అర్హ‌త ప‌రీక్ష‌


ఏపీ సెట్ - 2017

       ఆంధ్రప్రదేశ్‌లోని యూనివ‌ర్సిటీలు, డిగ్రీ క‌ళాశాల‌ల్లో లెక్చర‌ర్లు, అసిస్టెంట్ ప్రొఫెస‌ర్ పోస్టుల అర్హత కోసం ఆంధ్రప్రదేశ్ స్టేట్ ఎలిజిబిలిటీ టెస్ట్ (ఏపీ సెట్‌) -2017 ప్రకటన విడుదలైంది. రాష్ట్ర ప్రభుత్వం తరఫున ఆంధ్రా యూనివర్సిటీ ఈ పరీక్షలను నిర్వహించనుంది. 2017 నుంచి వరుసగా మూడేళ్లకు గాను (ఏటా ఒకసారి) ఈ పరీక్ష నిర్వహించేందుకు యూనివర్సిటీ గ్రాంట్స్ కమిషన్ ఆంధ్రా యూనివర్సిటీకి అనుమతి ఇచ్చింది. ఈ మేరకు కమిషన్ అనుమతించిన 31 సబ్జెక్టులకు వర్సిటీ సెట్ నిర్వహించనుంది. విభజన అనంతరం ప్రస్తుతం రాష్ట్రంలో 26 విశ్వవిద్యాలయాలు, 146 ప్రభుత్వ డిగ్రీ కళాశాలలు, 1192 ఎయిడెడ్, అన్ ఎయిడెడ్ డిగ్రీ కళాశాలలు ఉన్నాయి.
అర్హత: అభ్యర్థి రాయదలుచుకున్న సబ్జెక్టులో 55 శాతం మార్కులతో (ఓబీసీ/ ఎస్సీ/ ఎస్టీ/ పీడబ్ల్యూడీలకు 50% మార్కులు) మాస్టర్స్‌ డిగ్రీ ఉత్తీర్ణులై ఉండాలి. చివరి సంవత్సరం చదువుతున్నవారు కూడా అర్హులే. కానీ వారు సెట్‌ ఫలితాలు ప్రకటించిన తేదీ నుంచి ఏడాది లోపు మాస్టర్స్‌ డిగ్రీ ఉత్తీర్ణులవ్వాలి.
వయసు: అసిస్టెంట్‌ ప్రొఫెసర్‌కు దరఖాస్తు చేసుకునేవారికి వయః పరిమితి లేదు.
పరీక్ష ఫీజు: జ‌న‌ర‌ల్ అభ్యర్థులకు రూ.1000, బీసీ అభ్యర్థులకు రూ.800, ఎస్సీ, ఎస్టీ, పీహెచ్‌, వీహెచ్ అభ్యర్థుల‌కు రూ.500. క్రెడిట్‌, డెబిట్‌, నెట్ బ్యాంకింగ్ ద్వారా ఫీజు చెల్లించ‌వ‌చ్చు.
దరఖాస్తు విధానం: ఆన్‌లైన్‌ దరఖాస్తులను మాత్రమే స్వీకరిస్తారు.
ఆన్‌లైన్ ద‌ర‌ఖాస్తు ప్రక్రియ ప్రారంభం: 30.03.2017
ఆన్‌లైన్ ద‌ర‌ఖాస్తుకు చివ‌రితేదీ: 10.05.2017
పరీక్షా కేంద్రాలు: అనంతపురం, గుంటూరు, నెల్లూరు, రాజమండ్రి, తిరుపతి, విశాఖపట్టణం
ప‌రీక్ష ఇలా...
ప‌రీక్షలో 3 పేప‌ర్లు ఉంటాయి. ప్రశ్నల‌న్నీ మల్టిపుల్ ఛాయిస్ ఆబ్జెక్టివ్ తరహాలో ఉంటాయి. మొదటి పేపర్ అందరికీ ఒకటే. రెండు, మూడు పేపర్లు ఆయా స‌బ్జెక్టుల‌కు సంబంధించి ఉంటాయి. మొదటి పేపర్‌లో మొత్తం 60 ప్రశ్నలు అడుగుతారు. వీటిలో 50 ప్రశ్నలకు స‌రైన జ‌వాబులు గుర్తిస్తే స‌రిపోతుంది. 50 కంటే ఎక్కువ ప్రశ్నలకు జవాబులిచ్చిన‌ప్పుడు మొదటి 50 ప్రశ్నలకు ఇచ్చిన సమాధానాలనే పరిగణనలోకి తీసుకుంటారు. దీంట్లో టీచింగ్ అండ్ ఆప్టిట్యూడ్‌పైనే ప్రశ్నలు వస్తాయి. ఒక్కో ప్రశ్నకు రెండు మార్కుల చొప్పున 100 మార్కులు ఉంటాయి. సమయం 75 నిమిషాలు. రెండో పేపర్‌లో 50 ప్రశ్నలు అడుగుతారు. ప్రతి ప్రశ్నకు రెండు మార్కులు. సమయం 75 నిమిషాలు. మూడో పేపర్‌లో 75 ప్రశ్నలుంటాయి. ఒక్కో ప్రశ్నకు రెండు మార్కులుంటాయి. పరీక్ష సమయం రెండున్నర గంటలు. మొదటి రెండు పేపర్లలో అర్హత సాధిస్తేనే మూడో పేపర్‌ను మూల్యాంకనం చేస్తారు.

ఏపీ సెట్ - 2017 వివరాలు

  • నోటిఫికేషన్
  • ఆన్‌లైన్ అప్లికేష‌న్‌
  • సబ్జెక్టులు
  • పాత ప్రశ్నపత్రాలు
  • నమూనా ప్రశ్నపత్రాలు