష ఫీజు చెల్లించవచ్చని పేర్కొన్నారు. అభ్యర్థులు వేర్వేరుగా కాకుండా ఒకటే దరఖాస్తు ద్వారా పరీక్ష రుసుము చెల్లించాలని ఆయన సూచించారు.
ద్వితీయ సంవత్సరం మూడో సెమిస్టర్‌
ద్వితీయ సంవత్సరం మూడో సెమిస్టర్‌ పరీక్షలు మే 20 నుంచి మే 26 వరకు కొనసాగుతాయని అన్నారు. పరీక్ష ఫీజు చెల్లించడానికి చివరి తేదీ మే 1 అని ట్యూషన్‌ ఫీజు చెల్లించిన అభ్యర్థులు మాత్రమే పరీక్ష ఫీజును చెల్లించడానికి అర్హులని అన్నారు. సైన్‌్్స విద్యార్థులు ఒకటే దరఖాస్తు ద్వారా థియరీ, ప్రాక్టికల్‌ పరీక్ష ఫీజు చెల్లించవచ్చని పేర్కొన్నారు.

మనక్‌ పిలుస్తోంది!
* భావి శాస్త్రవేతలకు ఆహ్వానం
* ఇన్‌స్పైర్‌ అవార్డుల దరఖాస్తుకు అవకాశం
* ఎంపికైన వారికి రూ. 10 వేల ప్రోత్సాహం
* జులై 31 వరకు గడువు

న్యూస్‌టుడే, కల్వకుర్తి గ్రామీణం: ‘తరగతి గదిలోనే దేశ భవిష్యత్తు రూపుదిద్దుకుంటుంది.. చిన్న దీపమే ఎన్నో జ్యోతులను వెలిగిస్తుంది..’ పెద్దలు చెప్పిన ఈ మాటలను విద్యాశాఖ అధికారులు ఆచరణలో చూపడానికి ప్రయత్నిస్తున్నారు. విద్యార్థులకు పాఠాలను బోధిస్తూనే ప్రయోగాత్మక విద్యను అందించాలని నిర్ణయించింది. ఇందులోభాగంగా విద్యార్థులను పాఠశాల స్థాయిలోనే భావి శాస్త్రవేత్తలుగా మలచడానికి ‘ప్రయోగాత్మకంగా ముందుకు వెళ్తోంది. విద్యార్థుల భావి శాస్త్రవేత్తలుగా ఎదగాలన్న ఉద్దేశంతో కేంద్ర విజ్ఞాన, శాస్త్ర సాంకేతిక విభాగం ప్రతి సంవత్సరం ‘ఇన్‌స్పైర్‌ మనక్‌’ పేరిట పురస్కారాలను అందజేస్తుంది. ప్రస్తుత విద్యాసంవత్సరం (2019- 20)లో ఉత్తమ భావి శాస్త్రవేత్తలను గుర్తించి పురస్కారాలను అందించడానికి కార్యాచరణ సిద్ధం చేసింది. ఈ పురస్కారాన్ని అందజేయడానికి జులై 31 వరకు చివరి గడువు ఉంది.
భావి శాస్త్రవేత్తలను తయారు చేయాలన్న సంకల్పంతో కేంద్రం ప్రభుత్వం ఇన్‌స్పైర్‌ (ఇన్నోవేషన్‌ ఇన్‌ సైన్స్‌ పర్స్యూట్‌ ఫర్‌ ఇన్‌స్పైర్డ్‌ రీసెర్చ్‌) కార్యక్రమాన్ని గత తొమ్మిదేళ్లుగా అమలు చేస్తోంది. విద్యార్థులను శాస్త్రీయ ఆలోచనలు, పరిశోధనలు, ఆవిష్కరణల వైపు విద్యార్థులను అడుగులు వేయించడమే ఈ కార్యక్రమం ప్రధానోద్దేశం. ప్రస్తుతం పథకానికి మరింత మెరుగులు దిద్దారు. ఈ పథకాన్ని కేంద్ర విజ్ఞాన శాస్త్ర సాంకేతిక విభాగం, నేషనల్‌ ఇన్నోవేషన్‌ ఫౌండేషన్‌ సంయుక్తంగా మరింత ప్రణాళికాబద్ధంగా నిర్వహిస్తున్నాయి. జాతీయ ఆశయాలు, విజ్ఞానానికి అనుగుణంగా పదిలక్షల మంది బాలల ఆలోచనలకు సానబట్టే ప్రయత్నం కోసం తాజాగా మనక్‌ (మిలియన్‌ మైండ్స్‌ ఆగుమెంటింగ్‌ నేషనల్‌ ఆస్పిరేషన్‌)ను చేర్చి ‘ఇన్‌స్సైర్‌ మనక్‌’ కార్యక్రమానికి శ్రీకారం చుట్టారు. భారత ప్రభుత్వ సైన్స్‌ అండ్‌ టెక్నాలజీ విభాగం (డీఎస్‌టీ) ప్రధాన కార్యక్రమాల్లో ఒకటిగా దీన్ని అమలుచేస్తున్నారు. పాఠశాల స్థాయిలో 6 నుంచి 10 తరగతి చదువుతున్న 10 నుంచి 15 సంవత్సరాల వయసుగల విద్యార్థులను చైతన్యవంతం చేసేందుకు రూపొందించారు. ప్రయోగాలపట్ల ఆసక్తి, అభిరుచి ఉన్న వారిని ఎంపికచేసి ప్రయోగాలను నేర్పిస్తారు. విద్యార్థులు చేసిన ప్రయోగాలను ‘ఇన్‌స్సైర్‌ మనక్‌’కు పంపిస్తే వాటిని పురస్కారానికి ఎంపికచేసి ఆర్థిక ప్రోత్సాహం అందజేస్తారు. ఈ పురస్కారానికి ఎంపికైన విద్యార్థికి గతంలో రూ.5 వేల ఆర్థిక ప్రోత్సాహం అందజేసేవారు. తాజాగా రూ.10 వేల ఆర్థిక ప్రోత్సాహం అందిస్తున్నారు. పురస్కారానికి దరఖాస్తు చేసుకోవడానికి ఈ నెల 31వ వరకు గడువు ఉంది. విద్యార్థులకు ప్రయోగాంశాలను నేర్పిస్తూ వారితో ప్రయోగాంశాలు చేయించడానికి ‘మనటీవీ- నిపుణ’ ఛానల్‌ ద్వారా దూరదృశ్య సమావేశం ద్వారా ఉపాధ్యాయులకు శిక్షణ ఇచ్చారు. వీరు విద్యార్థులకు ప్రయోగాలను నేర్పిస్తూ ‘ఇన్‌స్పైర్‌ మనక్‌’కు ప్రోత్సహిస్తున్నారు.
ఎంపిక ఇలా.. :
* విద్యార్థులు తయారు చేసిన ప్రయోగాంశాలను జిల్లా స్థాయి నుంచి జాతీయ స్థాయి వరకు ప్రదర్శిస్తారు. వీటిలో ఉత్తమమైన వాటిని ఎంపిక చేస్తారు.
* మొదట జిల్లాస్థాయి ఎంపికలను నిర్వహించి అందులో ఉత్తమ ప్రయోగాలను ఎంపిక చేస్తారు. వారిని రాష్ట్రస్థాయికి పంపిస్తారు. రాష్ట్రస్థాయిలో ఎంపికైన వారిని జాతీయస్థాయి ప్రదర్శనలకు పంపుతారు.
* జాతీయస్థాయిలో ఉత్తమంగా ఎంపికైన 60 ప్రదర్శనలను దిల్లీలో జరిగే ఆవిష్కరణ కార్యక్రమంలో ప్రదర్శిస్తారు.
* విద్యార్థులు ప్రదర్శించిన అంశాల్లోంచి కొన్నింటిని ఎంపిక చేస్తారు. ఎంపికైన వారికి ఇన్‌స్పైర్‌ పురస్కారం, రూ. రూ. 10 వేల ఆర్థిక ప్రోత్సాహం అందజేస్తారు.
దరఖాస్తు విధానం :
* విద్యార్థులు తాము రూపొందించిన ప్రయోగానికి ధ్రువపత్రాన్ని రాయాలి
* సంబంధిత పాఠశాల ప్రధానోపాధ్యాయుడు, ప్రయోగ ఉపాధ్యాయుడి ధ్రువీకరణ పత్రం
* ఈ నెల 31వ తేదీ వరకు ప్రతిరోజూ సోమవారం నుంచి శుక్రవారం వరకు దరఖాస్తు చేసుకోవాలి
* ఉదయం 9:30 గంటల నుంచి సాయంత్రం 6 గంటల వరకు మాత్రమే దరఖాస్తు చేసుకొనే అవకాశం.
* పూర్తి వివరాలకు ఇన్‌స్పైర్‌ మనక్‌ వెబ్‌సైట్‌ను సందర్శించాలి.

ఉచిత శిక్షణకు దరఖాస్తుల ఆహ్వానం
భువనగిరి పట్టణం, న్యూస్‌టుడే: అల్పసంఖ్యాక వర్గాల సంక్షేమ శాఖ ఆధ్వర్యంలో ఐదు అంశాల్లో నిరుద్యోగ యువతీయువకులకు ఉచిత శిక్షణ ఇస్తున్నట్లు జిల్లా మైనార్టీ సంక్షేమ అధికారి సత్యనారాయణ తెలిపారు. జనరల్‌ డ్యూటీ, ఎమర్జెన్సీ మెడికల్‌ టెక్నీషియన్‌, ఫార్మసీ అసిస్టెంట్‌, ప్లేబోటమ్‌ టెక్నీషియన్‌ కోర్సుల్లో మూడు నెలల పాటు శిక్షణ ఇస్తామని పేర్కొన్నారు. పదో తరగతి, ఇంటర్మీడియెట్‌ పూర్తి చేసిన అభ్యర్థులు జులై 24లోపు పాత మున్సిపల్‌ కార్యాలయం ఆవరణలోని తమ కార్యాలయంలో దరఖాస్తు చేసుకోవాలని కోరారు. వివరాలకు చరవాణి సంఖ్య 98499 01156కు సంప్రదించాలని సూచించారు.

నిరీక్షణకు తెర
* ఉపాధ్యాయ నియామకానికి ప్రభుత్వం పచ్చజెండా
* టీఆర్టీకి ఎంపికైన అభ్యర్థుల్లో సంతోషం
* భర్తీ కానున్న నాలుగు వందల పోస్టులు!

రాజపేట, న్యూస్‌టుడే: ఏడాదిన్నర కాలంగా ఎప్పుడెప్పుడా అని ఎదురుచూస్తున్న ఉపాధ్యాయ నియామక ప్రక్రియకు ప్రభుత్వం పచ్చజెండా ఊపింది. కొలువులు ఇచ్చేందుకు అవసరమైన మార్గదర్శకాలపై జీవో వెలువడింది. దీంతో ఉమ్మడి జిల్లాలోని ప్రభుత్వ పాఠశాలల్లో ఉపాధ్యాయుల ఖాళీలు భర్తీ కానున్నాయి. టీఎస్‌పీఎస్సీ నిర్వహించిన టీచర్స్‌ రిక్రూట్‌మెంట్‌ టెస్ట్‌ (టీఆర్టీ) ద్వారా అర్హత సాధించి ఉద్యోగ నియామకాల కోసం ఎదురుచూస్తున్న అభ్యర్థుల్లో ఒకింత సంతోషం వ్యక్తమవుతోంది. రాష్ట్ర విద్యాశాఖ మార్గదర్శకాలను జారీ చేయడంతో పాటు ఉమ్మడి జిల్లా ఉపాధ్యాయుల నియామక కమిటీ ఏర్పాటు చేస్తూ రాష్ట్ర విద్యాశాఖ ఉత్తర్వులు జారీ చేసింది. ఉమ్మడి జిల్లా ప్రాతిపదికన టీఎస్‌పీఎస్సీ 480 ఉపాధ్యాయ పోస్టుల నియామకాల కోసం పరీక్ష నిర్వహించింది. అయితే పలు సమస్యలపై కొందరు కోర్టును ఆశ్రయించడంతో నియామకాలకు ప్రతిబంధకాలు ఏర్పడ్డాయి. దీనికి తోడు వరుస ఎన్నికలతో అమల్లోకి వచ్చిన ప్రవర్తనా నియమావళి (కోడ్‌) అడ్డంకిగా మారడంతో ఎంపికైన అభ్యర్థులకు ఎదురుచూపులు తప్పలేదు. వివాదాలు లేని పోస్టుల భర్తీకి నియామకాల మార్గదర్శకాలు, కమిటీలను నిర్ణయిస్తూ తాజాగా విద్యాశాఖ ఉత్తర్వులు జారీ చేయడంతో అభ్యర్థుల్లో సంతోషం వ్యక్తమవుతోంది. ఉమ్మడి జిల్లా ప్రాతిపదికన జరిగే ఉపాధ్యాయుల నియామకాల కోసం జిల్లా స్థాయి కమిటీని రాష్ట్ర విద్యాశాఖ ఏర్పాటు చేసింది. కమిటీ ఛైర్మన్‌గా పూర్వ జిల్లా పాలనాధికారి, వైస్‌ ఛైర్మన్‌గా సంయుక్త పాలనాధికారి, కార్యదర్శిగా డీఈవో, సభ్యునిగా జడ్పీ సీఈవో, మున్సిపల్‌ కమిషనర్‌, నూతన జిల్లా డీఈవో ఉంటారు.
* ఉమ్మడి జిల్లాలో 400కు పైగా పోస్టుల భర్తీకి మోక్షం
ఉమ్మడి నల్గొండ జిల్లాలో 2014 లెక్కల ప్రకారం 474 ఆయా రకాల ఉపాధ్యాయ పోస్టులు ఖాళీగా ఉన్నట్లు లెక్క తేల్చారు. దీంతో మొత్తం 480 ఉపాధ్యాయ పోస్టులకు 2017 అక్టోబర్‌లో ప్రభుత్వ పరంగా ప్రకటన వెలువడింది. అందులో 35 ఆంగ్లమాధ్యమ, 5 ఉర్దూ ఎస్జీటీ పోస్టులుండగా మిగతా ఆయా సబ్జెక్టుల పాఠశాల సహాయకులు, భాషా పండితులు, పీఈటీలుండటం గమనార్హం. తెలుగు మాధ్యమంలో ఒక్క ఎస్జీటీ పోస్టు కూడా లేకపోవడం తెలిసిందే. 2018 ఫిబ్రవరి, మార్చి నెలల్లో టీఎస్‌పీఎస్సీ ఆధ్వర్యంలో టీఆర్టీ పరీక్షలు విడతలవారీగా నిర్వహించారు. ఇదే సంవత్సరం ఫలితాలు వెల్లడించి ఆగస్టు, సెప్టెంబర్‌ మాసాల్లో 1:3 ప్రకారం ద్రువపత్రాల పరిశీలన చేపట్టారు. 2019 ఏప్రిల్‌ వరకు విడతల వారీగా ఆయా విభాగాల (స్కూల్‌ అసిస్టెంట్‌ హిందీ, హిందీ పండితులు, పీఈటీ పోస్టులు మినహా) ఉపాధ్యాయుల తుది జాబితాను వెల్లడించారు. అప్పటి నుంచి ఎంపికైన అభ్యర్థులకు ఎదురుచూపులు తప్పలేదు. పాఠశాలల పునః ప్రారంభం వరకైనా తమకు నియామక పత్రాలు అందుతాయనుకున్న అభ్యర్థులకు నిరాశే మిగిలింది. గత విద్యా సంవత్సరం విధులు చేపట్టిన విద్యావాలంటీర్లు సుమారు 953 మంది తిరిగి కొనసాగేలా విద్యాశాఖ ఆదేశాలు జారీ చేసిన విషయం తెలిసిందే. కాగా, తాజా ఉత్తర్వుల ప్రకారం వివాదాలు లేని పోస్టులను ప్రస్తుతం భర్తీ చేయనున్నారు. ఈ ప్రకారం నాలుగు వందలకు పైగా పోస్టులు భర్తీ అయ్యే అవకాశముందని లెక్కలు వేస్తున్నారు.

గురుకులాల్లో ప్రవేశాలకు ఆహ్వానం
* ‘న్యూస్‌టుడే’తో సాంఘిక సంక్షేమ గురుకుల విద్యాలయాల యాదాద్రి జిల్లా సమన్వయకర్త
* మార్చి 10 చివరి తేదీ, ఏప్రిల్‌ 7న అర్హత పరీక్ష

రాజపేట, న్యూస్‌టుడే:
గురుకులాల్లోనే మెరుగైన ఫలితాలు లభిస్తాయని భావించి ఆదిశగా రెండేళ్లుగా దశలవారీగా వాటి ఏర్పాటుకు ప్రభుత్వం చర్యలు చేపట్టింది. ఐదో తరగతి నుంచి ఇంటర్‌, డిగ్రీ వరకు ఆంగ్లమాధ్యమంలో నాణ్యమైన బోధన చేపట్టిన విషయం తెలిసిందే. ఏటా ఫలితాలు కూడా మెరుగ్గా వస్తుండటంతో గురుకుల విద్యను మరింత పటిష్ఠ పరిచే దిశగా ప్రభుత్వం బడ్జెట్‌లోనూ ప్రత్యేక నిధులు కేటాయిస్తుంది. దశల వారీగా సామాజికవర్గాల వారీగా గురుకుల పాఠశాలలు, కళాశాలల ఏర్పాటుకు పూనుకుంటుంది. తాజాగా 2019-20 విద్యా సంవత్సరానికి ఆయాప్రాంతాల్లో ఐదోతరగతిలో చేరేందుకు ఏప్రిల్‌ 7న అర్హత పరీక్ష నిర్వహిస్తుంది. ఆసక్తిగల విద్యార్థుల నుంచి దరఖాస్తులు ఆహ్వానిస్తుంది. యాదాద్రి భువనగిరి జిల్లాలో గురుకులాల వ్యవస్థ తీరుతెన్నులు, తాజా దరఖాస్తుల నిబంధనలు, అందనున్న బోధన ఇతర వసతుల విషయమై సాంఘిక సంక్షేమ గురుకుల విద్యాలయాల జిల్లా సమన్వయకర్త ‘నర్సింహాచారి’తో ‘న్యూస్‌టుడే’ ముఖాముఖి నిర్వహించింది.
జిల్లాలో సాంఘిక సంక్షేమ గురుకుల పాఠశాలల వివరాలు
రాజపేట, భువనగిరి, మోత్కూరులో బాలుర గురుకులాలు, అడ్డగూడూరు, ఆలేరు, వలిగొండ, చౌటుప్పల్‌ ప్రాంతాల్లో బాలికల గురుకుల పాఠశాలలున్నాయి. ఒక్కో పాఠశాలలో 5వ తరగతిలో అర్హత పరీక్షద్వారా 80 సీట్లు భర్తీ చేయనున్నారు.
ఐదో తరగతిలో ప్రవేశానికి దరఖాస్తు విధానం, తదితర వివరాలు
మార్చి 10లోగా ఆన్‌లైన్‌లో రూ.100 చెల్లించి అర్హత పరీక్షకు దరఖాస్తు చేసుకోవాల్సి ఉంటుంది. ఏప్రిల్‌ 7న ఎంపిక చేసిన కేంద్రాల్లో పరీక్ష నిర్వాహణ ఉంటుంది. పరీక్షలో ప్రతిభ చూపిన విద్యార్థులకు మెరిట్‌ ఆధారంగా గురుకులాల్లో ఎంపిక ప్రక్రియ చేపడతాం.
దరఖాస్తుకు కావల్సిన అర్హతల వివరాలు
ప్రస్తుతం విద్యార్థి నాలుగో తరగతి చదివి ఉండాలి. అర్హత పరీక్ష రాసే విద్యార్థులు 9 నుంచి 11ఏళ్ల లోపు వయసు ఉండాలి. ఎస్సీ, ఎస్టీ విద్యార్థులకు రెండు సంవత్సరాలు సడలింపు ఉంటుంది. గ్రామీణప్రాంత విద్యార్థి తల్లిదండ్రులకి వార్షిక ఆదాయం రూ.1.50లక్షలు, పట్టణ ప్రాంతంవారికి రూ.2లక్షలు కలిగి ఉండాలి. విద్యార్థి కుల, ఆదాయ, వారి తల్లిదండ్రుల ఆదాయ ధ్రువపత్రాల వివరాలను ఆన్‌లైన్‌లో పొందుపర్చాల్సి ఉంటుంది.
బీసీ గురుకులాల్లో విద్యార్థుల ఎంపిక
ప్రతి గురుకుల పాఠశాలలో మొత్తం 80 సీట్ల భర్తీకి అర్హత పరీక్షలో ప్రతిభ, సామాజికవర్గం ఆధారంగా విద్యార్థుల ఎంపిక జరుగుతుంది. అందులో బీసీలకు 71శాతం(అందులో బీసీ(ఏ)-20శాతం, బీసీ(బీ)-28శాతం, బీసీ(డీ)-19శాతం, బీసీ(ఈ)-4శాతం), ఎస్సీలకు 15, బీసీ(సి)3, ఎస్టీ6, అనాథలకు 3, ఇతరులకు 2శాతంగా రిజర్వేషన్ల భర్తీ జరగనుంది.
సందేహాలకు సంప్ర‌దించాల్సిన నంబ‌ర్లు, వెబ్‌సైట్‌
అ: దరఖాస్తు సమయంలో ఎలాంటి సందేహాలున్నా 9704550269 నెంబర్‌లో సంప్రదించాలి. విద్యార్థిని విద్యార్థులు ‌www.tgcet.cgg.gov.in వెబ్‌సైట్‌ ద్వారా దరఖాస్తు చేసుకోవచ్చు. ఎలాంటి అక్షరదోషాలు లేకుండా దరఖాస్తు చేయాల్సి ఉంటుంది. ఇతర ధ్రువపత్రాలు నియామకపు ఎంపికలోపు సదరు పాఠశాలలో సమర్పించినా సరిపోతుంది.

కళాశాల బదిలీ దరఖాస్తులకు 23 వరకు గడువు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం పరిధిలోని వరంగల్‌, ఖమ్మం, ఆదిలాబాద్‌ జిల్లాల్లోని డిగ్రీ కళాశాలల విద్యార్థులు ఇతర కళాశాలకు బదిలీ కోసం జులై 23వ తేదీలోగా తమ దరఖాస్తులను అందజేయాలని కేయూ రిజిస్ట్రార్‌ ఆచార్య కె.పురుషోత్తం జులై 16న‌ ఒక ప్రకటనలో తెలిపారు. డిగ్రీ రెండో, ఆఖరు సంవత్సరాల విద్యార్థులు పున:ప్రవేశాల కోసం కూడా దరఖాస్తు చేస్తుకోవచ్చన్నారు. కళాశాలల బదిలీల కోసం రూ.వెయ్యి, పునఃప్రవేశాల కోసం రూ.1500 ఫీజు చెల్లించాల్సి ఉంటుందన్నారు. కేయూ రిజిస్ట్రార్‌ కార్యాలయంలో దరఖాస్తులు లభిస్తాయని పేర్కొన్నారు. పూర్తి చేసిన దరఖాస్తును రిజిస్ట్రార్‌ కార్యాలయంలో సమర్పించాలని పురుషోత్తం తెలిపారు. ఈమేరకు డిగ్రీ కళాశాలల ప్రధానాచార్యులు విద్యార్థులకు సమాచారాన్ని పంపించాలని తెలిపారు.

19 నుంచి కేయూ దూరవిద్య పీజీ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం దూర విద్యాకేంద్రం పీజీ పరీక్షలు జులై 19 నుంచి ప్రారంభించనున్నట్లు వర్సిటీ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్య జులై 16న‌ ఒక సంయుక్త ప్రకటనలో తెలిపారు. ఉదయం 9 నుంచి మధ్యాహ్నం 12 గంటల వరకు పరీక్షలను నిర్వహిస్తామని వివరించారు. పరీక్షలకు ఒక రోజు ముందు నుంచి తమకు కేటాయించిన పరీక్ష కేంద్రాల్లో హాల్‌ టికెట్లను పొందవచ్చని దూర విద్యాకేంద్రం సంచాలకులు ఆచార్య జి.వీరన్న మరొక ప్రకటనలో తెలిపారు. ఈమేరకు పరీక్షల షెడ్యూల్‌ను అధికారులు విడుదల చేశారు.
జులై 19, 21, 23, 25, 27 తేదీల్లో ప్రథమ సంవత్సరం, 20, 22, 24, 26, 28 తేదీల్లో ద్వితీయ సంవత్సరం విద్యార్థులకు పరీక్షలు ఉంటాయన్నారు. ఎంఏ తెలుగు, ఆంగ్లం, హిందీ, ఉర్దూ, సంస్కృతం, ప్రభుత్వ పాలనాశాస్త్రం, చరిత్ర, ఆర్థశాస్త్రం, రాజనీతిశాస్త్రం, సమాజశాస్త్రం, రూరల్‌ డెవలప్‌మెంట్‌, ఎంహెచ్‌ఆర్‌ఎం, ఎమ్మెస్సీ గణితం, ఎంకాం, ఎల్‌ఎల్‌ఎం విద్యార్థులకు పరీక్షలు ఉంటాయని అధికారులు వివరించారు.

17 నుంచి దూరవిద్య కోర్సుల ప్రయోగ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం దూర విద్యాకేంద్రం అందిస్తున్న పలు కోర్సుల విద్యార్థులకు జులై 17 నుంచి ప్రయోగ పరీక్షలు నిర్వహిస్తున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ వై.వెంకయ్య జులై 16న‌ ఒక సంయుక్త ప్రకటనలో తెలిపారు. ఎమ్మెస్సీ సైకాలజీ ఆఖరు సంవత్సరం, పీజీడీసీఏ ప్రథమ, రెండో సెమిస్టర్‌లలో ఈ పరీక్షలు ఉంటాయన్నారు. దూరవిద్యాకేంద్రంలోనే పరీక్షలు నిర్వహిస్తున్నట్లు కేంద్రం సంచాలకులు ఆచార్య జి.వీరన్న మరొక ప్రకటనలో తెలిపారు. పరీక్షల వివరాలను వెల్లడించారు.
● జులై 17, 18, 19, 20, 21, 22 తేదీల్లో ఎమ్మెస్సీ సైకాలజీ, 17, 18 తేదీల్లో పీజీడీసీఏ ప్రథమ, 18, 19 తేదీల్లో పీజీడీసీఏ రెండో సెమిస్టర్‌ విద్యార్థులకు పరీక్షలు ఉంటాయన్నారు. దూర విద్యాకేంద్రంలో ఉదయం 9 గంటల నుంచి సాయంత్రం 5 గంటల వరకు బ్యాచులవారీగా పరీక్షలు నిర్వహిస్తామని అధికారులు పేర్కొన్నారు.

ఆగస్టు 5 నుంచి ఎంఫిల్‌ పరీక్షలు
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం ఎంఫిల్‌ కోర్సు విద్యార్థులకు ఆగస్టు 5వ తేదీ నుంచి పార్ట్‌-1 పరీక్షలను నిర్వహించనున్నట్లు కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారిణి డాక్టర్‌ ఎం.సురేఖ జులై 16న‌ ఒక ప్రకటనలో తెలిపారు. అర్థశాస్త్రం, తెలుగు, రాజనీతిశాస్త్రం, ఆంగ్లం, ప్రభుత్వపాలనాశాస్త్రం, ఎడ్యుకేషన్‌, వాణిజ్యశాస్త్రం, చరిత్ర, సమాజశాస్త్రం, ఎంహెచ్‌ఆర్‌ఎంలలో పరీక్షలు ఉంటాయన్నారు. 5వ తేదీన కామన్‌ పేపర్‌, 7వ తేదీన ప్రత్యేక అంశం పేపర్‌ పరీక్షలను నిర్వహించనున్నట్లు స్పష్టం చేశారు. కేయూ క్యాంపస్‌లోని వాణిజ్య శాస్త్ర కళాశాలలో అభ్యర్థులకు పరీక్ష కేంద్రాలను కేటాయించినట్లు అధికారులు తెలిపారు. మధ్యాహ్నం 2 నుంచి సాయంత్రం 5 గంటల వరకు పరీక్షలు నిర్వహించనున్నట్లు తెలిపారు. తమ సంబంధిత కళాశాలల నుంచి హాల్‌టికెట్లను పొందవచ్చన్నారు.

16న ప్రభుత్వ ఐటీఐలో ఉద్యోగమేళా
జులైవాడ, న్యూస్‌టుడే: నిర్మాణరంగంలో ఉన్న ఎల్‌బీటీ సంస్థ ఆధ్వర్యంలో జులై 16న హన్మకొండ ములుగు రోడ్డులోని ప్రభుత్వ ఐటీఐ (బాలురు)లో ఉద్యోగ మేళా నిర్వహిస్తున్నట్లు ఐటీఐ ప్రధానాచార్యులు జుమ్లానాయక్‌ జులై 14న‌ ఒక ప్రకటనలో తెలిపారు. ఉద్యోగ మేళాలో ఎంపికైన వారికి కంచీపురం, చెన్నైలలో మూడు నెలల పాటు శిక్షణ ఇచ్చి నెలకు రూ.11వేల చొప్పున వేతనం చెల్లిస్తారన్నారు. అభ్యర్థులు ఐటీఐలో ఎలక్ట్రీషియన్‌, ఫిట్టర్‌, డ్రాఫ్ట్స్‌మెన్‌ సివిల్‌, వెల్డర్‌ కోర్సు చేసి ఉండాలన్నారు. 18 నుంచి 35 ఏళ్లలోపు వయసు కలిగిన వారు అర్హులన్నారు. కేవలం పురుషులు మాత్రమే పాల్గొనాలని ఈ అవకాశాన్ని ఆసక్తి కలిగిన నిరుద్యోగ యువకులు వినియోగించుకోవాలని కోరారు.

13న నిరుద్యోగులకు ఉద్యోగమేళా
జులైవాడ, న్యూస్‌టుడే : ఉమ్మడి వరంగల్‌ జిల్లాలోని నిరుద్యోగ యువతకు ప్రైవేటు రంగంలో ఉద్యోగాలు కల్పించేందుకు జులై 13న ములుగురోడ్డులోని ఉపాధి కార్యాలయంలో ఉద్యోగ మేళా నిర్వహిస్తున్నట్లు జిల్లా ఉపాధి అధికారి ఎం.మల్లయ్య జులై 10న ఒక ప్రకటనలో తెలిపారు. అపోలో ఫార్మసీ హైదరాబాద్‌లో పని చేయ‌డానికి 230 మందికి ఉద్యోగాలు అందించుటకు ఈ జాబ్‌ మేళా నిర్వహిస్తున్నామన్నారు. 10వ తరగతి ఆపైన ఇంటర్మీడియెట్‌, డి.ఫామ్‌, బి.ఫామ్‌, ఎం.ఫామ్‌ చదివిన అభ్యర్థులు హాజరుకావచ్చన్నారు. ఎంపికైన వారికి నెలకు రూ.9 వేల నుంచి 15 వేల వరకు వేతనం అందిస్తారన్నారు. అభ్యర్థుల వయసు 18 నుంచి 35 ఏళ్లలోపు ఉండాలన్నారు. ఆసక్తి కలిగిన అభ్యర్థులు తమ బయోడేటా, విద్యార్హత ధ్రువీకరణపత్రాలతో 13వ తేదీన‌ ఉదయం 10 గంటలకు హాజరుకావాలన్నారు. మరిన్ని వివరాలకు 8247656356 నంబరుకు ఫోన్‌ చేసి తెలుసుకోవాలన్నారు.

10న మెగా జాబ్‌ మేళా
పాలకుర్తి, న్యూస్‌టుడే: యువత ఉపాధి అవకాశాలను సద్వినియోగం చేసుకోవాలని డీఆర్‌డీవో రాంరెడ్డి అన్నారు. డీఆర్‌డీఏ ఆధ్వర్యంలో జులై 8న‌ పాలకుర్తిలోని ఓ వేడుకల మందిరంలో పాలకుర్తి, దేవరుప్పుల, కొడకండ్ల మండలాలకు చెందిన ప్రజాప్రతినిధులు, అధికారులు, మహిళా సంఘాల ప్రతినిధులతో ఉపాధి అవకాశాలపై అవగాహన సదస్సు నిర్వహించారు. రాంరెడ్డి మాట్లాడుతూ జులై 10న మహబూబాబాద్‌ జిల్లాలోని తొర్రూరులో మెగా జాబ్‌ మేళా నిర్వహిస్తున్నామన్నారు. 53 కంపెనీలు పాల్గొని 5602 ఉద్యోగాలకు అభ్యర్థులను ఎంపిక చేసుకుంటాయన్నారు. రాష్ట్ర గిరిజన సహకార సంస్థ ఛైర్మన్‌ గాంధీనాయక్‌, సోమేశ్వరాలయ ఛైర్మన్‌ రామచంద్రయ్యశర్మ, జడ్పీటీసీ సభ్యుడు శ్రీనివాసరావు, ఎంపీపీ నాగిరెడ్డి, జడ్పీ కోఆప్షన్‌ సభ్యుడు మదార్‌, ఎంపీడీవో అశోక్‌కుమార్‌ తదితరులు పాల్గొన్నారు.

ఆర్ట్స్‌ కళాశాల డిగ్రీ పరీక్ష ఫలితాలు విడుదల
సుబేదారి, న్యూస్‌టుడే: సుబేదారి ఆర్ట్స్‌ కళాశాల (స్వయం ప్రతిపత్తి) 2018 డిగ్రీ ఫలితాలను జులై 8న‌ కళాశాలలో కాకతీయ విశ్వవిద్యాలయం పరీక్షల నియంత్రణ అధికారి ఆచార్య మహేందర్‌రెడ్డి, ప్రిన్సిపల్‌ ఆచార్య బన్న అయిలయ్య విడుదల చేశారు. రెండో, నాలుగో, ఆరో సెమిస్టర్‌ ఫలితాలు వెల్లడించారు. రెండో సెమిస్టర్‌లో 725 మంది హాజరుకాగా 464, నాలుగో సెమిస్టర్‌లో 612 మంది హాజరుకాగా 381, ఆరో సెమిస్టర్‌లో 566 మంది పరీక్షకు హాజరుకాగా 417 మంది ఉత్తీర్ణత సాధించారు. మొత్తంగా 65.29 ఉత్తీర్ణత శాతం నమోదైంది. బీఏ, బీకాం, బీఎస్సీ కోర్సులలో సప్లమెంటరీ సెమిస్టర్‌ (ఒకటో, మూడో, అయిదో) పరీక్షలు రాసిన ఫలితాలను గతంలోనే విడుదల చేశారు. ఈ కార్యక్రమంలో కళాశాల వైస్‌ ప్రిన్సిపల్‌ కె.రాజేందర్‌, ఆర్ట్స్‌ కళాశాల పరీక్షల నియంత్రణాధికారిణి డాక్టర్‌ మమత, సహాయ రిజిస్ట్రార్‌ కిష్టయ్య, అధ్యాపకులు తదితరులు పాల్గొన్నారు.

అతిథి అధ్యాపకుల భర్తీకి దరఖాస్తుల ఆహ్వానం
నెహ్రూసెంటర్‌, న్యూస్‌టుడే: ప్రభుత్వ జూనియర్‌ కళాశాలల్లో అతిథి అధ్యాకులుగా పనిచేసేందుకు ఆసక్తి ఉన్న అభ్యరులు దరఖాస్తు చేసుకోవాలని కలెక్టర్‌ సీహెచ్‌.శివలింగయ్య జులై 6న‌ ఒక ప్రకటనలో తెలిపారు. అన్ని సబ్జెక్టుల్లో 50 శాతం అర్హత కలిగి ఉండాలన్నారు. అంతర్జాలంలో దరఖాస్తు చేసుకోవాలన్నారు. గార్ల మండలంలో బోటనీ-1, జువాలజీ-2. గణితం-3, గూడూరు రసాయనశాస్త్రం-1, బోటనీ-2, హందీ-3, కేసముద్రంలో ఆంగ్లం-1, భౌతిక శాస్త్రం-2, రసాయన శాస్త్రం-1, కొత్తగూడలో బోటనీ-1, ఆంగ్లం-2, హిందీ-3, మహబూబాబాద్‌ బాలుర కళాశాలలో జువాలజీ-1, బోటనీ-2, ఆంగ్లం-3, మహబూబాబాద్‌ (బాలిక)లో ఆంగ్లం-1, చరిత్ర-2, ఎంపీహెచ్‌డబ్ల్యూ-3, మరిపెడలో జువాలజీ-1, బయ్యారం ఆరికశాస్త్రం-1, నెల్లికుదురులో గణితం-1, డైరీ-2, తొర్రూరులో గణితం-1, భౌతికశాస్త్రం, బోటనీ-3 ఖాళీలు ఉన్నాయన్నారు. జులై 14లోపు దరఖాస్తు చేసుకోవాలని కోరారు.

మార్చి 15 నుంచి నిట్‌లో కళాక్షేత్ర వసంతోత్సాహం
నిట్‌క్యాంపస్‌, న్యూస్‌టుడే: వరంగల్‌ జాతీయ సాంకేతిక సంస్థ(ఎన్‌ఐటీ) విద్యార్థులు నిర్వహించే వసంతోత్సవం(స్ప్రింగ్‌స్ప్రీ)-19 మూడు రోజులపాటు ఘనంగా నిర్వహించేందుకు అన్ని ఏర్పాట్లు చేస్తున్నట్లు నిట్‌ సంచాలకుడు ఆచార్య ఎన్‌.వీ.రమణారావు తెలిపారు. బుధవారం నిట్‌లో ఏర్పాటు చేసిన మీడియా సమావేశంలో డైరెక్టర్‌ మాట్లాడుతూ.. దేశంలో వైవిధ్యమైన సంస్కృతులను ఒకే వేదికపైకి తీసుకొచ్చే ప్రయత్నంతో ఈ ఏడాది వసంతోత్సవం నిర్వహిస్తున్నట్లు చెప్పారు. విద్యార్థులకు 64 కళలను పరిచయం చేయడమే లక్ష్యంగా వివిధ కళల సంగమంగా భావించి ‘కళాక్షేత్ర’ అనే థీం ఎంపిక చేసినట్లు చెప్పారు. మూడు రోజులపాటు జరిగే వసంతోత్సవంలో వివిధ కళా రంగాలకు చెందిన తెలంగాణలోని ప్రముఖ కళాకారులను సత్కరిస్తున్నట్లు చెప్పారు. విద్యార్థి వ్యవహారాల విభాగం డీన్‌ ఎల్‌ఆర్‌జీ.రెడ్డి మాట్లాడుతూ.. దేశంలోని ప్రతిష్ఠాత్మక సాంకేతిక సంస్థల నుంచి సుమారు 4 వేల మంది విద్యార్థులు వివిధ సాంస్కృతిక అంశాలలో పోటీపడతారని చెప్పారు. గురువారం సాయంత్రం 6 గంటలకు లిటిల్‌ మ్యూజిక్‌ సంగీత నాటక అకాడమీ నిర్వాహకులు రామాచారి కళాక్షేత్ర ఉత్సవాల కర్టన్‌రైజర్‌ చేసి ప్రారంభిస్తారని చెప్పారు. ఈ ఏడాది ఫెస్ట్‌లో భాగంగా ప్రముఖ తెలుగు సినీ సంగీత దర్శకుడు ఎస్‌.ఎస్‌.తమన్‌ ప్రోషోలో ప్రదర్శన ఇవ్వడం ప్రత్యేక ఆకర్షణగా నిలువనుంది. తెలంగాణలోని స్థానిక కళాకారులు మట్టెవాడ అజయ్‌కుమార్‌ (సూక్ష్మచిత్రకారుడు), హరిప్రసాద్‌(పవర్‌లూంవర్క్స్‌), పి.విజయ్‌కిషోర్‌(చిత్రలేఖనం), బీఎం.రెడ్డి(నాటకరంగం), మర్రిగోపాల్‌రెడ్డి (శిల్పకారుడు), ఎం.శ్రీనివాస్‌(శిల్పము)లను వసంతోత్సవం సందర్భంగా సత్కరించనున్నట్లు చెప్పారు. ఈ మీడియా సమావేశంలో ఫ్యాకల్టీ అడ్వైజర్‌ డాక్టర్‌ కె.ఆనందకిషోర్‌, విద్యార్థి సమన్వయకుడు యశ్వంత్‌ తదితరులు పాల్గొన్నారు.
కళాక్షేత్రలో ఈవెంట్లు ఇలా..
స్పాట్‌లైట్‌ ఈవెంట్‌లో భాగంగా సంగీతం, నృత్యం, సాహిత్యం, నాటకం, గేమింగ్‌ తదితర అంశాలపై విద్యార్థులు పోటీపడతారు. ఈ పోటీలలో పాల్గొనేందుకు ఇప్పటికే విద్యార్థులు ఆన్‌లైన్‌లో తమ పేర్లు రిజిస్టర్‌ చేసుకున్నారు. ఆసక్తిగల విద్యార్థులు స్పాట్‌ రిజిస్ట్రేషన్‌లో పేర్లు నమోదు చేసుకోవచ్చు. * కొరియోనైట్‌ ఈవెంట్‌లో నృత్యరంగంలో ప్రావీణ్యంగల విద్యార్థులు పాల్గొని ప్రతిభను చాటుతారు. ప్రముఖ కొరియోగ్రాఫర్‌ వేలుకుమార్‌ సెల్వరాజన్‌ న్యాయనిర్ణేతగా హాజరవుతారు. * ఈవెంట్‌లో సంగీత నేపథ్య గాయకులు తమ ప్రతిభను చాటవచ్చు. ఇందులో లలితసంగీతం, శాస్త్రీయ, జానపద, వెస్ట్రన్‌ పాటలు పాడుతారు. ఐడల్‌ ఈవెంట్‌కు టాక్సీవాలా, డీ-16 చిత్రాలకు సంగీత దర్శకుడుగా పనిచేసిన జాక్స్‌బేజాయిలు న్యాయనిర్ణేతగా హాజరవుతారు. * అల్యూర్‌షో ఈవెంట్‌లో భాగంగా డిజైనింగ్‌ అంశంపై విద్యార్థులు పోటీపడతారు. ప్రముఖ ఫ్యాషన్‌ డిజైనర్‌ తేజేశ్వర్‌రాజవాత్‌ న్యాయనిర్ణేతగా హాజరవుతున్నారు. వీటితోపాటు వార్‌ఆఫ్‌డీజే, నుక్కడ్‌నటాక్‌, గేండోం, డైరెక్టర్స్‌కట్‌ తదితర ఈవెంట్లు జరగనున్నాయి.
ప్రోషోలు ఇవీ...
వసంతోత్సవంలో ప్రోషోలకు ప్రాధాన్యం ఉంటుంది. విద్యార్థులు పెద్ద సంఖ్యలో వీటిలో పాల్గొని సంతోషం వ్యక్తం చేస్తారు. కళాక్షేత్ర ఫెస్ట్‌లో మార్చి 15వ తేదీ రాత్రి ప్రముఖ బాలీవుడ్‌ సింగర్‌ నకాశ్‌అజీజ్‌లు పాల్గొని తన గానంతో విద్యార్థులను మంత్రముగ్ధులను చేయనున్నారు. 16వ తేదీ రాత్రి హిందీరాక్‌ బ్యాండ్‌ బృందంతో బాలీవుడ్‌ గాన కచేరీ ఉంటుంది. 17వ తేదీ రాత్రి దూకుడు, బిజినెస్‌మ్యాన్‌, తొలి ప్రేమ, రేసుగుర్రం వంటి ప్రముఖ తెలుగు చిత్రాలకు సంగీత దర్శకత్వం వహించిన ప్రముఖ తెలుగు సినీసంగీత దర్శకుడు ఎస్‌.ఎస్‌.తమన్‌ హాజరై విద్యార్థులను తన గానంతో విద్యార్థులను మంత్రముగ్ధులను చేయనున్నారు.
సామాజిక మేల్కొలుపు కార్యక్రమాలు
కళాక్షేత్రలో భాగంగా విద్యార్థులు పలు సేవాకార్యక్రమాలకు శ్రీకారం చుడుతున్నారు. ప్రభుత్వ పాఠశాలలో సాంస్కృతిక కార్యక్రమాలు చేపట్టి వారికి చేయూతను అందించడం, గ్రామాలలో ఉచిత వైద్య శిబిరాలు నిర్వహించడంవంటి కార్యక్రమాలు చేపడుతున్నారు. ‘షేర్‌ఫుడ్‌-షేర్‌జాయ్‌’ అనే నినాదంతో వృథాగా పడేసి ఆహార పదార్ధాలను సేకరించి మరొకరి ఆకలి తీర్చడం వంటి పలు కార్యక్రమాలు చేపడుతున్నారు. గతంలోనూ నిట్‌ విద్యార్థులు పలు సామాజిక సేవా కార్యక్రమాలు చేపట్టిన విధంగా ఈ ఏడాది ఫెస్ట్‌లోనూ నిర్వహిస్తున్నారు.

సార్వత్రిక డిగ్రీ ప్రవేశాలకు గడువు 28
జనగామ అర్బన్‌, న్యూస్‌టుడే: డాక్టర్‌ బి.ఆర్‌.అంబేడ్కర్‌ సార్వత్రిక విశ్వవిద్యాలయంలో డిగ్రీ అభ్యసించేందుకు అర్హత పరీక్ష నోటిఫికేషన్‌ విడుదలైందని, ఆన్‌లైన్‌లో దరఖాస్తు చేసుకునేందుకు మార్చి 28 వరకు గడువు ఉందని జనగామ స్టడీ సెంటర్‌ కోఆర్డినేటర్‌ కలువల శ్రీనివాస్‌ మార్చి 8న‌ ఒక ప్రకటనలో తెలిపారు. బీఏ, బీకాం, బీఎస్సీ కోర్సుల్లో చదివేందుకు విశ్వవిద్యాలయం అవకాశం కల్పించిందని, ఇంటర్‌ పాసై, 2019 జూలై 1 నాటికి 18 ఏళ్లు నిండిన వారు ప్రవేశం పొందవచ్చన్నారు. వివరాలకు 73829 29687 నంబర్‌ను సంప్రదించాలని సూచించారు.

పీజీ కోర్సుల పరీక్ష ఫీజు గడువు 18
కేయూ క్యాంపస్‌, న్యూస్‌టుడే: కాకతీయ విశ్వవిద్యాలయం అందిస్తున్న పీజీ కోర్సుల్లో పరీక్షల ఫీజుల చెల్లింపు తేదీలను మార్చి 6న ప్రకటించారు. కేయూ పరీక్షల నియంత్రణ అధికారి ఆచార్య ఎస్‌.మహేందర్‌రెడ్డి, అదనపు అధికారి డాక్టర్‌ ఎం.సురేఖ ఫీజు చెల్లింపుల వివరాలను తెలిపారు. ఎంఏ, ఎంకాం, ఎంఎస్సీలలోని అన్ని సబ్జెక్ట్‌ల నాలుగో సెమిస్టర్‌ విద్యార్థులు ఎలాంటి ఆలస్యపు రుసుము లేకుండా మార్చి 18 తేదీలోగా చెల్లించుకోవచ్చు. రూ.250 ఆసల్యపు రుసుంతో మార్చి 22 వరకు ఫీజులను స్వీకరిస్తామని స్పష్టం చేశారు. వచ్చేనెలలో పరీక్షలు ఉంటాయని వివరించారు.

డిగ్రీ అర్హత పరీక్షకు దరఖాస్తుల ఆహ్వానం
సుబేదారి, న్యూస్‌టుడే: డాక్టర్‌ బీఆర్‌ అంబేడ్కర్‌ ఓపెన్‌ విశ్వవిద్యాలయంలో డిగ్రీలో చేర‌డానికి అర్హత పరీక్షకు మార్చి 28లోపు దరఖాస్తు చేసుకోవాలని వరంగల్‌ రీజినల్‌ కోఆర్డినేటర్‌ డాక్టర్‌ వై.వెంకటేశ్వర్లు ఒక ప్రకటనలో తెలిపారు. ఎలాంటి విద్యార్హతలు లేనప్పటికీ 18 ఏళ్లు నిండినవారు అర్హత పరీక్ష రాసి ఉత్తీర్ణత సాధిస్తే నేరుగా డిగ్రీలో ప్రవేశాలు కల్పిస్తామన్నారు. పదోతరగతి, ఇంటర్మీడియట్‌; ఐటీఐ పూర్తికాని వారు అర్హత పరీక్షకు దరఖాస్తు చేసుకోవ‌చ్చున‌ని సూచించారు. వివరాలకు సమీపంలోని అధ్యయన కేంద్రాన్ని సంప్రదించాలని తెలిపారు. 0870 - 2511862 నెంబర్‌ను సంప్రదించాలని కోరారు. దరఖాస్తు చేసుకున్న వారికి ఏప్రిల్‌ 28వ తేదీన అర్హత పరీక్ష నిర్వహిస్తామని చెప్పారు. మరిన్ని వివరాలకు అంబేడ్కర్‌ ఓపెన్‌ విశ్వవిద్యాలయం వెబ్‌సైట్ సంప్రదించాలని సూచించారు.
http://www.braouonline.in