SBI Associates - Notification

ఎస్‌బీఐలో 8224 జూనియ‌ర్ అసోసియేట్‌లు

ప్ర‌భుత్వ‌ రంగ బ్యాంకు ఎస్‌బీఐ 8224 జూనియ‌ర్ అసోషియేట్ (క‌స్ట‌మ‌ర్ స‌పోర్ట్ అండ్ సేల్స్‌) పోస్టుల భ‌ర్తీకి ప్ర‌క‌ట‌న విడుద‌ల‌చేసింది. అమరావతి సర్కిల్ లో 150, హైదరాబాద్ సర్కిల్ లో 375 ఖాళీలు ఉన్నాయి. ఆన్‌లైన్‌లో నిర్వ‌హించే ప్రిలిమ్స్‌, మెయిన్స్ ప‌రీక్ష‌ల్లో చూపిన ప్ర‌తిభ ద్వారా అభ్య‌ర్థుల‌ను ఎంపిక‌చేస్తారు.

అర్హ‌త‌: ఏదైనా డిగ్రీ
వయసు: జ‌న‌వ‌రి 1, 2020 నాటికి 20 -28 ఏళ్లలోపు ఉండాలి. అంటే జ‌న‌వ‌రి 2, 1992 కంటే ముందు; జ‌న‌వ‌రి 1, 2000 త‌ర్వాత జ‌న్మించిన‌వాళ్లు అన‌ర్హులు. (ఎస్సీ, ఎస్టీల‌కు అయిదేళ్లు, ఓబీసీల‌కు మూడేళ్లు, దివ్యాంగుల‌కు ప‌దేళ్లు గ‌రిష్ఠ వ‌యఃప‌రిమితిలో స‌డ‌లింపులు వ‌ర్తిస్తాయి)
ఎంపిక విధానం: ఆన్‌లైన్‌లో నిర్వ‌హించే ప్రిలిమ్స్, మెయిన్స్‌ల ద్వారా
ప్రిలిమిన‌రీ ప‌రీక్ష‌లో: ఇంగ్లిష్ లాంగ్వేజ్ నుంచి 30, న్యూమ‌రిక‌ల్ ఎబిలిటీ 35, రీజ‌నింగ్‌ ఎబిలిటీ 35 ప్ర‌శ్న‌లు వ‌స్తాయి. ప్ర‌తి ప్ర‌శ్న‌కు ఒక మార్కు. మొత్తం ప్ర‌శ్న‌ప‌త్రం వంద మార్కుల‌కు ఉంటుంది. ప‌రీక్ష వ్య‌వ‌ధి ఒక గంట‌. ప్ర‌తి సెక్ష‌న్‌కు వ్య‌వ‌ధి 20 నిమిషాలు.
మెయిన్స్ ఇలా: ఇందులో 4 సెక్ష‌న్లు ఉంటాయి. సెక్ష‌న్‌-1లో జ‌న‌ర‌ల్ / ఫైనాన్షియ‌ల్ అవేర్‌నెస్ నుంచి 50 ప్ర‌శ్న‌లు వ‌స్తాయి. వీటిని 35 నిమిషాల్లో పూర్తిచేయాలి. సెక్ష‌న్ -2 జ‌న‌ర‌ల్ ఇంగ్లిష్ 40 ప్ర‌శ్న‌లు, 35 నిమిషాలు, సెక్ష‌న్‌-3 క్వాంటిటేటివ్ ఆప్టిట్యూడ్ నుంచి 50 ప్ర‌శ్న‌లు వీటికి 45 నిమిషాలు, సెక్ష‌న్ -4 రీజ‌నింగ్ అబిలిటీ, కంప్యూట‌ర్ ఆప్టిట్యూడ్ 50 ప్ర‌శ్న‌లు వ‌స్తాయి. వ్య‌వ‌ధి 45 నిమిషాలు. వీటికి 60 మార్కులు. మిగిలిన అన్ని సెక్ష‌న్ల‌కు ప్ర‌తి ప్ర‌శ్న‌కు ఒక మార్కు. మొత్తం 190 ప్ర‌శ్న‌లకు 200 మార్కులు కేటాయించారు. ప‌రీక్ష వ్య‌వ‌ధి 2 గంట‌ల 40 నిమిషాలు.
ప్రిలిమ్స్‌, మెయిన్స్ రెండు ప‌రీక్ష‌ల్లోనూ రుణాత్మ‌క మార్కులు ఉన్నాయి. ప్ర‌తి త‌ప్పు స‌మాధానానికీ పావుశాతం చొప్పున మార్కులు త‌గ్గిస్తారు. ప్రిలిమ్స్‌, మెయిన్స్ రెండు ప‌రీక్ష‌ల్లోనూ సెక్ష‌న్ల‌వారీ క‌టాఫ్ మార్కులు ఉంటాయి. అలాగే పేప‌ర్ మొత్తానికి కూడా క‌టాఫ్ మార్కులు ఉంటాయి. వీటిని ఎస్‌బీఐ నిర్ణ‌యిస్తుంది. ప్రిలిమ్స్‌లో అర్హ‌త సాధించిన అభ్య‌ర్థుల నుంచి ఆయా విభాగాల‌వారీ మొత్తం ఖాళీల‌కు ప‌ది రెట్ల సంఖ్య‌లో అభ్య‌ర్థుల‌ను మెయిన్స్‌కు ఎంపిక‌చేస్తారు. ప్రిలిమిన‌రీ అర్హ‌త ప‌రీక్ష మాత్ర‌మే. మెయిన్స్‌లో సాధించిన మార్కుల‌ను తుది ఎంపిక‌లో ప‌రిగ‌ణ‌న‌లోకి తీసుకుంటారు. అభ్య‌ర్థులు ఏ స‌ర్కిల్ పోస్టుల‌కైనా ద‌ర‌ఖాస్తు చేసుకోవ‌చ్చు. అయితే ఆ స‌ర్కిల్‌కు కేటాయించిన ఏదో ఒక స్థానిక భాష‌లో చ‌ద‌వ‌డం, రాయ‌డం, మాట్లాగ‌ల‌గ‌డం త‌ప్ప‌నిస‌రి.

ద‌ర‌ఖాస్తులు: జ‌న‌వ‌రి 3 నుంచి ప్రారంభం
ద‌ర‌ఖాస్తు ఫీజు: ఎస్సీ, ఎస్టీ, దివ్యాంగులు, ఎక్స్ సర్వీస్ మన్ కు ఫీజు లేదు; జ‌న‌ర‌ల్‌, ఓబీసీ అభ్య‌ర్థుల‌కు రూ.750.
ఆన్‌లైన్ ద‌ర‌ఖాస్తుల‌కు చివ‌రి తేదీ: జనవరి 26
ప్రిలిమిన‌రీ ప‌రీక్ష‌లు: ఫిబ్రవరి / మార్చిలో నిర్వ‌హిస్తారు.
మెయిన్స్ ప‌రీక్ష‌: ఏప్రిల్ 19న
ఆన్‌లైన్ ప్రిలిమ్స్‌ పరీక్ష కేంద్రాలు: ఏపీలో చీరాల‌, గుంటూరు, కడప, కాకినాడ‌, క‌ర్నూలు, నెల్లూరు, రాజ‌మండ్రి, శ్రీకాకుళం, తిరుప‌తి, విజ‌య‌వాడ‌, విశాఖ‌ప‌ట్నం, విజ‌య‌న‌గ‌రం. తెలంగాణ‌లో హైద‌రాబాద్‌, క‌రీంన‌గ‌ర్‌, ఖ‌మ్మం, వ‌రంగ‌ల్‌.
పే స్కేల్‌: 13075-31450. మెట్రోల్లో ఉద్యోగం పొందిన‌వారు అన్నీ కలుపుకుని సుమారు రూ.26,000 వేత‌న రూపంలో పొంద‌వ‌చ్చు.
వెబ్‌సైట్‌: www.sbi.co.in/careers

Posted on 02-01-2020