• facebook
  • whatsapp
  • telegram

విపత్తులపై యుద్ధ భేరి

వరదలు, ఉప్పెనలు, కరవు కాటకాలు, భూకంపాల వంటి విపత్తులు పొంచివున్న కాలమిది. నేడు వర్ధమాన దేశాల ఆర్థిక ప్రగతికి విపత్తులు ప్రధాన అవరోధంగా మారుతున్నాయి. వీటి నుంచి సత్వరమే కోలుకునేందుకు సమర్థ విపత్తుల నిర్వహణ వ్యవస్థ ఏర్పాటు నేటి అవసరం. ప్రపంచ దేశాలన్నీ ఇప్పుడు ఈ అంశంపై దృష్టి సారిస్తున్నాయి. ఇటీవల జపాన్‌లోని ఒకాసాలో జరిగిన జి-20 దేశాల సదస్సులో ప్రధాని నరేంద్ర మోదీ ప్రసంగిస్తూ- విపత్తులకు ఎదురొడ్డి, వెనుదిరిగి సత్వరమే పూర్వస్థితికి చేరుకునేందుకు (డిజాస్టర్‌ రీసైలెన్స్‌) ప్రపంచ దేశాలన్నీ ఉమ్మడి కార్యాచరణకై ముందుకు రావాలని పిలుపిచ్చారు. విపత్తుల నుంచి సత్వరమే కోలుకుని పూర్వస్థితికి చేరుకోవడం కోసం సమగ్ర కార్యాచరణతో కూడిన వ్యూహాన్ని అనుసరించాలి. తద్వారా ఆర్థిక వ్యవస్థపై దీర్ఘకాలికంగా చూపే ప్రతికూల ప్రభావం నుంచి బయటపడవచ్చు. ప్రకృతి విపత్తుల బారినపడేవారిలో ఎక్కువ శాతం పేదలే ఉంటారు.
 

  • Tags