• facebook
  • whatsapp
  • telegram

పది పరీక్షల నిర్వహణకే కర్ణాటక మొగ్గు

ఈనాడు డిజిటల్‌, బెంగళూరు: కరోనా తీవ్రత తగ్గకున్నా విద్యార్థుల భవిష్యత్తు దృష్ట్యా పదోతరగతి పరీక్షలు నిర్వహించాలని కర్ణాటక ప్రభుత్వం తీర్మానించింది. సురక్షిత వ్యవస్థల నడుమ పరీక్షలు నిర్వహిస్తామని ప్రకటించింది. జూన్‌ 25 నుంచి జులై 4వ తేదీ వరకు నిర్వహించే ఈ పరీక్షలకు 8.40 లక్షల మంది విద్యార్థులు హాజరు కానున్నారు. రవాణా, ఆరోగ్య, హోం శాఖల సమన్వయంతో విద్యార్థులకు ఎలాంటి సమస్యలూ లేకుండా చూస్తామని విద్యాశాఖ మంత్రి సురేశ్‌కుమార్ జూన్ 10న‌ ప్రకటించారు. మాధ్యమిక విద్య (ఇంటర్‌) పరీక్షల్లో వాయిదా పడిన ఆంగ్ల పరీక్షను జూన్‌ 18న నిర్వహించాలని కూడా నిర్ణయించారు.