Ask the Expert
|
Feedback
|
About us
|
Contact us
|
Pratibha Home
 
ప‌ది నుంచి పీజీ వ‌ర‌కు ఆర్మీలో ఉద్యోగాలివీ...

ర‌క్షణ‌ ద‌ళంలో ఉద్యోగ‌మంటే దేశానికి సేవ‌చేసే అవ‌కాశాన్ని ద‌క్కించుకోవ‌డ‌మే. అయితే సేవ‌తోపాటు సంతృప్తి, ఆక‌ర్షణీయ వేత‌నం, ప‌లు ర‌కాల భ‌త్యాలు, వ‌స‌తులు ఇప్పుడు డిపెన్స్ ఉద్యోగుల‌కు ల‌భిస్తున్నాయి. ప‌దో త‌ర‌గ‌తి పూర్తవ్వగానే ఆర్మీలో కెరీర్ ప్రారంభించొచ్చు. ఇంట‌ర్ అర్హత‌తోనే ఉన్నత స్థాయి ఉద్యోగాన్ని అందుకోవ‌చ్చు. అర్హత‌, అభిరుచుల మేర‌కు ఆర్మీలో ప‌ది నుంచి పీజీ వ‌ర‌కూ ప‌లు ఉద్యోగాలు ఉన్నాయి. ఆ వివ‌రాలు చూద్దాం...

నాన్ మెట్రిక్ అర్హత‌తో...
ప‌దోత‌ర‌గ‌తి ఉత్తీర్ణులు కాలేక‌పోయినా, ప‌ది వ‌ర‌కు చ‌ద‌వ‌క‌పోయినా నాన్ మెట్రిక్ తో సోల్జర్ ట్రేడ్స్‌మెన్ విభాగంలో ఆర్మీలో ఉద్యోగం పొందే అవ‌కాశం ఉంది. ఇందులో జ‌న‌ర‌ల్ డ్యూటీస్‌, స్పెసిఫైడ్ డ్యూటీస్ అనే రెండు విభాగాలు ఉన్నాయి. జ‌న‌ర‌ల్ డ్యూటీస్‌కి వ‌యోప‌రిమితి 17 1/2 నుంచి 21 ఏళ్లలోపు ఉండాలి. అలాగే స్పెషిఫైడ్ డ్యూటీస్‌కి వ‌యోప‌రిమితి 17 1/2 నుంచి 23 ఏళ్లు. క‌నీసం ఎనిమిదో త‌ర‌గ‌తి వ‌ర‌కు చ‌దివిన‌వాళ్లు ఈ ఉద్యోగాల‌కు పోటీప‌డొచ్చు.
ప‌దో త‌ర‌గ‌తితో...
సోల్జర్ జ‌న‌ర‌ల్ డ్యూటీ: ప‌దో తర‌గ‌తిలో 45 శాతం మార్కుల‌తో ఉత్తీర్ణులైతే చాలు సోల్జర్ జ‌న‌ర‌ల్ డ్యూటీకి అర్హత ల‌భించిన‌ట్టే. వ‌యోప‌రిమితి 17 1/2 నుంచి 21 ఏళ్లలోపు ఉండాలి. ప్రక‌ట‌న‌లు ఏడాదిలో ప‌లుసార్లు ప్రాంతాల‌ వారీ వెలువ‌డ‌తాయి. రిక్రూట్‌మెంట్ ర్యాలీల ద్వారా అభ్యర్థుల‌ను ఎంపిక‌చేస్తారు. ముందు ప‌రుగు పోటీ ఇత‌ర ఫిజిక‌ల్ టెస్టులు నిర్వహిస్తారు. వీటిలో ఎంపికైన‌వారికి రాత ప‌రీక్ష ఉంటుంది. అందులోనూ ఉత్తీర్ణులైతే వైద్య, ఆరోగ్య ప‌రీక్షలు నిర్వహించి ఉద్యోగానికి అవ‌కాశం క‌ల్పిస్తారు.
ఇంట‌ర్ అర్హత‌తో...
సోల్జర్ టెక్నిక‌ల్‌: మ్యాథ్స్‌, ఫిజిక్స్‌, కెమిస్ట్రీ, ఇంగ్లిష్ స‌బ్జెక్టుల‌తో ఇంట‌ర్ ఉత్తీర్ణులు పోల్జర్ టెక్నిక‌ల్ పోస్టుల‌కు అర్హులు. వ‌యోప‌రిమితి 17 1/2 నుంచి 23 ఏళ్లలోపు ఉండాలి. ఈ ఉద్యోగాల‌కు ఏడాదికి రెండుసార్లు ప్రక‌ట‌న‌లు వెలువ‌డతాయి. ఆయా ప్రాంతాల‌వారీ రిక్రూట్‌మెంట్ ర్యాలీల ద్వారా నియామ‌కాలు చేప‌డ‌తారు.
సోల్జర్ క్లర్క్‌, స్టోర్ కీప‌ర్ టెక్నిక‌ల్‌: ఏ గ్రూప్‌తోనైనా ఇంట‌ర్ పాసైన‌వాళ్లు ఈ పోస్టుల‌కు అర్హులు. అయితే ఇంట‌ర్‌లో 50 శాతం మార్కులు పొంద‌డం త‌ప్పనిస‌రి. అలాగే ప్రతి స‌బ్జెక్టులోనూ క‌నీసం 40 శాతం మార్కులు రావాలి. వ‌యోప‌రిమితి 17 1/2 నుంచి 23 ఏళ్లలోపు ఉండాలి. ఈ ఉద్యోగాల‌కు ఏడాదికి రెండుసార్లు ప్రక‌ట‌న‌లు వెలువ‌డతాయి. ఆయా ప్రాంతాల‌వారీ రిక్రూట్‌మెంట్ ర్యాలీల ద్వారా నియామ‌కాలు చేప‌డ‌తారు.
సోల్జర్ న‌ర్సింగ్ అసిస్టెంట్‌: ఫిజిక్స్‌, కెమిస్ట్రీ, బ‌యాల‌జీ, ఇంగ్లిష్ స‌బ్జెక్టుల‌తో ఇంట‌ర్‌లో 50 శాతం మార్కుల‌తో ఉత్తీర్ణులు సోల్జర్ న‌ర్సింగ్ అసిస్టెంట్ పోస్టుకు అర్హులు. అలాగే ప్రతి స‌బ్జెక్జులోనూ క‌నీసం 40 శాతం మార్కులు పొంద‌డం త‌ప్పనిస‌రి. వయోప‌రిమితి 17 1/2 నుంచి 23 ఏళ్లలోపు ఉండాలి. ఈ ఉద్యోగాల‌కు ఏడాదికి రెండుసార్లు ప్రక‌ట‌న‌లు వెలువ‌డతాయి. ఆయా ప్రాంతాల‌వారీ రిక్రూట్‌మెంట్ ర్యాలీల ద్వారా నియామ‌కాలు చేప‌డ‌తారు.
డిగ్రీ అర్హత‌తో...
హ‌వ‌ల్దార్ ఎడ్యుకేష‌న్‌: డిగ్రీ లేదా పీజీతోపాటు బీఎడ్ చ‌దివిన‌వాళ్లు హ‌వ‌ల్దార్ ఎడ్యుకేష‌న్ పోస్టుల‌కు అర్హులు. వ‌యోప‌రిమితి 20 నుంచి 25 ఏళ్లలోపు ఉండాలి. ఈ ఉద్యోగాల‌కు ఏడాదికి రెండుసార్లు ప్రక‌ట‌న‌లు వెలువ‌డతాయి.
రెలిజియ‌స్ టీచ‌ర్ (జేసీవో): డిగ్రీతోపాటు సంబంధిత మ‌త డినామినేష‌న్ ఉండాలి. వ‌యోప‌రిమితి 27-34 ఏళ్లలోపు ఉండాలి.
జేసీవో(క్యాట‌రింగ్‌): 10+2తోపాటు క‌నీసం ఏడాది వ్యవ‌ధి ఉండే హోట‌ల్ మేనేజ్‌మెంట్ కోర్సు పూర్తిచేయాలి. వ‌యోప‌రిమితి 21 నుంచి 27 ఏళ్లలోపు ఉండాలి.
స‌ర్వేయ‌ర్ అటోమేటెడ్ కార్టోగ్రాఫ‌ర్‌: డిగ్రీలో మ్యాథ్స్ చ‌దివిన‌వాళ్లు ఈ పోస్టుల‌కు అర్హులు. అలాగే వీళ్లు ఇంట‌ర్‌లో మ్యాథ్స్‌తోపాటు సైన్స్ కోర్సులు చ‌ద‌వుండ‌డం త‌ప్పనిస‌రి. వ‌యోప‌రిమితి 20-25 ఏళ్లలోపు ఉండాలి.
ఆఫీస‌ర్ స్థాయి ఉద్యోగాలు...
ఈ ఉద్యోగాల‌ను రెండు విధానాల ద్వారా భ‌ర్తీ చేస్తారు. అవి ప‌ర్మనెంట్ క‌మిష‌న్‌, షార్ట్ స‌ర్వీస్ క‌మిష‌న్‌.
ప‌ర్మనెంట్ క‌మిష‌న్‌
కేవ‌లం ఇంట‌ర్ అర్హత‌తో నేష‌న‌ల్ డిఫెన్స్ అకాడెమీ(ఎన్‌డీఏ), డిగ్రీ అర్హత‌తో కంబైన్డ్ డిఫెన్స్ స‌ర్వీసెస్‌(సీడీఎస్‌) ప‌రీక్షల ద్వారా ఆఫీస‌ర్ స్థాయి ఉద్యోగాల‌ను అందుకోవ‌చ్చు. ఈ రెండు ప‌రీక్షల‌నూ యూపీఎస్‌సీ నిర్వహిస్తోంది. ఎన్‌డీఏ ప‌రీక్షలో ఎంపికైన‌వాళ్లు నేష‌న‌ల్ డిఫెన్స్ అకాడెమీ, పుణెలో శిక్షణ పొందుతారు. వీళ్లకు శిక్షణ అందించ‌డంతోపాటు డిగ్రీ కూడా చ‌దివిస్తారు. అనంత‌రం సంబంధిత విభాగానికి చెందిన క్యాడెట్ శిక్షణ పొందుతారు. ఎన్‌డీఏ ద్వారా ఆర్మీలో ప్రవేశం పొందిన‌వాళ్లు క్యాడెట్ శిక్షణ‌లో భాగంగా మిల‌ట‌రీ అకాడెమీ, డెహ్రాడూన్‌లో త‌ర్ఫీదు తీసుకుంటారు. అలాగే సీడీఎస్ ప‌రీక్ష ద్వారా ఆర్మీకి ఎంపికైన‌వాళ్లు కూడా ఐఎంఏ,డెహ్రాడూన్‌లోనే శిక్షణ తీసుకుంటారు. అయితే ఎన్‌డీఏ, సీడీఎస్‌లే కాకుండా డైరెక్ట్ ఎంట్రీ స్కీం ద్వారా కూడా ఆర్మీలో ఆఫీస‌ర్ స్థాయి ఉద్యోగాల్లో ప్రవేశం పొందే వీలుంది. అవి...
10+2 టెక్ ఎంట్రీ: ఎంపీసీ గ్రూప్‌తో మెరిట్ విద్యార్థులు ఈ విధానం ద్వారా రాత ప‌రీక్ష లేకుండా నేరుగా ఎస్ఎస్‌బీ ఇంట‌ర్వూతోనే ఉద్యోగాన్ని సొంతం చేసుకోవ‌చ్చు. ఈ విధానంలో ఎంపికైన‌వాళ్లకి ఐదేళ్ల శిక్షణ ఉంటుంది. ఇందులో నాలుగేళ్లు క్యాడెట్ ట్రైనింగ్ ఉంటుంది. అంటే వీళ్లు అభిరుచి, అవ‌కాశం మేర‌కు ఉచితంగానే బీటెక్ చ‌దువుకోవ‌చ్చు. అనంత‌రం ఏడాదిపాటు ఐఎంఏలో ఏడాది శిక్షణ ఉంటుంది. ఆ త‌ర్వాత వీళ్లు లెఫ్టినెంట్ హోదాతో ఉద్యోగంలో చేరుతారు.
డైరెక్ట్ ఎంట్రీ: ఇంజినీరింగ్ అర్హత‌తో డైరెక్ట్ ఎంట్రీ విధానంలో ఆర్మీలో చేరొచ్చు. ఇంజినీరింగ్‌లో 70 శాతం మార్కులు సాధించిన‌వాళ్లు ఈ పోస్టుల‌కు అర్హులు. వీళ్లు కూడా కేవ‌లం స‌ర్వీస్ సెల‌క్షన్ బోర్డ్ (ఎస్ఎస్‌బీ) ఇంట‌ర్వ్యూతోనే ఎంపిక కావ‌చ్చు. ఇలా ఎంపికైన‌వాళ్లకు 18 నెల‌ల పాటు మిల‌ట‌రీ అకాడెమీలో శిక్షణ ఉంటుంది.
షార్ట్ స‌ర్వీస్ క‌మిష‌న్‌...
ఈ విధానంలో ప‌దేళ్ల వ‌ర‌కు ఆర్మీలో ఆఫీస‌ర్‌గా కొన‌సాగే అవ‌కాశం ఉంది. ఆ త‌ర్వాత అభ్యర్థి ప‌ర్మనెంట్ క‌మిష‌న్‌కు ఎంపికైతే కొన‌సాగొచ్చు, కావాలంటే వైదొల‌గొచ్చు. స‌ర్వీస్‌లో మ‌రో నాలుగేళ్లు పొడిగించుకునే అవ‌కాశం కూడా ఉంది. అభ్యర్థి ఈ వ్యవ‌ధిలో న‌చ్చిన‌ప్పుడు వైదొలిగే అవ‌కాశం ఉంది. ఈ క‌మిష‌న్ ద్వారా ఎంపికైన‌వాళ్లు ఆర్మీ కార్యాల‌యాల్లో అడ్మినిస్ట్రేష‌న్‌ విభాగంలో కొనసాగుతారు కాబ‌ట్టి వీళ్లకు బ‌య‌ట కూడా అవ‌కాశాలు మెండుగానే ఉంటాయి. ఎస్ఎస్‌బీ ఇంట‌ర్వ్యూ, మెడిక‌ల్ ప‌రీక్షల ద్వారా అభ్యర్థుల‌ను ఎంపిక చేస్తారు. అర్హత సాధించిన‌వాళ్లకు చెన్నైలోని ఆఫీస‌ర్స్ ట్రైనింగ్ అకాడెమీలో శిక్షణ ఉంటుంది.
ప‌ర్మనెంట్ క‌మిష‌న్ ద్వారా భ‌ర్తీ అయ్యే ఉద్యోగాలు వివ‌రంగా...
నేష‌న‌ల్ డిఫెన్స్ అకాడెమీ (ఎన్‌డీఏ)
నిర్వహ‌ణ‌: యూపీఎస్‌సీ
ప్రక‌ట‌న‌: ఏడాదికి రెండు సార్లు. మార్చి, అక్టోబ‌ర్‌ల్లో వెలువ‌డుతుంది.
ఖాళీలు: ఒక్కో విడ‌త‌లో 195 వ‌ర‌కు ఉండొచ్చు.
అర్హత‌: ఇంట‌ర్ ఉత్తీర్ణత‌
వ‌యోప‌రిమితి: 16 1/2 నుంచి 19 ఏళ్లు
కోర్సు ప్రారంభం: ఏటా జ‌న‌వ‌రి, జులైల్లో
ట్రైనింగ్ అకాడెమీ: ఎన్‌డీఏ, పుణె
శిక్షణ‌: మూడేళ్లు ఎన్‌డీఏలో+ ఏడాది ఐఎంఏలో
10+2 టెక్నిక‌ల్ ఎంట్రీ స్కీమ్‌
భ‌ర్తీ: ఏడాదికి రెండుసార్లు
ఖాళీలు: ఒక్కో విడ‌త‌లో 85
ప్రక‌ట‌న‌: ఏప్రిల్‌, సెప్టెంబ‌ర్ నెల‌ల్లో
ఎంపిక‌: అడిష‌న‌ల్ డైరెక్టరేట్ జ‌న‌ర‌ల్ ఆఫ్ రిక్రూటింగ్ ద్వారా
అర్హత‌: గ్రూప్ స‌బ్జెక్టుల్లో క‌నీసం 70 శాతం మార్కుల‌తో 10+2/ఇంట‌ర్‌లో మ్యాథ్స్‌, ఫిజిక్స్‌, కెమిస్ట్రీ స‌బ్జెక్టుల్లో ఉత్తీర్ణత‌
శిక్షణ ప్రారంభం: ఏటా జ‌న‌వ‌రి, జులైల్లో
శిక్షణ కేంద్రం: ఐఎంఏ, డెహ్రాడూన్‌
శిక్షణ వ్యవ‌ధి: ఐదేళ్లు (ఏడాది పాటు ఐఎంఏలో నాలుగేళ్లు సంబంధిత ట్రేడ్‌(ఇంజ‌నీరింగ్ బ్రాంచ్‌)లో శిక్షణ ఉంటుంది.
సీడీఎస్ఈ(ఐఎంఎ)
ప‌రీక్ష: కంబైన్డ్ డిఫెన్స్ స‌ర్వీసెస్ ఎగ్జామినేష‌న్‌(సీడీఎస్ఈ)
నిర్వహ‌ణ‌: యూపీఎస్‌సీ
భ‌ర్తీ: ఏటా రెండు సార్లు
ఖాళీలు: 250 వ‌ర‌కు ఉండొచ్చు.
ప్రక‌ట‌న‌: మార్చి/ ఏప్రిల్‌, సెప్టెంబ‌ర్‌/ అక్టోబ‌ర్‌ల్లో
అర్హత‌: ఏదైనా డిగ్రీ ఉత్తీర్ణత‌
వ‌యోప‌రిమితి: 19 నుంచి 24 ఏళ్లు
శిక్షణ ప్రారంభం: జ‌న‌వ‌రి, జులై నెల‌ల్లో
శిక్షణ కేంద్రం: ఐఎంఏ, డెహ్రాడూన్‌
శిక్షణ వ్యవ‌ధి: 18 నెల‌లు
టీజీసీ(ఇంజినీర్స్‌)
ప్రక‌ట‌న‌: ఏడాదికి రెండు సార్లు (ఏప్రిల్‌, అక్టోబ‌ర్‌ల్లో)
భ‌ర్తీచేసే సంస్థ: అడిష‌న‌ల్ డైరెక్టరేట్ జ‌న‌ర‌ల్ రిక్రూటింగ్ బ్రాంచ్‌
అర్హత‌: నిర్దేశిత బ్రాంచ్‌ల్లో బీఈ/ బీటెక్‌
వ‌యోప‌రిమితి: 20 - 27 ఏళ్లు
కోర్సు ప్రారంభం: జ‌న‌వ‌రి, జులై నెల‌ల్లో
శిక్షణ కేంద్రం: ఐఎంఏ, డెహ్రాడూన్‌
వ్యవ‌ధి: ఏడాది
షార్ట్ స‌ర్వీస్ క‌మిష‌న్ ద్వారా భ‌ర్తీ అయ్యే ఉద్యోగాలు వివ‌రంగా...
ఎస్ఎస్‌సీ నాన్ టెక్నిక‌ల్ (మెన్‌)
ఎంపిక‌: సీడీఎస్ఈ ద్వారా
నిర్వ‌హ‌ణ‌: యూపీఎస్‌సీ
ప్ర‌క‌ట‌న‌: ఏటా రెండు సార్లు
ఖాళీలు: 175 వ‌ర‌కు ఉండొచ్చు
అర్హ‌త‌: ఏదైనా డిగ్రీ
వ‌యోప‌రిమితి: 19-25 ఏళ్లు
శిక్ష‌ణ ప్రారంభం: ఏప్రిల్‌, అక్టోబ‌ర్ నెల‌ల్లో
శిక్ష‌ణ కేంద్రం: ఆఫీస‌ర్స్ ట్రైనింగ్ అకాడ‌మీ (ఓబీఏ), చెన్నై
శిక్ష‌ణ వ్య‌వ‌ధి: 49 వారాలు
టీజీసీ ఎడ్యుకేష‌న్ (ఏఈసీ)
ప్ర‌క‌ట‌న‌: ఏటా రెండు సార్లు (ఏప్రిల్‌, అక్టోబ‌ర్‌ల్లో)
ఎంపిక సంస్థ‌: అడిష‌న‌ల్ డైరెక్ట‌రేట్ జ‌న‌ర‌ల్‌, రిక్రూటింగ్‌
అర్హ‌త‌: క‌నీసం సెకెండ్ క్లాస్‌తో ఏదైనా పీజీ ఉత్తీర్ణ‌త‌ (ఎంఏ/ ఎమ్మెస్సీ)
వ‌యోప‌రిమితి: 23-27 ఏళ్లు
శిక్ష‌ణ ప్రారంభం: జ‌న‌వ‌రి, జులైల్లో
శిక్ష‌ణ కేంద్రం: ఐఎంఏ, డెహ్రాడూన్‌
శిక్ష‌ణ వ్య‌వ‌ధి: ఏడాది
ఎస్ఎస్‌సీ నాన్ టెక్ (ఉమెన్‌)
ప‌రీక్ష‌: సీడీఎస్ఈ
నిర్వ‌హ‌ణ‌: యూపీఎస్‌సీ
ప్ర‌క‌ట‌న‌: ఏటా రెండు సార్లు (మార్చి/ ఏప్రిల్‌, సెప్టెంబ‌ర్‌/ అక్టోబ‌రుల్లో)
ఖాళీలు: 175 వ‌ర‌కు ఉండొచ్చు
అర్హ‌త‌: ఏదైనా డిగ్రీ ఉత్తీర్ణ‌త‌
వ‌యోప‌రిమితి: 19-25 ఏళ్లు (అవివాహితులై ఉండాలి)
కోర్సు ప్రారంభం: జ‌న‌వ‌రి, జులైల్లో
శిక్ష‌ణ కేంద్రం: ఓటీఏ, చెన్నై
శిక్ష‌ణ వ్య‌వ‌ధి: 49 వారాలు
జ‌డ్జ్ అడ్వొకేట్ జ‌న‌ర‌ల్ (జాగ్‌) మెన్‌
ప్ర‌క‌ట‌న‌: ఏడాదికి రెండు సార్లు
ఖాళీలు: అప్ప‌టి ప‌రిస్థితుల బ‌ట్టి ఆదార‌ప‌డి ఉంటుంది
నిర్వ‌హ‌ణ‌: అడిషిన‌ల్ డైరెక్ట‌రేట్ జ‌న‌ర‌ల్ రిక్రూటింగ్‌
అర్హ‌త‌: డిగ్రీతోపాటు ఎల్ఎల్బీ/ ఎల్ఎల్ఎంలో క‌నీసం 55 శాతం మార్కుల‌తో ఉత్తీర్ణ‌త‌. బార్ కౌన్సిల్ ఆఫ్ ఇండియా/ స్టేట్‌లో పేరు న‌మోదు చేసుకోవాలి.
కోర్సు ప్రారంభం: ఏప్రిల్‌, అక్టోబరుల్లో
శిక్ష‌ణ కేంద్రం: ఓటీఏ, చెన్నై
వ్య‌వ‌ది: 49 వారాలు
షార్ట్ స‌ర్వీస్ క‌మిష‌న్ టెక్నిక‌ల్ (మెన్‌)
ఖాళీలు: 50 వ‌ర‌కు ఉండొచ్చు
ప్రక‌ట‌న‌: ఏడాదికి రెండు సార్లు (ఏప్రిల్‌, అక్టోబ‌రుల్లో)
నిర్వహ‌ణ‌: అడిషిన‌ల్ డైరెక్టరేట్ జ‌న‌ర‌ల్ రిక్రూటింగ్‌
అర్హత‌: సంబంధిత విభాగంలో ఇంజినీరింగ్ డిగ్రీ
వ‌యోప‌రిమితి: 20-27 ఏళ్లు
ఎంపిక‌: ఎస్ఎస్‌బీ ఇంట‌ర్వ్యూ ద్వారా
శిక్షణ ప్రారంభం: ఏప్రిల్‌, అక్టోబ‌ర్ నెల‌ల్లో
శిక్షణ కేంద్రం: ఓటీఏ, చెన్నై
శిక్షణ వ్యవ‌ధి: 49 వారాలు
ఎన్‌సీసీ స్పెష‌ల్ ఎంట్రీ మెన్‌
ఖాళీలు: 50
ప్రక‌ట‌న‌: ఏడాదికి రెండుసార్లు
నిర్వహ‌ణ‌: అడిషిన‌ల్ డైరెక్టరేట్ జ‌న‌ర‌ల్ రిక్రూటింగ్‌
అర్హత‌: 50 శాతం మార్కుల‌తో ఎల్ఎల్‌బీ/ ఎల్ఎల్ఎంలో ఉత్తీర్ణత‌తోపాటు ఎన్‌సీసీ సీనియ‌ర్ డివిజ‌న్ ఆర్మీలో రెండేళ్ల స‌ర్వీస్‌, సీ స‌ర్టిఫికెట్ ప‌రీక్షలో క‌నీసం బీ గ్రేడ్ ఉండాలి. అవివాహితులే అర్హులు.
వ‌యోప‌రిమితి: 19-25 ఏళ్లు
ఎంపిక విధానం: ఎస్ఎస్ బీ ఇంట‌ర్వ్యూ ద్వారా
శిక్షణ ప్రారంభం: ఏప్రిల్‌, అక్టోబ‌రుల్లో
ట్రైనింగ్ అకాడెమీ: ఓటీఏ, చెన్నై
శిక్షణ వ్యవ‌ధి: 49 వారాలు
ఎస్ఎస్‌సీ టెక్ ఉమెన్‌
ఖాళీలు: అప్పటి ప‌రిస్థితుల‌ను బ‌ట్టి ఆధార‌ప‌డి ఉంటాయి.
నిర్వహ‌ణ: అడిషిన‌ల్ డైరెక్టరేట్ జ‌న‌ర‌ల్ రిక్రూటింగ్‌
ప్రక‌ట‌న‌: ఏటా రెండు సార్లు
అర్హత‌: సంబంధిత విభాగంలో ఇంజినీరింగ్ డిగ్రీ
వ‌యోప‌రిమితి: 19-25 ఏళ్లు (అవివాహితులై ఉండాలి)
ఎంపిక‌: ఎస్ఎస్‌బీ ఇంట‌ర్వ్యూ ద్వారా
శిక్షణ ప్రారంభం: అక్టోబ‌ర్‌, ఏప్రిల్ నెల‌ల్లో
శిక్షణ కేంద్రం: ఓటీఏ, చెన్నై
శిక్షణ వ్యవ‌ధి: 49 వారాలు
ఎన్‌సీసీ స్పెష‌ల్ ఎంట్రీ ఉమెన్‌
ప్రక‌ట‌న‌: ఏడాదికి రెండు సార్లు
ఖాళీలు: అప్పుడున్న ప‌రిస్థితుల బ‌ట్టి ఆధార‌ప‌డి ఉంటుంది
నిర్వహ‌ణ‌: అడిషిన‌ల్ డైరెక్టరేట్ జ‌న‌ర‌ల్ రిక్రూటింగ్‌
అర్హత‌: 50 శాతం మార్కుల‌తో ఎల్ఎల్‌బీ/ ఎల్ఎల్ఎంలో ఉత్తీర్ణత‌తోపాటు ఎన్‌సీసీ సీనియ‌ర్ డివిజ‌న్ ఆర్మీలో రెండేళ్ల స‌ర్వీస్‌, సీ స‌ర్టిఫికెట్ ప‌రీక్షలో క‌నీసం బీ గ్రేడ్ ఉండాలి. అవివాహితులే అర్హులు.
వ‌యోప‌రిమితి: 19-25 ఏళ్లు
ఎంపిక విధానం: ఎస్ఎస్‌బీ ఇంట‌ర్వ్యూ ద్వారా
శిక్షణ ప్రారంభం: ఏప్రిల్‌, అక్టోబ‌రుల్లో
ట్రైనింగ్ అకాడెమీ: ఓటీఏ, చెన్నై
శిక్షణ వ్యవ‌ధి: 49 వారాలు
యూనివ‌ర్సిటీ ఎంట్రీ స్కీమ్‌
ఖాళీలు: 60
ప్రక‌ట‌న‌: ఏటా ఒక‌సారి (మేలో ఉండొచ్చు)
నిర్వహ‌ణ‌: అడిషిన‌ల్ డైరెక్టరేట్ జ‌న‌ర‌ల్ రిక్రూటింగ్‌
అర్హత‌: ఇంజినీరింగ్ ఫైన‌ల్‌ / ప్రిఫైన‌ల్ విద్యార్థులు అర్హులు
వ‌యోప‌రిమితి: 19-25 ఏళ్లు (ఫైన‌ల్ ఇయ‌ర్ విద్యార్థులు) 18-24 ఏళ్లు (ప్రిఫైన‌ల్ విద్యార్థులు) అవివాహితులే అర్హులు
ఎంపిక‌: ఎస్ఎస్‌బీ ఇంట‌ర్వ్యూ ద్వారా
శిక్షణ ప్రారంభం: జులైలో
శిక్షణ కేంద్రం: ఐఎంఏ, డెహ్రాడూన్‌
శిక్షణ వ్యవ‌ధి: ఏడాది

వెబ్‌సైట్లు: http://joinindianarmy.nic.in,
www.upsc.gov.in

Back..

Posted on 24-05-2016