Ask the Expert
|
Feedback
|
About us
|
Contact us
|
Pratibha Home
 
లెఫ్టినెంట్‌ హోదా... బీటెక్‌ పట్టా!

ఇంటర్‌ ఎంపీసీ గ్రూప్‌ విద్యార్థులకు కొలువులను అందించడానికి ఇండియన్‌ ఆర్మీ ముందుకొచ్చింది. ఇందుకోసం టెక్నికల్‌ ఎంట్రీ స్కీమ్‌ ప్రకటన విడుదల చేసింది. షార్ట్‌లిస్ట్‌ చేసిన అభ్యర్థులకు వివిధ పరీక్షలు నిర్వహిస్తారు. 10+2కి ఎంపికైతే కోర్సులోకి తీసుకుంటారు. విజయవంతంగా శిక్షణ, కోర్సు పూర్తి చేసుకున్నవారికి బీటెక్‌ డిగ్రీతోపాటు ఆర్మీలో లఫె్టినెంట్‌ ఉద్యోగం సొంతమవుతుంది.

ఇంటర్‌ ఎంపీసీ గ్రూపులో సాధించిన మార్కుల మెరిట్‌ ఆధారంగా 10+2 టెక్నికల్‌ ఎంట్రీ స్కీముకు దరఖాస్తు చేసుకున్న అభ్యర్థులను షార్ట్‌లిస్ట్‌ చేస్తారు. ఎంపికైనవారికి బెంగళూరులో అయిదు రోజులుపాటు రెండు దశల్లో ఎస్‌ఎస్‌బీ సైకలాజికల్‌ పరీక్షలు, గ్రూప్‌ పరీక్షలు, ఇంటర్వ్యూలు నిర్వహిస్తారు. తొలిరోజు స్టేజ్‌-1 స్క్రీనింగ్‌ (ఇంటలిజెన్స్‌) పరీక్షలు ఉంటాయి. ఇందులో అర్హత సాధించినవారిని స్టేజ్‌-2కి ఎంపిక చేస్తారు. నాలుగు రోజుల పాటు నిర్వహించే వివిధ పరీక్షల్లో అన్ని విభాగాల్లోనూ రాణించినవారిని శిక్షణకు ఎంపికచేస్తారు.

శిక్షణ తీరు
బీటెక్‌ కోర్సు, లఫె్టినెంట్‌ కొలువులకు ఎంపికైనవారికి జులై 2020 నుంచి శిక్షణ తరగతులు ప్రారంభమవుతాయి. ఈ ఉచిత శిక్షణ అయిదేళ్ల పాటు కొనసాగుతుంది. మూడేళ్ల తర్వాత ప్రతినెలా రూ.56,100 స్టైపెండ్‌ అందుతుంది. అయిదేళ్ల శిక్షణలో ఏడాది పాటు ఆఫీసర్‌ ట్రెయినింగ్‌ అకాడమీ- గయలో మిలిటరీ ప్రాథమిక శిక్షణ ఇస్తారు. అనంతరం నాలుగేళ్లపాటు టెక్నికల్‌ ట్రెయినింగ్‌ పుణె, సికింద్రాబాద్‌, మావ్‌ల్లోని ఆర్మీ కేంద్రాల్లో ఏదో ఒక చోట నిర్వహిస్తారు. ఇందులో రెండు దశలు ఉంటాయి. ఫేజ్‌-1 మూడేళ్ల ప్రీ-కమిషన్‌ ట్రెయినింగ్‌, ఫేజ్‌-2 ఏడాది పోస్ట్‌ కమిషన్‌ ట్రెయినింగ్‌ ఉంటాయి. నాలుగేళ్ల శిక్షణ పూర్తయిన తర్వాత లఫె్టినెంట్‌ హోదా ఇస్తారు. అయిదేళ్ల శిక్షణ, కోర్సు పూర్తయిన తర్వాత బీటెక్‌ డిగ్రీని ప్రదానం చేసి, పూర్తిస్థాయిలో విధుల్లోకి తీసుకుంటారు.

కెరియర్‌ ఆరంభంలోనే అన్ని ప్రోత్సాహకాలూ కలిపి నెలకు దాదాపు లక్ష రూపాయలు అందుకోవచ్ఛు తక్కువ వ్యవధిలోనే ఉన్నత స్థాయికి చేరుకోవచ్ఛు విధుల్లో చేరిన రెండేళ్ల తర్వాత కెప్టెన్‌, ఆరేళ్ల సర్వీస్‌తో మేజర్‌, పదమూడేళ్ల అనుభవంతో లఫె్టినెంట్‌ కల్నల్‌ హోదాలను అందుకోవచ్ఛు.
ఆర్మీలో 10+2 టెక్నికల్‌ ఎంట్రీ
ఖాళీలు: 90
అర్హత: ఫిజిక్స్‌, కెమిస్ట్రీ, మ్యాథమెటిక్స్‌ సబ్జెక్టుల్లో 70 శాతం మార్కులతో ఇంటర్‌ ఉత్తీర్ణులై ఉండాలి.
వయసు: 16 1/2 ఏళ్ల నుంచి 19 1/2 ఏళ్ల మధ్య ఉండాలి. అంటే 2001 జనవరి 2 కంటే ముందు, 2004 జనవరి 1 తర్వాత జన్మించినవాళ్లు అనర్హులు.
ఆన్‌లైన్‌ దరఖాస్తు చివరి తేది: నవంబరు 13

బీటెక్‌తో టెక్నికల్‌ గ్రాడ్యుయేట్‌
ఇంజినీరింగ్‌ పూర్తిచేసుకున్నవారిని టెక్నికల్‌ గ్రాడ్యుయేట్‌ కోర్సుల్లోకి ఇండియన్‌ ఆర్మీ ఆహ్వానిస్తోంది. సర్వీస్‌ సెలక్షన్‌ బోర్డు (ఎస్‌ఎస్‌బీ) ఇంటర్వ్యూలు నిర్వహించి అభ్యర్థులను ఎంపిక చేస్తుంది. ఇందులో స్టైపెండ్‌తో కూడిన శిక్షణ ఉంటుంది. అనంతరం లెఫ్టినెంట్‌ హోదాతో విధుల్లోకి తీసుకుంటారు.

ఎంపిక విధానం
దరఖాస్తు చేసుకున్న అభ్యర్థులను షార్ట్‌లిస్ట్‌ చేస్తారు. వీరికి సర్వీస్‌ సెలక్షన్‌ బోర్డు (ఎస్‌ఎస్‌బీ) బెంగళూరులో అయిదు రోజులుపాటు రెండు దశల్లో సైకలాజికల్‌ పరీక్షలు, గ్రూప్‌ పరీక్షలు, ఇంటర్వ్యూలు నిర్వహిస్తుంది. తొలిరోజు స్టేజ్‌-1 స్క్రీనింగ్‌ (ఇంటలిజెన్స్‌) పరీక్షలు ఉంటాయి. ఇందులో అర్హత సాధించినవారిని స్టేజ్‌-2కి ఎంపిక చేస్తారు. అన్ని విభాగాల్లోనూ రాణించినవారిని శిక్షణకు తీసుకుంటారు.

కోర్సులోకి ఎంపికైనవారికి ఇండియన్‌ మిలటరీ అకాడమీ, దేహ్రాదూన్‌లో జులై, 2020 నుంచి 49 వారాలపాటు శిక్షణ ఉంటుంది. ఈ సమయంలో నెలకు రూ.56,100 స్టైపెండ్‌ అందుతుంది. విజయవంతంగా శిక్షణ పూర్తిచేసుకున్నవారిని లెఫ్టినెంట్‌ హోదాతో శాశ్వత ప్రాతిపదికన విధుల్లోకి తీసుకుంటారు. ఉద్యోగంలో చేరినవారు తొలి నెల నుంచే సుమారు రూ.లక్ష వేతనంగా అందుకోవచ్చు. తక్కువ వ్యవధిలోనే ఉన్నత స్థాయి హోదాలు సొంతం చేసుకోవచ్చు.
ఖాళీలు: 40
అర్హత: నిర్దేశిత బ్రాంచీల్లో ఇంజినీరింగ్‌ పూర్తిచేసుకున్నవారు, ప్రస్తుతం ఆఖరు సంవత్సరం కోర్సులు చదువుతున్నవారు దరఖాస్తు చేసుకోవచ్చు.
వయసు: జులై 1, 2020 నాటికి 20 నుంచి 27 ఏళ్లలోపు ఉండాలి. అంటే జులై 2, 1993; జులై 1, 2000 మధ్య జన్మించినవారే అర్హులు.
ఆన్‌లైన్‌ దరఖాస్తులకు చివరి తేదీ: నవంబరు 14
వెబ్‌సైట్‌: http://www.joinindianarmy.nic.in/default.aspx

Back..

Posted on 29-10-2019