Ask the Expert
|
Feedback
|
About us
|
Contact us
|
Pratibha Home
 
ఇంజినీరింగ్‌ సర్వీసులకు సిద్ధమేనా?

ఇంజినీరింగ్‌ అభ్యర్థులకు ఉజ్వల భవితను అందించే పోటీ పరీక్షల్లో ఇంజినీరింగ్‌ సర్వీసెస్‌కు ఎంతో ప్రాధాన్యముంది. యూపీఎస్‌సీ ఈ పరీక్ష విధానంలో కొన్ని మార్పులను చేసింది. సిలబస్‌, పరీక్ష విధానం, మార్కులు, కాలవ్యవధిలో జరిగిన మార్పులను శ్రద్ధగా గమనించి అభ్యర్థులు ఈ పరీక్షకు సంసిద్ధం కావాలి!
జాతీయస్థాయిలో వివిధ శాఖల్లో అసిస్టెంట్‌ ఎగ్జిక్యూటివ్‌ ఇంజినీరు, అసిస్టెంట్‌ ఇంజినీరు వంటి గ్రూప్‌-ఎ ఉద్యోగాల భర్తీకి ఇంజినీరింగ్‌ సర్వీసెస్‌ పరీక్షను నిర్వహిస్తున్నారు. సివిల్‌, ఎలక్ట్రికల్‌, మెకానికల్‌, ఎలక్ట్రానిక్స్‌ అండ్‌ టెలీకమ్యూనికేషన్‌ విభాగాల్లో ఈ పరీక్ష ఉంటుంది.... Read More

 
ఇంజినీరింగ్ స‌ర్వీసెస్‌లో 440 ఖాళీలు

కేంద్ర ప్రభుత్వ విభాగాల్లో ఇంజినీరింగ్‌లో ఉన్నత స్థాయి ఉద్యోగాల భ‌ర్తీకి నిర్వహించే ఇంజినీరింగ్ స‌ర్వీసెస్ ప‌రీక్షకు యూపీఎస్‌సీ ప్రక‌ట‌న విడుద‌ల‌చేసింది. ఐఈఎస్‌-2017 ద్వారా మొత్తం 440 ఖాళీల‌ను భ‌ర్తీచేస్తారు. ద‌ర‌ఖాస్తుల‌ను ఆన్‌లైన్‌లోనే స్వీక‌రిస్తారు. రెండంచెల‌ రాత‌ప‌రీక్ష, ఇంట‌ర్వ్యూల ద్వారా అభ్యర్థుల‌ను ఎంపిక‌చేస్తారు. ప‌రీక్షకు సంబంధించి పూర్తి స‌మాచారం తెలుసుకుందాం.

భార‌తీయ రైల్వే, జియ‌లాజిక‌ల్ స‌ర్వే ఆఫ్ ఇండియా, ఆర్డినెన్స్ ఫ్యాక్టరీ, డిఫెన్స్ స‌ర్వీస్‌, సెంట్రల్ ఇంజినీరింగ్ స‌ర్వీస్‌, సెంట్రల్ వాట‌ర్ స‌ర్వీస్‌, సెంట్రల్ ఎల‌క్ట్రిసిటీ అథారిటీ, మినిస్ట్రీ ఆఫ్ రోడ్ ట్రాన్స్‌పోర్ట్ అండ్ హైవేస్‌, ఇండియ‌న్ నేవీ, మిల‌ట్రీ ఇంజినీరింగ్‌...మొద‌లైన‌చోట్ల గ్రూప్ ఎ, గ్రూప్ బి విభాగాల్లోని ఉద్యోగాల‌ను ఇండియ‌న్ ఇంజినీరింగ్ స‌ర్వీసెస్‌(ఐఈఎస్‌) తో భ‌ర్తీ చేస్తారు. సివిల్‌, మెకానిక‌ల్‌, ఎల‌క్ట్రిక‌ల్‌, ఎల‌క్ట్రానిక్స్ అండ్ టెలీక‌మ్యూనికేష‌న్స్ ఇంజినీరింగ్‌ బ్రాంచ్‌ల‌కు సంబంధించిన ఉద్యోగాలే ఉంటాయి. స్క్రీనింగ్ (ప్రిలిమిన‌రీ) టెస్టు, ప్రధాన ప‌రీక్ష (మెయిన్స్‌), ముఖాముఖి (ఇంట‌ర్వ్యూ)ల ద్వారా అభ్యర్థుల‌ను ఎంపిక‌చేస్తారు. ప్రిలిమ్స్‌కు 500, మెయిన్స్‌కి 600, ఇంట‌ర్వ్యూకి 200 మార్కులు కేటాయించారు. మొత్తం ప‌రీక్షకు 1300 మార్కులు.

ప్రిలిమిన‌రీ ప‌రీక్ష ఇలా:
ఇందులో 2 పేప‌ర్లు ఉంటాయి. పేప‌ర్‌-1లో జ‌న‌ర‌ల్ స్టడీస్‌, ఇంజినీరింగ్ ఆప్టిట్యూడ్ అంశాల్లో ప్రశ్నలు వ‌స్తాయి. 200 మార్కుల‌కు నిర్వహించే ఈ ప‌రీక్షను 2 గంట‌ల వ్యవ‌ధిలో పూర్తిచేయాలి. పేప‌ర్‌-2 విద్యార్థికి సంబంధించిన ఇంజినీరింగ్ విభాగం సివిల్/ మెకానిక‌ల్‌/ ఎల‌క్ట్రిక‌ల్‌/ ఎల‌క్ట్రానిక్స్ అండ్ టెలీక‌మ్యూనికేష‌న్స్ నుంచి ఉంటుంది. ప‌రీక్ష వ్యవ‌ధి 3 గంట‌లు. మార్కులు 300. మొత్తం ప్రిలిమ్స్‌కి 500 మార్కులు కేటాయించారు. రుణాత్మక మార్కులు ఉన్నాయి. ప్రశ్నప‌త్రం ఆంగ్ల మాధ్యమంలో ఉంటుంది. ప్రశ్నల‌న్నీ బ‌హుళైచ్ఛిక (మ‌ల్టిపుల్ ఛాయిస్‌) విధానంలో ఉంటాయి. రెండు పేప‌ర్లలోనూ అర్హత సాధిస్తేనే త‌ర్వాత ద‌శ‌కు ఎంపిక‌చేస్తారు.

మెయిన్స్‌:
ప్రిలిమిన‌రీలో అర్హత సాధించిన‌వారికి మెయిన్స్ నిర్వహిస్తారు. విద్యార్థి ఎంచుకున్న విభాగం/ బ్రాంచ్ ( సివిల్‌/ మెకానిక‌ల్‌/ ఎల‌క్ట్రిక‌ల్‌/ ఎల‌క్ట్రానిక్స్ అండ్ టెలీక‌మ్యూనికేష‌న్స్ ఇంజినీరింగ్‌) నుంచి 2 పేప‌ర్లు రాయాలి. ఒక్కో పేప‌ర్‌కు 300 మార్కులు చొప్పున మెయిన్స్‌కు మొత్తం 600 మార్కులు. ఒక్కో పేప‌ర్‌కు ప‌రీక్ష వ్యవ‌ధి 3 గంట‌లు. ప్రశ్నప‌త్రం ఆంగ్ల మాధ్యమంలో ఉంటుంది. జ‌వాబులు ఇంగ్లిష్‌లోనే రాయాలి. ప్రశ్నప‌త్రం డిస్క్రిప్టివ్ (వ్యాస‌రూపం) విధానంలో ఉంటుంది. ప‌రిమిత ప‌ద‌జాలంతో, స్పష్టంగా జ‌వాబులు రాసిన‌వారికి ప్రాధాన్యం. చేతిరాత అర్థం చేసుకునేలా లేక‌పోతే అయిదు శాతం వ‌ర‌కు మార్కులు త‌గ్గిస్తారు.

ఇంట‌ర్వ్యూ:
మెయిన్స్‌లో అర్హత సాధించిన‌వారికి ఇంట‌ర్వ్యూలు నిర్వహిస్తారు. ఇంట‌ర్వ్యూకి 200 మార్కులు కేటాయించారు. మొత్తం ఖాళీల‌కు రెట్టింపు సంఖ్యలో అభ్యర్థుల‌ను ఇంట‌ర్వ్యూకి ఆహ్వానిస్తారు.

తుది నియామ‌కాలు:
ప్రిలిమ్స్‌, మెయిన్స్‌, ఇంట‌ర్వ్యూల్లో చూపిన ప్రతిభ ద్వారా రిజ‌ర్వేష‌న్లు, ఆయా కేట‌గిరీల వారీ ఖాళీల ప్రాతిప‌దిక‌న‌ తుది నియామ‌కాలు చేప‌డ‌తారు.

ముఖ్యమైన తేదీలు:
ద‌ర‌ఖాస్తు: ఆన్‌లైన్‌లోనే ద‌ర‌ఖాస్తు చేసుకోవాలి
ఆన్‌లైన్ ద‌ర‌ఖాస్తుల‌కు చివ‌రి తేదీ: న‌వంబ‌రు 3
ప‌రీక్ష ఫీజు: మ‌హిళ‌లు, ఎస్సీ, ఎస్టీలు, దివ్యాంగులు ఫీజు చెల్లించాల్సిన అవ‌స‌రం లేదు. మిగిలిన అభ్యర్థుల‌కు ప‌రీక్ష ఫీజు రూ.200.
ప్రిలిమిన‌రీ (స్టేజ్‌-1) ప‌రీక్ష తేదీ: జ‌న‌వ‌రి 8
తెలుగు రాష్ట్రాల్లో ప్రిలిమిన‌రీ ప‌రీక్ష కేంద్రాలు: హైద‌రాబాద్‌, విశాఖ‌ప‌ట్నం, తిరుప‌తి
తెలుగు రాష్ట్రాల్లో ప్రధాన‌(మెయిన్స్‌) ప‌రీక్ష కేంద్రాలు: హైద‌రాబాద్‌, విశాఖ‌ప‌ట్నం
వ‌యోప‌రిమితి: జ‌న‌వ‌రి 1, 2017 నాటికి క‌నిష్ఠంగా 21 ఏళ్లు; గ‌రిష్ఠంగా 30 ఏళ్లు. (జ‌న‌వ‌రి 2, 1987 కంటే ముందు, జ‌న‌వ‌రి 1, 1996 త‌ర్వాత జ‌న్మించిన‌వాళ్లు అన‌ర్హులు) ఎస్సీ, ఎస్టీల‌కు అయిదేళ్లు; ఓబీసీల‌కు మూడేళ్లు గ‌రిష్ఠ వ‌యోప‌రిమితిలో స‌డ‌లింపులు వ‌ర్తిస్తాయి.
విద్యార్హత‌: బీఈ/ బీటెక్‌. ఆఖ‌రు సంవ‌త్సరం కోర్సు చ‌దువుతున్న విద్యార్థులు కూడా ద‌ర‌ఖాస్తు చేసుకోవ‌చ్చు.
వెబ్‌సైట్‌: www.upsconline.nic.in

నోటిఫికేష‌న్

సిల‌బ‌స్‌


Back..

Posted on 30-09-2016