Ask the Expert
|
Feedback
|
About us
|
Contact us
|
Pratibha Home
 
ఫార్మసీ పీజీకి మెట్టు... జీప్యాట్‌
 


బీ ఫార్మసీ చదివినవారి కోసం ప్రతి సంవత్సరం ఎ.ఐ.సి.టి.ఇ. జాతీయస్థాయిలో నిర్వహించే జీప్యాట్‌-2017 (గ్రాడ్యుయేట్‌ ఫార్మసీ ఆప్టిట్యూడ్‌ టెస్ట్‌) ప్రకటన ఇటీవల విడుదలైంది. దీని ప్రాముఖ్యం, ఈ పరీక్షకు మెరుగ్గా తయారయ్యే పద్ధతి తెలుసుకుందామా?.

జీప్యాట్‌లో మంచి ర్యాంకు పొందినవారికి మాత్రమే దేశంలోని ప్రముఖ ఫార్మసీ కళాశాలల్లో పీజీ సీటు పొందే అవకాశం ఉంది. ఈ కారణంగానే బీ ఫార్మసీ చదివినవారంతా జీప్యాట్‌లో ర్యాంకు సాధించి మంచి కళాశాలలో ఉన్నత విద్యనభ్యసించాలని ఉవ్విళ్ళూరుతుంటారు. Read More

 
ఫార్మసీలో పీజీ కోర్సుల‌కు జీప్యాట్‌
 

బీ-ఫార్మసీ పూర్తి చేసినవారు ఉన్నత విద్యలో ప్రవేశం కోసం జాతీయస్థాయిలో రాసే పరీక్ష గ్రాడ్యుయేట్ ఫార్మసీ ఆప్టిట్యూడ్ టెస్ట్‌ (జీప్యాట్‌). దీని ప్రకటన విడుదలైంది. ఏఐసీటీఈ (ఆలిండియా కౌన్సిల్‌ ఫర్‌ టెక్నికల్‌ ఎడ్యుకేషన్‌) నిర్వహించే ఈ పరీక్ష గురించి తెలుసుకుందాం.

నాణ్యమైన పోస్ట్‌ గ్రాడ్యుయేషన్‌ విద్యనభ్యసించిన ఫార్మసిస్టుల అవసరం ఫార్మా పరిశ్రమకు ఎంతో ఉంది. ఈ కారణంగానే దేశంలో బీ-ఫార్మసీ చదివినవారు ప్రముఖ విశ్వవిద్యాలయాల్లో ఎం-ఫార్మసీ చదవాలనుకుంటారు. అలాగే నైపర్‌ (నేషనల్‌ ఇన్‌స్టిట్యూట్‌ ఆఫ్‌ ఫార్మాస్యూటికల్‌ ఎడ్యుకేషన్‌ అండ్‌ రీసెర్చ్‌)లో ఫార్మా ఎంఎస్‌లో సీటు రావడం తమ అదృష్టంగా భావిస్తారు. జీప్యాట్‌ (గ్రాడ్యుయేట్‌ ఫార్మసీ ఆప్టిట్యూడ్‌ టెస్ట్‌)లో మంచి స్కోరు సంపాదిస్తే ఈ కలలు నిజమవుతాయి.

అర్హత‌:
10+2 తర్వాత 4 సంవత్సరాల బీఫార్మసీ చదివినవారు (లేటరల్‌ ఎంట్రీ అభ్యర్థులతో సహా) జీప్యాట్‌- 2017 రాయడానికి అర్హులు. బీఫార్మసీ నాలుగో సంవత్సరం చదువుతున్న విద్యార్థులు కూడా ఈ పరీక్ష రాయవచ్చు.

ప్రముఖ సంస్థల్లో ప్రవేశాలు
* జీప్యాట్‌- 2017లో మంచి స్కోరు పొందినవారు పంజాబ్‌, బనారస్‌, హిందూ, ఆంధ్రా, కాకతీయ లాంటి విశ్వవిద్యాలయాల్లో, బాంబే కాలేజ్‌ ఆఫ్‌ ఫార్మసీ లాంటి ప్రఖ్యాత ఫార్మసీ కళాశాలల్లో ఎంఫార్మసీ కోర్సులు చ‌దువుకోవ‌చ్చు. ఈ కళాశాలల్లో చదివిన వారిలో అత్యధిక శాతం ప్రాంగణ నియామకాల ద్వారా మంచి ఉద్యోగాలు పొందుతారు.
* దేశంలో ఫార్మా రంగంలో అగ్రగామి విద్యాసంస్థలు- నైపర్‌లు. వీటిలో ప్రవేశానికి నైపర్‌- జేఈఈ పరీక్ష ప్రతి సంవత్సరం నిర్వహిస్తారు. ఈ పరీక్ష రాయ‌డానికి జీప్యాట్‌లో అర్హ‌త పొంద‌డం తప్ప‌నిస‌రి.
* జీప్యాట్‌లో అర్హత పొంది, ఎంఫార్మసీలో చేరిన ప్రతి విద్యార్థికీ రెండు సంవత్సరాలపాటు ప్రతి నెలా ఉపకారవేతనం లభిస్తుంది.
* బహుళజాతి ఫార్మా సంస్థలు ఉద్యోగుల ఎంపికకు జీప్యాట్‌ ర్యాంకును కొలమానంగా తీసుకుంటున్నాయి.

సిలబస్‌
మంచి ర్యాంకు పొంద‌డానికి అన్ని సబ్జెక్టులూ క్షుణ్ణంగా చదవాల్సిందే. ముఖ్యంగా ఫార్మాస్యూటిక్స్‌, ఫిజికల్‌ ఫార్మసీ, మైక్రోబయాలజీ, ఫార్మాస్యూటికల్‌ జ్యూరిస్‌ ఫ్రుడెన్స్‌, కమ్యూనిటీ ఫార్మసీ, యూనిట్‌ ఆపరేషన్స్‌, డ్రగ్‌ ఇన్ఫర్మేషన్‌, డ్రగ్‌ డోసేజ్‌ ఫార్మ్స్‌, కాస్మటాలజీ, ఫార్మా పాకేజింగ్‌, బయో ఫార్మాస్యూటిక్స్‌, ఫార్మకోకైనిటిక్స్‌, ఫార్యాస్యూటికల్‌ కెమిస్ట్రీ, బయోకెమిస్ట్రీ, ఫార్మాస్యూటికల్‌ ఎనాలిసిస్‌, ఫార్మకాలజీ, ఫార్మకో థిరాప్యుటిక్స్‌, ఫార్మకోగ్నసీ, క్లినికల్‌ ఫార్మసీల్లో ప్రశ్నలుంటాయి.

పుస్తక పరిజ్ఞానంతోపాటు ప్రాక్టికల్‌ నాలెడ్జ్‌, అనలిటికల్‌ రీజనింగ్‌ నైపుణ్యాలు ఉండడం చాలా ముఖ్యం.

పరీక్ష విధానం
జీప్యాట్ కంప్యూటర్‌ ఆధారిత ఆన్‌లైన్‌ విధానంలో మల్టిపుల్‌ చాయిస్‌ (బహుళైచ్చిక) పద్ధతిలో జరుగుతుంది. మొత్తం 125 ప్రశ్నలు. ప్రతి ప్రశ్నకూ నాలుగు సమాధానాలిస్తారు. వాటిలో సరైనదాన్ని గుర్తించాల్సి ఉంటుంది. ఈ ప్రశ్నలన్నింటికీ విద్యార్థులు 3 గంటల సమయంలో సమాధానాలు గుర్తించాలి. ప్రతి సరైన సమాధానానికి 4 మార్కుల చొప్పున గరిష్ఠంగా 500 మార్కులకు పరీక్ష ఉంటుంది. ప్రతి తప్పు సమాధానానికీ ఒక మార్కు తగ్గిస్తారు.

అర్హత పొందాలంటే:
జీప్యాట్‌లో అర్హత పొందటానికి ఓపెన్‌ కేటగిరీకి చెందినవారు కనీసం 125 మార్కులు సంపాదించాలి. ఎస్‌సీ/ ఎస్‌టీలకు చెందినవారికి 100 మార్కులు అవసరం.

ముఖ్యమైన తేదీలు:
ఆన్‌లైన్ రిజిస్ట్రేష‌న్‌కు చివ‌రి తేదీ: డిసెంబ‌రు 10
ప‌రీక్ష తేదీ: జ‌న‌వ‌రి 28
పరీక్ష కేంద్రాలు: ఆంధ్రప్రదేశ్‌ (విశాఖపట్నం, రాజమండ్రి, విజయవాడ, నెల్లూరు, తిరుపతి, కర్నూలు), తెలంగాణ (హైదరాబాద్‌, వరంగల్‌)లోనూ ఉన్నాయి. ప్రతి అభ్యర్థీ తనకు నచ్చిన మూడు కేంద్రాలను ప్రాధాన్యక్రమంలో ఎంపిక చేసుకోవచ్చు. పరీక్షకేంద్రం కేటాయించే క్రమంలో మొదటి ప్రాధాన్యంగా పేర్కొన్న నగరానికి ప్రాముఖ్యమిస్తారు.

వెబ్‌సైట్‌: http://aicte-gpat.in/

జీ ప్యాట్ సిల‌బ‌స్‌

posted on 18-10-2016