Ask the Expert
|
Feedback
|
About us
|
Contact us
|
Pratibha Home
 

బోధన, పరిశోధనలో యువతకు ప్రోత్సాహం

సైన్స్‌ను అధ్యయనం చేసే ప్రతిభావంతులైన యువతీ యువకులను ప్రోత్సహించేందుకు ‘కౌన్సిల్‌ ఆఫ్‌ సైంటిఫిక్‌ అండ్‌ ఇండస్ట్రియల్‌ రిసెర్చి’ నిర్వహించే పరీక్ష... సీఎస్‌ఐఆర్‌- యూజీసీ నెట్‌. తాజాగా దీని ప్రకటన వెలువడింది. దేశంలోని విశ్వవిద్యాలయాలూ, కళాశాలల్లో ‘లెక్చరర్‌ షిప్‌’ నిర్ధారణకూ; ప్రయోగశాలల్లో, యూనివర్సిటీల్లో ‘జూనియర్‌ రిసెర్చి ఫెలోషిప్‌’ ఎంపికకూ నిర్వహించే పరీక్ష ఇది. ఈ జాతీయస్థాయి అర్హత పరీక్ష డిసెంబరు 16న జరుగుతుంది. పీజీ సిలబస్‌ను ఆచరణాత్మక ధోరణిలో అవగాహన చేసుకుంటూ చదివితే నెట్‌లో నెగ్గటం సులువే!

భారత్‌లో శాస్త్రీయ, సాంకేతిక మానవ వనరులను అభివృద్ధి చేసే సంస్థ సీఎస్‌ఐఆర్‌. బయోటెక్నాలజీ, ఫార్మాస్యూటికల్‌, ఇతర బేసిక్‌ సైన్స్‌ అభివృద్దికి ఈ సంస్థ కృషి చేస్తోంది.
‘నెట్‌’ ద్వారా జేఆర్‌ఎఫ్‌ అర్హత పొందినవారు సీఎస్‌ఐఆర్‌ పరిధిలో ఉన్న ప్రయోగశాలలు, ఎక్కువ ప్రాముఖ్యమున్న యూనివర్సిటీల్లో పీహెచ్‌డీకి దరఖాస్తు చేసుకోవచ్చు. లెక్చరర్‌షిప్‌ అర్హత పొందినవారు యూజీసీ గుర్తింపు పొందిన విశ్వవిద్యాలయాలు, కళాశాలల్లో అధ్యాపకులుగా బోధించవచ్చు.బీ కెమికల్‌ సైన్స్‌ బీ ఎర్త్‌, అట్మాస్ఫిరిక్‌, ఓషన్‌ అండ్‌ ప్లానిటరీ సైన్సెస్‌ బీ లైఫ్‌ సైన్సెస్‌ బీ మేథమేటికల్‌ సైన్సెస్‌ బీ ఫిజికల్‌ సైన్సెస్‌ సబ్జెక్టుల్లో సీఎస్‌ఐఆర్‌ యూజీసీ నెట్‌ పరీక్షలను నిర్వహిస్తారు.



సైన్సెస్‌లో ప‌రిశోధ‌న‌కు సీఎస్ఐఆర్ నెట్‌

మనదేశంలో శాస్త్రీయ, సాంకేతిక మానవ వనరులను అభివృద్ధి చేస్తున్న అతిపెద్ద సంస్థ సీఎస్‌ఐఆర్‌ (కౌన్సిల్‌ ఆఫ్‌ సైంటిఫిక్‌ అండ్‌ ఇండస్ట్రియల్‌ రిసెర్చ్‌). దీని పరిధిలో దేశం మొత్తంలో 38 జాతీయ ప్రయోగశాలలు, 80 ఫీల్డ్‌ స్టేషన్లు ఉన్నాయి. వీటిలో ప‌రిశోధ‌న‌లు చేయాల‌నుకున్న‌వారికి సీఎస్ఐఆర్‌-నెట్ ద్వారా అవ‌కాశం క‌ల్పిస్తారు. ఫెలోషిప్ కి ఎంపికైన‌వారు ఉజ్వ‌ల భ‌విష్య‌త్తు సొంతం చేసుకోవ‌చ్చు. డిసెంబ‌రులో నిర్వ‌హించే సీఎస్ఐఆర్ నెట్ ప్ర‌క‌ట‌న వెలువ‌డింది.

సీఎస్‌ఐఆర్‌- యూజీసీ నెట్‌ విభాగంలో పరీక్షలను నిర్వహించే సబ్జెక్టులు..
* కెమికల్‌ సైన్సెస్‌
* ఎర్త్‌, అట్మాస్ఫిరిక్‌, ఓషన్‌, ప్లానిటరీ సైన్సెస్‌
* లైఫ్‌ సైన్సెస్‌
* మేథమేటికల్‌ సైన్సెస్‌
* ఫిజికల్‌ సైన్సెస్‌

పరీక్ష విధానం
లైఫ్‌ సైన్సెస్‌, ఎర్త్‌, అట్మాస్ఫిరిక్‌, ఓషన్‌ అండ్‌ ప్లానెటరీ సైన్సెస్‌, మేథమేటికల్‌ సైన్సెస్‌, కెమికల్‌ సైన్సెస్‌, ఫిజికల్‌ సైన్సెస్‌ల నుంచి అభ్యర్థి ఎంచుకున్న ఒక సబ్జెక్టు ప్రకారం 200 మార్కులకు పరీక్ష ఉంటుంది. అన్ని ప్రశ్నలూ మల్టిపుల్‌ చాయిస్‌ విధానంలో ఉంటాయి. 3 గంటల సమయాన్ని కేటాయించారు. ఈ పరీక్షలో మూడు విభాగాలు (ఎ, బి, సి) ఉంటాయి.