Ask the Expert
|
Feedback
|
About us
|
Contact us
|
Pratibha Home
 
మేటి పరిశోధనల బాట!
 

జెస్ట్‌ ప్రధానోద్దేశం... ప్రతిష్ఠాత్మక సంస్థల్లో ఉన్నతస్థాయి ప్రామాణిక పరిశోధనలకు వీలు కల్పించటం. కాబట్టి సన్నద్ధత కూడా ఎంచుకున్న అంశంలో అదేస్థాయిలో ఉండాలి.పీజీ విద్యార్థులు కూడా డిగ్రీస్థాయి సిలబస్‌లో ముందుగా గట్టి పట్టు సాధించాలి.
శాస్త్ర సాంకేతిక రంగాల్లో అగ్రశ్రేణి సంస్థల్లో పరిశోధన చేయాలనుకునే విద్యార్థులకు జెస్ట్‌ (జాయింట్‌ ఎంట్రన్స్‌ స్క్రీనింగ్‌ టెస్ట్‌) ఓ మంచి అవకాశం! దీని స్వరూపమేమిటి? ఎలా సిద్ధం కావాలి?
భౌతికశాస్త్రం, థియరిటికల్‌ కంప్యూటర్‌ సైన్స్‌లలో ఆసక్తి, పట్టు ఉన్న ఎమ్మెస్సీ/ఎం.ఇ./ఎంటెక్‌, బీఎస్‌సీ, బీఈ, బీటెక్‌ విద్యార్థులు దేశంలోని ప్రతిష్ఠాత్మక బోధనా/పరిశోధన సంస్థల్లో పీహెచ్‌డీ, ఇంటిగ్రేటెడ్‌ పీహెచ్‌డీ చేసే అవకాశాన్ని కల్పిస్తుంది ‘జెస్ట్‌’. ప్రతి సంవత్సరం ఫిబ్రవరి నెలలో నిర్వహించే ఈ పరీక్ష ప్రకటన విడుదల అయింది. దీని ద్వారా ఐఐఎస్‌సీ, టిఐఎఫ్‌ఆర్‌ మొదలైన 30 ప్రామాణిక సంస్థల్లో ఫిజిక్స్‌/ థియరిటికల్‌ కంప్యూటర్‌ సైన్సెస్‌/న్యూరో సైన్స్‌/ కంప్యూటేషనల్‌ బయాలజీలలో పరిశోధక అభ్యర్థులను ఎంపిక చేస్తారు. Read more..

 
పరిశోధనలకు ప్రవేశ మార్గం
 

భౌతికశాస్త్రం, థియరిటికల్‌ కంప్యూటర్‌ సైన్సెస్‌లో ఆసక్తి, పట్టు ఉన్న విద్యార్థులు ఆ సబ్జెక్టుల్లో పరిశోధన చేయాలంటే 'జెస్ట్‌' రాస్తే సరి. సుప్రసిద్ధ విద్యాసంస్థల్లో ప్రామాణిక పరిశోధనలు చేయటానికి ఈ జాయింట్‌ ఎంట్రన్స్‌ స్క్రీనింగ్‌ టెస్ట్‌ వీలు కల్పిస్తుంది.
దేశంలోని ఐఐఎస్‌సీ, టీఐఎఫ్‌ఆర్‌ మొదలైన 29 ప్రతిష్ఠాత్మక పరిశోధన/ బోధనా సంస్థల్లో పరిశోధన చేయగలగటం అరుదైన అవకాశమే. ఫిజిక్స్‌/ థియరిటికల్‌ కంప్యూటర్‌ సైన్స్‌/ న్యూరో సైన్సెస్‌/ కంప్యూటేషనల్‌ బయాలజీల్లో పీహెచ్‌డీ, ఇంటిగ్రేటెడ్‌ పీహెచ్‌డీ (ఎంఎస్‌సీ- పీహెచ్‌డీ/ ఎంటెక్‌- పీహెచ్‌డీ) అభ్యర్థులను ఎంపిక చేసుకోవడానికి ప్రతి సంవత్సరం ఫిబ్రవరిలో జెస్ట్‌ను నిర్వహిస్తారు.
కోర్సులు- విద్యార్హతలు
పీహెచ్‌డీ (ఫిజిక్స్‌) కోసం: ఎంఎస్‌సీ (ఫిజిక్స్‌/ అప్త్లెడ్‌ ఫిజిక్స్‌/ ఎలక్ట్రానిక్స్‌/ ఇన్‌స్ట్రుమెంటేషన్‌/ ఆప్టిక్స్‌- ఫొటోనిక్స్‌/ మాథ్స్‌/ అప్త్లెడ్‌ మాథ్స్‌) లేదా ఎంఈ/ ఎంటెక్‌ ఇన్‌ రిలేటెడ్‌ డిసిప్లిన్స్‌.
* కొన్ని సంస్థల్లో బీఈ/ బీటెక్‌ (ఎలక్ట్రానిక్స్‌/ ఇంజినీరింగ్‌. ఫిజిక్స్‌) అభ్యర్థులను కూడా పరిగణిస్తారు.
* పీహెచ్‌డీ (న్యూరో సైన్స్‌) నేషనల్‌ బ్రెయిన్‌ రీసెర్చ్‌ సెంటర్‌- గుడ్‌గావ్‌ (ఎన్‌బీఆర్‌సీ)లో మాత్రమే. కంప్యూటర్‌ సైన్స్‌లో ఎంఎస్‌సీ (ఫిజిక్స్‌/ మాథ్స్‌) బీఈ/ బీటెక్‌/ ఎంఈ/ ఎంటెక్‌/ ఎంసీఏ.
* ఇన్‌స్టిట్యూట్‌ ఆఫ్‌ మాథమేటికల్‌ సైన్స్‌స్‌, చెన్నై (ఐఎంఎస్‌సీ)లో పీహెచ్‌డీ (కంప్యూటేషనల్‌ బయాలజీ) మాత్రమే. ఏదేని ఇంజినీరింగ్‌లో ఎంఎస్‌సీ/ ఎంఈ/ ఎంటెక్‌/ ఎంసీఏ లేదా సైన్స్‌ సంబంధిత బయాలజీ ప్రాబ్లమ్స్‌పై ఆసక్తి ఉన్నవారు.
* వేర్వేరు సంస్థల్లోని వివిధ స్పెషలైజేషన్లకు విద్యార్హతల్లో కొన్ని తేడాలు ఉండడం వల్ల అభ్యర్థులు ఆయా సంస్థల వెబ్‌సైట్లను చూసి నిర్ధారించుకోవాలి.
* పీహెచ్‌డీ (థియరిటికల్‌ కంప్యూటర్‌ సైన్స్‌) కేవలం ఐఎంఎస్‌సీ, చెన్నై: ఎంఎస్‌సీ/ ఎంఈ/ ఎంటెక్‌/ ఎంసీఏ కంప్యూటర్‌ సైన్స్‌, సంబంధిత డిసిప్లిన్స్‌.
* ఇంటిగ్రేటెడ్‌ ఎంఎస్‌సీ- పీహెచ్‌డీ/ ఎంటెక్‌- పీహెచ్‌డీ కోసం: వీటికి బీఎస్‌సీ (ఫిజిక్స్‌/ మాథ్స్‌) లేదా బీఈ/ బీటెక్‌ విద్యార్హతలు.
క్వాలిఫయింగ్‌ కోర్సులో చివరి సంవత్సరం చదువుతూ 2017 ఆగస్టులోపు కోర్సు పూర్తిచేసుకునే విద్యార్థులు కూడా ఈ పరీక్షకు అర్హులే.
ముఖ్యమైన తేదీలు
ఈ సంవత్సరం జెస్ట్‌ను ఐఐఎస్‌ఈఆర్‌- మొహాలీ సంస్థ నిర్వహిస్తోంది.
ముందుగా www.jest.org.in వెబ్‌సైట్‌లో అభ్యర్థి ఈ-మెయిల్‌ ఐడీ ద్వారా ఎకౌంట్‌ తయారుచేసుకుని, ఆ ఎకౌంట్‌ నంబరును ఉదాహరిస్తూ ఆన్‌లైన్‌ ద్వారా మాత్రమే దరఖాస్తు చేసుకోవాలి.
ఆన్‌లైన్ రిజిస్ట్రేష‌న్లు ప్రారంభ తేదీ: న‌వంబ‌రు 15
రిజిస్ట్రేష‌న్లకు చివ‌రి తేదీ: డిసెంబ‌రు 16
ప‌రీక్ష తేదీ: ఫిబ్రవ‌రి 17 (ఆదివారం)
ద‌ర‌ఖాస్తు ఫీజు: రూ.300 (ఎస్సీ, ఎస్టీల‌కు రూ.150)
అందుబాటులోని ప‌రీక్ష కేంద్రాలు: హైద‌రాబాద్‌, విశాఖ‌ప‌ట్నం
ఉద్యోగావకాశాలు
ఈ ప్రతిష్ఠాత్మక సంస్థల నుంచి పీహెచ్‌డీ పొందిన తర్వాత రక్షణ సంస్థల్లో, బార్క్‌ మొదలైన పరిశోధన సంస్థల్లో శాస్త్రజ్ఞులుగా, ఐఐటీలు, యూనివర్సిటీల్లో అధ్యాపకులుగా అనేక అవకాశాలున్నాయి.
మనదేశంలోనే కాకుండా విదేశాల్లోనూ పోస్ట్‌ డాక్టొరల్‌ ఫెలోషిప్స్‌కు అవకాశాలు పుష్కలం.
నూతన ఆవిష్కరణలతో, సాంకేతికతతో కొత్త పుంతలు తొక్కుతూ మార్కెలోకి రావడానికి ప్రయత్నిస్తున్న యూరో/ యూఎస్‌/ పాన్‌/ కొరియా మొదలైన దేశాల్లోని బహుళజాతి సంస్థలు అడ్వాన్స్‌డ్‌ సైంటిఫిక్‌ ఏరియాల్లో పరిశోధనానుభవమున్న అభ్యర్థులకు ఉన్నత ఉద్యోగావకాశాలు కల్పిస్తున్నాయి.
ఎంపిక ప్రక్రియ
పీహెచ్‌డీ, ఇంటిగ్రేటెడ్‌ పీహెచ్‌డీల్లో తుది ఎంపికకు రెండు అంచెలుంటాయి.
1. ఫిబ్రవరిలో జరిగే రాతపరీక్ష: దీనిలో కనీసార్హతను (కటాఫ్‌ మార్కులు) సాధించిన అభ్యర్థులకు (సుమారు 500 మందికి) ర్యాంకులు నిర్ధారిస్తారు.
2. మౌఖిక పరీక్ష: వేర్వేరు సంస్థలు వాటి అవసరాలను బట్టి వివిధ ర్యాంకుల వరకు అభ్యర్థులను సంబంధిత సబ్జెక్టుల్లో మౌఖిక పరీక్ష ద్వారా ఎంపిక చేస్తాయి.
* ఎంపికైన విద్యార్థులు సుమారు రూ. 28,000 ఫెలోషిప్‌తో పరిశోధన కొనసాగించవచ్చు.
రాతపరీక్ష విధానం
ఈ జెస్ట్‌ను 1. ఫిజిక్స్‌ 2. థియరిటికల్‌ కంప్యూటర్‌ సైన్స్‌ (టీసీఎస్‌) సబ్జెక్టుల్లో నిర్వహిస్తారు. అభ్యర్థులు ఏదైనా ఒక సబ్జెక్టులో మాత్రమే పరీక్ష రాయాలి.
ఫిజిక్స్‌ ప్రశ్నపత్రంలో 100 మార్కులకు 50 మల్టిపుల్‌ చాయిస్‌ ప్రశ్నలుంటాయి. తప్పు సమాధానాలకు 1/3 రుణాత్మక మార్కులు.
టీసీఎస్‌ ప్రశ్నపత్రంలో ఆబ్జెక్టివ్‌ ప్రశ్నలతోపాటు సబ్జెక్టివ్‌ ప్రశ్నలు కూడా ఉంటాయి. సిలబస్‌, నమూనా ప్రశ్నలకు www.jest.org.in వెబ్‌సైట్‌ను చూడవచ్చు.
సన్నద్ధత ఎలా?
ఈ పరీక్షలో కనీస అర్హత (కటాఫ్‌ మార్కులు) సుమారుగా 30% ఉంటుంది. అభ్యర్థులు 45 నుంచి 50 మార్కులు సాధించినా కూడా 50 లోపు ర్యాంకు సాధించి అన్ని సంస్థల ఇంటర్వ్యూలకూ అర్హత పొందవచ్చు.
పీహెచ్‌డీ కోర్సులో ప్రవేశాలకు ఎంఎస్‌సీ/ ఎంటెక్‌ అభ్యర్థులనూ, ఇంటిగ్రేటెడ్‌ పీహెచ్‌డీలో ప్రవేశాలకు బీఎస్‌సీ/ బీటెక్‌ అభ్యర్థులనూ ఒకే పరీక్ష ద్వారా ఎంపిక చేస్తుండడం వల్ల ఒక ముఖ్య విషయం గ్రహించవచ్చు. డిగ్రీ స్థాయిలో సబ్జెక్టులో సుమారు 40- 45 మార్కులకూ, పీజీ విద్యార్థులు మాత్రమే చేయగలిగేటట్లు 55- 60 మార్కులకూ ప్రశ్నలు వస్తున్నాయి. కాబట్టి సుమారు 40 మార్కులు తెచ్చుకునే డిగ్రీ విద్యార్థులు కూడా 150లోపు ర్యాంకు సాధించవచ్చు.
భౌతికశాస్త్రం డిగ్రీస్థాయి మూడేళ్ల సిలబస్‌లోగల (మెకానిక్స్‌, రెలెటివిటీ, ఎస్‌హెచ్‌ఎం- వేవ్స్‌, థర్మోడైనమిక్స్‌, ఆప్టిక్స్‌, ఎలక్ట్రో మాగ్నటిక్స్‌, ఎలక్ట్రానిక్స్‌, మోడర్న్‌ ఫిజిక్స్‌, మేథమేటిక్స్‌) ప్రతి అంశం నుంచి ప్రశ్నలు రావడం గమనిస్తే మొత్తం డిగ్రీ సిలబస్‌ను సంపూర్ణంగా చదవాలని అర్థం చేసుకోవాలి. ప్రశ్నల్లో దాదాపుగా అన్ని ప్రాబ్లమ్స్‌ ఉంటున్నాయి. వాటి లోతుని పరిశీలిస్తే సాధారణ స్థాయి సన్నద్ధత సరిపోదు. అన్ని అంశాల్లోని కాన్సెప్టుల మీద సమగ్ర అవగాహనతో తార్కికంగా ఆలోచిస్తూ సమస్యలను పరిష్కరించేలా గట్టి పట్టు, నేర్పు అలవర్చుకోవాలి.
ఈ పరీక్ష ప్రధానోద్దేశం- ప్రతిష్ఠాత్మక సంస్థల్లో ఉన్నతస్థాయి పరిశోధన సాగించడానికి అభ్యర్థులను ఎంపిక చేయటం. కాబట్టి ఎంచుకున్న అంశాల్లో సన్నద్ధత కూడా అదే
స్థాయిలో ఉండాలి.
పీజీ స్థాయి సిలబస్‌లో (క్లాసికల్‌ మెకానిక్స్‌, క్వాంటం మెకానిక్స్‌, స్టాటిస్టికల్‌ మెకానిక్స్‌, సాలిడ్‌ స్టేట్‌ ఫిజిక్స్‌, మేథమేటికల్‌ ఫిజిక్స్‌, ఏఎంథియరీ, ఎలక్ట్రానిక్స్‌) ప్రతి భాగం నుంచి సమవిభజనతో ప్రశ్నలు వస్తున్నాయి. పీజీ స్థాయిలో అన్ని అంశాల్లోనూ గట్టి పట్టు సాధించడం కష్టమైన పని.
కానీ ఈ పరీక్షలో సుమారు 50% మార్కులు సాధించినా మంచి ర్యాంకు వస్తుంది. కాబట్టి పీజీ విద్యార్థులు కూడా పూర్తి డిగ్రీ సిలబస్‌తోపాటు వారికి అభిరుచి, ఆసక్తి ఉన్న పీజీ స్థాయిలోని ఏదైనా మూడు, నాలుగు అంశాల్లో క్షుణ్ణంగా సన్నద్ధమయితే సరిపోతుంది.
ప్రామాణిక పాఠ్యపుస్తకాల నుంచి కాన్సెప్టులు అర్థం చేసుకుంటూ, వాటిలోని సమస్యలను సాధన చేయడం అభ్యసించాలి. రాతపరీక్షలోనే కాకుండా ప్రధాన మౌఃకపరీక్షలో కూడా సులభంగా విజయం సాధించవచ్చు.
ఏ విద్యాసంస్థల్లో?
* ఇండియన్‌ ఇన్‌స్టిట్యూట్‌ ఆఫ్‌ సైన్స్‌ (ఐఐఎస్‌సీ) - బెంగళూరు
* ఇండియన్‌ ఇన్‌స్టిట్యూట్‌ ఆఫ్‌ ఆస్ట్రోఫిజిక్స్‌ (ఐఐఏ) - బెంగళూరు
* రామన్‌ రీసెర్చ్‌ ఇన్‌స్టిట్యూట్‌ (ఆర్‌ఆర్‌ఐ) - బెంగళూరు
* జవహర్‌లాల్‌ నెహ్రూ సెంటర్‌ ఫర్‌ అడ్వాన్స్‌డ్‌ సైంటిఫిక్‌ రీసెర్చ్‌ (జేఎన్‌సీఏఎస్‌ఆర్‌) - బెంగళూరు
* ఇంటర్నేషనల్‌ సెంటర్‌ ఫర్‌ థియరిటికల్‌ సైన్సెస్‌ (ఐసీటీఎస్‌- టీఐఎఫ్‌ఆర్‌) - బెంగళూరు
* సాహాస్‌ ఇన్‌స్టిట్యూట్‌ ఆఫ్‌ నూక్లియర్‌ ఫిజిక్స్‌ (ఎస్‌ఐఎన్‌పీ) - కోల్‌కతా
* వేరియబుల్‌ ఎనర్జీ సిక్లోట్రాన్‌ సెంటర్‌ (వీఈసీసీ) - కోల్‌కతా
* సత్యేంద్రనాథ్‌ బోస్‌ నేషనల్‌ సెంటర్‌ ఫర్‌ బేసిక్‌ సైన్సెస్‌ (ఎస్‌ఎన్‌బీఎన్‌సీబీఎస్‌) - కోల్‌కతా
* టాటా ఇన్‌స్టిట్యూట్‌ ఆఫ్‌ ఫండమెంటల్‌ రీసెర్చ్‌ (టీఐఎఫ్‌ఆర్‌) - ముంబయి
* హోమీ బాబా నేషనల్‌ ఇన్‌స్టిట్యూట్‌ (హెచ్‌బీఎన్‌ఐ) - ముంబయి
* ఇన్‌స్టిట్యూట్‌ ఆఫ్‌ ఫిజిక్స్‌ (ఐఓపీ) - భువనేశ్వర్‌
* నేషనల్‌ ఇన్‌స్టిట్యూట్‌ ఆఫ్‌ సైన్స్‌ ఎడ్యుకేషన్‌ అండ్‌ రీసెర్చ్‌ (ఎన్‌ఐఎస్‌ఈఆర్‌) - భువనేశ్వర్‌
* ఇండియన్‌ ఇన్‌స్టిట్యూట్‌ ఆఫ్‌ సైన్స్‌ ఎడ్యుకేషన్‌ అండ్‌ రీసెర్చ్‌ (ఐఐఎస్‌ఈఆర్‌) - భోపాల్‌, కోల్‌కతా, పూణె, తిరువనంతపురం
* నేషనల్‌ సెంటర్‌ ఫర్‌ రేడియో- ఆస్ట్రోఫిజిక్స్‌ (ఎన్‌సీఆర్‌ఏ-టీఐఎఫ్‌ఆర్‌) - పూణె
* ఇంటర్‌- యూనివర్సిటీ సెంటర్‌ ఫర్‌ ఆస్ట్రానమీ అండ్‌ ఆస్ట్రో ఫిజిక్స్‌ - పూణె
* రాజా రామన్న సెంటర్‌ ఫర్‌ అడ్వాన్స్‌డ్‌ టెక్నాలజీ (ఆర్‌ఆర్‌సీఏటీ) - ఇండోర్‌
* యూజీసీ- డీఏఈ కన్సార్టియం ఫర్‌ సైంటిఫిక్‌ రీసెర్చ్‌ (సీఏఆర్‌) - ఇండోర్‌
* హరీష్‌ చంద్ర రీసెర్చ్‌ ఇన్‌స్టిట్యూట్‌ (హెచ్‌ఆర్‌ఐ) - అలహాబాద్‌
* ఆర్యభట్ట రీసెర్చ్‌ ఇన్‌స్టిట్యూట్‌ ఆఫ్‌ అబ్జర్వేషనల్‌ సైన్సెస్‌ (ఏఆర్‌ఐఈఎస్‌) - నైనిటల్‌
* ఫిజికల్‌ రీసెర్చ్‌ లేబొరేటరీస్‌ (పీఆర్‌ఎల్‌) - అహ్మదాబాద్‌
* ఇన్‌స్టిట్యూట్‌ ఆఫ్‌ ప్లాస్మా రీసెర్చ్‌ (ఐపీఆర్‌) - గాంధీనగర్‌
* ఇందిరాగాంధీ సెంటర్‌ ఫర్‌ అటామిక్‌ రీసెర్చ్‌ (ఐజీసీఏఆర్‌) - కల్పాక్కమ్‌
* ఇన్‌స్టిట్యూట్‌ ఆఫ్‌ మాథమేటికల్‌ సైన్సెస్‌ (ఐఎంఎస్‌సీ) - చెన్నై
* నేషనల్‌ బ్రెయిన్‌ రీసెర్చ్‌ సెంటర్‌ (ఎన్‌బీఆర్‌సీ) - గుడ్‌గావ్‌
* టీఐఎఫ్‌ఆర్‌- సెంటర్‌ ఫర్‌ ఇంటర్‌ డిసిప్లినరీ సైన్సెస్‌ (టీసీఐఎస్‌) -హైదరాబాద్‌

posted on 02-11-2016