ఎల్ఐసీ గోల్డెన్ జూబ్లీ స్కాల‌ర్‌షిప్పులు

ఆర్థికంగా వెనుబ‌డిన కుటుంబాల‌కు చెందిన విద్యార్థులను ఉన్నత చ‌దువుల దిశ‌గా ప్రోత్సహించ‌డానికి ఎల్ఐసీ గోల్డెన్ జూబ్లీ స్కాల‌ర్‌షిప్పులు ఏర్పాటుచేసింది. అభ్యర్థి అక‌డ‌మిక్ ప్రతిభ‌, త‌ల్లిదండ్రుల వార్షిక ఆదాయం ప్రాతిప‌దిక‌న ఈ స్కాల‌ర్‌షిప్పుల‌ను అర్హుల‌కు అందిస్తారు. డివిజ‌న్‌ను ప్రాతిప‌దిక‌గా చేసుకుని విద్యార్థుల‌ను ఎంపిక‌చేస్తారు. స్కాల‌ర్‌షిప్పు వివ‌రాలు, కావాల్సిన అర్హత‌లు ఇలా ఉన్నాయి.

మొత్తం ఎన్ని స్కాల‌ర్‌షిప్పులు: ఒక్కో ఎల్ఐసీ డివిజ‌న్ కేంద్రానికి 20 చొప్పున స్కాల‌ర్‌షిప్పులు కేటాయించారు. వీటిలో 10 అమ్మాయిల‌కు, 10 అబ్బాయిల‌కు ద‌క్కుతాయి.

ఏ కోర్సులు చ‌ద‌వాలి: స్కాల‌ర్‌షిప్పుకి ద‌ర‌ఖాస్తు చేసుకునే విద్యార్థులు మెడిసిన్‌, ఇంజినీరింగ్, డిగ్రీ, డిప్లొమా, ఒకేష‌న‌ల్ కోర్సు లేదా ఐటీఐ వీటిలో ఏదో ఒక కోర్సు ప్రభుత్వ గుర్తింపు పొందిన సంస్థలో చ‌దువుతుండాలి.

ఎంత చెల్లిస్తారు...
స్కాల‌ర్‌షిప్పుల‌కు ఎంపికైన‌వారికి ఏడాదికి రూ.10 వేల చొప్పున చెల్లిస్తారు. ఇందుకోసం నెల‌కు రూ.వెయ్యి చొప్పున ప‌ది నెల‌ల వారి ఖాతాలో జ‌మ‌చేస్తారు. కోర్సు వ్యవ‌ధి ముగిసేవర‌కు ఈ స్కాల‌ర్‌షిప్పు కొన‌సాగుతుంది. అయితే ప్రొఫెష‌న‌ల్ కోర్సులు చ‌దువుతున్న విద్యార్థులు ఏటా క‌నీసం 55 శాతం మార్కులు సాధిస్తేనే ఈ స్కాల‌ర్‌షిప్పు త‌ర్వాత సంవ‌త్సరానికి కొన‌సాగుతుంది. లేదంటే ర‌ద్దుచేస్తారు. అలాగే బీఏ/ బీకాం/ బీఎస్సీ త‌దిత‌ర కోర్సులు చ‌దువుతున్న విద్యార్థులైతే స్కాల‌ర్‌షిప్పు కొన‌సాగ‌డానికి ఏటా 50 శాతం మార్కులు పొంద‌డం త‌ప్పనిస‌రి.

అర్హత‌: తాజాగా ఇంజినీరింగ్‌, మెడిసిన్‌, డిగ్రీ, డిప్లొమా చ‌దువుతున్న విద్యార్థులైతే 2015-16 విద్యా సంవ‌త్సరంలో ఇంట‌ర్మీడియ‌ట్ లేదా దానికి స‌మాన‌మైన కోర్సులో క‌నీసం 60 శాతం మార్కుల‌తో ఉత్తీర్ణత సాధించాలి. ప్రస్తుతం ఏదైనా ఒకేష‌న‌ల్ కోర్సు లేదా ఐటీఐ చ‌దువుతున్న విద్యార్థులైతే 2015-16 విద్యా సంవ‌త్సరంలో ప‌దో త‌ర‌గ‌తిలో 60 శాతం మార్కుల‌తో ఉత్తీర్ణత సాధించాలి. ఏ కోర్సు చ‌దువుతున్న విద్యార్థులైన‌ప్పటికీ త‌ల్లిదండ్రుల వార్షికాదాయం రూ. ల‌క్ష లోపు ఉండాలి.

ద‌ర‌ఖాస్తులు: ఆన్‌లైన్‌లో ఎల్ఐసీ వెబ్‌సైట్ ద్వారా ద‌ర‌ఖాస్తు చేసుకోవాలి.
ఆన్‌లైన్ ద‌ర‌ఖాస్తుల‌కు చివ‌రి తేదీ: సెప్టెంబ‌ర్ 23

వెబ్‌సైట్‌: www.licindia.in

నోటిఫికేష‌న్

అప్లై ఆన్‌లైన్‌

posted on 01-09-2016

Back

 
© Ushodaya Enterprises Private Limited 2016