INTERMEDIATE 2017 Toppers

TS INTER 2017 Toppers

* విద్యార్థిని: కొండా నిఖిత
మార్కులు: 993 (ఎంపీసీ)
నేపథ్యం: స్వగ్రామం ఖమ్మం జిల్లా కూసుమంచి మండలం
చేగొమ్మ: నిఖిత తండ్రి ఓ ప్రైవేటు కళాశాలలో లెక్చరర్‌, తల్లి ఉషారాణి గృహిణి.
ఐఏఎస్‌ కావాలన్నదే జీవిత లక్ష్యం
‘ప్రతిరోజూ కళాశాలలో ఎక్కువ సమయం చదవడం వల్లే ఈ మార్కులు వచ్చాయి. ఎంసెట్‌, జేఈఈ మెయిన్స్‌కు సిద్ధమవుతూ ఇంటర్‌లో అత్యధిక మార్కులు వచ్చేలా ప్రణాళికాబద్ధంగా చదివా కలెక్టరై పేద ప్రజలకు సేవ చేయాలనేది నా చిరకాల కోరిక.

* విద్యార్థిని:: వంగల సాయిచరణ్‌
మార్కులు: 992 (ఎంపీసీ)
నేపథ్యం: స్వస్థలం ఖమ్మం. తండ్రి రాంబాబు ఓ ప్రైవేటు కళాశాలలో లెక్చరర్‌, తల్లి సుజాత ప్రైవేటు సంస్థలో ఉద్యోగం.
సైన్యాధికారినవుతా..: నాకు సైన్యంలో అధికారిగా పని చేయాలని ఉంది. ఏరో నాటికల్‌ ఇంజినీర్‌ వృత్తిపైనా ఆసక్తి ఉంది. అధ్యాపకులు, యాజమాన్యం ప్రోత్సాహంతో అత్యధిక మార్కులు సాధించగలిగా. ఇతర పరీక్షలకు సిద్ధమవుతూనే ఇంటర్‌ పరీక్షలకు కూడా ప్రాధాన్యం ఇచ్చాను.

* విద్యార్థిని:లక్ష్మీ భవాని
మార్కులు: 991 (బైపీసీ)
నేపథ్యం: స్వస్థలం మంచిర్యాల జిల్లా శ్రీరాంపూర్‌. తండ్రి మల్లికార్జున్‌ వ్యాపారం, అమ్మ శారద గృహిణి
సమాజ సేవకోసం వైద్యవృత్తిని ఎంచుకుంటా..: ప్రజలు ఆరోగ్యంగా ఉంటే ఏదైనా సాధిస్తారు. ప్రజా సేవ చేయాలనే ఆశయం నాకుంది. నా అభిరుచిని గుర్తించి తల్లిదండ్రులు ప్రోత్సహించారు. ఉత్తమమైన ఆధ్యాపక మార్గదర్శనంతోనే నాకీ విజయం దక్కింది. ఒక పద్ధతిగా చదివి మార్కులు సాధించా

* విద్యార్థిని: సాయిస్వరూప్‌రెడ్డి
మార్కులు: 976
నేపథ్యం: స్వస్థలం: వనపర్తి జిల్లా కేంద్రం.. నాన్న ఎక్సైజ్‌శాఖలో హెడ్‌కానిస్టేబుల్‌
ఐఏఎస్‌పైనే దృష్టి..: సీఈసీలో చేరినప్పుడు కొందరు ఆ కోర్సేంటి అన్నారు. అయినా కామర్స్‌పై ఇష్టంతో చదివాను. 976 మార్కులు తెచ్చుకొని రాష్ట్రస్థాయిలో ప్రతిభ చూపినందుకు ఎంతో సంతోషంగా ఉంది. సివిల్స్‌కు సన్నద్ధమై ఐఏఎస్‌ కావాల్నది లక్ష్యంగా పెట్టుకున్నాను.

AP INTER 2017 Toppers

నీట్‌లోనూ మంచి ర్యాంకు సాధిస్తా: నైమిషా
ఆలపాటి నైమిషా బైపీసీలో 991 మార్కులతో రాష్ట్రంలోనే ప్రథమ స్థానంలో నిలిచింది. ఈమె గుంటూరు జిల్లా బాపట్ల విజ్ఞాని వీజీఆర్‌ఎం కళాశాల విద్యార్థిని. తల్లిదండ్రులు వెంకటేశ్వర్లు, లక్ష్మీసురేఖ ప్రైవేట్‌ ఉద్యోగులు. నీట్‌లోనూ మంచి ర్యాంకు సాధిస్తానంటోంది. కార్డియాలజిస్టు/గైనకాలజిస్టుగా స్థిరపడాలనేది తన లక్ష్యమందీ ప్రతిభావని.

గైనకాలజిస్టుగా స్థిరపడతా..: ఎస్‌.సారిక
బైపీసీలో 990 మార్కులతో రెండో ర్యాంకు సాధించిన ఎస్‌.సారిక గైనకాలజిస్టుగా స్థిరపడతానంటోంది. తిరుపతికి చెందిన ఈమె తండ్రి ఎస్‌.రవీంద్రనాథ్‌రెడ్డి వ్యాపారి, తల్లి ఎస్‌.శ్రీగీత గృహిణి. తిరుపతిలోని డాక్టర్స్‌ మెడికల్‌ అకాడమీలో చదివింది. వైద్యులైన తాతయ్య నరసింహారెడ్డి, బాబాయి నవీన్‌కుమార్‌రెడ్డి స్ఫూర్తితో వైద్యవృత్తిలో స్థిరపడాలని నిర్ణయించుకున్నట్లు తెలిపింది. ఒత్తిడి లేకుండా ప్రణాళికాబద్ధంగా చదవడంతో ఉత్తమ ర్యాంకు సాధించినట్లు చెప్పింది.

కార్డియాలజిస్ట్‌ అవుతా..: పసువులేటి లీనా
ఈమె రాజమహేంద్రవరంలోని తిరుమల జూనియర్‌ కళాశాల విద్యార్థిని. లీనా తండ్రి జ్ఞానప్రదీప్‌ ఆర్టీసీ డ్రైవర్‌. ఆయన అందించిన ప్రోత్సా హం, తమ కోసం పడ్డ కష్టం మరువలేనిదని చెప్పిందీమె. కార్డియాలజిస్ట్‌గా సమాజసేవ చేయాలనన్నది తన కోరికట. బైపీసీలో 990 మార్కులు సాధించడం పట్ల ఎంతో సంతోషం ప్రకటించిందీమె.

మాజీ సైనికుడి కుమార్తెకు రెండో స్థానం..
బైపీసీలో 990 మార్కులు సాధించి రెండో స్థానంలో నిలవటం పట్ల ఆనందం ప్రకటించింది వెన్నంపల్లి జ్ఞానప్రసూన. ఈమెది చిత్తూరు జిల్లా మిత్తూరు. తండ్రి కుమార్‌ మాజీ సైనికుడు. తల్లి కె.సునీత. విజయవాడలోని చైతన్య విద్యార్థిని.

Back





Academic Exams