• facebook
  • whatsapp
  • telegram

tg police jobs preparation

‣ ఎస్‌ఐ/కానిస్టేబుల్స్‌: మెయిన్స్‌ వ్యూహం

రాష్ట్రస్థాయి పోలీస్‌ రిక్రూట్‌మెంట్‌ బోర్డు ఎస్‌ఐ, కానిస్టేబుల్‌ నియామకాల్లో మెయిన్స్‌ చాలా ముఖ్యం. దీనిలో నెగ్గాలంటే మూస విధానం పనికిరాదు. వివిధ అంశాలను సమకాలీన సామాజిక అంశాలతో పోల్చి చదవాలి. ఈ తరహాలో ఇప్పటినుంచే సన్నద్ధత ఆరంభిస్తే విజయ పథంలో కొనసాగుతున్నట్టే!

 

ఎస్‌ఐ మెయిన్స్‌ పరీక్ష విధానం
ఎస్సై మెయిన్స్‌ తుది పరీక్షలో 4 పేపర్లను రాయాల్సి ఉంటుంది. పేపర్‌-1: జనరల్‌ ఇంగ్లిష్‌, పేపర్‌-2: తెలుగు/ ఉర్దూ, పేపర్‌-3: అరిథ్‌మెటిక్‌, టెస్ట్‌ ఆఫ్‌ రీజనింగ్‌, మెంటల్‌ ఎబిలిటీ, పేపర్‌-4: జనరల్‌ స్టడీస్‌.

 

పేపర్‌-1: జనరల్‌ ఇంగ్లిష్‌: దీనిలో ఉండే పార్ట్‌ - ఎ, బిలను మొత్తం 3 గంటల సమయంలో పూర్తిచేయాల్సివుంటుంది. టెన్త్‌ ప్రామాణిక స్థాయిలో పరీక్ష నిర్వహిస్తారు.
పార్ట్‌-ఎ: గ్రామర్‌పై 50 బహుళైచ్చిక ప్రశ్నలు 25 మార్కులకు ఇస్తారు. ప్రతి ప్రశ్నకు 1/2 మార్కు. దీనికి 45 నిమిషాలు కేటాయిస్తారు. 1/4వ వంతు నెగిటివ్‌ మార్కు విధానాన్ని ఈసారి ప్రవేశపెట్టారు.
పార్ట్‌ -బి: డిస్‌క్రిప్టివ్‌ విధానంలో 75 మార్కులకు ప్రశ్నలుంటాయి. 2.15 గంటల సమయం ఇస్తారు. ప్రెస్సీ రైటింగ్‌, లెటర్స్‌, రిపోర్ట్స్‌, ఎస్సై టైప్‌, టాపికల్‌ పారాగ్రాఫ్‌, రీడింగ్‌ కాంప్రహెన్షన్‌ ప్రశ్నలకు సమాధానాలు రాయాల్సి ఉంటుంది.

 

పేపర్‌ - 2 తెలుగు /ఉర్దూ: తెలుగు లేదా ఉర్దూను ఎంపిక చేసుకోవచ్చు. దీనిలో కూడా రెండు భాగాలుంటాయి. దీన్ని కనీస అర్హత పరీక్షగా మాత్రమే నిర్వహిస్తారు. అయితే పార్ట్‌ ఎ,బిలలో ఓసీ అభ్యర్థులు 40%, బీసీ అభ్యర్థులు 35%, ఎస్సీ, ఎస్టీ అభ్యర్థులు 30% కనీస క్వాలిఫయింగ్‌ మార్కులు తెచ్చుకోని పక్షంలో మిగతా రెండు పేపర్లను పరిగణించరు.
పార్ట్‌-ఎ: తెలుగు / ఉర్దూ పదజాలం, వ్యాకరణం, లాంగ్వేజీ స్కిల్స్‌, కాంప్రహెన్షన్‌పై బహుళైచ్ఛిక ప్రశ్నలు వస్తాయి.50 ప్రశ్నలు, 25 మార్కులు. 45 నిమిషాల సమయం ఉంటుంది. నెగెటివ్‌ మార్కు 1/4 వ వంతు ఉంటుంది.
పార్ట్‌-బి: తెలుగు/ ఉర్దూ పేపర్‌ను డిస్‌క్రిప్టివ్‌ విధానంలో 75 మార్కులకు ఇస్తారు. 2.15 గంటల సమయంలో ప్రెస్సీ రైటింగ్‌, లెటర్‌ రైటింగ్‌, రిపోర్ట్స్‌, రీడింగ్‌, కాంప్రహెన్షన్‌ ప్రశ్నలు రాయాల్సివుంటుంది.

 

జనరల్‌ స్టడీస్‌కు ప్రాధాన్యం
ప్రధాన పరీక్షలో పేపర్‌- 3 అరిథ్‌మెటిక్‌, రీజనింగ్‌; పేపర్‌- 4 జనరల్‌ స్టడీస్‌ అత్యంత ప్రధానమైనవి. దీనిలో పేపర్‌ - 4 జనరల్‌ స్టడీస్‌ది గణనీయమైన కీలక పాత్ర. దీనిలో ప్రధానంగా దృష్టి సారించాల్సిన అంశాలు:
1. కరెంట్‌ అఫైర్స్‌
2. జనరల్‌ సైన్స్‌
3. భారతదేశ చరిత్ర, భారత జాతీయోద్యమం
4. తెలంగాణ, భారతదేశ భూగోళం
5. భారత ఆర్థిక వ్యవస్థ
6. భారత రాజ్యాంగం - రాజకీయ వ్యవస్థ
7. తెలంగాణ చరిత్ర - తెలంగాణ ఉద్యమం
8. మూర్తిమత్వ పరీక్ష

కానిస్టేబుల్‌ తుది పరీక్ష
ఎస్‌ఐ పరీక్ష సన్నద్ధతకు పేర్కొన్న అంశాలన్నీ కానిస్టేబుల్‌ తుది పరీక్ష (మెయిన్స్‌) లో ఉంటాయి. అదనంగా చూడాల్సినవి...
జనరల్‌ ఇంగ్లిష్‌: దీనిలో దాదాపు 20 మార్కుల వరకు ప్రశ్నలు వస్తున్నాయి. ప్రధానంగా యాంటనిమ్స్‌. సిననిమ్స్‌, ఆర్టికల్స్‌, వర్బ్స్‌, యాడ్జెక్టివ్స్‌, పారాజబ్లింగ్స్‌, సెంటెన్స్‌ రీ అరేంజ్‌మెంట్స్‌, రీడింగ్‌ కాంప్రహెన్షన్స్‌, జనరల్‌ గ్రామర్‌పై ప్రశ్నలు అడుగుతున్నారు.
అరిథ్‌మెటిక్ ‌- రీజనింగ్‌: దీనిలో 60 ప్రశ్నల వరకు వస్తాయి.
జనరల్‌ నాలెడ్జ్‌: ఇందులో 120 ప్రశ్నల వరకు వస్తాయి. జనరల్‌ నాలెడ్జ్‌లో కరెంట్‌ అఫైర్స్‌, జనరల్‌ సైన్స్‌, చరిత్ర - తెలంగాణ ఉద్యమం, ఇండియన్‌ జాగ్రఫీ, పాలిటీ, ఎకానమీ, మూర్తిమత్వ పరీక్ష వంటి అంశాలపై ప్రశ్నలు అడుగుతున్నారు.

 

Posted Date : 16-02-2021

 

ప్రత్యేక కథనాలు

Previous Papers

 

విద్యా ఉద్యోగ సమాచారం

 

Model Papers

 

లేటెస్ట్ నోటిఫికేష‌న్స్‌