RRB RPF Notification

రైల్వేలో 8619 కానిస్టేబుల్, 1120 ఎస్సై పోస్టులు

రైల్వే ప్రొటెక్షన్ ఫోర్స్ ( ఆర్ పీఎఫ్), రైల్వే ప్రొటెక్షన్ స్పెషల్ ఫోర్స్ (ఆర్ పీ ఎస్ ఎఫ్) ల్లో 8619 కానిస్టేబుల్; 1120 సబ్ ఇన్ స్పెక్టర్ (ఎస్సై) పోస్టుల భర్తీకి భారతీయ రైల్వే మంత్రిత్వ శాఖ ప్రకటన విడుదలచేసింది. వీటిలో 4216 కానిస్టేబుల్, 301 ఎస్సై పోస్టులు మహిళలకు కేటాయించారు. గతంలో సౌత్ సెంట్రల్ రైల్వే ప్రకటన 01/2016కు దరఖాస్తు చేసుకున్న మహిళా అభ్యర్థులు మరోసారి కానిస్టేబుల్ పోస్టులకు దరఖాస్తు చేసుకోవాల్సిన అవసరం లేదు. ఆన్ లైన్ పరీక్ష, పీఈటీ, పీఎంటీ ల ద్వారా అభ్యర్థులను ఎంపిక చేస్తారు.
కానిస్టేబుల్ అర్హతలు
విద్యార్హత: పదోతరగతి ఉత్తీర్ణత. దీంతోపాటు నిర్ణీత శారీరక ప్రమాణాలు ఉండాలి.
వయసు: 1.7.2018 నాటికి 18 - 25 ఏళ్లలోపు ఉండాలి.
ఎంపిక విధానం: ఆన్ లైన్ లో కంప్యూటర్ బేస్డ్ టెస్టు ద్వారా అభ్యర్థులను ఎంపిక చేస్తారు. సెప్టెంబరు, అక్టోబరులో ఈ పరీక్షలు ఉంటాయి. డిగ్రీ స్థాయిలో ప్రశ్నలు వస్తాయి. 90 నిమిషాల్లో 120 ప్రశ్నలకు జవాబులు రాయాలి. జనరల్ అవేర్ నెస్ నుంచి 50, అరిథ్ మెటిక్ 35, జనరల్ ఇంటిలిజెన్స్, రీజనింగ్ 35 ప్రశ్నలు ఉంటాయి. తెలుగు మాధ్యమంలోనూ పరీక్ష రాసుకోవచ్చు. ఆయా కేటగిరీల వారీ ఖాళీలకు పది రెట్ల సంఖ్యలో మెరిట్ ప్రకారం అభ్యర్థులను ఫిజికల్ ఎఫిషియన్సీ టెస్టు (పీఈటీ), ఫిజికల్ మెజర్ మెంట్ టెస్టు (పీఎంటీ) నిర్వహిస్తారు. అందులో ఉత్తీర్ణులకు సర్టిఫికెట్లు పరిశీలించి శిక్షణలోకి తీసుకుంటారు. రూ.21,700 మూల వేతనం లభిస్తుంది.
Notification

ఎస్సై పోస్టులకు...
విద్యార్హత: ఏదైనా డిగ్రీ ఉత్తీర్ణత. దీంతోపాటు నిర్ణీత శారీరక ప్రమాణాలు ఉండాలి.
వయసు: 1.7.2018 నాటికి 20 - 25 ఏళ్లలోపు ఉండాలి.
ఎంపిక విధానం: ఆన్ లైన్ లో కంప్యూటర్ బేస్డ్ టెస్టు ద్వారా అభ్యర్థులను ఎంపిక చేస్తారు. సెప్టెంబరు, అక్టోబరులో ఈ పరీక్షలు ఉంటాయి. పదో తరగతి స్థాయిలో ప్రశ్నలు వస్తాయి. 90 నిమిషాల్లో 120 ప్రశ్నలకు జవాబులు రాయాలి. జనరల్ అవేర్ నెస్ నుంచి 50, అరిథ్ మెటిక్ 35, జనరల్ ఇంటిలిజెన్స్, రీజనింగ్ 35 ప్రశ్నలు ఉంటాయి. తెలుగు మాధ్యమంలోనూ పరీక్ష రాసుకోవచ్చు. ఆయా కేటగిరీల వారీ ఖాళీలకు పది రెట్ల సంఖ్యలో మెరిట్ ప్రకారం అభ్యర్థులను ఫిజికల్ ఎఫిషియన్సీ టెస్టు (పీఈటీ), ఫిజికల్ మెజర్ మెంట్ టెస్టు (పీఎంటీ) నిర్వహిస్తారు. అందులో ఉత్తీర్ణులకు సర్టిఫికెట్లు పరిశీలించి శిక్షణలోకి తీసుకుంటారు. రూ.35,400 మూల వేతనం లభిస్తుంది.
ఆన్ లైన్ దరఖాస్తుల ప్రారంభం: జూన్ 1 ఉదయం 10 నుంచి
చివరి తేదీ: జూన్ 30

Notification

Posted on 19-05-2017