JEE > TOPPER VOICE

JEE(ADVANCED) 2015 Toppers

చిన్నప్పటి నుంచి పరిశోధనలంటే ఇష్టం

- ఆహ్వాన్‌రెడ్డి, (ఆల్‌ ఇండియా 6వ ర్యాంకరు)
మాది నల్గొండ జిల్లాలోని పోచంపల్లి. మధ్య తరగతి కుటుంబం. 430 మార్కులతో అఖిల భారత స్థాయిలో 6వ ర్యాంకు సాధించడం ఆనందంగా ఉంది. మాదాపూర్‌లోని శ్రీచైతన్యనారాయణ అకాడమీలో చదివా. ఐఐటీ బొంబాయిలో కంప్యూటర్‌ సైన్స్‌ చదువుతా. ఉపాధ్యాయులు, తల్లిదండ్రుల సహకారం వల్లే ఈ విజయం సాధ్యమైంది.

తల్లిదండ్రుల సహకారం వల్లే ఈ విజయం

- ఆహ్వాన్‌రెడ్డి, (ఆల్‌ ఇండియా 6వ ర్యాంకరు)
మాది నల్గొండ జిల్లాలోని పోచంపల్లి. మధ్య తరగతి కుటుంబం. 430 మార్కులతో అఖిల భారత స్థాయిలో 6వ ర్యాంకు సాధించడం ఆనందంగా ఉంది. మాదాపూర్‌లోని శ్రీచైతన్యనారాయణ అకాడమీలో చదివా. ఐఐటీ బొంబాయిలో కంప్యూటర్‌ సైన్స్‌ చదువుతా. ఉపాధ్యాయులు, తల్లిదండ్రుల సహకారం వల్లే ఈ విజయం సాధ్యమైంది.

14 గంటలు చదివా

- సాయిసందీప్‌ (ఆల్‌ఇండియా 8వ ర్యాంకరు)
చిన్నప్పటి నుంచి చదువంటే ప్రాణం. ఎప్పుడూ తరగతిలో నేనే ఫస్ట్‌. 425 మార్కులతో జాతీయస్థాయిలో 8వ ర్యాంకు సాధించా. 14 గంటలు చదవడం వల్లే ఈ విజయం సాధ్యమయింది. తల్లిదండ్రులు, ఉపాధ్యాయుల ప్రోత్సాహం మరవలేనిది. మాది హైదరాబాద్‌. నాన్న మెడికల్‌ రిప్రెజెంటేటివ్‌. చెస్‌, క్రికెట్‌ ఆడుతా. బొంబాయి ఐఐటీలో చదవడం నా కల. అది సాకారం కాబోతున్నందుకు సంతోషంగా ఉంది.

ఎలక్ట్రికల్‌ ఇంజినీర్‌నవుతా...

- కె. విష్ణువర్థన్‌రెడ్డి, (ఆల్‌ ఇండియా 9వ ర్యాంకరు)
మాది కడప జిల్లా రాయచోటి. 424 మార్కులతో 9వ ర్యాంకు సాధించా. విజయవాడ చైనా అకాడమీలో చదివాను. నాన్న వెంకటసుబ్బారెడ్డి వ్యాపారం చేస్తారు. ఐఐటీ బొంబాయిలో కంప్యూటర్‌ సైన్స్‌లో చేరి ఎలక్ట్రికల్‌ ఇంజినీర్‌నవుతా. రోజుకు 13 గంటలు చదవడం వల్లే ఈ విజయం సాధ్యమైంది. నా తల్లిదండ్రులు, ఉపాధ్యాయులకు ధన్యవాదాలు.

జీఎమ్మార్‌ మాదిరిగా వ్యాపారవేత్తనవుతా..

- బూరి విద్యాసాగర్‌ నాయుడు (ఆల్‌ ఇండియా 11వ ర్యాంకరు)
మాది శ్రీకాకుళం జిల్లా రాజాం. 417 మార్కులతో ఐఐటీ అడ్వాన్స్‌లో 11వ ర్యాంకు సాధించా. నాన్న వెంకట్‌ నాయుడు ప్రభుత్వ ఉపాధ్యాయుడు. జీఎమ్మార్‌ సంస్థల అధినేత గ్రంథి మల్లికార్జున్‌రావు నాకు స్ఫూర్తి. ఆయన లాగే పెద్ద వ్యాపారవేత్త కావాలనేదే నా లక్ష్యం. బొంబాయి ఐఐటీలో కంప్యూటర్‌ సైన్స్‌లో చేరి నా కల నిజం చేసుకుంటా.

సాఫ్ట్‌వేర్‌ కంపెనీ స్థాపిస్తా

- టి.భవన్‌ (ఎస్సీ విభాగంలో మొదటి ర్యాంకర్‌)
అడ్వాన్స్‌డ్‌లో 386 మార్కులు సాధించి ఎస్సీ విభాగంలో జాతీయస్థాయిలో మొదటి ర్యాంకులో నిలిచా. ఓపెన్‌ కేటగిరీకి వస్తే 39వ ర్యాంకు దక్కింది. బొంబాయి ఐఐటీలో కంప్యూటర్‌ సైన్స్‌లో చేరి ఇంజినీరింగ్‌ చేసిన అనంతరం సాఫ్ట్‌వేర్‌ కంపెనీని స్థాపించాలని అనుకుంటున్నా. ఇంటర్‌మీడియట్‌ను విజయవాడలో పూర్తిచేశా. మాది గుంటూరు జిల్లా తెనాలి. నాన్న అక్కడ దుస్తుల వ్యాపారం చేస్తారు. అమ్మ గృహిణి.