Post your question

 

    Asked By: స్నేహ. కె

    Ans:

    హెల్త్‌కేర్‌ రంగంలో కూడా ఇతర రంగాల మాదిరిగానే మేనేజర్‌లకు ప్రాధాన్యం ఉంది. వైద్యశాలలో రోగులకు ప్రత్యక్షంగా సేవలు అందించనప్పటికి, వారికి అందే వైద్యానికి సంబంధించిన నాణ్యత, ఇతర విషయాలపై వీరు విలువైన నిర్ణయాలు తీసుకుంటారు. ఆస్పత్రి సిబ్బందిని నియమించడం, వారి వేతనాలు, ఉద్యోగానికి సంబంధించిన నిబంధనలు రూపొందించడంలో హెచ్‌.ఆర్‌. మేనేజర్‌లు కీలక పాత్ర పోషిస్తారు. దీనితో పాటు సిబ్బంది శిక్షణను కూడా వీరే పర్యవేక్షిస్తూ ఉంటారు. ఇక కాలేజీల విషయానికి వస్తే
    నైపుణ్యం ఉన్న ఉపాధ్యాయులను వెతకడం, వారిని నియమించడంలో హెచ్‌.ఆర్‌. మేనేజర్‌లు కీలక పాత్ర పోషిస్తారు. ఇక మీ ప్రశ్న విషయం చూస్తే.. కాలేజీలతో పోలిస్తే హెల్త్‌కేర్‌ రంగంలోనే హెచ్‌.ఆర్‌. మేనేజర్‌లకు ఎక్కువ ప్రాముఖ్యం ఉంది. హాస్పిటల్‌లో హెచ్‌.ఆర్‌. మేనేజర్‌గా ప్రయత్నించాలనే మీ నిర్ణయం సరైనదే. దానికి ముందు హాస్పిటల్‌/ హెల్త్‌ కేర్‌కు సంబంధించి ఏదైనా డిప్లొమా/ సర్టిఫికెట్‌ కోర్సుని చేయడం వల్ల ఈ రంగంలో మీకు ఉద్యోగావకాశాలు మెరుగ్గా ఉంటాయి. - బి.రాజశేఖర్, కెరియర్‌ కౌన్సెలర్‌

     

    Asked By: శివకుమార్‌

    Ans:

    మీరు యు.ఎస్‌. టాక్సేషన్‌ కంపెనీలో ఏ రోల్‌లో పనిచేశారో చెప్పలేదు. ఈ రంగంలో ఎదగాలంటే ఎకౌంటింగ్‌ రంగంలో సర్టిఫికెట్‌ ఉండడం అవసరం. ఏసీసీఏ వారు అందించే షార్ట్‌ టర్మ్‌ కోర్సులైన ఐఎఫ్‌ఆర్‌ డిప్లొమా లేదా ఐఎఫ్‌ఆర్‌ సర్టిఫికెట్‌ కోర్సును ఎంచుకోవచ్చు. మరిన్ని వివరాలకు https://www.accaglobal.com/in/en.html ను సందర్శించండి. మీరు లాంగ్‌ టర్మ్‌ కోర్సులను ఎంచుకోదలిస్తే యూఎస్‌- సీపీఏ కోర్సును లేదా యూఎస్‌- సీఎంఏ కోర్సును ఎంచుకోవచ్చు. నిర్దిష్టంగా యు.ఎస్‌. టాక్సేషన్‌ కోర్సులు మనదేశంలో అందుబాటులో లేవు. ఇలా కాకుండా ఎంబీఏ ఫైనాన్స్‌ కోర్సును ఎంచుకుని మీ అభిరుచికి తగ్గట్టు ఫైనాన్స్‌ రంగంలో ఉపాధి పొందొచ్చు. మీరు టాక్సేషన్‌ రంగంలోనే స్థిరపడాలనుకొంటే సీఏ, ఏసీఎస్, ఐసీడబ్ల్యూఏ లాంటి కోర్సుల గురించీ ఆలోచించండి. - బి. రాజశేఖర్, కెరియర్‌ కౌన్సెలర్‌

    Asked By: బి. నరేంద్ర

    Ans:

    ఏ రంగంలో డిగ్రీ చేసినవారైనా బ్రాంచిలకు అతీతంగా ఐటీ, సాఫ్ట్‌వేర్‌లకు సంబంధించిన కొలువులకు మొగ్గు చూపడం ఈ మధ్య కాలంలో మనం చూస్తున్నాం. సాఫ్ట్‌వేర్‌ టెస్టింగ్‌ నేర్చుకోవడానికి ఇప్పుడు ఆన్‌లైన్‌ మాధ్యమంలో చాలా కోర్సులున్నాయి. టెస్టింగ్‌ నేర్చుకొని సాఫ్ట్‌వేర్‌ టెస్టర్‌గా కెరియర్‌ను మొదలు పెట్టాలనుకుంటే సెలీనియం (Selenium suite of tools) నేర్చుకోవలసి ఉంటుంది. ఈ సాఫ్ట్‌వేర్‌ ప్యాకేజీ జావా కంప్యూటర్‌ ప్రోగ్రామింగ్‌ లాంగ్వేజ్‌లో ఉంటుంది. అందుకని మీరు జావాను ముందుగా నేర్చుకోవలసి ఉంటుంది. ఈ కోర్సునూ, దీనికి అనుసంధానమైన వివిధ మాడ్యూళ్లనూ పూర్తి చేసిన తరువాత సాఫ్ట్‌వేర్‌ రంగంలో ఉద్యోగం సంపాదించే అవకాశాలున్నాయి. వివిధ రకాల ప్రాజెక్టుల్లో పనిచేసి అనుభవం సంపాదించాక సాఫ్ట్‌వేర్‌ రంగంలో మీ కెరియర్‌ ఉన్నత స్థాయికి వెళ్ళే అవకాశం ఉంది.
    రోబోట్‌ అండ్‌ ఫ్రేమ్‌ వర్క్‌ టెస్ట్‌ ఆటోమేషన్, కంప్యూటర్‌ నెట్‌ వర్కింగ్, సాఫ్ట్‌వేర్‌ ఇంజినీరింగ్, సాఫ్ట్‌వేర్‌ టెస్టింగ్‌ గ్రీన్‌ బెల్ట్, సాఫ్ట్‌వేర్‌ టెస్టింగ్‌ ఆటోమేషన్, సాఫ్ట్‌వేర్‌ డెవలప్‌మెంట్‌ లైఫ్‌ సైకిల్, గూగుల్‌ ఐటీ ఆటోమేషన్‌ విత్‌ పైతాన్, గూగుల్‌ ఐటీ సపోర్ట్, లీన్‌ సాఫ్ట్‌వేర్‌ డెవలప్‌మెంట్‌ లాంటి ఆన్‌లైన్‌ కోర్సులను లిండా, యుడెమి, కోర్స్‌ఎరా లాంటి వేదికలపై నేర్చుకోవచ్చు. సాఫ్ట్‌వేర్‌ కోర్సులతో పాటు కమ్యూనికేషన్‌ స్కిల్స్‌ని కూడా పెంచుకొనే ప్రయత్నం చేయండి.  - ప్రొ. బి. రాజశేఖర్, కెరియర్‌ కౌన్సెలర్‌

    Asked By: ఎం. శ్రీనివాస్

    Ans:

    బీటెక్‌ సివిల్‌ చేసినవారికి ఉద్యోగావకాశాలు బాగా పెరిగాయి. ప్రభుత్వ, ప్రైవేటు రంగాల్లో ఇన్‌ఫ్రాస్ట్రక్చర్‌ ప్రాజెక్టులకు సివిల్‌ ఇంజినీర్ల అవసరం ఎక్కువ. ప్రైవేటు రంగంలో సైట్‌ ఇంజినీర్‌గా, ప్రాజెక్ట్‌ ఇంజినీర్‌గా, అసిస్ట్టెంట్‌ ఇంజినీర్‌గా, క్వాలిటీ కంట్రోల్‌ ఇంజినీర్‌గా, కన్‌స్ట్రక్షన్‌ ఇంజినీర్‌గా ఉద్యోగావకాశాలు ఉంటాయి. రాష్ట్ర ప్రభుత్వంలో ఉద్యోగాల కోసం పబ్లిక్‌ సర్వీస్‌ కమీషన్‌ నిర్వహించే పరీక్షలు రాసి అసిస్టెంట్‌ ఎగ్జిక్యూటివ్‌ ఇంజినీర్‌గా రహదారులు- భవనాల శాఖ, నీటిపారుదల శాఖ, పంచాయతీ రాజ్‌ శాఖ, పురపాలక శాఖ, గ్రామీణ నీటి సరఫరా పనుల శాఖల్లో ఉద్యోగాలు పొందవచ్చు.యూపీఎస్‌సీ నిర్వహించే పరీక్షలు రాసి దేశవ్యాప్తంగా ఉన్న కేంద్రప్రభుత్వ సర్వీసుల్లో చేరవచ్చు. గేట్‌ పరీక్ష రాసి ప్రభుత్వరంగ సంస్థల్లో మేనేజ్‌మెంట్‌ ట్రైనీగా, ఇంజినీర్‌ ట్రైనీగా కూడా స్థిరపడవచ్చు. 
    ఇవన్నీ కాకుండా సొంతంగా కన్సల్టెన్సీ పెట్టుకొని డిజైన్‌లు, డ్రాయింగ్‌లతో పాటు వాల్యుయేషన్‌ కూడా చేయవచ్చు. కన్‌స్ట్రక్షన్‌ మేనేజ్‌మెంట్‌లో పీజీ చేసి ఉద్యోగావకాశాల్ని పెంచుకోవచ్చు. అమ్మాయిలకు కూడా సివిల్‌ ఇంజినీరింగ్‌ సరైన ఎంపికే. ప్రస్తుత పరిస్థితుల్లో ఏ ఉద్యోగం అయినా, ఏ ఇంజినీరింగ్‌ అయినా అమ్మాయిలందరికీ అర్హత ఉంటుంది. ఆసక్తి ఉంటే నిస్సంకోచంగా అమ్మాయిలూ సివిల్‌ ఇంజినీరింగ్‌ ఎంచుకోవచ్చు.
     

    Asked By: పి. వీరేష్‌ కుమార్‌

    Ans:

    చార్టెడ్‌ అకౌంటెన్సీ, కాస్ట్‌ అండ్‌ మేనేజ్‌మెంట్‌ అకౌంటెన్సీ, కంపెనీ సెక్రెటరీ కోర్సులు ప్రముఖమైన ప్రొఫెషనల్‌ కోర్సులు. వీటిని చదివిన వారు అకౌంటింగ్, ఆడిటింగ్, ఫైనాన్స్‌ సంబంధిత లావాదేవీలను న్యాయపరంగా, వ్యాపార నిబంధనలు, ప్రభుత్వ చట్టాల ప్రకారం జరిగేలా చూస్తారు. చార్టెడ్‌ అకౌంటెన్సీ, కాస్ట్‌ అండ్‌ మేనేజ్‌మెంట్‌ అకౌంటెన్సీ, కంపెనీ సెక్రటరీ కోర్సులను ఒకేసారి పూర్తి చేయడం దాదాపుగా అసాధ్యమనే  చెప్పాలి. ఈ సంస్థల నియమ నిబంధనల ప్రకారం ఒక సంస్థలో రిజిస్టర్‌ అయితే ఆ కోర్సుతో పాటు, ముందస్తు సమాచారంతో డిగ్రీ/పీజీ మాత్రమే చేయడానికి అనుమతి ఉంది. 
    సీఏ కోర్సు పూర్తి చేసిన వారికి చార్టెడ్‌ అకౌంటెంట్, టాక్స్‌ కన్సల్టెంట్‌లు, ఫైనాన్సియల్‌ అనలిస్ట్‌లుగా స్థిరపడే అవకాశాలు ఉన్నాయి. కాస్ట్‌ అండ్‌ మేనేజ్‌మెంట్‌ కోర్సును పూర్తి చేసినవారికి కాస్ట్‌ అకౌంటెంట్, కాస్ట్‌ రిడక్షన్‌ కన్సల్టెంట్‌లుగా స్థిరపడే అవకాశాలు ఉన్నాయి. సీఎస్‌ పూర్తి చేసిన వారికి కంపెనీ సెక్రెటరీ, కంపెనీ రిజిస్ట్రార్, చీఫ్‌ అడ్మినిస్ట్రేటివ్‌/ ఫైనాన్స్‌ ఆఫీసర్లుగా అవకాశాలు ఉన్నాయి. ఈ కోర్సు(లు) పూర్తిచేసిన తరువాత పీజీ/ పీహెచ్‌డీ చేసి, బోధన రంగంలో స్థిరపడే అవకాశాలూ ఉన్నాయి. సాఫ్ట్‌వేర్‌ సంస్థల్లోనూ వీరికి ఉద్యోగావకాశాలు ఉన్నాయి. 
    సీఏతోపాటు యూజీ, యూజీతోపాటు సీఏను పూర్తిచేయడం తప్పనిసరి కాదు. యూజీ డిగ్రీ, సీఏలను ఒకేసారి చేయడం వల్ల తక్కువ సమయంలో రెండు సర్టిఫికెట్‌లు పొందే అవకాశం ఉంది. ఈ మూడు ప్రొఫెషనల్‌ కోర్సులనూ డిగ్రీ/పీజీకి సమానంగా పరిగణించాలన్న డిమాండ్‌ ఎప్పటినుంచో ఉంది. కోర్సులు పూర్తిచేసిన వారికి కేంద్ర/ రాష్ట్ర ప్రభుత్వ రంగ సంస్థలు, బ్యాంక్‌లు, ప్రభుత్వ ఆడిట్‌ సంస్థలు నోటిఫికేషన్‌ ద్వారా రాత పరీక్ష, ఇంటర్వ్యూలతో ఉద్యోగావకాశాలు కల్పిస్తాయి.- ప్రొ.బి. రాజశేఖర్, కెరియర్‌ కౌన్సెలర్‌

    Asked By: Lambu Swapna

    Ans:

    You must complete PG in Economics. Generally ask 50 % marks.

    Asked By: Kurva Saraswathi

    Ans:

    Masters in English Literature is one of the popular degrees and career options. Available to students who have completed their undergraduation.  For entrance preparation you should focus on History of English. Starting from Ancient period to Contemporary period. You should have basic knowledge of socio-political and economic background of all ages. Gather all the authentic facts. The complete Coverage of Entire English literature is very difficult and exhaustive work. So divide the syllabus into several categories. All the categories should be studied according to their relevance to the examination pattern.

    Asked By: Ran Kumar

    Ans:

    There are two different fields 1) Analytical Pharmaceuticals 2) Synthetic pharmaceuticals. The first one deals with design and application methods of chemical analysis to a product to ensure that the drug is refined. The second one creates new products and new drugs that makes a less negative side effects with possible less price. In these two fields you can get jobs.
    Generally Pharmaceutical Chemists get jobs in Drug Discovery and Development, Ornanic and Medicinal Chemistry Divisions, Pharmaceutical Manufacturing Division, Pharmaceutical Bulk Drug division and Pharmaceutical Analytical Research and Development wings. Accordingly you can try for these jobs.

    Asked By: Namratha M

    Ans:

    మీరు తప్పకుండా ఉద్యోగం చేయవచ్చు. రెగ్యులర్ గా నోటిఫికేషన్లను ఫాలో అవుతూ అప్లై చేసుకోండి. కానీ మీ సిలబస్ ప్రకారం అప్పట్లో మీరు ఏం నేర్చుకున్నారో, ఆ టెక్నాలజీ ఇప్పుడూ ఉంటే దానిలోని అడ్వాన్స్ డ్ అంశాలపై దృష్టి పెట్టి నైపుణ్యాలు పెంచుకోండి. ఆసక్తి ఉంటే ప్రోగ్రామింగ్ లాంగ్వేజీలు జావా, పైథాన్ వంటి వాటిపై పట్టు సాధించండి. సాధారణంగా ఉద్యోగ ప్రకటనల్లో అభ్యర్థుల నుంచి ఎలాంటి స్కిల్స్ ఆశిస్తున్నారో వివరిస్తారు. వాటిలో మీకు ప్రవేశం ఉన్నవాటిని అభివృద్ధి చేసుకోండి. కొత్తవైతే వెంటనే నేర్చుకోవడం ప్రారంభించండి. తప్పకుండా ఉద్యోగాన్ని సాధంచుకోవచ్చు.