Ask the Expert
|
Feedback
|
About us
|
Contact us
|
Pratibha Home
 
ఉచితంగా బీటెక్ త‌ర్వాత రూ.75 వేల వేత‌నం

* ఇండియ‌న్ నేవీ 10+2 (బీటెక్‌) క్యాడెట్ ఎంట్రీ స్కీంతో అవ‌కాశం

ఇంట‌ర్ ఎంపీసీ విద్యార్థుల‌కు ఉచితంగా బీటెక్ చ‌దివించి, ఉద్యోగావ‌కాశం క‌ల్పిస్తోంది ఇండియ‌న్ నేవీ 10+2 (బీటెక్‌) క్యాడెట్ ఎంట్రీ స్కీం. ఇందుకోసం ఇంట‌ర్ ఎంపీసీ ప‌ర్సంటేజ్‌, జేఈఈ మెయిన్ ప‌రీక్ష ర్యాంకుల‌ను ప‌రిగ‌ణ‌న‌లోకి తీసుకుంటారు. అర్హులైన‌ అభ్యర్థుల‌ను ఎంపిక‌చేసి, ఇంట‌ర్వ్యూలు నిర్వహిస్తారు. అందులో నెగ్గిన‌వారికి నాలుగేళ్లపాటు బీటెక్ చ‌దివిస్తారు. విజ‌య‌వంతంగా కోర్సు పూర్తిచేసుకున్నవారిని స‌బ్ లెఫ్టినెంట్ హోదాతో విధుల్లోకి తీసుకుంటారు. ఉద్యోగంలోకి చేర‌గానే నెల‌కు రూ.75,000 వేతనంగా చెల్లిస్తారు.

అర్హత‌: ఇంట‌ర్ మ్యాథ్స్‌, ఫిజిక్స్, కెమిస్ట్రీ ఈ మూడు స‌బ్జెక్టుల్లోనూ క‌లిపి క‌నీసం 70 శాతం మార్కులు సాధించాలి. దీంతోపాటు ప‌దోత‌ర‌గ‌తి లేదా ఇంట‌ర్ ఇంగ్లిష్‌లో క‌నీసం 50 శాతం మార్కులు రావాలి. నిర్దేశిత శారీర‌క ప్రమాణాలు త‌ప్పనిస‌రి. పురుషులు మాత్రమే అర్హులు. 157 సెం.మీ. ఎత్తు ఉండాలి.

వ‌యోప‌రిమితి: 17 1/2 -19 ఏళ్లు (జులై 2, 1997 - జ‌న‌వ‌రి 1, 2000 మ‌ధ్య జ‌న్మించిన‌వాళ్లే అర్హులు)

ఎంపిక‌విధానం
ఇంట‌ర్ ఎంపీసీ మార్కులు, జేఈఈ మెయిన్ స్కోర్(జేఈఈ రాసిన‌ట్లయితే) ఆధారంగా అభ్యర్థుల‌ను షార్ట్‌లిస్ట్ చేస్తారు. వీరిని స‌ర్వీసెస్ సెల‌క్షన్ బోర్డు (ఎస్ఎస్‌బీ) ఈ ఏడాది ఆగ‌స్టు-అక్టోబ‌రు మ‌ధ్య ఇంట‌ర్వ్యూలు నిర్వహిస్తుంది. అభ్యర్థులు బెంగ‌ళూరు, భోపాల్‌, కోయంబ‌త్తూరు, విశాఖ‌ప‌ట్నం వీటిలో ఏదైనా ప్రాంతంలో ఇంట‌ర్వ్యూల‌కు హాజ‌రుకావాల్సి ఉంటుంది. ఈ ఇంట‌ర్వ్యూల‌ను 2 ద‌శ‌ల్లో క‌నీసం అయిదు రోజుల‌పాటు నిర్వహిస్తారు.

శిక్షణ‌
కోర్సుకి ఎంపికైన అభ్యర్థుల‌కు ఇండియ‌న్ నేవ‌ల్ అకాడెమీ (కేర‌ళ‌లోని ఎజిమాల‌)లో జ‌న‌వ‌రి 2017 నుంచి శిక్షణ మొద‌ల‌వుతుంది. అభ్యర్థులు బీటెక్ కోర్సులో భాగంగా అప్లైడ్ ఎల‌క్ట్రానిక్స్ అండ్ క‌మ్యూనికేష‌న్ లేదా మెకానిక‌ల్ ఇంజినీర్ కోర్సుల్లో ఏదైనా ఒక‌టి ఎంచుకోవాలి. ఈ నాలుగేళ్ల కోర్సులో భాగంగా అభ్యర్థుల‌క‌య్యే ఖ‌ర్చుల‌న్నీ (పుస్తకాలు, ట్యూష‌న్ ఫీజు, భోజ‌నం, వ‌స‌తి సౌక‌ర్యాలు) నేవీ భ‌రిస్తుంది. బీటెక్ డిగ్రీని దిల్లీలోని జ‌వ‌హ‌ర్‌లాల్ నెహ్రూ యూనివ‌ర్సిటీ (జేఎన్‌యూ) ప్రదానం చేస్తుంది.

కెరీర్ ఇలా...
విజ‌య‌వంతంగా బీటెక్‌ కోర్సు పూర్తిచేసుకున్న అభ్యర్థులు స‌బ్‌ లెఫ్టినెంట్ హోదాతో ఇండియ‌న్ నేవీలో కెరీర్ ఆరంభిస్తారు. ఈ స‌మ‌యంలో నెల‌కు అన్ని ర‌కాల ప్రోత్సాహ‌కాలూ క‌లుపుకుని రూ.75,000 వ‌ర‌కు చెల్లిస్తారు. ఇప్పుడున్న స్కేల్ ప్రకారం ఈ వేత‌నం. అదే నాలుగేళ్ల త‌ర్వాత చూసుకుంటే రూ.లక్ష వ‌ర‌కు వేత‌న‌రూపంలో అందుకోవ‌చ్చు.

ఆన్‌లైన్ ద‌ర‌ఖాస్తుల‌కు చివ‌రి తేదీ: జులై 20
వెబ్‌సైట్‌: www.joinindiannavy.gov.in

Back..

Posted on 29-06-2016

Notification