Ask the Expert
|
Feedback
|
About us
|
Contact us
|
Pratibha Home

డీఎస్సీ ద్వారానే రెండు వేల గిరిజన ఉపాధ్యాయుల భర్తీ
* మంత్రి రావెల కిషోర్‌బాబు వెల్లడి
ఈనాడు-హైదరాబాద్: డీఎస్సీ-2014 ద్వారానే గిరిజన సంక్షేమ శాఖలోని రెండు వేల ఉపాధ్యాయ పోస్టులను భర్తీ చేయాలని విద్యా శాఖను కోరినట్లు ఆంధ్రప్రదేశ్ సాంఘిక, గిరిజన సంక్షేమ శాఖల మంత్రి రావెల కిషోర్‌బాబు వెల్లడించారు. గిరిజన సంక్షేమ శాఖకు చెందిన గురుకుల విద్యాలయాల సంస్థ 23వ పాలకమండలి సమావేశం ఫిబ్రవరి 9న జరిగింది. సమావేశం ముగిసిన అనంతరం ఎమ్మెల్సీలు చైతన్యరాజు, గాదె శ్రీనివాసులునాయుడు, రవివర్మతో కలిసి మంత్రి విలేకర్లతో మాట్లాడారు. ఎమ్మెల్సీలు, ఉపాధ్యాయ సంఘాల నుంచి వచ్చిన విజ్ఞప్తుల మేరకు పలు సమస్యల పరిష్కారానికి నిర్ణయాలు తీసుకున్నామని పేర్కొన్నారు. గురుకుల విద్యాలయాల పరిధిలో కాంట్రాక్టు పద్ధతిపై పనిచేసే 502 బోధనేతర సిబ్బందిలో 371 మంది గిరిజన అభ్యర్థులు ఉన్నారని చెప్పారు. తొలిదశలో గిరిజన అభ్యర్థుల సర్వీసును క్రమబద్ధీకరించాలని నిర్ణయించినట్లు తెలిపారు. గురుకుల విద్యాలయాలపై పర్యవేక్షణ కోసం జిల్లాల్లో సమన్వయ అధికారులను నియమించనున్నామని తెలిపారు.




Published on 2/5/2015