Ask the Expert
|
Feedback
|
About us
|
Contact us
|
Pratibha Home
 

యూనియ‌న్ ప‌బ్లిక్ స‌ర్వీస్ క‌మిష‌న్ (యూపీఎస్‌సీ) ఏటా నిర్వహించే ఇండియ‌న్ ఫారెస్ట్ స‌ర్వీస్ ప‌రీక్ష-2015కు ప్రక‌ట‌న విడుద‌ల‌చేసింది. ప్రిలిమ్స్‌, మెయిన్స్‌, ఇంట‌ర్వ్యూల ద్వారా అభ్యర్థుల‌ను ఎంపిక‌చేస్తారు.
ఖాళీల సంఖ్య: 110
ప్రిలిమిన‌రీ ప‌రీక్ష తేదీ: ఆగ‌స్ట్ 23, 2015
తెలుగు రాష్ట్రాల్లో ప‌రీక్ష కేంద్రాలు: హైద‌రాబాద్‌, విజ‌య‌వాడ‌, విశాఖ‌ప‌ట్నం
ద‌ర‌ఖాస్తులు: ఆన్‌లైన్‌లోనే అనుమ‌తిస్తారు.
వెబ్‌సైట్‌: www.upsconline.nic.in
ఆన్‌లైన్ ద‌ర‌ఖాస్తుల‌కు చివ‌రి తేదీ: జూన్ 19
వ‌యోప‌రిమితి: 21 నుంచి 32 ఏళ్లలోపు ఉండాలి. (ఆగ‌స్టు 2, 1983 కంటే ముందు; ఆగ‌స్టు 1, 1994 త‌ర్వాత జ‌న్మించిన‌వాళ్లు ప‌రీక్ష రాయ‌డానికి అన‌ర్హులు.) ఎస్సీ, ఎస్టీల‌కు ఐదేళ్లు; ఓబీసీల‌కు మూడేళ్లు గ‌రిష్ఠ వ‌యోప‌రిమితిలో స‌డ‌లింపులు ఉంటాయి.
అర్హత‌: యానిమ‌ల్ హ‌స్బెండ‌రీ అండ్‌ వెట‌ర్నరీ సైన్స్‌, బోట‌నీ, కెమిస్ట్రీ, జియాల‌జీ, మ్యాథ్స్‌, ఫిజిక్స్‌, స్టాటిస్టిక్స్‌, జువాల‌జీ వీటిలో ఏదైనా స‌బ్జెక్టును డిగ్రీలో చ‌దివుండాలి. లేదా అగ్రిక‌ల్చర‌ల్‌, ఫారెస్ట్రీ, ఇంజినీరింగ్‌ల్లో ఏదైనా డిగ్రీ ఉండాలి.
ఎన్ని ప్రయ‌త్నాలు: గ‌రిష్ఠ వ‌యోప‌రిమితికి లోబ‌డి ఎస్సీ, ఎస్టీలు ఎన్నిసార్లైనా ప‌రీక్ష రాసుకోవ‌చ్చు. ఓబీసీలైతే 9, జ‌న‌ర‌ల్ అభ్యర్థులైతే 6 సార్లు ప‌రీక్ష రాయ‌వ‌చ్చు.
ఫీజు: రూ. వంద‌. మ‌హిళ‌లు, ఎస్సీ, ఎస్టీలు, పీహెచ్ అభ్యర్థులు ఫీజు చెల్లించాల్సిన ప‌నిలేదు.
ఎంపిక విధానం: ప‌్రిలిమ్స్, మెయిన్స్‌, ఇంట‌ర్వ్యూల ద్వారా అభ్యర్థుల‌ను ఎంపిక‌చేస్తారు. ఫారెస్ట్ స‌ర్వీసెస్‌కు ద‌ర‌ఖాస్తు చేసుకున్నవారు సివిల్స్ ప్రిలిమ్స్ ప‌రీక్షను రాయాల్సి ఉంటుంది.
ప్రిలిమిన‌రీ ప‌రీక్షలో:
ఇందులో రెండు పేప‌ర్లు ఉంటాయి. వీటికి 400 మార్కులు కేటాయించారు. మ‌ల్టిపుల్ ఛాయిస్ ప్రశ్నలు అడుగుతారు. ప్రతి ప్రశ్నకు 4 ఆప్షన్లు ఉంటాయి. వీటిలో స‌రైన స‌మాధానం గుర్తించాలి. త‌ప్పుగా గుర్తించిన ప్రతి స‌మాధానానికీ మూడో వంతు మార్కు త‌గ్గిస్తారు. ప్రిలిమ్స్ పేప‌ర్‌-2లో క‌నీసం 33 శాతం మార్కులు సాధించాలి. ఇందులో అర్హత సాధించిన అభ్యర్థుల‌ పేప‌ర్‌-1 జ‌వాబుల‌ను మూల్యాంక‌నం చేస్తారు. మెరిట్‌, రిజ‌ర్వేష‌న్ ప్రాతిప‌దిక‌న మొత్తం ఖాళీల‌కు 12 లేదా 13 రెట్లలో అభ్యర్థుల‌ను మెయిన్స్‌కు ఎంపిక‌చేస్తారు. ప్రిలిమ్స్‌ కేవలం స్క్రీనింగ్ ప‌రీక్ష మాత్రమే. ఇందులో సాధించిన మార్కుల‌ను తుది ఎంపిక‌లో ప‌రిగ‌ణ‌న‌లోకి తీసుకోరు.
మెయిన్స్ ఇలా...
ఇందులో మొత్తం 6 పేప‌ర్లు ఉంటాయి. పేప‌ర్‌-1 జ‌న‌ర‌ల్ ఇంగ్లిష్ 300 మార్కుల‌కు, పేప‌ర్‌-2 జ‌న‌ర‌ల్ నాలెడ్జ్ 300 మార్కుల‌కు ఉంటాయి. పేప‌ర్‌-3,4,5,6 అభ్యర్థి ఎంచుకున్న ఆప్షన‌ల్ స‌బ్జెక్టుల‌పై ఉంటాయి. ప్రతి అభ్యర్థి రెండు ఆప్షన‌ల్ స‌బ్జెక్టుల‌ను తీసుకోవాలి. ఒక్కో స‌బ్జెక్టు నుంచి 2 పేప‌ర్లు ఉంటాయి. ఒక్కో పేప‌ర్‌కీ 200 మార్కులు. అన్ని ప్రశ్నప‌త్రాలూ ఇంగ్లిష్ మాధ్యమంలోనే ఉంటాయి. జ‌వాబులు కూడా ఆంగ్లంలోనే రాయాలి. ఇత‌ర భాష‌ల్లో రాయ‌డానికి అవ‌కాశం లేదు. ప్రతి పేప‌ర్‌కు వ్యవ‌ధి 2 గంట‌లు.
ఆప్షన‌ల్ స‌బ్జెక్టులు: అగ్రిక‌ల్చర్‌, అగ్రిక‌ల్చర‌ల్ ఇంజినీరింగ్‌, యానిమ‌ల్ హ‌స్బెండ‌రీ అండ్ వెట‌ర్నరీ సైన్స్‌, బోట‌నీ, కెమిస్ట్రీ, కెమిక‌ల్ ఇంజినీరింగ్‌, సివిల్ ఇంజినీరింగ్‌, ఫారెస్ట్రీ, జియాల‌జీ, మ్యాథ్స్‌, మెకానిక‌ల్ ఇంజినీరింగ్‌, ఫిజిక్స్‌, స్టాటిస్టిక్స్‌, జువాల‌జీ (వీటిలో కొన్ని స‌బ్జెక్టుల‌ను కాంబినేష‌న్‌గా తీసుకోవ‌డం వీలుప‌డ‌దు)
ఇంట‌ర్వ్యూ..
మెయిన్స్‌లో అర్హత సాధించిన‌వారిని ఇంట‌ర్వ్యూకి ఎంపిక‌చేస్తారు. సాధార‌ణంగా ఖాళీల‌కు ఆయా కేట‌గిరీల‌వారీ రెండు లేదా మూడు రెట్ల సంఖ్యలో అభ్యర్థుల‌ను ఇంట‌ర్వ్యూకి ఆహ్వానిస్తారు. మౌఖిక ప‌రీక్షకు 300 మార్కులు కేటాయించారు.
తుది ఎంపిక‌:
మెయిన్స్‌+ ఇంట‌ర్వ్యూల్లో సాధించిన మార్కుల ఆధారంగా మెరిట్‌, రిజ‌ర్వేష‌న్ ప్రాతిప‌దిక‌న తుది నియామ‌కాలు చేప‌డ‌తారు.

Posted on 27-5-2015

Information