ఇంటర్వ్యూలో
ఆత్మవిశ్వాసం ఇతరులకు తెలిపేందుకు చక్కని కరచాలనం అవసరం. ఇది మీపై సానుకూల ముద్రపడేలా చేస్తుంది.
* చేతులు కట్టుకోవడం, కాళ్లు ముడుచుకోవడం సరికాదు.
* కూర్చొనేటపుడు, నిల్చొనేటపుడు రెండు కాళ్ల మధ్య దూరం కాస్త ఎక్కువ తక్కువ కాకుండా ఉండాలి.
* కాళ్లు, చేతులు కదలకుండా ఉండాలి. ఆందోళనతో చేతులు వణకుండా ప్రశాంతంగా ఉంచాలి.
* స్వరం బిగ్గరగాను, చాలా తక్కువగాను ఉండకూడదు. ఆత్మవిశ్వాసం ఉట్టిపడేలా మాట్లాడాలి.
* ముఖాముఖిలో అవతలి వ్యక్తి హావభావాలనూ గమనించాలి. అప్పుడే వాటికి తగినట్లు మీరూ స్పందిచే వీలుంటుంది.
* కూర్చొన్నపుడు అరచేతులు పైకి కనిపించేలా ఉంచాలి. ముడుచుకోకూడదు.
* ఇంటర్వ్యూ చేస్తున్న వ్యక్తిని కాకుండా.. దిక్కులు చూస్తూ కూర్చొంటే అది అవతలి వ్యక్తిని అగౌరవపరచినట్టౌంది. దృష్టిఎప్పుడూ మాట్లాడుతున్న వ్యక్తివైపే ఉండాలి.
* అవతలి వారు చెబుతున్నది బాగా వినాలి.

కార్యాలయాల్లో..
* సహచరులను చిరునవ్వుతో పలకరించడం ఎప్పటికీ మరవొద్దు.
* సహచరులతో కలిసి కూర్చొనేటపుడు ఇద్దరి మధ్యా కాస్త చోటు ఉండాలి. అలాగని మరీ దూరంగా కూర్చోకూడదు.
* సహచరులు కూర్చొని మాట్లాతుంటే నిల్చోవడం.. నిల్చొని మాట్లాడుతోంటే కూర్చొని ఉండటం సరికాదు. ఉన్నతాధికారుల వద్ద ఈ విషయంలో సందర్భానుసారం మెలగాలి.
* ఇతరులతో మాట్లాడుతున్నపుడు ముఖం తిప్పుకోవడం సరికాదు. ఎవరైనా పిలిచినపుడు, లేకుంటే ఫోన్ కాల్ వచ్చినపుడు 'ఒక్క నిముషం' అంటూ అనుమతి తీసుకోవడం మరవకూడదు. అక్కడి నుంచి వెళ్లాల్సి వస్తే అవతలి వ్యక్తి మాట్లాడటం ఆపాక కదలాలి.
* తోటి ఉద్యోగి మాట్లాడుతున్నపుడు అతనివైపే చూడాలి. తల తిప్పుకోవడం, మరోవైపునకు తిరగడం వంటికి చేయకూడదు.
* ఎప్పుడూ మాట్లాడుతున్నపుడు ముఖాన్ని తాకడం, తల నిమురుకోవడంచేయకూడదు.
* దగ్గు, ఆవిలింత వచ్చినపుడు నోటికి చేయి, లేకుంటే రుమాలు అడ్డుపెట్టుకోవాలి.
* కొంత మంది వేళ్లతో బల్లపై దరువేస్తుంటారు. ఇదీ మంచి పద్ధతి కాదు.
* ఉద్యోగులను తోటి ఉద్యోగులను తాకుతూ మాట్లాడటం సరికాదు. ఎంత చనువున్నా కార్యాలయంలో ఇద్దరి మధ్యా కాస్త దూరం ఉండాలి.