INTERMEDIATE 2018 Toppers

TS INTER 2018 Toppers

ఆదాయపన్ను శాఖ అధికారి కావాలని ఉంది
- శ్రుతి, ఎంపీసీ (994) మొదటిస్థానం
ఆదాయ పన్ను శాఖ అధికారి కావటమే నాలక్ష్యం. దేశంలోని అవినీతిని రూపుమాపేందుకు నా వంతు కృషి చేస్తా. తల్లిదండ్రులు, అధ్యాపకుల సహకారంతో రాష్ట్ర స్థాయిలో ప్రథమ స్థానంలో నిలిచా. ఖమ్మం నగరంలోని శ్రీచైతన్య జూనియర్‌ కళాశాలలో చదువుకున్నా. స్వగ్రామం తల్లాడ మండలం కుర్నవల్లి గ్రామం. నాన్న అయిలూరి కృష్ణారెడ్డి వ్యవసాయం చేస్తారు.

ఐఐటీ చదివి కంపెనీ సీఈవో అవుతా..
- వి.శ్రీజ, ఎంపీసీ (994) ప్రథమ స్థానం
మాది వరంగల్‌ రూరల్‌ జిల్లా నల్లబెల్లి మండలం అర్వయపల్లి గ్రామం. దామెర మండలం కోగిల్వాయిలో ఉండే మా మామయ్య ఇంటి వద్ద ఉంటూ చదువుకుంటున్నాను. రాష్ట్ర స్థాయిలో ప్రథమ ర్యాంకు సాధించడం సంతోషంగా ఉంది. ఐఐటీ చదివి కంపెనీ సీఈవో అవుతాను. మా తల్లిదండ్రులు వ్యవసాయం చేస్తూ కష్టపడటాన్ని చూశాను. నన్ను ప్రోత్సహించిన కృష్ణవేణి జూనియర్‌ కళాశాల యాజమాన్యం, ప్రిన్సిపల్‌, తల్లిదండ్రులకు రుణపడి ఉంటాను.

AP INTER 2018 Toppers

శాస్త్రవేత్తను కావాలనేది లక్ష్యం
- తేజవర్ధన్‌రెడ్డి
ఎంపీసీలో రాష్ట్ర స్థాయిలో ప్రథమ స్థానం రావడం ఎంతో అదృష్టంగా భావిస్తున్నాను. ఉదయం అయిదింటికే లేచి వ్యాయామం చేసి, మనసును ప్రశాంతంగా ఉంచుకుని చదివేవాడిని. కళాశాలలోనూ అదనపు తరగతులు లేకపోవడంతో బాగా చదువుకోవడానికి అవకాశం దొరికింది. వారాంతపు పరీక్షలపై దృష్టిపెట్టాను. అందుకే ఇంత చక్కని విజయం లభించిందనుకుంటున్నాను. శాస్త్రవేత్తను కావాలనేది నా లక్ష్యం.

పేదలకు వైద్య సేవలందిస్తా
- ఎం.దీక్షిత
అమ్మానాన్నలు నాపై పెట్టుకున్న నమ్మకాన్ని వమ్ము చేయక బైపీసీలో టాపర్‌గా నిలవటం ఎంతో ఆనందంగా ఉంది. భవిష్యత్తులో మంచి డాక్టర్ని అవుతాను. పేదలకు వైద్యసేవలు అందిస్తాను. ఏలూరులోని చైతన్య జూనియర్‌ కళాశాలలో చదివాను. నాన్న శ్రీనివాసరావు ఏలూరు కోర్టులో జూనియర్‌ అసిస్టెంట్‌. అమ్మ రత్నశ్రీ ఆంగ్ల ఉపాధ్యాయురాలు. ఎంతటి కష్టనష్టాలనైనా అధిగమించి వారి కలల్ని నెరవేరుస్తాను.

Back





Academic Exams