అందరిదీ ఒకే బాట..
డిజిటల్‌ ఇండియా
అందుకు వేదికలు... ఫోన్‌లు, ట్యాబ్‌లు, ల్యాపీలు, వాయిస్‌ అసిస్టెంట్‌లు
వాడుతున్న వారధులు.. యాప్‌లు, వెబ్‌సైట్‌లు, కార్డులు, స్వైపింగ్‌ మెషీన్‌లు
తీసుకుంటున్న జాగ్రత్తలేంటి? చూద్దాం... చేద్దాం.. అంటే కుదరదు!!
అవగాహన అనివార్యం. నిత్యం సెక్యూరిటీ వెర్షన్‌ని మార్చుకుంటూనే ఉండాలి!
ఇప్పుడు కాక మరెప్పుడు... సిద్ధంకండి!
‘ఉచితం’ చాలా ఖరీదైంది
నగరాల్లోని ప్రధాన కూడళ్లు... రైల్వే స్టేషన్లు... బస్‌స్టాండ్‌లు... అన్ని చోట్లా ఉచితం అంటూ కనిపించే వై-ఫై బోర్డులు. ‘సూపర్‌.. ఇంకెందుకు ఆలస్యం!’ అని కనెక్టు అయిపోయి నెట్టింట్లో విహరించేస్తున్నారా? జాగ్రత్త... ఆ ఉచితం ఖరీదు ఎక్కువే. భారీ మూల్యం చెల్లించుకోవాల్సి వస్తుంది.
* హ్యాకర్లు నిత్యం ఉచిత వై-ఫై జోన్ల ట్రాఫిక్‌ని ట్రాకింగ్‌ చేస్తుంటారు.
* సెక్యూర్డ్‌ కాని ఫోన్‌లు, ట్యాబ్‌లోకి సులువుగా ప్రవేశిస్తారు.
* కేవలం నెట్‌ బ్రౌజింగ్‌ చేస్తున్నప్పటికీ ఫోన్‌ డేటా ఆధారంగా ఆర్థిక లావాదేవీల వివరాల్ని కొల్లగొట్టేస్తారు.